三不館車仔麵 (廣福道)

营业中

休息中

講開食車仔麵，最近黑食會嘅大聲就話大埔呢一間食店都幾得喎，叫師傅有機會一定要黎試下，既然講到咁，趁住假期又冇乜嘢做，專登搭車入嚟，食一食個車仔麵，睇下你究竟乜野葫蘆賣乜野藥先得。坐完一程車入到大埔，落咗車之後就搵下間食店，由於身處呢一條廣福道，所以都比較容易搵，師傅唔使用咗好多時間就已經可以搵到啦。入到去食店，見到冇乜人，心有啲怯，但既然黎到，就入去會下佢。侍應見師傅一條友，就由得師傳求其坐。一條友最穩陣就係對住幅牆面壁，之後就攞張紙出黎，睇下有咩好食，再揀下想食乜先。睇住佢張餐單，都有幾多嘢食選擇，有啲係有粒星，有啲就冇星，好明顯星係代表出位野。之後師傅諗咗一陣，決定今次個麵底就揀左個有星星嘅油麵，睇下係咪真係咁好食先，至於餸就揀咗豬紅，豬皮，豬腸，咖哩魷魚，牛腩同埋蘿蔔六個餸，湯底就加咗腩汁再要咗個麻辣中辣添。餐單上邊有幾款野都有粒星，好似豬腸，麻辣汁，油麵等，所以呢幾款都令師傅期待，另外師傅對佢嗰個鳳爪都好有興趣，不過試左呢啲先，如果好嘅下次先再試其他。說是遲那時快，一碗熱辣辣嘅車仔麵就放喺師傅面前。先試湯底，湯底味道幾香甜，都吸引，再撈埋佢個麻辣醬，又係另一番風味，麻辣夠香夠麻

聽大埔朋友講三不館食車仔麵，長期排長龍要等位。我一直無食到三不館，今日行山後，到達大埔，於是搵三不館食一食車仔面。一到門口，無錯係要等，因為店內環境擠迫，店既左面係藥房，右面鐵打館，今日無開，三不館食客左右各一條隊，排隊不一致，原來係要拎飛，然後在門外等，一到號碼，要齊人先入到。即使唔齊人，店員係下一次有位，會立即叫返，唔錯呀！店內有少少傳統裝置！豆卜，蟹柳，豬皮，河粉，小小辣+古法辣汁。除蟹柳外，其餘配合湯底，算好食。酸齋，豬腸，豬頸肉，粗面。最好食係豬腸。我覺得餸份量比較少，突然好掛住超級無敵啊！

前排晏就經過附近做野做完野之後朋友就帶小編去附近醫肚就去左呢間車仔麵呢間位置好近巴士站，行幾分鐘就到十分方便店舖門內外装修得似懷舊風， 夠地道。可惜鋪位比較細，繁忙時間可能要等15分鐘先有位，座位有點逼狹，鍾意食既朋友仔可能叫外賣會更好。😬我一坐低就叫左店嘅招牌麻辣豬手醬燒豬頸肉，金牌麻辣汁，粗面。------------------------------招牌麻辣豬手中式豬手大家都會試過下但普遍都係韌多又唔入味但係我呢次食呢個麻辣豬手 真係夠淋夠入味一定食試下😋😋------------------------------醬燒豬頸肉呢個招牌豬頸肉反而就比較一般不過勝在厚切 同埋有d肉汁排得整齊😋唔會好似某d鋪頭又 有薄切同埋卷埋一舊。------------------------------金牌麻辣汁我叫左小小辣，呢個辣汁少辣偏麻加埋本身個湯底唔係太濃，味道不錯😋😋------------------------------

超鍾意食車仔麵嘅我山長水遠來到大埔三不館，一去到已經見到大約十個人排緊隊，首先攞張飛先然後攞紙劃食咩野，可惜當時門口貼紙豬大腸、陳皮魚蛋、咖哩魷魚已售罄，於是我選了豬頸肉、麻辣豬手、瑞士雞翼、薑汁豬肉丸、油麵和麻辣湯底小辣，等了大約十五分鐘，我們就坐低了，大約等了七八分鐘麵就送上來，很大碗嘅車仔麵，正呀！立刻飲湯底都幾辣喎！突然聽到待應話魷魚有番，於是立刻點多個魷魚，五餸車仔麵盛惠$54（飲品另加$8），不過魷魚冇咩咖哩味，薑汁豬肉丸好薑味ok 喎，豬頸肉夠爽口好大嚿，麻辣豬手有兩嚿一大一小乾淨冇毛好食，瑞士雞翼好入味好食，油麵都ok普普通通咁啦！雖然山長水遠，不過我都覺得值得再來，還有值得一讚門口派飛姐姐很有禮貌好nice

