三木日本料理 (已結業)

之前喺經過樓下見到有介紹，就想試好耐啦！終於今日book到枱。一入到去就覺得好好，因為平時放題餐廳D枱好鬼迫.但呢度就好寛敞。一坐低就有海鮮俾你燒（仲要係任燒果隻），服務態度亦好好因為小妹唔飲凍嘢，叫佢地攞唔凍嘅飲料都冇托手踭同兼煩首先講吓海鮮先啦真係有睇頭、又好味！大大隻蜆、鮑魚同蟹蓋之後就到刺身同壽司，因為我哋想食多啲唔同嘅嘢，所以就冇叫咁多款刺身。但下次來一定會再叫多啲唔同嘅試.整體都新鮮嘅最後同朋友都一致覺得最正嘅就係.....蒜香一口牛柳粒～因為超級野味同入口即溶整體呢間真是唔錯！如果喜歡海鮮既朋友一定要來give it a try

今天和老公到尖沙咀吃飯,没有主見的他又要我決定晚餐吃什麼,那我唯有相信一眾綱民的介紹了,見到有部分綱民推介三木日本料理的日式烧海鮮放题,覺得十分有新鮮感,於是馬上去試吃了這裏的刺生十分新鲜,本人覺得好吃的是油甘魚,左口魚以及甜蝦刺生肉類三寶!分別,係燒羊,g牛舌,金姑肥牛卷,十分出色,必食主菜方面材料十分新鮮,至於好不好吃方面,好取決於個人的燒烤技巧!推介鵪春蛋甲羅燒!十分鮮味而片眾多食物之中,最令本人忘的就是這壽喜燒牛肉鍋了!足料!美味!大力推介

媽咪生日，例牌又係我搵地方一家人去食飯，食得多中菜都會想試下其他嘢，上openrice搜尋到呢度好多人讚，一於book位試一試先🤔🤔🤔呢度D刺身唔錯，家人一致喜愛油甘魚，所以壽司都叫左好多油甘魚😂呢度D熟食炸物值得讚一讚，出到黎夠熱，所以好好食，由其個牛柳粒，炒得好香好惹味！因為我唔想飲凍嘢，多口問侍應有冇唔凍的烏龍茶，估唔到佢都好好幫我取，又有禮貌☺️☺️☺️呢度除咗有放題一般的食物外，每人還附送一個＂霸氣十足＂海鮮拼盤可以自己在爐上面燒！及可以自己加調味！全部海鮮都好新鮮，最愛鮑魚及聖子！好鮮甜！餐廳怕客人唔識預燒海鮮的時間，細心到枱上還有一張指引教我們👍🏻👍🏻呢餐飯好滿足好開心，證明我冇揀錯地方！😋😋❤️❤️

今日我乖女帶我黎食下放題，本來我麻麻地放題，因為覺得多數做放題的食物都不是太新鮮，但今次令我對放題質素改觀了！一黎就有盤海鮮拼盤，好特別，鵪鶉蛋係打落隻蟹到再放上炭爐上燒，真係第一次用咁食法，令蟹肉蟹膏更加鮮味濃郁！好少地方海鮮會有鮑魚，真係一間對食物品種要求高的餐廳，而且全部海鮮非常新鮮辣酒煮東風螺，非常合我口味，喜歡食辣的朋友們一定要試下，而且大大份！平時大家去開日式放題多數食魚生，好少食軍艦同壽司，但我極之推介這裡的海膽、芥辣八爪魚軍艦同火炙左口群邊、火炙牛油赤海老、火炙牛油北海道帆立貝壽司，超級好食其實我仲有好多野未食，因為肚皮已經脹到一個波了，所以必定會再來食過！最後我選擇左兩個甜品

同同事諗住放工之後去唱K🎤, 行行下見到個易拉架, 放題加磯燒咁喎, 咩玩法先🤔🤔🤔, 價錢又OK喎, 成人$238坐低梗係先叫d壽司頂下肚先，炙燒三文魚推介，熱熱地，即燒有誠意海產磯燒包括:鮑魚、甲羅、扇貝同即開生蠔，個爐可以控制火喉，海產類可先大火，之後我地加清酒再細火，超正，成個大廚咁天婦羅亦係呢間店超水準的出品，炸粉鬆脆，好似身處日本居酒屋，驚喜驚喜燒烤最好的甜品，當然就係燒菠蘿啦，慢火一轉，外脆內軟，滿足

