三不館車仔麵 (廣福道)

营业中

休息中

無論堂食，外賣；爆唔爆場，水準依然平時食開 腩汁/茄湯/清湯都唔會太咸/太淡，唔會口乾舖頭裝修復古感覺乾淨$3x / 兩餸一麵以咁穩定好味，非常超值希望會推出優惠一人份量小食可以試多d 款式～

車仔麵叫左豬腸，鳳爪，牛腩，蝦卷條腸滷得非常入味，每款餸都好多，不過叫左油麵，就碎濕濕嘅個湯非常好飲，好似煲出嚟嘅湯咁，淨係個湯底都有80分！！值得再次幫襯👍👍👍

今日去左大埔呢頭踩單車，踩完好肚餓好肚餓！！見到呢間好懷舊嘅車仔麵檔，好特別，好有特色呀！忍唔住入左去試下見左兩碗車仔麵✨大腸+陳皮魚旦油麵大腸好入味，好淋！值得試😝陳皮魚旦好彈牙！好耐冇食！！油麵好新鮮，好彈牙好正✨牛腩+辣魷魚油麵牛腩都炆得好淋，但有啲乾身辣魷魚都好足料，好有咬口！推薦☺️醬汁兩配都叫左麻辣汁！小辣都已經好辣如果唔食得辣，可以叫小小小辣仲叫咗個小食💗荽茜皮蛋皮蛋好新鮮 好彈牙！配埋辣汁，好野味！

大埔街坊又岀動喇😜 琴日趁住weekend岀去買定啲乾糧迎接work from home嘅時候 又比我撞正無人排隊終於食到呢間得獎車仔麵🤩 車仔麵喺大埔區真係無乜幾間而且九成都係唔好食 特別係大埔廣場後面嗰兩間😅而呢間喺廣福道大街嘅車仔麵竟然岀奇地好食😋 十大必食推介都係啲比較重口味嘅小食而我今次食嘅蘿蔔係大大舊而且超鮮甜 瑞士雞翼入味而且啲肉離晒骨好易食 蠔油冬菇雖然細細粒但份量都算多 加埋鮮製油麵同招牌嘅得獎川式麻辣汁又麻又香 仲可以買一樽翻屋企慢慢嘆添呀！🔥🔥煮麵落小小應該都好正👏🏻

唔知有幾多年無試過係香港感受到有秋意既秋天，所以今年行山意慾濃厚，雖然知道重陽節正日登山人較多，但都不減登山決定。可惜，當日無乜風，加上正直中午，友人表示好辛苦，結果比預期行得慢左…到達大埔市中心已經2點，為免影響晚餐，所以食車仔面。呢間餐廳修裝別有用心，除左掛上懷舊味濃厚既擺飾外，就連高牆身頂都仿製一排綠色窗花。豬頸肉、牛腩辣汁粗 $32平時車仔麵中意點牛腩，今次都唔例外；中意呢度既牛腩大大舊，唔似坊間既碎濕濕，重點係唔會得肥膏無肉食，食落啖啖肉!! 肉質唔會痴牙，但又唔會太淋。豬頸肉得四薄片，唔係好夠喉….😂肉質帶點爽，正中我下懷。 湯底點左小小辣，但原來我高估左佢，飲湯一D都唔辣。另外餐廳仲有菜脯提供，不過個人覺得只有鹹味同辣味，唔加都得。(碗中既魷魚係友人比我試，幾彈牙爽口)豬頸肉、豬手清湯河 $32豬頸肉、牛腩、魷魚米 $40總結環境裝修得唔錯，食物味道唔算出眾，中規中舉。

我好鐘意周圍食車仔麵 但又好怕名過於實，好多但都係一般般，同埋我覺得如果係要$10 以上一個餸嗰啲車仔麵，係應該要整得好食喎，而家追求嘅係性價比先講環境，之前睇其他 comments 見到d相，都覺得幾得意，現場感受到嗰種懷舊感，非常特別價錢都好合理，好多嘢揀，但今次只叫車仔麵，冇叫小食結果叫咗4餸：陳皮魚旦 : 質地好好，夠煙韌豬腸：好入味，唔會好淋，但又咬得開水魷：我的至愛，唔會好淋 pat pat 豬紅：ok, 質地唔會散晒配辣汁，夠野味 有啲淨係得個辣同咸，佢唔會總結：一碗性價比高的車仔麵，我會繼續試吓不同嘅餸