朋友推介三不館的車仔麵今次終於跟她來試試啊～店舖面積細，座位不多今次是平日晚上8時後來到，都要等位約20分鐘～裝潢走港式地道懷舊風！所用的桌椅餐具都好配合裝潢風格！配料選擇都算足夠每款餸劃一都是$8也有各式各樣的麵類選擇湯底除了有腩汁和辣汁外，還有鮮茄湯底清湯就叫做美顏清湯～～但我今次就沒選清湯，所以不知如何美顏！店內設有最低消費兩餸一麵，$30的價錢都算合理～我選了油麵，配料是豬紅﹑咖喱魷魚和酸齋朋友要的配料就是牛腩﹑豬皮﹑豬大腸和蘿蔔另加了一份小食，口水雞口水雞，肉質尚算滑，爽滑的一種而不是嫩滑～油不多，辣醬就很足夠，辣度十足但不會麻！夠香辣！！我那碗有豬紅﹑咖喱魷魚和酸齋選了腩汁湯底，但由於混有咖喱魷魚的咖喱汁，所以嚐不出腩汁的味道是否夠香濃湯底味道不會過鹹就是了！魷魚夠爽脆，咖喱味幾香酸齋的酸度恰好，再滲入魷魚的咖喱汁，幾惹味～～豬紅都OK，夠入味，又夠香，質感滑而又不會散三餸加上油麵，份量都足夠，夠飽肚～朋友那碗有牛腩﹑豬皮﹑豬大腸和蘿蔔後兩者是此店的必食推介～朋友也分了點給我嚐嚐豬大腸夠乾淨沒羶味，不會好肥好油，滷水汁又夠入味蘿蔔夠稔又入味，但不算好清甜牛腩和豬皮普通，不過

有兩位住大埔嘅朋友都推薦呢間車仔麵店所以假日就特登去試下佢啦大概兩點零鐘到啦 雖然過咗飯市不過仍然要等位 筆者同男友兩個人大概等咗十分鐘左右就入得去喇裝飾完全係大玩懷舊風 亦播住啲經典嘅懷舊金曲入面有4張5-6人圓枱 同1張可以坐5人嘅單邊位雖然舖仔細細 但坐入去都唔覺侷促同逼 環境亦都好企理衛生喺等位途中已經拎定張order紙揀食咩圈好食咩直接交俾店員就ok喇✨豬大腸、瑞士雞翼、冬菇油麵（麻辣小小小辣）湯底方面雖然揀咗最弱雞嘅辣度 但對於唔係好食得麻辣嘅筆者嚟講已經好夠皮😛油麵標榜係新鮮自家製 好味不過又食唔出同坊間嘅有咩大分別豬腸入味 不過唔係好夠淋雞翼都好入味 正嘅冬菇就好一般喇 唔係好夠味✨豬頸肉、咖哩魷魚、豬大腸油麵（辣汁小小小辣）湯底就典型嘅辣味 唔鍾意麻但又鍾意辣嘅可以揀返呢個辣汁 都好夠辣豬頸肉唔係薄切 有咬口嘅不過就無乜味咖哩魷魚亦都麻麻地✨麻辣豬手一碟大概5嚿豬手 無論皮定肉都炆得好淋麻辣味亦都好夠 值得推薦👍🏽✨鮮豆漿提返大家 所有飲品都係枝裝或者罐裝飲品唔好誤會豆漿係店家自家製阿埋單總共$112價錢合理 但味道上有進步嘅空間睇得出店住好用心經營 都值得支持嘅 希

Newly opened over Taipo Market, high quality of Hong Kong local street food.Traditional old Hong Kong decoration & food items, with some homemade signatures. Top 車仔麵 over Taipo lately. Like their 口水雞，韓式辣豬骨，自家製辣菜脯，招牌麻辣豬手 very much.Highly recommended 👍👍👍

週末晚上 8 點去到 , 好多人等緊 , 2 個人等左 20 分鍾就有位喇 鋪頭裝修睇得出係有花心思 , 入面有好多懷舊佈置 , 播住 d 舊歌如羅文 , 張國榮 等等有一排 bar 台 (~ 6 座位) , 另外有 4 張枱 , 每張枱大概坐 5 個人餐牌 :食店唔會為客人提供水如果想飲水 , 就要比錢買飛_礦泉水或者其他飲品 🙃每張枱都有辣菜甫同金牌麻辣汁落單時 , 金牌麻辣汁有好多種辣度可以揀 但如果你驚佢設定 ge 辣度未必岩自己 , 可以叫美顏清湯 , 跟住自己加麻辣汁 😏😏鮮沙薑豬手 ($28)呢個係小食 , 大概有 5 - 6 舊 上次車仔麵配餸揀呢款豬手有大概 2 舊覺得幾好食 , 所以就 encore 🤤豬手表面焦焦地 , d 肉好腍好入味 !! 醬燒豬頸肉 + 流心蛋 + 鮮製油麵 + 美顏清湯 ($30)首先想講佢個鮮製油麵 , 食得出係新鮮貨 , 麵質口感岩岩好 , 大家要試下呀 !每碗麵都係有蔥同一片生菜湯底正正常常 , 食完有少少口渴豬頸肉有 4 塊 , 燒得幾香 , 肉質有少少實流心蛋有流心效果 , 但質地偏固體外層滷水好夠味 , 但同時又可以食到流心蛋黃

