三多麵食

营业中

休息中

放工走去食平價粉麵做下午茶，唔想食得太飽，費時返屋企食唔落飯！之後，走去德輔中搭巴士總算就腳！叫咗：菜肉雲吞+鮮蝦雲吞米粉 $27雲吞勝在夠大粒！菜肉雲吞 - 有3 粒，以白菜及豬肉做餡，兩者比例均勻，味道得宜！鮮蝦雲吞 - 有2 粒，豬肉及鮮蝦做餡，蝦多過豬肉，原隻鮮蝦落，連蝦腸仍未清理好。米粉 - 只屬一般貨色。 不過，呢餐下午茶幾抵食！

雖然是中環OL帶飯一族.當然唔係次次都有飯帶啦.由於前一晚去韓燒, 理所當然地唔帶飯.但結果因為約唔到人就自己去尋美食了.其實唔喜歡自己一個外出食飯. 好寂寞唷~~獨自在中環街頭逛逛..入去toyrus逛完出黎一望見對面有間賣粉麵的.見門口得小貓三四隻..不假思索就走去湊熱鬧..XDD見舖內已經座無虛席了.. 不用等太久..(孤單寡人嘛)見到我最愛的炸醫麵.. 單併22雙併都只不過27!!!點了炸醫鮮蝦雲吞麵.. (要試當然試兩種啦)我不是喜歡超辣的人(受不了吧.. 什麼麻辣大辣不是我選擇)但少少辣我會覺得幾惹味~=]呢間炸醫的辣我喜歡唷~縱使令我sis sir 個不停..XDDD(變態的說)但值得一推的是超大粒雲吞唷!!真的沙煲咁大粒...不過得三粒..(也許雙併原故)d 蝦好爽 =] 個湯始終都係重味精的.. 食完碗麵超口乾...一放低雙筷就有人收碗.. 又一間趕客的食店...都明白的... peak hour 嘛.. 亦不擋人財路.. 埋單是也。一出門口... well.. 門口又排了十多人.. 真熱鬧..自己一個食會黎呢度.. 舖仔細細.. 一張檯坐六個人...其實呢六個都係自

由於近排洗得太多錢，所以唯有cheap cheap地食碗麵就算。我地叫左一碗牛柏葉麵同一碗菜肉雲吞米。碗牛柏葉麵真係有好多牛柏葉，但佢要成25蚊又合理ge，佢ｄ麵又冇乜鹼水味，都唔錯。碗米由於係最後一碗，所以特別多，ｄ菜肉雲吞好大粒，皮又薄，好味！呢間野原來8點半就收，都幾早，但係夠鐘都仲有好多客入來，佢地又來者不拒喎。有人仲用電話落單，話搭緊車要五分鐘之後入去食，認真巴閉。

中午在中環蘇豪以下,賣粉麵碟頭飯的地方,稍為似樣一點,價錢又大眾化的話,一定大排長龍,砵典乍街的"三多",是其中一個好例子.早前還聽聞結業之消息,結果不了了之,繼續為中環打工一族服務.是日在中午前來,巧妙地避過人龍.價值$21一碗的雲吞麵,與沾仔記一樣,賣的是大大粒兵乓波雲吞.,雲吞包到好像肥佬著中碼衫,餡料差不多爆出來.蝦肉份量比沾仔的更多,肉質爽但欠鮮味,少量的豬肉,沒有一點肉香.麵條算彈牙,有少量鹼水味,湯底沒有沾仔的羅漢味,味道很薄弱.正宗的雲吞麵不是用來填肚,變種雲吞麵則擺明吃到你飽.當然中環上班一族來去匆匆為兩餐,不求高深,但求吃飽.那有閒情去研究雲吞背後之典故?你估個個好像我們,食碗麵都要影相,回家還要寫過百字的賽後報告這般無聊?