今日同女朋友行完k11附近就就搵野食，見到呢間日式放題+爐端燒就超有興趣去試下。食物方面有一般既日式放題食物，另外2人一個日式燒烤爐，一set新鮮海鮮。刺身非常新鮮，做好食係油甘魚同帶子。壽司：竟然呢到有真海膽壽司任食。我同女朋友少試牛刀叫幾件試下，新鮮wor, 雖然比不上日本的，但只是不會不新鮮。另類推介：黑松露油甘魚壽司，火炙三文魚壽司，火炙左口魚壽司。串燒牛舌，好食，軟硬適中。鹽燒海蝦，不過不失。一般放題都會面對既問題，就係海鮮既新鮮度，以海蝦最嚴重。海蝦上水後，一般都很快死及頭部發黑。呢到既蝦入口尚算新鮮。海鮮拼盤：非常新鮮配以爐端燒嘅方法嚟燒烤海鮮，就好似喺日本居酒屋到，燒新鮮海鮮黎食一樣。自己控制火候非常好玩。不過好可惜，呢度就冇清酒任飲呢個option, 如果唔係就會有置身於日本居酒屋食嘢嘅感覺一樣。總括而言，三木畀人嘅印象，就好似置身於日本居酒屋食嘢一樣。呢到環境不錯，地方不會太擠迫。

當我做野做到甩哂轆O既時候朋友CALL 食飯約尖沙咀等。尖咀好丫夠就腳, 馬上叫腦細食自己然後收工。去到朋友話放題店坐低左, 心諗:凍冰冰食放題? 去到有驚喜,原來間野主題係自己燒野食, 檯面放左個爐O係度, 然後上大盤海鮮自己燒, 檯面仲有鹽同清酒俾我地自己調味。另外一部份可以重覆叫, 我地最後就食左兩轉蜆同三轉菠蘿仲有多春魚，刺身壽司都足夠新鮮但凍冰冰冇食太多，反而天婦羅真心ok。個蒜香一口牛都好食，相都未影就俾人搶哂😅。甜品方面柚子雪糕唔錯，我地討論緊係咪hand made 。整體感覺不錯，係檯面窄得滯冇乜位放野所以叫得冇咁爽，另外因爲唔係繁忙日子佢俾多左9個字我地，由7點食到10點，否則又叫又燒兩個鐘唔多夠時間。

今天到三禾日本料理晚餐，是因為朋友說想吃燒海鮮，因為她之前在日本吃過燒帆立貝，很想再吃，於是便上網搜尋，看見該店的日式放題加燒海鮮套餐非常吸引於是便立即預約，和朋友一起試試能否找到她想吃的帆立貝，由於已經預約，當天不用等位，可以馬上開始，十分方便！這裹的食物款式很多，先從沙律前菜吃起，之後刺生，壽司，天婦羅，燒海鮮，甜品水果⋯哈哈完美的鋪排這裏的壽司款式也有很多選擇，筆者想介紹的是火炙三文魚腩，左口魚，油甘魚，鰻魚這幾款壽司特別好吃這裹的天婦羅特別好吃，是必吃之選，有着筆者和朋友掙吃的情況出現終於來到了主菜，新鮮的海鮮拼盤，有鮑魚，甲羅燒，蠔，帆立貝，主菜係要自己燒的，故要注意火候，再佩以清酒及鹽使其味道升華！當日的菠蘿十分新鮮，再加以爐火輕輕燒一燒，用熱力將菠蘿本身的甜味完全逼出來的話，可以説是一道相當不錯的飯後果，木糠布甸的小盆栽買相都十分特別，推介

呢排成日食野，食大左個胃，心癢癢上openrice周圍search，見呢間三木幾特別，一於同男朋友試下先！😁慣常動作，一坐低當然係食刺身啦😂😂😂壽司有我喜愛的黑松露油甘魚呀！😍即刻叫左4件咁多😋男友笑我太瘋癲，我笑他為何眼冤😂😂😂炸物我怕熱氣唔敢食咁多，佢就好鍾意食，我見炸得幾好，唔油，咁就由佢啦😋😋終於出場喇！自己海鮮自己燒！有得食又有得玩，仲有指引教我地點樣燒及調味呢！最愛帆立貝及鮑魚，甲鑼燒要自己打蛋落去，好玩😂👍🏻燒下食下時間剛好，呢度甜品款式沒有特別~ 奶凍不錯的~