而家啲人對車仔麵嘅要求真係低左咁多🙈見呢間鋪開左段時間，又見佢正評唔少又有人排隊，揀左星期六兩點黎食。叫左油麵，大腸，豬手，陳皮魚蛋，麻辣小辣加腩汁，誠為$38大腸豬手還可以，夠味但唔淋陳皮魚蛋，未算好食的油麵，食過最唔好食嘅油麵，一啲都唔似油麵湯頭，好淡，加左腩汁都係淡，無腩汁味麻辣醬，有麻，但搞到成碗野油淋淋試過一次便好了。同朋友食完第一次，出到門口評價係未食過咁差嘅車仔麵，所有店家推薦嘅野都唔會拎我覺得係好食。

今日岩岩要去銀行處理一啲野變成一個人獨自食lunch 終於可以試下小店😆😆😆😆平時放飯十幾人根本無可能入呢d鋪仔食野😵😵😵😵內部環境好有舊香港風情😍😍😍難怪開咗咁耐都仍然吸引到好多人打卡😆😆😆历兩餸車仔麵30蚊 以大埔大街黎講算係好有良心既價錢😆😆我揀左豬頸肉拼糖心蛋粗麵😊金牌麻辣汁竟然無油麵我覺得有少少敗筆份量正常 食得飽😊豬頸肉我覺得有少少overcooked 晤太好味糖心蛋上色好靚 但內部無乜味 晤係好入到味 有少少失望本身menu寫鮮豆漿 我幻想係新鮮自家制的點知都係一d pre packed 既貨☹️

好正既車仔麵丫 湯頭好飲麵底爽口配菜足料又好味最鍾意食佢既豬手豬頸肉蝦條鳳爪魚皮其實基本全部餸都整得好好味湯底又正 尐辣又辣得香口又過癮牛腩汁夠味 蕃茄湯一流係爭就爭在地方小 始終人氣面館都要耐心等候

由一開舖到依家都有幫襯， 鋪面嘅裝修已經十分吸引， 十分有古時嘅香港味道。 影番幾張相勁靚。 最重要佢好抵食， 啲姐姐超好人， 雖然成日都好多人等位， 但係都唔會等好耐好快就可以入去。我超鍾意食佢個古法辣汁， 唔會太辣， 唔食得辣嘅你都可以試下， 我通常會嗌中辣或大辣。 瑞士雞翼超入味， 牛腩好軟， 啲青菜都好高質， 蘿蔔超甜超入味， 豬頸肉都好好味。 記得一定要加牛腩汁， 第二個層次。 另外佢個豆漿都好好味， 但係依家好似轉咗樽裝。

位於大埔廣福道的車仔麵店，店內以舊香港懷舊風情裝修，別具特色的小店。由於店內坐位及枱子好少，每次光顧時外面已排了長長的人龍，多數也是叫外賣。外賣等候時間好快，沒有分湯，回家後的湯汁仍然好多人，不致麵吸晒湯汁。幫襯過兩次，覺得最好味既車仔麵餸有炭燒豬頸肉、麻辣豬手、雞翼尖、手打魚肉及咖喱魷魚如愛吃辣者，湯底推介食麻辣湯底。唔太吃到辣，可試少辣。建議店員將酸齋與麵及湯分開裝較為好，避免湯浸到酸齋變色，味道變淡。

首先講講環境先，地方乾淨，餐具整潔，鋪面雖小，但不會迫。亦有一排自閉座位，岩曬一支公。服務一流，不會亂。食物足料，湯底沒味精（食完唔覺得口乾），配料選擇多，豬頸肉超惹味，白蘿蔔超甜，鴨腎超入味。菜餔超好味，比我食左大半。

已經第二次幫襯🤔，都應該食返篇野講講，間店比較細，大約五至六枱，室內裝修是走港式懷舊風，餐碟同碗都有雞公樣🐔好鬼正，多人果時坐圓枱會好迫，坐bar位會舒服好多，***特別係一人前，坐bar位會有最好體驗😂。假期會好多人，講真既。另外，佢既米線都ok，唔會太淋。鮮沙薑豬手，滷水鮮豬大腸，清甜蘿蔔，米粉，招牌鮮茄湯底 (三餸$38+$4)沙薑豬手：細件，無咩肉，皮好爽脆滷豬大腸：有滷味，口感彈牙鮮茄湯底：有唔少蕃茄肉，蕃濃味金牌口水雞 $28：雞肉比較鞋身，唔夠多油 不過好辣🌶，辣友會中意，一般般，期望不要