三田製麵所 (K11購物藝術館)

营业中

休息中

今日同男朋友去尖沙咀行街，諗緊去食永年定係沾面之際，男朋友嘅選擇係食沾面。佢話好耐冇食過，同埋想轉下口味。咁我哋就揀咗去K11嗰間度食 。我哋去到嘅時候6:30左右，一半人數已經滿咗，我哋食到7:30嗰陣時已經滿晒人，要等位。所以大家想唔使排隊嘅話最好就6:30前要嚟到喇🤓我今次都係選擇食返佢最classic嗰隻款，因為今日比較肚餓🤣所以我揀咗最大嗰隻size嘅面，食完之後感覺係啱啱好嘅。雞蛋好低讚 夠味。 唯一唔滿意嘅係員工嘅服務態度，啱啱入到去嘅時候係四人枱變兩人枱，我見到侍應拍一拍佢地張凳，叫佢拎走雜物，而果一台客人都幾大聲咁話好冇禮貌喎。但侍應keep 住冇反應 🤔咁樣感覺上都幾唔舒服

帶住小B出街，好難食到拉麵。難得黎到尖沙咀，路過見到三田製麵所有BB櫈，好耐無食沾麵啦，對上一次仲係幇襯銅鑼灣店，所以唔洗諗直入。濃厚豚骨魚介沾麵 個人唔介意濃味，直接呷一啖沾湯，非常濃香，魚介味重，質地好厚好杰身。麵就係粗口，剛剛好掛滿湯。叉燒算腍滑，溏心蛋不錯。 蟹肉薯餅  另外叫左一客薯餅小食，外脆唔算油膩， 中間係忌廉夾雜類似蟹肉的東西，味道係不錯嘅。 非常滿足的一餐。以後可以帶阿B來食拉麵了。

最近愛上食沾麵，這間沾麵舖位於K11，住置非常方便，而且環境舒服，位亦寬敞。呢到可以選擇麵嘅份量，雖然除左特大麵量貴少少外，其他大、中、小嘅價錢係一樣，但係可以減少費，所以我好中意呢個安排。午餐有套餐供應，沾麵或拉麵+小食+飲品。可惜一定要三樣叫齊，無得只配飲品。如果食沾麵，就好好揀，只需要揀麵量、辣或不辣湯底，有選擇困難都一定揀到。麵好快送上，我點的係小麵量，配有一塊叉燒，幾片荀及半隻糖心蛋。麵質軟硬適中，仍然係熱，麵無痴埋一堆，好好夾好易分開。湯係濃香豬骨魚介湯，上面有一塊紫菜，湯味好濃，有好香嘅魚味，就咁飲一啖會有少少鹹，不過用麵沾黎食就岩岩好。由於湯有返咁上下濃，所以麵沾湯後，掛到汁，叉燒及蛋亦不過不失。最後叫店員提供熱湯 (定係熱水？)，加到濃湯中，將湯溝淡少少再飲，十分好味。

加大沾麵選了冷的麵條雖然是冷的麵條但也是即煮的煮熟麵條後再用冰水冷卻略凍的麵條沾上熱湯後掛湯能力不俗濃淡可說是剛剛好麵條煙韌偏硬身是最得我心的口感魚介湯味道亦濃蛋,荀就不過不失較為敗筆之處是叉燒僱乾身和韌湯中的叉燒粒也比它好吃點了兩款小食章魚小丸子普普通通(所以照片也沒有拍)反而是雞翼水準甚高炸漿的處理很好香脆的外皮很鬆化表面的糖漿和黑椒粉互相點綴口感和味道層次也相當豐富炸的時間也適中肉質很嫩滑雖然吃了一隻便覺得有點膩但是味道上是不錯的麵條，小食也有水準值得encore

