三木日本料理 (已結業)

明明book 左6點鐘開始，早左3x 分鐘上去，打算坐係門口等夠鐘。點知個條服務員趕我地走，仲要話6點正先上黎。但次次上去都塞晒d 人係門口，又冇禮貌❗️可惜我已經落左千四蚊訂，逼住照食。父親節，佢個場居然冇full, 剩左20個位左右。 咁照點野食啦，d 刺身ok la,不過唔夠凍lo! 同埋我地寫最多三文魚，出黎個數少左ge...之後嗌我以前最鐘意的海膽軍艦... 好失望， 冇乜海膽味... 冇再翻點...然後，經過今次，我唔會再嗌咁多壽司，因為 d 飯 好 大 舊... 中晒伏... 差d 食唔晒！ 滿意ge 食物，只有甜品，根本上都幾好食，除左綠茶布甸冇味。 同埋個 黑松露忌廉湯都ok... 仲有牛肉粒都ok..... 之後冇啦，燒野勁咸，清酒蜆勁少加有沙，抄野菜勁油.....最後發覺，唔怪得少左人啦，服務差，價錢貴，但食物水準都差晒

一大班朋友約食飯，唔想諗食咩，食放題就最好，咩都有得食，唔使諗，唔使揀。唔想食乜乜乜，價錢太貴，有人介紹青木，價錢ok啦，6個人有間廂房，非常好，不過book左枱都要等，有無咁多人食啊?放題頭輪當然係狗衝咁叫哂刺身，有咁多叫咁多，樣樣都試，叫咁多，蒞足咁多，無偷功減料。有人同我講，全港日本野既刺身都係得幾間供應商，大家味道差唔多，差在邊個保存得好。好吧, 除左蝦之外，其他保存得幾好，夠新鮮三文魚夠肥，吞拿魚夠鮮美無渣，未係入口即溶，但都溶溶地。喂，唔夠皮，蒞多一輪，都係跟單足料，咁算你啦。跟住當然食串燒，串燒等得比較耐，師傅要時間燒，肥牛金蘑夠惹味，普遍都燒得乾身，冬菇喊味合到好處。雞翼都食左幾隻，辣酒花螺Ok，只嫌不夠辣。朋友仲介紹，青木出名甜品，甜品師傅有心思做，不會太甜太膩，食完返閨剛剛好。人頭2百幾，唔係平, 但性價比ok。

自從上次試過三木的海膽壽司後，驚為天人，放題都有海膽食，值得一食。今日再次來到三木，發現除左海膽外，還有小鮑魚軍艦，可算是回本之選。我喜歡這裡的軍艦，因為紫菜夠脆夠新鮮，看著那像旗幟的紫菜就知道軍艦即叫即造，亦是吸引我再訪的原因。除了刺身壽司外，熟食亦十分不錯。辣煮東風螺勁野味，辣味十足，連平時食中辣的我都覺得辣，食得好過癮。黑松露燉蛋亦十分香滑，又足料，黑松露是神奇食物，放到什麼食物上都可以輕易成為主角，令燉蛋變得不平凡，勁愛黑松露呀！

經朋友推介黎左三木日本料理店，日式放題二百幾蚊都幾抵食，份量十足，又够新鮮！！其中莪最中意刺身拼盤，三文魚，虎蝦，甜蝦，帶子等等。三文魚厚切，色澤光鮮，口感嫩滑肥美，加上鮮甜醬汁恰到好處！甜蝦，蝦肉飽滿大隻，鮮甜爽口，與醬汁芥末搭配回味無窮。

上一次吃過三木放題之後，覺得整體質素都不錯，所以趁住假期前，今次同最愛放題的媽媽去大吃一餐，誓要吃個夠才走！我們吃的是8:30的一round，假期前真的很爆，座無虛席！今次我和媽媽都是主攻刺身，這裡的刺身很夠凍，絕對是新鮮，我最喜歡希靈魚和帶子，有鮮甜味，虎蝦也很爽口，我們一共吃了三round刺身！軍艦少不了海膽，沒有腥味，紫菜夠脆，另外安康魚肝軍艦也很甘香。清酒煮蜆味道偏淡，可以吃出蜆肉鮮味。蝦天婦羅也是必食推介，天婦羅粉不厚，很脆，蝦也很彈牙！芝士年糕也是我的最愛，不過只能吃一件，不然會很飽！這小碟有黑椒牛仔骨、一口牛和黑椒牛舌。黑椒牛仔骨偏濃味，一口牛很稔身，黑椒牛舌很惹味，不怕靭！牛魔王不妨一試！我覺得這裡的燒物都燒得很夠火喉，不會因為要快就隨便燒燒給客人，燒物中我最愛就是雞軟骨，燒得很香口！燒菠蘿酸酸甜甜，很開胃又可以消滯！最後吃完甜品就捧住個肚回家！