數年前在中環工作的時候已認識三多，真的可以用「平、靚、正」三個字來形容~ 告別中環3年後，今年又再回到中環工作，當然不少得到三多補償數年來掛念的感覺~今天叫的是雙併雲吞麵，由於中午時份實在太多人，故叫了外賣，等了十多分鐘，取了包辣椒油便回公司吃。打開膠蓋，看到大大粒的雲吞，3粒菜肉雲吞 + 2粒鮮蝦雲吞，我一向只愛吃鮮蝦雲吞，但三多在4年前改變了我~加了辣椒油，先吃麵，因為擔心浸湯太久會變林。由於一向在三多只吃淨吃，第一次吃麵，很有驚喜呢！麵入口是爽口的，沒有梘水味，但也不會過爽至硬，浸了5分鐘左右才吃，仍沒變烏冬，值得推介！鮮蝦雲吞今天的水準稍為下降，雖然蝦大大隻，爽口依舊，但卻有一種不新鮮的味道~ 與以往水準有別，有點失望~菜肉雲吞水準沒變，咬下去很香菜味，不會太多肉，肉和菜混和得很平均，推介！其實這裡的鵝腸米也是我的心頭好，有機會再和大家分享吧！在中環以這樣的價錢能食到如此水準，幸福是也！

附註:- 附帶的雲吞湯難得沒有味精，還有濃濃的蝦子香味，很好喝。- 用餐期間不斷有人叫外賣，點的都是菜肉雲吞，可能比鮮蝦更好吃喔~ - 另外炸魚皮也是熟客推薦的，保證比外面做的出色。- 店員的服務周到，收店前還細心問每一桌客人有什麼需要。- 唯一要改善的是上菜時間，我等了至少有10分鐘，不知道是否是雲吞的關係；因為點炸醬麵的就很快，2分鐘就好了。- 營業時間只到晚上9點左右，要注意喔~

男友之前係中環番工，大讚依度既"乒乓波"咁大既雲吞，依次就帶我黎試試，點知就見到門口同牆上都貼住結業既消息，真可惜！雖然第一次黎，但似乎都係最後一次黎呢...我同男友一人叫左碗雲吞麵，再加多杯凍檸水~雲吞大大粒，入面滿滿都係蝦，我食落覺得混左唔同既蝦種，唔知我有冇食錯呢?廿蚊有4粒大大粒既雲吞都抵食！我食左一碗都已經夠飽了~

自從炮台山橋底間雲吞麵鋪唔再有一啲大粒大大啖原隻蝦嘅雲吞賣之後，好難先比我揾番間有咁鮮爽甜大件夾抵食嘅雲吞，重有勁好味嘅栢葉蜆芥鯪魚球鮮牛河奶茶.....好可惜，佢做到今個月二十七號就拜拜，個老細又好似無心戀戰咁，唉，唯有吃佢一碗雲吞河，一杯奶茶，一個栢葉外賣($55)同一打鮮蝦雲吞($38)益下我屋企人。栢葉無漂白比較有益，爽得嚟唔似漂白個啲咁人工化，加理啲薑葱鼓油，超正，有時佢會無貨或者賣晒，我今次真好彩。雲吞唔駛我講啦，大大粒蝦多豬肉爽唔鹹鮮甜好味。其實牛肉麵牛筋牛腩都好好味架，一個人食唔到咁多咋。重有啲伙記阿姐都好親切友善，極唔捨得。老細唔做，可唔可以話比我知個雲吞師傅會去邊間做呀？