車仔麵雖然好多種食物，但由於童年回憶嘅關係，我都係揀牛腩，豬皮，魚蛋，酸齋等食物。呢間店裝修幾有特式，走懷舊路線，同車仔麵好襯。好耐冇食酸齋，第一啖就要食佢，食落覺得唔夠酸，唔夠juicy，唔似童年時食果種酸到瞇埋眼，好鬼滿足果種。牛腩都夠腍，但唔係以前成抽成抽就嚟斷果隻。豬皮乜咁嘅，實實在在一塊豬皮，唔係炸得通窿果啲，咬落係彈牙，但我唔係要呢隻囉，陳皮魚蛋聽就聽過，呢次係第一次食，有陳皮味ok嘅，但細粒。到我至愛嘅粗麵，頂吖，不只粗，仲係厚㗎，好似食緊厚切伊麵咁。唯一可以讚嘅係個湯底，有大魚味，差啲飲哂，但我印象中嘅車仔麵唔係咁囉…反而辣菜甫ok，樽裝可樂加$8，兩啖飲哂。撞啱冷氣唔涼，熱到我吖。以為可以找回回憶，點之係災難性催毁...做車仔麵呀，唔好扮做車仔麵呀！

好想食車仔麵，因為唔想同人逼，揀左下午茶時段去幫襯。3餸麻辣手工油麵：豬紅沒怪味，咬落唔會散修修。豬腸夠稔，完全沒有肥膏，可能係急凍貨關係。麻辣豬手，值得一讚，炆得夠火候，一咬就骨肉分離，而且帶有少少椒麻，味道層次分明。手工油麵，麵質幾爽滑唔油膩。今次係麻辣湯底，小辣，有少少麻香，唔會好辣，下次再食可挑戰中辣。而家禁堂食，好多工種嘅人拎住盒飯可以去邊度食，唔係人人都有office返，有公司飯堂，離地嘅人係諗唔到。

車仔麵館來說算唔錯 平時見呢一間餐廳門口超級多人排隊！咁我為咗方便就決定叫網上外賣平台 試吓到底點解咁多人排隊嘅原因。😂😂 咁我就叫咗兩碗一個面底係烏冬另一個係米線(我驚浸得耐會發所以我叫佢將湯同埋面分開裝)。咁我哋嗌左嘅餸就有醬燒豬頸肉、咖喱魷魚、滷水雞翼、陳皮魚蛋、蟹柳、蝦條卷和牛腩。我覺得每一項餸都好入味。👍🏻 係湯底方面我哋叫咗蕃茄湯和牛腩汁，我覺得兩個湯底都偏鹹。尤其是係番茄湯特別鹹😩同埋唔知點解我覺得個番茄湯有羅宋湯嘅味道而唔係鮮茄湯😂😂，不過個牛腩汁湯底係好食嘅。 總括來講呢一間車仔麵啲水準都唔錯，尤其是配料和牛腩湯。但係番茄湯就有少少敗筆之作(可能係唔啱我嘅口味😂)。

平時經過見到有好多人排隊，今次見到無咁多人就排隊試下啦! 店面走懷舊風，由裝修到餐具都充滿濃濃嘅舊香港風味。今次叫咗咖喱魷魚、蘿蔔、溏心蛋配米線，蘿蔔很清甜、魷魚爽口彈牙、溏心蛋充滿醬油的香味，再令我喜出望外嘅係枱上提供的菜葡放題，加入湯底入面加重了咸味辣味，完全係我嘅心水組合。

今日原本計劃去食西餐早午餐嘅，點知間餐廳今日裝修無營業。 時間常早，結果喺附近周圍逛就見到平時好多人食嘅車仔麵今日比平時少人所以就去試一下有咩咁好食！店舖外面裝橫有懷舊feel嘅，姐姐好人，同我講好快就轉枱，等左3張枱就入得去坐。入到裏面都幾有特色，報置都幾仔細連筷子同牙纖筒都係懷舊架～ 我地點左兩個三餸麵，魚片頭、車仔麵其中三寶豬大腸 、白蘿蔔配米粉， 再配個古法辣汁。 再黎一個咖喱魷魚、豬紅，豬大腸配鮮製油麵加金牌麻辣汁。我平時都有去開食車仔麵，深水埗x記、上水x記、中環x尊都有食嘅～ 大埔一直都未有好食嘅食仔麵，等又我今次試下呢間得唔得先～碗麵一黎到， 先講一下份量，一個女仔黎講係夠嘅，男仔就可能岩岩夠喇，要出面補多個豆腐花先夠數！湯底唔會太咸，古法辣汁係車仔麵的經典味道，米粉正常野。 講到主角係啲餸，豬大腸好食，唔臭係合格嘅標準，繼而滷水味可以再濃一點，夠淋身肥美；到我至愛嘅豬紅，豬紅口感好，平時出面食啲差嘅似放嚿膠入口咁樣無雞/豬紅味，如果有食開豬紅嘅人會知我講咩～ 呢間三不管啲豬紅有以前嘅味道👍🏻，好食😋； 白蘿蔔今日唔算甜，有少少渣，可以接受。咖喱魷魚就普普通通喇～三餸一