放題要食得掋，：1.刺身要新鮮，2.hot dishes要炸要即整or整定嘅熱度要夠中過尖沙咀響葫蘆嘅伏，真係唔係食過好食嘅放題係唔會再去，三木一年前去過，今日係isquare睇完戲就過去食番餐好嘅，今晚嘅食物確有驚喜絕對係因為有海膽而黎，海膽軍艦新鮮，紫菜非常脆口， 絕對係即製，海膽滿滿，而且鮮甜無比，份量更係絕不吝嗇刺身都多嘢揀，不過我喜嗰幾款就係得嗰幾款三文魚， 話係三文魚刺身，但係肥美程度也十分足夠， 有少少似腩位部分，當然冇腩位嘅爽爽同魚油感，但lee個程度嘅放題刺身，真係掋番啦三文魚旁的，白色嘅東東，一般，唔係好食到係咩味嘅虎蝦， 可能我對這種蝦是有種情意結，覺得佢係生蝦刺身嘅蝦，所以係點日本豉油嘅時候覺得有少少怪怪地， 講番個蝦肉，爽爽的但味道偏淡象拔蚌，其實形容刺身既詞語都覺得自己好貧乏，因為只係識講佢爽， 咁e個象拔蚌又係好爽好甜好好食嘅冇錯呢件係菠蘿皮，係我食左舊菠蘿先記得影， 燒嘅時間好好足，菠蘿的糖份，甜味因為燒過，變得濃郁左， 好多水果蔬菜，因為烤or燒過而變得更甜，好似番茄，菠蘿，燈籠椒等等串燒冬菇，冬菇中的水份係烤嘅時候慢慢蒸發至乾身，冬菇好爽，加上小小鹽

朋友剛去完旅行回來，約了在尖沙咀食飯早前在雜誌上見到的，2百幾元食個日式放題，感覺還可以，就去試試吧~地方的確很大，本以為會大排長龍，但入座率似乎不太高~說實在，位置的確有點兒難找，在K 11 河內道頭的入口，還要上樓上的~要不是有地址去找，實在很難發現這間鋪呀~本來位處15樓，應該有開揚的境吧，誰料竟然著大廈維修~@@ 全部遮住了~~日本放題，第一個當然要來個刺身呀~上枱的刺身都放得靚靚的~後來才發現那些貝殼類的切身全收在下面~切身的話還是不錯的，不會感覺很霉霉難難的樣子~就係蝦頭也不是會掉下來那種~ 但也不能說是很鮮味那種，就係放題貨色吧~軍艦方面反而有驚喜!上枱時見到原隻鮑魚仔，大大塊海膽，都係很驚喜的可惜那個海膽有點兒苦味，較失望，被它的樣子騙了~另外2個係新奇的 係魚肝同蟹肉之類~都係貪新鮮試下，本身麻麻LIKE食呢D，感到有D腥~ 呢個北寄貝刺身反而幾有驚喜，切碎北寄貝，一D都唔UN~混埋\沙律菜同醬一齊食，效果出奇的夾~炙燒三文魚恰到好處，外熟內嫩，花之戀是朋友的，看著並不覺得似花呀~本黎生怕水蟹粥是一窩的，但來是一碗，粥底算綿，但無太大蟹味~ 因為一早來了，放到後來已涼

