三田製麵所 (K11購物藝術館)

营业中

休息中

曾經在日本吃過一直念念不忘，直到知道三田製麵所開設到香港十分高興。銅鑼灣分店開業時曾經有吃過一次，覺得水準也不賴。今天和朋友一起來到尖沙咀分店。個人認為🔸特濃豚骨魚介沾麵$78最好食。麵條份量有得揀大中小，同一價格。今天比較餓，點選了中份量210g(溫/冷麵條)。沾湯非常濃郁，魚介味好香。豚肉為薄切，夠嫩滑，另配半隻溏心蛋和荀。吃完整碗面後，可要求店員加清湯到沾汁入面，好飲！另外仲叫左黑胡麻雞翼，一樣燒得好juicy好好食！😋😋

K11食乜好成日見到呢間三田拉麵店 都想試下！今晚終於幫襯下！環境都幾舒服！睇下個限定餐牌 鹽味沾麵😬😬通常都係好濃既魚介沾麵，見呢個清啲就試下！味道都ok咼 麵質地岩岩好👍🏼👍🏼不過大食就吾夠食價錢都係甘上下☺️☺️

依家拉麵店嘅價錢好合理，好似我嗌嘅三田拉麵咁，$78咋，出邊閑閑哋都過百啦。佢嘅份量都OK幾大碗，夠飽，味道唔算太鹹，但係可能我哋食開嘅拉麵都係豬骨湯嘅拉麵多啲啦，咁呢個魚湯可能大家會覺得好似味道唔係太突出。依個沾麵都係幾大碗，味道不錯，鹹度適中，同拉麵一樣都好彈牙幾唔錯㗎，不過依隻面就會粗身少少。即場炸嘅小豬扒就真係令我有驚喜啦，真正做到外脆內軟，熱辣辣！正！呢個炸雞翼都係令到我依個平時唔食雞皮嘅人都食埋啲雞皮呀！佢寫住黑椒味我諗住仲會好重口味添，點知原來係甜甜地㗎我係鍾意食甜野既人黎架嘛，所以真係抗拒唔到。間餐廳嘅裝修就普普通通啦都係日式嘅風格，但係都幾寬敞囉，尤其是門口位兩張枱有位擺BB車真係一流！總括來講呢個價錢呢個質素，不錯。

沾面是該店招牌，所以點了，但味道不覺得有太大驚喜，湯太濃。而面質都一般面的份量有三個選擇，大的份量好足，足夠飽。另外都點了其他小食，泡菜和蟹餅，泡菜十分小碟，不划算，餅反而好食！

依家逢星期四都約咗朋友係老地方酒吧敘舊，所以逢星期四都會去尖沙咀。原來我同女朋友咁耐都未食過三田製麵所，所以今次就試吓啦！-濃厚豚骨魚介沾麵其實所謂魚介，就是各式的乾魚。我本身好鐘意食日本麵，特別係烏冬同沾麵。沾麵其實係熱湯底加冷麵，所以整碗麵夠唔夠熱好睇熱湯底有多熱，而今次碗麵我覺得係「唔夠熱」的，尤其食到後期傾多陣計發現我湯底已經凍哂，我喺出面食過沾麵佢哋會特登有一塊熱石整返熱啲湯底，但係今次就冇，所以有啲失望。另外我覺得湯底太鹹，可能嗰啲係魚介嘅鹹味，不過我自己鍾意偏淡嘅食物～-半熟蛋拉麵女朋友真係好鐘意食流心蛋，佢一到食，一到「嘩嘩聲」。今次食嘅糖心蛋係用滷嘅方法整，雖然未算係好流心，但味道足夠。-蟹肉忌廉薯餅完完全全新鮮整出嚟，超級熱。其實我發現食完成舊薯餅係冇蟹肉味嘅，更加遑論搵到一舊蟹肉。但係純粹以薯餅嚟㗎我覺得都OK嘅，再加上忌廉，所以舊薯餅好滑。