經常見門口一大堆人等位，一直未有機會試，今日經過見無乜人，終於可以一試。疫情關係都有用膠板做分隔，但因為我只有一人，店員都有安排其他人同我一齊坐。兩餸一麵$32，三餸$40，四餸$48，四餸以外每餸$9，飲品另計。餐單款式不算多，但一般的車仔麵組合都會有。由於是下午茶時間，我只點了豬紅和蘿蔔兩樣，湯底是秘製辣汁小小小辣。起初見湯底顏色，以為是淡而無味的清湯隨便加點辣汁，但原來都幾好味既。蘿蔔夠淋夠入味，豬紅好滑，麵質都好彈牙。總括來說，這一碗麵是值80分的。事實上做車仔麵的店很多，但好味的很少，很多時只是把餸全部淥熟就是。而我因有兒時排檔車仔麵的情意結，所以心中有既定標準，三不館雖然仍未能做到我心目中的兒時車仔麵風味，但以現今的車仔麵作比較，算是合格有餘。題外話，由於店舖地方較細，大家要有急急吃、還要不時被要求調位的心理準備。

平時米線果d食得多，都有一排冇食車仔麵。記得大埔有間車仔麵個裝修行懷舊風，雖然都唔係咩新興風格，但都係令人印象深刻既裝修。下晝點幾兩點黎到，門口有七、八人喺度等緊。愈黎愈怕排隊既我，加上呢個大熱天時同埋餐廳既位唔算多，本身都想打退堂鼓。不過，次次都係咁就次次都冇得食吧，又有幾可可以唔係個個要既排隊既時間黎食麵？喺附近既鋪頭行左陣，番到黎剔埋紙就差唔多。餐廳樓底夠高，佢地利用左呢個高度，將冷氣裝到好高，所以冷氣既可以度數低少少，又可以均勻咁散落黎，又唔會有邊個位吹到凍疆，唔錯。車仔麵都係勝在平快靚正，剔左紙一陣就到左。我揀左蘿蔔、豬頸肉、牛腩同雞翼，一次過試多幾樣送跟腩汁粗麵。車仔麵湯原本就唔係日本拉麵咁樣講究湯底，可能我叫左牛腩，所以腩汁多d，都幾味。蘿蔔冇渣，口感好，雖然香同甜就一般，但唔係某d鋪頭果d糖水蘿蔔，唔錯。豬頸肉比想像中好食，味道整得非常唔錯，夠咸夠香，又唔會太林。雞翼大大隻都入味，係正常既瑞士雞翼。 牛腩同豬頸肉一樣，比想像中好食，夠林夠味，林得黎又有番牛腩帶煙韌既口感，唔錯。麵底正常，份量都係正常。呢個價錢，呢個質素，好評。

見到點餐紙上既星星⭐️當然相信佢地既推薦，總括黎講都既唔錯😍會想再幫襯😳😳員工服務態度店舖裝潢都好好！尤其係裝修，好有民國時代feel😂順住佢推薦嗌湯底係香辣汁，按個人程度揀辣度，其實佢既味道有啲似咖喱🤔另外麵揀左每日新鮮製既油麵，其實就係粗麵，同個湯底好match😝更能食出湯底既味道😍配送嗌佐醬燒豬頸肉同咖喱魷魚，豬頸肉好入味，唔會因為浸係湯而冇味🤔咖喱魷魚都一樣，幾襯香辣湯底👍

精緻的外貌，懷舊的裝潢，這是盛載香港的特色小食----車仔麵餐單設計好可愛，好有心思，自己點餐，先點餐後付款，可以給自己更多時間想想要什麼餐，太棒了餐館內的裝潢是懷舊時代擺設，我超級喜歡這種懷舊的東西，不停周圍望，餐館也播放懷舊音樂，令懷舊感增倍。座位上的枱面會放在辣菜脯，味道辣辣咸咸，好惹味。第一碗車仔麵材料有滷水鮮豬大腸、豬紅、咖喱魷魚、粗麵、金牌辣汁(小小辣)咖喱魷魚好入味，我好喜歡吃，豬紅質感好彈呀，嫩口第2碗車仔麵是醬燒豬頸肉、瑞士雞翼及鮮製油麵，燒過的豬頸肉入口脆嫩，瑞士雞翼超級好味，湯底是美顏清湯，湯底一點都不濃，也沒味精重，整體都好好味，值得食完再食。最後還點炸虎皮尖椒，脆口辣味，好惹味。另外還有辣汁，不過友人說辣醬比較好味一些