這排做野實在太辛苦了，所以一定要慰勞一下自己，在朋友介紹去"三木"食返過放題先, 環境比一般的放題餐廳寬敞, 唔會好迫, 所有感覺不錯.一上桌係北寄貝及帆立貝沙律, 好新鮮, 清新開胃估唔到放題有黑松露野菌忌廉湯, 味道濃郁.嘩，放題竟然有鮑魚，海膽壽司，鮑魚彈牙爽口，海膽鮮甜，而且好有海水味，好幸福呀。 茄子，溫室南瓜天婦羅好甜美，蝦好大只，而且天婦羅炸漿炸得非常鬆脆。刺身我們幾乎全部叫曬，我以為2 人寫2=2 件，一上桌估唔到竟然有咁多，呑拿魚入口即溶，劍魚腩好肥美，象拔蚌爽口，真係大滿足。火焰三文魚腩入口即溶 & 火焰牛油北海道帆立貝壽司, 帆立貝好大只又新鮮，真係我抔茶 燒物我們叫了鹽燒雞中翼, 雞軟骨串, 豚肉雞軟骨餃子, 蒜香一口牛肉粒, 金菇牛肉卷, 黑椒牛仔骨燒等等, 火喉控制得宜, 香口惹味, 牛肉肥廋適中, 不韌, 明顯所有食物係即叫即燒, 因上枱時還熱辣辣.竟然重有甜品, 柚子雪糕清甜，真係有柚子肉, 好味, 我鍾意.由於食品的選擇比其他的放題餐廳多, 而且食物質素亦好平均, 唔錯唔錯, 即刻把近人的辛勞減輕.

假期最後一天，當然要對自己好一點，就吃放題吧。和朋友晚上在尖沙咀聚會後找吃的，找到了三本日本料理，就在K11商場對面，很容易就找到。餐廳十分之寬敞，一點也不會令你有夾逼的感覺。店員安排了靠近窗邊的桌給我們。晚市$268一位，看看點餐紙，超過十張，食物選擇很多呢由沙律、刺身、壽司、串燒、小食、鍋物、飯鳥冬至甜品帶子、象拔蚌、牡丹蝦刺身都是此價錢比較少見的帶子刺身和象拔蚌刺身鮮甜、彈牙，而且份量蠻多的北寄貝沙律，小碗裝着，份量剛好切粒的北寄貝，與沙律菜一齊吃，口感清爽姐姐還order了海膽軍艦，比想像中味道鮮美，而且肉質飽滿蟹籽軍艦，蟹籽粒粒爽脆，裹着的紫菜隔了幾分鐘都依然脆卜卜燒海蝦，微微海鹽味，燒得剛剛好燒雞腎，幾爽口，惟口感乾身了一點燒牛舌，表面仍帶牛油的香味燒蘑菇，肉質肥厚，咬落仍然juicy的旁邊一串蜜糖燒甜蕃薯，樣子多可愛甜甜的，稍稍煙韧感芝士年糕，無論在哪一間餐廳見到，姐姐都會order的外表炸得金黃香脆，內裡的年糕軟綿綿的，亦有微微嚼勁炸蝦天婦羅，粉皮做得很薄，鬆化，連蝦一起吃，蠻香的抹茶雪糕茶味濃郁，但較為硬身，似雪芭多點甜品的選擇也太多啦，姐姐就是每款都想吃木糠布丁，表

$38 尖沙咀大碗咖喱吉列豬扒飯 大家點睇先？尖沙咀搵抵食好食嘅日本野三木係一個幾好嘅選擇，三木其實係做開晚市放題嘅，近排就出咗午市套餐十分抵食！星期一至五午市供應，最吸引我嘅係呢個＄38咖喱吉列豬扒大碗飯，呢一個碗係大我塊面，載住美味什菜咖喱同埋十分之juicy 嘅吉列豬扒！配上日本米，咖喱十分香濃，帶少少辣，配上蘿蔔薯仔同埋洋蔥，十分足料！叫午餐仲可以額外加錢叫其他小食，今次我哋叫咗天婦羅天婦羅，即叫即做十分新鮮，一客兩件剛剛好！我點左個極上剌身定食，有三文魚，帶子，大嘅甜蝦，油甘魚同劍魚腩，仲有我至愛的海膽！配白飯同湯！剌身很新鮮吸引啊！帶子同海膽都好正！簡單午餐，最抵食嘅一定係咖喱豬扒飯埋單＄42，抵食夾大件啊

今日約左個好耐冇見既朋友，佢只有 lunch time 得閒，又話要食放題，所以就揀左近佢 Office 既地方食。食放題，一定要點刺身啦！ 呢度 d 刺身好新鮮，而且好多冰，最值得推介既係虎蝦、八爪魚、象拔蚌、帶子！另外，我地亦點左串燒 =]全部都燒得岩岩好，唔會燶，而調味方面亦唔會過咸 / 淡味！最中意雞軟骨串、燒雞翼，燒得好入味！　　　另一推介 - 清酒煮蜆！蜆既份量超多，啖啖肉，個湯仲可以飲埋。　　食左咁多肉 / 刺身，要點返個清d 既炒野菜。材料豐富，有椰菜、蘑菇、蘿蔔絲等，不油不膩，好健康！再清d 都有，就係牛油粟米，超中意，我encore 多1次！　壽司方面， 我覺得呢度最正係海膽、吞拿魚、火灸海蝦，佢地都好新鮮！其他壽司就麻麻地，好多地方都食到！最後甜品，點左綠茶雪糕、creme burlee 、奶凍！creme burlee 最好食，甜甜既焦糖＋暖暖既燉蛋，好滿足 =]

