三多麵食

营业中

休息中

12.18 (Tue)亂打亂撞黎左呢度，估唔到一間普普通通食麵既都有幾多comments。見佢招牌寫菜肉雲吞，就菜肉雲吞，反正冇乜野食得。菜肉雲吞撈麵（＄２１）- 好似有六/七粒雲吞，而且算大粒，味道都幾好。粗麵賣晒，要食幼麵，但好重梘水味，唔得。食完好飽。服務ok，幾有禮貌。

中環的麵店，不問水準，午市時間，間間都會是長龍店，這裡也不例外。本身沒有「排隊癮」，所以很少來。周六的四時許，小休一會，還要工作，就趁這個空檔時間，來吃吃麵。沒有柏葉，就要了鵝腸撈扣底。鵝腸算腸，吃落口感卻很滑，很爽，還隱約有點鹼水味；麵的鹼水味就更濃，難怪下了極多的蠔油。配上薑蔥，又很對味，如果再可以下多些就更好了。同事要了豬潤麵，卻也是澎湃非常，幾對辦。服務不能說是好或不好，因為根本是沒有服務可言的。一檯坐了六個人，互不相識。阿姐拿來麵，高興時就說一聲「XX麵」，不高興時，就這樣放下，同檯食客就眼望望的自行認領，非常正。埋單25蚊，不貴，但真的不知為什麼要排隊來吃。

今日心血來潮想食撈麵,又唔想去到民園咁遠,見呢度次次lunch hour都排大隊,於是就試下佢啦...本來想堂食但係我去到已經有十幾個人等緊,於是就叫咗個鵝腸+豬潤撈麵+腩汁+湯,原本係要黑柏葉,但係收銀姐姐話賣哂,望望錶都未夠一點,唔通真係咁好食定係限量發售??? so先改要鵝腸...鵝腸- 麻麻地,都幾韌...無咩味豬潤- 好得,夠厚又大塊腩汁撈麵- 熱辣辣食時好好味,凍咗d就開始食到幾重梘水味,扣分...湯- ok,味精程度可以接受食到其中一塊豬潤上沾著一條毛毛,好似眼睫毛咁長,唔知係咩毛但願係一條豬毛啦,個心會好過d...$32唔算平,但我會試埋黑色柏葉先收手的...^q^

聽朋友講呢度點正點正.... 尋日即刻去咗買外賣... 行到門口點望都好似啲普通既十蚊麵... anyway 一場哩到都試吓啦...鵝腸河, 湯另上; 豬膶麵; 湯另上...鵝腸乾淨有油香又唔肥, 豬膶起沙又唔韌, 麵河都好彈牙, 麵有少少鹼水味我like... 士油好正, 攪到我碗麵無落湯揾咗士油撈... 好味! 果然好介紹!!!! 外賣都咁正,今日一於去堂食... 個辣士油點野又得,撈麵仲正...黑柏葉豬膶撈麵$30. 扣咗底都好大碟...墊底有好多介蘭... 好甜... 豬膶起沙, 柏業好爽又唔韌...見倒清哂就知有幾good啦!

其實, 呢間舖頭, 真是不錯, 在中環. 我同同事一星期至少去一次, 價廉物美.菜肉雲吞跟其他麵店不同.

事緣我今日下午2:45到三多買Tea,向貌似老細的男人order 外賣: 菜肉雲吞麫走湯加腩汁, 菜心加腩汁, 承惠$24。返到公司才知道漏左杯熱奶茶, 即刻上網揾三多的電話問番。點之登出嚟個電話係錯嘅，正確係2801-6352。接電話的女人話我所買的份量係正價wor，無熱飲跟，我心唸Tea Time 唔買Tea Set 有啲奇怪囉! 跟住個男人聽電話, 佢話佢地開業10年, 日日客似雲來唔會搞錯wor, 我再問佢正價與下午荼價錢的食物有何分別? 佢話正價多1 粒雲吞,咁啱我嗰碗就係4 粒雲吞，跟住佢即刻回應話可能師傅搞錯咗,呢次佢信我wor 加$2 比番杯熱飲我wor, 我好奇怪又問佢為何油菜收$5 加$1盒錢, 油菜正價為$11！根據佢的回應,我的理解係: 我喺同一個下午荼時間買一碗正價麪和一碟特價菜!!!最衰係佢態度囂張囉,食肆東主唔會錯咩??? Tea Set 係跟荼架瑪, 好食唔係大哂囉, 既然你係老闆唔問清楚嗰客order 正價/Tea Set, 都算有D 隱瞞, 更何況佢大聲到話自己客似雲來囉, "中環"的食肆間間都爆啦, 唔知醜! 俾分都有5 個方向啦!!!