早幾年係大阪食過沾麵令到我念念不忘，可能因為天氣凍，果碗暖粒粒既沾麵一直記到而家。之前係朋友口中得知來自日本既三田製麵所係香港開分店已經有2-3年，睇埋openrice 食評都好似唔錯，結果上星期就去左幫襯。😋三田製麵所係K11 海內道入口，鋪面日式裝修好寬敞，門口位置有清水供排隊人士飲用，感覺細心。沾麵🍜係得兩款：濃厚豚骨魚介沾麵 <辣/唔辣>麵有分3個size: 140g（小）/210g（中）/280g（大）💲7️⃣8️⃣，仲有特大420g （特大）落order 時候店員會問你烏冬想熱食定凍食。我揀左熱食。講返個湯，豚骨湯味+花生醬亦都配搭相當得宜，個湯仲有少許洋蔥絲。烏冬韌度十足，一沾落碗湯，d 湯汁會掛係烏冬既表面，非常非常好味。三田製麵所絕對可以俾我懷念日本時止下渴，但下次去日本都一定會再食沾麵。👍👍👍

今晚落好大雨，收工就諗起食三田，其實佢啲味道都幾好，之前都有梨食開。12點正到步，因為問了店員鋪頭內無廁所，附近又唔識路，再次回到店內已經12:15分，進入舖頭時店員話12:30要清場，15分鐘連上菜得翻15分鐘咁趕？？出奇地係佢門口寫住12:30 last order 1:00close ，我就問店員點解，佢無乜點回應，只係話可以食到12:40 俾多左你地，坐啦坐啦，態度又差，趕住收工咁，截單時間清場時間都討價還價，街市買餸咁？！，門口截單+關門時間可以同門口寫既唔同，咁大間公司都可以咁，好好失望，以後唔會再幫襯

突然間想食拉麵，經過呢間見到有我最愛嘅粗身麵條，一於試試佢啦舖面唔算大，不過樓底都幾高，有埋落地玻璃感覺唔侷促Order咗一個【濃厚豚骨魚介辛沾麵】、一個【三田特製辛拉麵】，仲有小食【三田流手羽先唐辛子風味】。無論沾麵定湯麵都可以揀適合自己嘅份量，我哋兩款都揀咗中size，個人覺得啱啱好【濃厚豚骨魚介辛沾麵】湯底濃稠，粗身麵條有咬口，掛湯力十足，不過略嫌太重口味，唔算味精但可以唔使咁咸叉燒係薄薄嘅一片，肉質尚算嫩滑。【三田特製辛拉麵】麵條較淋身，咬口欠奉，果然幼麵並非我杯茶【三田流手羽先唐辛子風味】其實只係炸雞翼表面灑上七味粉，辣味欠奉，碟底仲有灘油⋯雖然價錢唔貴，不過都唔建議食

同朋友途經尖沙咀 朋友突然間想食沾麵 上openrice就search到呢間沾麵店 見評價唔錯就決定入去試下～我朋友點左一份大份量的沾麵，而我就點左個豬骨湯拉麵～呢到無論要小份量定大份量，價錢都一樣，最適合大食的朋友沾麵到左，先講湯頭，濃郁惹味，而且唔會太咸！麵的硬度適中，粗麵伴著濃湯，相比吃傳統拉麵又有另一種滋味～而叉燒都有兩大片，份量十足到我的拉麵啦～湯底都有濃郁的豬骨味～兩碗麵價錢唔算貴，比價性高！下次會再光顧！

至從係日本食過三田製麵所嘅沾麵後 一直都想係香港搵好食沾麵經過K11 見到依間 再睇下個menu 原來同日本嗰間 一樣就叫左個最基本嘅 濃厚豚骨魚介沾麵 （大） 同日本食到嘅分別不大個味道95% 似 嗰5%係佢冇日本嗰個咁咸我估佢做左少少adjustment入口都係好濃郁嘅湯 好重木魚味頭一兩啖可能有少少唔慣之後就會ok食食下先發展 原來有lunch set menuAround 110 有沾麵+小食+ 飲品我坐bar 枱 佢比漏左個set menu 下次可以留意下