師傅最近整左個悠長假期, 於是就趁住假期去做一d平時做唔到嘅野啦, 於是就籍著下午茶時間過左中環, 去搵下培哥吹下水, 之後就一條冷去搵個下午茶吃! 但中環區到底有咩好選擇呢, 師傅邊行邊搵, 最後決定搵呢間食店為作為下午茶!入到去冇咩人, 坐底即刻睇下有咩好食, 最後師傅柯打左牛腩雲吞米同凍檸茶! 等左一陣就有得食, 先試下湯底, 清清淡淡冇咩味道, 唔吸引; 而米粉煮得有d硬, 唔腍唔好味; 雲吞得兩粒, 係就係幾大粒, 大到好似乒乓波咁, 皮都幾薄餡亦甚多, 入口蝦身爽口, 不過一d都唔鮮, 而胡椒味亦頗重, 口感都係一般; 而牛腩就柱侯整法, 牛腩炆得就好入味, 加上十分之腍, 少少韌都唔覺, 師傅覺得牛腩好味過雲吞! 凍檸茶又幾好飲, 茶夠凍而且茶味夠, 加上唔知師傅係咪口渴, 所以覺得特別好味!總括黎講食物質素一般, 未算出色, 價錢唔平, 下午茶餐雙拼加凍飲, 埋單三十二 , 未算抵食; 不過黎得中區抵食呢兩個字真係好難用得著! 是次下午茶笑臉未能一比, 而師傅相信再黎機會不大!

同d同事午膳去三多食~~明知多人, 於是十二點半就定去排隊, 其實都唔算要排好耐, 通常2-3 個字就入到啦~~一個人的話好多時唔駛等就入到去tim~~4女一男點了:鵝腸米($24) , 鵝腸面($24) , 鯪魚球菜肉雲吞面($24). 冬蛄菜肉雲吞面($24), 炸醬鮮蝦雲吞撈河($30), 白灼鵝腸($30)d 鵝腸係瘦同爽的, 怕肥的人都可以食, 而且腸同面的比例幾乎係一比一, 好多~~聽同事講話個冬菇幾好味~另外個菜肉雲吞同鮮蝦雲吞都好味~~又試下同事d 炸醬, 係有少少番茄同肉絲, 所以食落就酸酸辣辣咁~~我食o個個雙併面, 鯪魚球好似隻大雞蛋咁大隻,口感就硬身過沾仔記少少, 但係有成三粒,雲吞都有三粒, 淨係食餸都好飽 ... 食埋個面個胃飽到頂住頂住...orz~~~~~o係中環食lunch 平平地的價錢都幾抵食丫~~

7-12-2009是日想食碗粉, 無懼風大雨大, 嚟到呢間迫爆店碰碰運氣. 1:20pm 嚟到, 門口人龍幾長, 不過我一個人好快就「攝」到位, order 的鵝腸雲吞米 ($27) 亦好快有得食.- 米粉淥得有點過生, 食落幾硬, 加上湯底淡淡的, 唯有自行落點辣椒油, 不過辣椒油係得個辣字, 唔香, 麻麻哋.- 雲吞係呢度招牌之一 (?), size 大如乒乓 餡料勁多蝦, 食落亦爽口, 不過欠點鮮味, 又無乜麻油香 / 豬肉香, 唔識欣賞; 而薄薄的雲吞皮遇上「重量級」餡料, 明顯「支撐唔住」, 一夾即爆裂 我本身好鍾意食蝦, 如果雲吞做得鮮味的話,「乒乓」都有「乒乓」好的, 不過而家 d 人成日嫌傳統 bite size 雲吞「太細粒」又「太少蝦」, 但遇上多蝦版「乒乓」雲吞, 又嫌人哋「跌餡」/「包得唔好」, 唔跌的又話人皮厚云云, 都覺得幾搞笑 -- 其實你想點? - 鵝腸應該係另一招牌, 不過淥得過火, 同「爽口」二字完全扯唔上關係; 味道本身係無的, 唯有蘸點另上的豉油, 不過一味鹹, 幾掃興. 食物一味份量大, 環境就 as expected 迫夾; 阿姐

天氣轉涼~想吃一個飽飽的早餐還有時間,走過去三多早上跟中午的情況真的有點差距找個位置,點了心水雞翼米粉+熱奶茶雞翼炸得香口,熱呼呼的~(雞翼只限上午供應,中午的人沒口福了)奶茶味香濃滑~正正!!有員工看見熟客,打個招呼就知道要奉上什麼~這些小店的特色,往往叫人窩心吃得飽飽又滿足~又到上班時間了~