既然上一次試過他們的極品鵝腸麵，於是今次就試試另一款同樣比其他麵食貴四元的豬潤麵。下午二時，還未到下午茶時間，於是只是要了一個豬潤麵就算了。等了大概五分鐘左右，眼見豬潤夠大塊，件數亦多，足足有六件呢！一入口，豬潤爽夾香口，再配以附上的辣油豉油，真是美味極了。不過最窩心的，就是當我發覺我大頭蝦到銀包裡連十塊都沒有時，老闆娘竟然說叫我下次幫襯時才付費！！今時今日在繁忙的中環裡，竟然還有一間如此體貼的食店，真的教我很感動呢！只是二十元，買到的不只是食物，還有對待顧客的誠意。（當然，我最後也覺得太不好意思了，趕忙的去銀行提款還給她呢～）

我有次買外賣,買左碗雲吞米同生菜,我就食左米粉先...點知食到中途,比我發現有條毛..我覺得好嘔心..即刻唔想食,但又見唔好浪費d生菜.點知仲恐怖..有隻死蒼蠅係到...唉...搞到我成日都唔想食野,其實係呢度想話比大家知.唔係想搞到人地無生意..只不過係希望佢地都可以檢討下.唔好咁唔合衛生!!!

今日到銀行歸還了一條大數..叫做減少了部份負擔!!專登到這裡..因為有網友說有幸福的感覺我相信幸福是要自己找...叫了鵝腸河..好味的是鵝腸河粉太淋...但會再來..服務生有禮貌幸福是來自於分享..謝謝網友

之前食開三多都只係佢既淨水餃，貪佢大粒得黎見到一隻隻蝦係水餃入面~ 只係落嫌佢內面既肉碎偏「梅」，琴日忽發奇想可能openrice會有講呢間舖，睇完之後先發現原來自己一直未試佢最多人讚既野：鮮鵝腸+ 鯪魚球！今日lunch終於都抵受唔到引誘，去左買1碗鮮鵝腸河+ 細鯪魚球。一直等，就一直發現入面座無虛席，仲越黎越多人，望一望個鐘：下午2:45！仲可以有咁多人，勁！等左10mins左右，終於有我份，於是乎急急腳咁返公司，急不及待咁打開碗粉...嘩！真係好似之前一個食評：好幸福丫！碗粉個面被鵝腸舖到滿哂！即刻夾條點埋佢特製既豉油黎食，正！夾埋葱同埋薑絲真係一流！同尖沙咀佐敦交界個間有得fight！不過我比較鍾意呢度，因為較腍身，同埋鵝腸味香d，最緊要係平！$20/碗咋！不過唯一唔鍾意就係碗粉好油，覺得自己好似吳剛咁~至於個鯪魚球，有4粒，好大粒！仲大粒過乒乓波！咬落去好香陳皮味，同羅富記有得fight丫！不過呢度比較經濟，所以都會係我既首選！下次一定要試下佢個黑栢葉先得！勁多人叫呢！

上週因同事要去gor頭shopping,佢帶我來呢度食,話快靚正,我見到出面有好多人.仲以為冇位,原來係等外賣.我地一去到個門口,個哥哥仔問我地幾位,好快就帶左我地入去坐,又好快問我地食mug,緦之就好快,我食左個菜肉雲吞米,好好食,$16好抵!

我o係中環做野做了一年多.經過一年o係中環既搵食經驗.三多係最好味既.我同同事次次都要食冬菇.煮得好入味仲有黑牛柏葉同牛腩.門口個哥哥仔又好風趣幽默.雖然要排隊等位.$20就可以o係中環食到一碗又飽又好味既麵.真係物超所值!!

出門口食lunch前指定動作就一定係openrice，見網友d相咁吸引就決定會一會。是日叫咗鮮鵝腸米同炸醬麵。炸醬麵水準一般，勝在大碗，而且d醬唔止有豬肉，仲有草菇，做法都算認真！鮮鵝腸米一上枱，真係有一種幸福嘅感覺！好多好多鵝腸，而且入口仲好有鵝腸味！當呢種鵝腸味係深井出名賣燒鵝嘅餐館都食唔到嘅時候，大家真係要好好珍惜！仲有值得一提係佢嘅服務，門口位阿哥真係好醒！

阿Mo強力推介的一間麵店十二點九去到, 都要排o左十分鐘好似除蘭芳園之外, 另一個要排大隊o既食店叫o左個鮮鵝腸麵一堆堆鵝油響碗邊鵝腸夠乾淨. 好鮮又好捻另外添左o個淨鮮牛柏葉好彈牙但略嫌剪得太碎o黎間店一定排長龍, 水準真係唔錯中環的奇芭

前日男友來中環找我吃午飯, 行來行去都唔知去邊度食好,行到成1點9了,終於決定去三多.嘩..成1點9都full哂, 不過好快有位.我食鮮蝦雲吞麵+凍嚀荼, 男朋友仔食鯪魚球菜肉雲吞米+凍奶茶.鮮蝦雲吞幾好味,彈牙,麵軟硬適中,識左一粒菜肉雲吞, 普通, 都係鮮蝦雲吞好味點.男友話整體都幾好.