三鍋

营业中

休息中

三五知己即興飯聚，今次黎到三鍋滾一滾，無論湯底，醬料定食材，選擇非常多。今次點左個淮山杞子螺頭豬骨湯底，好足料，豬骨非常多且入味，啖湯好濃螺頭既甜味。肥牛係打邊爐必點，肥牛片肉質嫩滑，口感豐富，煮在湯底中後更加鮮嫩多汁。手打墨魚丸及鮮蝦丸不可不試，彈牙爽口。鮮蝦及蟶子非常新鮮，響湯灼一灼就可以食，鮮甜無比。魚頭新鮮肉質鮮嫩，同啖啖肉唔同口感。手工家鄉韭菜餃名副其實皮薄餡靚，隻隻都好足料。冬瓜為整個打邊爐增添平衡，它吸收湯底的味道，同時有冬瓜既清爽口感。

成班同事食飯慶祝，叫咗個象拔蚌刺身，真係超級新鮮，超級好味，爽滑彈口。食完之後就開始打邊爐啦，叫咗個花膠雞湯底，花膠都好足料好大塊，另外佢隻雞都煲得啱啱好，有雞味之餘亦都好嫩滑。

第二次嚟食，上次鴛鴦鍋比個沙嗲湯驚艷到，所以今次單點沙嗲～見到menu有好多內臟，而且竟然有魚腸！！ $68有咁大份算係咁啦😻 上次都有食鵝腸，個口感都好正，好新鮮份魚腸真係不得了。第一次見到打邊爐有魚腸，實在太優秀，優秀到要上嚟打返篇食評！要比更多人見到🤤 有腸有肝嘅香仲有少少肥，充滿魚油香🤤🤤🤤好邪惡但太好食了牛肉嗌咗細嘅手切本地牛同牛舌，個牛舌勁正，有牛味又唔會靭👍🏻個響鈴係即炸，都好正🫶🏻🫶🏻🫶🏻

2個人飯聚，諗唔到食咩好就當然去打邊爐啦～三鍋位處於CWB同灣仔之間，坐位寬敞光猛，岩哂成班朋友上黎一路食一路傾！配料選擇都幾多，任君選擇～湯底方面我叫左最中意既胡椒豬肚湯，雙拼沙嗲；未開始淥野就飲左幾啖湯底，夠惹味呀！邊爐小不了一定要叫墨魚滑同響鈴🔔 墨魚滑打得起膠，調味亦剛剛好🦑四寶丸粒粒各有特色，可以一試桂花蚝夠哂鮮甜爽脆，記得淥一陣就食得，放太耐湯就會無咁好食架啦～手切雪花牛小排雪花分布剛剛好，牛味濃郁之餘有咬口，點埋醬汁食，一流呀～！

平時去打邊爐都係去返連鎖嘅火鍋店，今次有朋友介紹我嚟呢間樓上嘅私房火鍋店，呢間火鍋店地方寬敞，就算兩個人去都係比卡位我哋坐，仲有啲房仔適合一大班人去打邊爐，私隱度高我哋叫咗一個椰子雞煲，佢嘅湯底係椰青水再加埋椰子雞落去煲，好有椰子嘅香味而且比較清，唔會好油，雞肉嘅份量好多，雞味濃郁手切頂級霜降雪花肥牛打邊爐一定要食肥牛，而佢嘅肥牛超級嫩滑好重牛味，但係唔會油膩鮮蝦水餃呢個水餃都係必食，入面嘅餡料好足，鮮蝦鮮甜爽口，如果唔係太飽一定會再叫唐生菜竹蔗茅根，酸梅湯

平日間中都會兩個人出街食火鍋，今日搵左間私房菜打邊爐，都幾期待！見佢雙拼湯底幾抵今次就試咗個香茜皮蛋拼古法沙嗲鍋開頭諗住簡簡單單，估唔到一嚟到個沙嗲湯個味超濃，拎嚟碌牛肉好正啲汁掛晒上去！牛肉我地點左手切雪花牛小排，本身有手切同呢一款揀，不過平時食太多手切牛今次就揀咗佢。食落都唔錯，幾有牛味，同埋幾新鮮。最緊要碌落個沙嗲湯真係好好味，自製勁濃香嘅沙嗲牛！仲有點左個手工四寶丸，一份有四款丸，最鐘意佢既蝦丸，食落好新鮮彈牙，唔錯！打邊爐前我地仲點左個-香脆午餐肉，因為太肚餓，叫咗一款熟食，點知佢仲跟多個醬，就咁食又得， 碌落個沙嗲湯度又得，超好味！叫得沙嗲湯，緊係要叫個麵，點左個平時少啲食嘅淮山麵，本身佢嚟到見到佢好薄以為好細個麵，點知一錄完發大左，都幾多！啲湯掛晒上去食得勁滿足。最後叫個油麥菜，本身諗住清清地碌落去芫荽湯，但最後因為個沙嗲湯底太正，又落哂去沙嗲湯度，好好味，開心嘅一餐！