久違的沾麵😘記得朋友推介過這間日本過江龍，碰巧在尖沙咀吃飯便走來嚐嚐，據說在日本是頗有名氣的連鎖品牌，自家製粗麵條是其賣點。濃厚豚骨魚介つけ麺 $78小(140g) • 中(210g) • 大(280g)麵條可選「熱麵」和「冷麵」，然而吃沾麵，王道必然選冷麵——冷縮熱脹下，麵條才會更煙韌有口感、小麥芳香更明顯、更能綻放麵條甘甜。而這裡的自家製作麵條確實滑順潤喉，緊實彈牙，只是嚼不出小麥芳香。朋友選了熱麵，其實冷熱分別不大，只是稍微沒那麼冰涼，但同樣保持了嚼勁。然而沾湯味道明顯是過鹹了。魚介味濃，豚骨香不太明顯，裡頭藏了一粒豚肉粒🤣欣賞沾汁變凍後亦不會變得過油而難以入口，溫度的變化意外帶出不同味道，冰涼的食法也很不錯。而配料的溏心蛋、瘦叉燒、荀絲，也有一定水準。然而只能說是一碗合格/還滿好吃的，但各處都沒有驚喜、沒有任何過人之處的沾麵😂😂自家製唐揚げ $38而這間沾麵店，最好吃的竟然是它的自家製炸雞！雞肉新鮮炸起，帶有肉汁、外酥內嫩，真的很有質素。炸雞比沾麵還好吃是怎麼回事…?

早前去到尖沙咀好想食沾麵，所以就黎到"三田製麵所", 次次經過都見到好多人排隊，好彩今次2個人好易搵位🤣🤣排左一陣就入得😃今次叫左 🐽😋濃厚豚骨魚介沾麵👍🏻😍大滿足😃麵質好有口感👍🏻沾麵既湯又吾會太濃，味道岩岩好，每條麵都可以沾上湯😍正😋食完吾會有口乾🤣🤣唐心蛋都好味👍🏻**🍜麵可以選擇份量： 小，中，大，特大 (前三個同一個價錢）

同三個朋友喺尖沙咀行完街，諗緊食乜，突然想食拉麵，朋友話想試吓K11呢間拉麵，去到等左15分鐘就有位，都算好彩最搞笑係其中一位朋友第一次食沾麵，而沾麵係呢間鋪頭最出名，仲可以選擇加大個面底不用價錢適合晒大胃王嘅朋友，就算加特大麵底，只係需要加多$10！我偷吃了朋友一口沾麵，沾麵味道比較濃厚我也喜歡吃！中左3個小食，覺得雞翼好出色胡椒雞翼餃子，蟹肉忌廉薯餅都好好味性價比高，侍應服務都好好，坐得叫做舒服

今日三個女仔shopping完！🛍到尖沙咀搵間野醫下肚！💋之前經過河內道對面成日見到有間大大間拉麵店舖好想去試！🙈每次都只係經過，所以同朋友提議不如食拉麵！🍜去到排隊冇幾耐就可以入去！🥰呢度有沾麵同拉麵揀！🍜我朋友就揀咗沾麵！🍜而我就揀咗拉麵！🍜因為係香港食沾面🍜次次食親都感覺麻麻！😫叫拉麵最穩陣！🍜試咗朋友一兩啖沾麵的確咸左小小！🙈反而拉麵好食！🍜👍🏼仲要係我最鍾意食嘅中華麵！🍜我成碗清晒！😋而我哋都叫咗幾款小食！胡椒雞翼好食！🐔忌廉蟹肉薯餅也不錯！🦀🥔餃子方面我就冇食！🥟因為原來入邊有韭菜的！🙈因為小妹唔食韭菜！整體來講都唔錯！👍🏼價錢方面每人都係除開百零蚊！💵又坐得幾舒服！所以鍾意食中華面嘅朋友都可以過嚟試一試！🍜#三田製麵所

妹成日都話cwb 既山田製面好食，今日一齊路過k11 呢間，決心試一試佢。我要左"濃厚豚骨魚介沾面"($78),妹就要左"濃厚豚骨魚介辛沾面"($80)面既質地黎講就好似硬d 既烏冬，無我之前係日本食過既沾面咁彈牙。湯底黎講佢碗湯唔夠熱，需知道沾面山湯就係要夠熱同埋夠濃味，咁先可以將佢既湯汁好好地掛係面上，湯夠熱應該係基本要求。其實仲有個小插曲，本身我地仲嗌左個小食"三田流手羽先，唐辛子風味". 但係雞翼黎到時一睇就覺得個皮係林既，一d 都唔脆，同menu 張相差好遠wor咩事。好在表達完意見個staff 肯比我地cancel 個小食，唔使硬食。不過呢個小食既樣已經令我地對呢間野廚房既能力產生懷疑。