同老公行完K11, 腳都攰, 老公又唔想食K11裡面嘅餐廳, 咁我地唯有出外面睇下仲有咩選擇, 比我地見到個易拉架, 有放題食, 仲送燒海鮮, 不錯呀坐低指定動作, 刺身同沙律刺身係比較薄片, 唔緊要, 叫多轉沙律又幾fresh喎, 沙律菜幾爽脆再叫幾件壽司頂下肚先, 黑松露油甘魚, 必食, 火炙壽司都可一試燒海鮮終於出場喇! 送4款海鮮, 老公唔食甲羅, 我用蠔同佢交換甲羅!甲羅!甲羅!佢地有說明書, 教你燒, 但我地呢D去BBQ多過食飯嘅人, 當然無問題啦!帶子十分清甜, 最衰無得encore, 又一必食之選甲羅出動! 我呢邊燒甲羅, 老公負責鮑魚, 個爐火力夠, 但貝殼類建議離殼再燒多陣. 甲羅配春蛋, 又OK喎, 不過D糕都略腥, 未必人人鍾意, 鮑魚就我同老公都鍾意, 燒完軟身彈牙最驚喜係天婦羅, 有超水準表現, 拍得住日本追加時段, 蜆, 清甜無沙, 唔錯, 睇住佢開口都幾治癒燒物, 菠蘿當然係首選啦! 不過記得用細火最後食埋個甜品就滿足哂!老公愛雪糕, 我咁LADY當然要cream brulee啦! 面層焦糖太厚, 令到太黏牙同帶苦, 少少失望, 不過老公極讚柚子雪糕,

这家餐厅放题第一次来，周六价格大约270港币一位，相较其他放题比较贵。但是尝试之后，觉得还不错。比较推荐的有扇贝、甜虾，炸生蚝也不错，甜品和饮品的选择相较其他放题也多。另外环境也较宽敞。

中學同學慶祝聖誕節，唔知食乜，放題就實無死啦！乜都有得食，唔使煩朋友介紹尖沙咀三木唔錯，即管試吓！刺身都唔錯，點左三文魚，北寄貝，象拔蚌，甜蝦，帶子等等，全部都唔錯去親食放題我就一定食牛油炒粟米粒，但係呢一間嘅牛油粟米粒冇乜牛油味，又唔夠甜，實在有啲失望其他熱食例如炸蝦天婦羅多春魚天婦羅等等都幾好食，朋友就最鍾意食佢嘅南瓜天婦羅同埋番薯天婦羅啦串燒都幾好味，尤其是燒墨魚咀，認真一流，必食推介最後我哋事先同店員有私底下夾過，如果我哋點甜品嘅時候嗌左芝士餅，幫我地喺上面插支蠟燭，最後芝士餅上咗嘅時候冇蠟燭，然後店員仲行埋黎問我地係咪要插蠟燭，當堂全都人呆左，然後佢講聲唔好意思就走左，好彩最後另一個店員有插支蠟燭係個芝士餅上面俾返我哋補救，咁都好啲如果鍾意食放題嘅朋友可以試吓呢間，價錢唔貴，甚至可以話平，坐得都幾舒服，唔會好迫夾！

第一次食冇飯既花之戀，覺得特別！我很無知地問侍應生點解會有冇飯既壽司？佢就話花之戀係咁既，乜你第二度食過有飯既咩？哦…又上了一課！但整體上其他食物還算可以四人同行一人免費好似幾抵食ps:我地真係好鍾意食花之戀！

我見知道OP有關這裡食評，覺得可以試試，就約了六點到，到了都很少客人。首先一定是叫刺身，刺身都算新鮮，只是第二轉開始，叫10來5之於其他食物中，牛肉粒和蒸蛋都可以。而海膽軍艦就不算好好，只是一般

今日見做完野就早D去食飯，上網找找想吃放題的，便找到這間三木日本料理。尖沙咀這個位置真的十分方便，店舖鄰近K11，很容易便找到。我們6時已到達，特意選擇避開晚飯旺場時段。一入內見地方不算大，但夠寬敝闊落。放題食品款式選擇當然多，一坐下便選了飲品，樂天的忌廉溝鮮奶 香桃味及香蕉味同樣好飲。稍為覺得刺身鮮味不足，可能是太冰的關係。反而壽司鮮味好很多，大家可多點此類食品。手卷餡料偏少，味道尚可。串燒蝦燒得夠香口，雞軟骨也夠味。蟹粥夠綿夠味，這個必叫，但蟹腳太咸不需食，應該是用作吊味而已。總括感覺其實也OK，而且位置真係非常方便，若一大班朋友飯聚，選擇這裡又不用煩惱吃什麼，此處是不錯的地方。