今日放工嚟咗灣仔嘅呢間三鍋打邊爐，一入到去覺得佢嘅環境同平時見到食打邊爐嘅地方好唔同，佢嘅位置比較寬敞，唔似平時咁侷促，仲有少少食私房菜嘅感覺～～佢嘅價錢唔算話好平，適合想喺個環境好啲同埋食物質素高啲嘅地方打邊爐嘅人，如果有啲預算嘅話，呢部的確係一個唔錯嘅選擇～我哋叫咗個麻辣鍋同埋普通清湯，睇得出佢哋嘅湯底都係好用心製作，絕對唔馬虎！而且淨係個湯底都好足料，即使係清湯都有好多蕃茄、豆腐等等做配料，麻辣鍋就更加唔使講，超惹味～～最鍾意就係打邊爐嘅時候食炸魚皮，索晒啲湯底嘅味道，邪惡得來又吸引手切頂級雪花霜降肥牛，完全係入口即溶，感覺好似係冇咩牙力都咬得到嘅牛，絕對值得試本地白鱔片，一啲都唔腥，仲極新鮮！

要數有多久沒法在晚間外出用餐？我數不到，總之現在可以就立即約朋友去打個邊爐啦！位於灣仔及銅鑼灣之間的三鍋，座位超級寬敞又舒服，一班朋友來就最適合。醬料有需要就可以加，有多款選擇。湯底選擇多，我點的椰子雞煲是真的直接用椰子水作湯底，加上一條條新鮮椰子肉。湯滾起先喝碗椰子湯，既清甜又滋潤。新鮮雞件更為湯增添鮮甜味道，每件雞都是大大件的斬件，滿滿的肉量多，質感嫩滑。沒想到雞皮吸收了椰子味超甜，讓我忍不住吃了點，好邪惡呀！上菜速度挺快，慢慢地邊聊天邊享受食物甚是寫意。他們的肉類賣相都很好看，牛舌薄切大大片，片片深紅色紋理分明，只需十多秒就涮熟。牛舌入口有著清爽的口感，味道甜中帶有香濃牛味，好正。黑豚豬梅肉色澤紅粉，脂肪分佈平均又不會太肥，涮熟後入口柔軟嫩滑，味道酥香，很有驚喜。雪白的墨魚滑打至起膠黏黏的，用匙舀成小塊下鍋就好。爽口彈牙的質感加上青蔥後更為提升，也更突出墨魚肉鮮甜的味道。脆鯇魚腩也是用了新鮮的材料，色澤粉嫩，看煮熟後會彎曲起來就知道了。魚肉十分厚身，味道鮮甜口感清爽，根本不需要用薑絲，真的很新鮮。響鈴則是有六大卷，夾起來時已聽得出它十分酥脆。我的吃法是只放湯中涮三秒左右就取出，半

足料靚椰子雞鍋專門店話說當天係山頂行完街,落返銅鑼灣去食晚餐,去左三鍋,呢度價錢唔貴食野服務都一流人多仲可以包房好多款新鮮食材都係自己包,好多丸,餃都好好食野飲又唔貴,都係十幾蚊支起湯底有十幾款,招牌必食椰子雞3粒星推介先飲椰子雞湯,再食雞肉,一雞2食,雞湯鮮甜好飲順口滋補,雞肉鮮嫩啖啖肉夠嫩香最後再加湯打邊爐,食左隻雞都6成飽,叫左款西班牙豚肉片同埋餃子已經好夠食餃子皮身香薄,餡料飽滿豐富,口感清新好好食豚肉片肉味濃郁加埋少少脂肪,火鍋肉片最岩食佢平均消費$300環境一流坐卡位,服務出色送菜快#三鍋 #椰子雞 #雞煲 #火鍋 灣仔告士打道229-230號宇宙商業大廈2樓#灣仔美食 #銅鑼灣美食

閒日屋企夜晚無煮飯，同呀媽2條友碌左出CWB呢間私房菜形式既餐廳打邊爐。2個人食左6百幾蚊，食到勁飽🤰🏻古法沙嗲鍋 $98湯底真係好香沙嗲味，仲要落左好多娃娃菜美國特級安格斯雪花肥牛 $198雪花幾靚，肉好嫩牛骨髓 $68自從上一次去打邊爐試左呢個之後就愛上左，無乜味，但個質感太得意啦，又滑又軟，連我呀媽都話鍾意❤️牛黃喉 $58呢個又係食個口感，爽口煙韌濃汁牛丸 $88我呀媽另一最愛，咬落去中間好juicy，佢話係出邊買唔到呢隻牛丸😂鮮蝦水餃 $78大大舊蝦肉，幾彈牙皇帝菜 $48而家打親邊爐都會嗌皇帝菜，夠新鮮豆卜 $38豆卜索曬個沙嗲湯，正👍🏻