我係中環返工, 今日星期六, 下午二個人去食。我叫左碗雙併雲吞米, $23, 有菜肉雲吞 和鮮蝦雲吞各3粒。d菜肉雲吞好粒, 鮮蝦雲吞都係好大粒, 食唔到雪味。總之, 係好好味啦, 抵食。不過迫左小小, 一張木圓枱要坐成5-6個人。有個三十幾歲的老闆(我估)好好口去招孚客人, 唔該前唔該後, 但背後, 我見到d小小心酸既情景, 中途食緊時不禁令我覺得原來自己好幸福。有個三多伙計夠鐘放飯, 佢坐係我隔離同枱，我八掛望下佢食咩啦, 原來.....一碗河粉加2塊好薄好薄既魚片, 仲有幾條菜。眼見同枱對面有個office lady都係一樣食緊魚片河, 但人地塊魚片成0.8cm咁厚, 仲有成5片。但我隔離位果位三多伙計，佢塊魚片得0.2cm薄, 只有2片, 差唔多半透明, 薄到冇得再薄。果幾條菜呢只得d莖頭, 冇葉既。見佢落好多紅醋係碗粉度食。仲要如果有人埋單, 佢又要走出去收錢，見到佢都心酸, 覺得自己原來好幸福, 因為自己可以有能力去買8粒大大粒既雲吞面，可以坐係度15-20分鐘慢慢食。原來呢個世界上係同一間鋪頭, 食同一樣野, customer 同埋 labour係完全唔同既。我在懷疑,

本人好少黎中環，今日咁啱行開呢頭，又想食番D本地野，一碗鯪魚球麵就合晒我心水。我同太太每人叫左一碗粉，另SHARE 一個炸雲吞。我叫左0既鯪魚球米 有4大粒鯪魚球。雖然個鯪魚球並無其他餐廳食評提及0既'網球咁大粒'，但係都己經好好好夠食... 當然個鯪魚球亦都好彈牙都算係幾好食，同埋以街頭雲吞麵舖黎講，好似己經越黎越少人落果皮。確實，加左果皮粒0既鯪魚球更香更好食。另外炸雲吞大概有8/9粒 (冇計過)，雖則係話炸，但係都唔算好油膩，當係餐前尔吃都唔錯。 當然，餸埋佢俾個甜酸醬就更理想喇。喺CBD可以搵得倒呢D咁有本地特色0既野食真係難得，希望可以KEEP 得倒。仲要兩個人都係收70蚊，都算係幾抵食喇。

Jul 16, 2009 (Thur) Lunch又係夠期去捐血嘅時候 la，約咗CK 食完晏一齊去，近近哋就嚟食個麵算啦！栢葉豬肝河粉 $28呢度係用黑栢葉的，份量頗多！豬肝亦是用黃沙豬肝嘅，厚切3大塊！D餸舖滿整個碗面，上面再舖滿好新鮮的蔥絲，再點一點辣椒豉油，味道特別特別好食！栢葉菜肉雲吞麵 $27菜肉雲吞皮薄餡滿，肉味鮮！『還有鮮蝦雲吞可供選擇』炸鯪魚球 $16 (細碟有4粒)這是我嚟到必點的，係即叫即炸會耐少少，但全是鯪魚肉，唔好似有D鋪頭咁只食到粉！呢度嗰D炸得超大粒，熱哄哄的，仲勁彈牙，點點D蜆介真係停唔到口！門口個哥哥真係好招呼到不得了，極落力，仲非常非常好禮貌添！食緊嘢過程中，發現呢個哥哥仔一段小插曲，就係鄰近有個呀姐叫【菜肉雲吞2份加牛腩】即係3拼 $27，唔知個哥仔點解唔識轉彎，竟然話唔可以2份喎！一係菜肉雲吞 + 鮮蝦雲吞 + 牛腩啦！（咪一樣俾3份餸）激死！一定係做到傻咗！！！仲要碗嘢嚟咗佢望一望先醒覺，HAHAHA 死蠢！