星期五晚，當然要食餐好，周圍很多日式放題都滿了，咁岩搵到間8:30入座，所以就即刻來了。入場時，侍應提示我們趕快下單，可以快點有刺物，所以就以地圖炮方式地點菜。看一看點心紙，竟然有海膽軍艦，二話不說點了四件，當然還有不少刺身。初初坐低，海膽軍艦是十分新鮮和好食的，至於後面兩件魚肝軍艦就是好奇心驅使而下單，吃下口感就是綿綿的，要想一想才記得下的是魚肝。這個黑松露海鮮蒸蛋是十分讚的。蒸蛋很滑，海鮮很足料，最重點的黑松露，整體味道大大提升！其後下單的炸物，天婦羅等等上得十分快，桌面亦很快被填滿！熱食方面質素很好，溫度足夠，天婦羅炸得十分鬆香可口；吉列蠔亦熱得燙口，而且蠔身亦夠大！飲品選擇亦足夠，若選用其他品牌，就更符合餐廳的檔次！最後，再下單的海膽是苦的亦是本餐敗筆之處。整體而言，價性比良好，而且在星期五晚BOOK 都有位，十分方便！

岩岩先同朋友講，香港既天氣已經冇左春天，剛剛完左個冬天就已經係夏天，遲d可能連秋天都冇埋。廢話講完，星期六約左好姐妹行街，假期旺區食飯一定超full,訂位是常識吧，不過都真係唔明點解都仲有好多人冇訂枱呢個習慣。。。Anyway~Book左位都要等左一陣，企左一陣愈來愈多人，好彩入得。都係嗰句，出得街食飯就唔好嗌肥。牛油粟米好甜，蟹籽沙律太多沙律醬，辣酒煮螺，仲食到有小小酒香同夠辣。刺身我地樣樣都試過晒，最好食係三文魚，虎蝦，帶子同蝦。三文魚雖然唔算好肥，但文理適中同夠厚肉，虎蝦中size,肉質好爽，沾埋個汁食，正！帶子大粒同好甜，不過佢應該一開二，唔係原粒上，所以我地叫左好多round ，蝦好大隻同好甜，頭係有膏。壽司必叫我既最愛芥辣八爪魚，同海膽！坦白講，黎呢度食都係為左個海膽軍艦！軍艦keep到紫菜係脆，海膽軍艦份量一d都唔少，入口鮮甜同綿綿的，正正正！芥辣八爪魚望落個樣雖然唔討好，但依家係我既最愛，夠嗆夠啃！其他就不過不失。溫泉蛋真係做到嗰個效果，我睇其他blogger話係日本蛋，不過我自己就唔識分喇。食日本野天婦羅不能少，最好食係多春魚同冬菇，好乾身，冇油膩感。燒物只係叫左小小

失望 蜆冇味又韌 刺身完全唔新鮮 特別蝦和希靈魚刺身 簡直一啖我都食唔落 壽司話特長 完全不是 連最基本枝豆都冇味唔好食 雪糕比一碗我時是融融地的 搞到我食一啖唔敢食 係軍艦好DD 從來唔寫評價 但今晚食完真係比得這個價想不到咁差水準

刺身吾新鮮，吾想多寫，刺身五粒星滿分的話只能比一粒星。店主推介蟹粥吾熱，和暖的。蘑菇湯亦都一樣系暖的。味道一般般。酒煮蜆D蜆肉無味道又不新鮮。辣酒煮花螺吾辣都夠膽死。失望。海膽軍艦算吾錯。壽司都一般般。炸物可食可吾食。因為無乜特別。串燒燒得還可以，不過就串燒附帶鐵絲一條，細細條。真系食都要小心。真系對三木呢間放提好失望。一向都吾比負評嘅我都忍吾住。真心希望可以好好改進一下，吾好比d甘嘅食物比人食。 同食垃圾冇分別。十級失望。