朋友說很久沒有吃火鍋，所以來到三鍋全層都是三鍋，地方寬敞，還有獨立的房間，環境不錯。黃金花膠湯 $298湯底也十分重要，所以選了黃金花膠湯真的沒有選錯！金黃色的湯底，包半隻雞。還有花膠筒及金華火腿，十分矜貴未開始正式打邊爐前，先喝喝湯，雞味十足。記得記得！是打邊爐前起碼喝兩碗湯，後加湯味道不同的。花膠筒尺寸不少啊！喝完湯後，職員把雞切開，很厚肉，看得出不是冰鮮雞，雞肉滑。單是湯底材料已經一到很滿足的餸菜。本地手切肥牛（小）$288有大及小份量，我們2人吃，小份量都，都不少啊手工四寶丸 ：墨魚丸、鮮蝦丸、鯪魚丸、牛肉丸是新鮮自家製的，所以很彈牙，夠新鮮聖子皇$78 /條這裏有多款海鮮選擇，但湯底的雞和牛肉，已經令人很滿足，所以點聖子皇。油麥菜 $38醬料餐牌

今次係OP亂搵到嘅呢間打邊爐餐廳，真係一大驚喜！呢間餐廳係一座大廈入面，唔算好易搵。嚟食個日係平日晚，唔算好多人。第一次嚟，唔知咩最出名，就揀咗個自己最鐘意嘅椰子雞湯($228)。坐咗一陣，好快個湯底就到，本身醒唔起會有雞食，見到有雞到超開心，仲要大部份都係雞脾位！姐姐幫我哋煲咗一陣椰子水先放雞落去，呢個造法比較少見，通常都係一次過連雞煲。煲完之後即刻試下個湯底，真係超！級！甜！我諗係我飲過最好飲最甜嘅椰子雞湯，同朋友一路飲，一路大讚！耐咗就多咗油脂，但個湯底都係好入味好正！見到呢度小食居然有煎咗嘅午餐肉，即刻叫個嚟食！餐廳仲俾埋沙律醬，好正！因為而家有雞，我哋再叫咗個細嘅頂級霜降雪花肥牛($258)就夠，牛都好入味。最後就叫咗好健康嘅油麥菜+娃娃菜雙拼(係呀，佢有得幫你雙拼勁好)同埋淮山加蘿蔔！好滿足嘅一餐！真係下次再嚟都會叫呢個無得頂嘅椰子雞湯底！

座落地點絕不顯眼,只適合識途老馬,但就是喜歡他這種穩秘又高質的火鍋店。店面只有五六張極寬敞的卡位座,其餘四間是靠窗的私人包廂。這種環境已給人極Chill的感覺。今次專登食清減些,要了個皮蛋芫茜鍋,極重芫茜味,肉類只點了一客西班牙梅豬肉,當然水準絕不令人失望,另外海鮮類要了白膳片和魚嘴及魚鰾,很新鮮,他的手打四寶丸和秘製西洋菜餃是必試的,還有即制響鈴。蔬菜類要了鮮淮山和油麥菜,簡簡單單的配料,但在這閒靜環境慢慢享用已經是大滿足。

限聚一聲令下，好像不想停下來似的，香港人人心惶惶，每天都擔心自己受感染，瘋狂到每日自己以為自己是醫生般自己檢測，更甚者四處鬧人戴的口罩位置不正確，卻不發現自己每天所看的所謂新聞，都只不過是電視台的一齣連續劇。晚巿恢復，腦海第一種出現的食物，一定是被限聚令限制得要很的香港第一美食：火鍋，可能等得太久，生怕會突然間上火，湯底特意揀選了香茜皮蛋火鍋湯底，希望不會太熱氣。當湯底的水溫達到沸點的時候，就是肚皮內打鼓聲最響亮的時刻，一口氣點下了多款火鍋美食：手工家鄉韭菜餃，手工鮮墨魚滑，台式鴨血，豬頸肉，油麥菜，金菇菜，手打烏冬……每項都是火鍋的好伙伴，如果餐牌上多加幾款清熱解毒的飲料，甚至是任飲，我一定會再來！

突然降溫，就好想打邊爐。難得上網見到有人話三鍋唔錯，今日一去，果然值得試試。首先座位好寬鬆，比起一般火鍋店叫幾個配菜就已經擺唔落，好好好太多。今次試椰子雞煲。先用椰子汁以及椰子片慢煮熟雞，先飲兩碗清甜湯頭。成個人暖曬。湯底不會死鹹以及很假的人工甜，是那種清澈，尾韻悠長的那種清甜。一人最少三碗起跳。及後店員幫你加入濃湯，再吃剩下的雞與配菜。很推薦兩樣食材：1.羊肉。重羊味，有點淡淡騷味。愛的人自然會很愛。2.西洋菜餃。自家製，選取西洋菜較為嫩的地方，只是以西洋菜為主體的餃子。在有點飽且膩感剛到的時候，給你一個100分的清爽。