唔開心要搵人傾訴，傾訴要坐底，結果選擇了三田製麵所,感覺地方大大地。差不多到兩點，以為有下午餐，係無既！我地照食，唔想搵地方點左豚骨沾麵，小中大同一價錢，我唔知食到幾多，於是叫左大既小食有餃子，忌廉南瓜薯餅餃子很一般，x方x集都好食過佢朋友叫了拉麵我叫了沾面，沾面一定要點湯既，否則齋食面無味道

三田製麵所質量有保證最近仲出左撈麵 岩哂我口味.香辣肉碎撈麵🌶好大碗唔算辣但好香 肉碎同肉鬆做出2種口感拉麵重麥味 加上生雞蛋 令到麵質更加滑.沾麵大中細同價 麵質彈牙 湯較濃 可加湯滷蛋就比較咸 但好滑好流心 叉燒肉質爽滑

🧨有好味既辣野食👨‍👩‍👧‍👦 唔適合帶小朋友一齊食------------------------------尖沙咀拉麵店太太太太多選擇啦, 間間都係大同小異豬骨湯呀,味噌湯呀甘, 呢間就特別在有花椒味既湯底, 個人認為係夠辣夠刺激架啦 (不過注意就會有少少油份過多)麵夠蛋味, 粗幼適中, 夠煙靭 佢地lunch set 係揀一款拉麵+小食+野飲(特飲再加錢),我食幾次都係炸雞, 呢度炸得好食, 入面唔會太乾身, 味道唔會太覺腌味,不過就太地道無醬跟, 只係會俾一小件鮮檸檬你加汁落去食.

一向對沾麵個感覺都麻麻覺得太鹹但有同事介紹就覺得認真不錯首先 主食款式不多沾麵只有 辣同原味普通拉麵有大約4-5款而且都有飯嘅選擇 但都只有4款左右———————我食的係原味沾麵 中 熱上麵底比拉麵底的粗 感覺更有彈性麵量有小 中 大 選擇(同價)建議女仔都係揀返小/中 因為都幾飽肚而麵都有分冷上/熱上 (冷更彈牙)但熱上黎講都已經超級彈牙沾麵個醬亦都唔會死鹹 真係幾有味————————店內都有不少小食 價錢ok味道沒特別 但都可以叫啲同朋友一齊share炸雞 雞翼真係熱辣辣幾正嘅—————————總括來說三田係令我對拉麵類/沾麵有所改觀 無咁抗拒

尖沙咀拉麵店林立，四處也是等候吃拉麵的人群。今天走到K11的三田製麵所發現等候的人不多，於是便和老公等了一會，很快便能入座！雖然拉麵款式選擇不多，但係每款也很吸引。餐廳以沾麵聞名，我這次便選擇了花椒沾麵！下單不久三分鐘，沾麵速速送上，花椒味很香濃，麵看起來好像很小，但是每一條麵條也是充滿份量，一個女孩子吃了一半已吃不下了。整體來說，這個沾麵真的不錯呀！因為平時香港不是很多地方有沾麵提供，這是一個不錯的選擇！

原本與女友約好到華嫂冰室食晚餐，可惜天公不造美，落雨落到寸步難行，唯有留係K11揾美食，用Openrice搜尋就發現這間三田製麵所，立即起動過去食麵。非常好彩一入去就有位，用膳期間更發現這間店人流不斷，非常受歡迎。睇完Menu就點了濃厚豚骨魚介沾麵及辛辣濃厚豚骨魚介沾麵，其實兩者只係相差了一點辣油，分別不分，但加了辣確實係令人食慾有所增加。另外，沾麵醬汁的魚介味勁香，掛在麵上令整碗麵的味道大大提升，加上糖心蛋亦做得很出色，整碗沾麵確實很完美。我地另外叫了香港限定的胡椒風味雞翼，炸得香醬汁濃，原來與麵一樣出色。這間三田製麵所確值得推薦。