仲記得有一輪我係好迷沾麵，依家睇返原來都隔左一排無再食😳假日前夕尖沙咀四圍係人山人海，無訂位之下本身想食既餐廳滿座唔接受Walk In😭朋友們就決定去間有得排隊既餐廳，最後都排左成半個鐘，入到去之後要拿拿臨落單，跟住一夠鐘店員就會提醒要埋單，都咪話節奏唔急速👉🏻👈🏻▪️ 濃厚豚骨魚介沾麵💲78 (中)沾麵有三四款，我呢款係小中大同價，女仔通常都係要中既210g，正常係熱湯底加冷麵，不過個人唔特別鍾意凍麵條，平時都好少食冷麵、凍烏冬、凍蕎麥麵等等，所以有得揀凍熱之下多數我都係要熱麵🙈但熱麵出到黎唔係好熱，仲要個湯底本身都唔夠熱，成兜野越食越凍😭湯底尚算濃郁，麵條粗身掛湯度不過不失，另外我一向鍾意食偏硬麵條，但呢個既芯未免太過硬身，呢點我自己都覺得有啲意外，如果凍麵既話咪再硬啲🤔至於叉燒比較乾身鞋口，溏心蛋有滷過既，未算係好流心，但都尚可接受🥚整體少失望，回頭率唔高🔎 整體評分（6/10）🥜：個人暫時都係最鍾意麵屋一燈湯底味道，但記得之前食同樣有唔夠熱既問題，而鍾情於重口味湯底既建議試黑龍，漁場台風或者麵屋一燈既麵質就較為合我心意，西環既彩環境惡劣全餐廳係臭廁所味永世難忘已經比我列入黑名單🤪

早排係網上見到有另一間店推出新口味沾麵嘅片，勾起咗我想試沾麵嘅念頭。本身係打算幫襯個間，但後尾發現價錢唔算平，而且睇食評話個間現時嘅收費愈嚟愈怪。安全起見，都係搵過另一間正常啲嘅沾麵店過下口癮就算。-濃香豚骨魚介沾麵(210g)第一次食沾麵嘅我仲以為湯底同普通拉麵差唔多，但原來係濃稠好多。湯底鹹香濃烈，基本上將麵蘸少少湯已經好夠味。仲可以選擇要咩份量嘅麵，一共分為4個大小，我揀咗中size，但份量都幾多。對女仔而言，可能揀細份已經夠飽。亦可以揀冷麵或者熱麵，冷麵口感幾煙韌有彈性。-章魚丸子一共有5粒章魚小丸子，比起街邊個啲同日本食到個種係細粒啲，但味道又出乎意料唔錯。入口熱辣辣，但外皮煎得好焦香脆口，好似食緊大阪燒外皮嘅感覺。餡料軟糯，粉漿味唔算太重，章魚粒彈牙。

這間店開張到現在一直想試，終於有時間晚上來一試，我們很好彩不用排隊就可以入座，聽聞這家店麵的沾麵好好吃😋所以我一定是選濃香豚骨魚介沾麵🍜味道濃，另一碗就叫了湯麵🍜麵質不錯👍🏻是我杯茶，另外叫了一客唐辛子風味雞翼，味道還可以啦！不算太特別😬

經過好多次，因為weekend唔想排隊，所以嚟咗呢度下午茶。日本餐廳過江龍一半水準會大跌，但鋪頭裝潢、餐牌同店員睇落都有板有眼。店面幾闊落。喺K11隔離，地點十分方便。點咗辛辣沾麵，等咗大概五分鐘。一食落去感覺驚喜！湯底好香，麵韌度啱啱好，有日本既質素。小食既蟹肉忌廉薯餅就比較普通。店員有日本人，加重日本風味：P餐飲亦有幾多選擇。除咗汽水，有蜂蜜綠茶、calpis、烏龍茶等。會再嚟：）下次會試下佢既飯。

平日的晚上人在尖沙咀，9點多時段，不少食肆都就收舖，即去收得比較夜的茶記或拉麵店，行過成日經但從未幫襯過的三田製麵所，主打沾麵，進駐香港好幾年，今次一於試下，呢個時段都係好多人，幸好有3個位唔洗等。 店子環境頗大，樓底高，裝潢以木有系為主，和風設計，光線明亮，我們坐的是吧枱。 Menu，雖然主打沾麵，但仍然都係想食拉麵。 半熟蛋拉麵(中)，$90。 湯底味道濃郁，質感稠身，都幾重口味，半熟蛋嫩滑，大片薄切的叉燒口感軟嫩，麵條口感彈牙。 三田特製拉麵(辛辣)，$80，鯨的。 濃香豚骨魚介沾麵，$70，田會長的。味道正常水準。