三陽號食品 - 嘉咸街袁太

营业中

休息中

之前上網睇過喺上環有一間七色砵仔糕,咁啱經過諗住去試吓，💚三洋號食品-嘉咸街袁太💚，原來佢主要買嘅係賀年糕點，其次就係上海食材比較多，當然懷舊美食，同其他糕點一定會有啦，呢度嘅鋪面唔算好大，不過買嘅多數都係口立濕同食等，而我就買咗呢幾款返去試下🌈經典砵仔糕 $9 ：其實價錢我覺得係可以接受，同埋佢哋嘅賣相睇落都唔錯，同埋有超多味揀，不過砵仔糕真係有啲失望😩，其實佢所有嘢都比較淡，唔會好甜，反而我又覺得OK可以接受，不過佢淡到接近冇味咁滯😨，好似🤍白色嗰款咁，唔食真係唔知佢係有味喺度，好似食緊舊粉咁，完全食唔出有茉莉蘋果呢兩樣嘢喺度😩😩，只係得💚 斑蘭味係稍為食得出，不過都唔係好濃，紅豆比較少，整體砵仔糕係絕對失望🤍茉莉蘋果🤎蔗糖💛金盞菊💙蝶豆花💚 斑蘭💚斑蘭年糕 $20 :另外一款係斑蘭年糕,呢一款食落又唔錯😋，煙煙韌韌嘅感覺,味道都幾出👍🏻👍🏻,不過可以轉下個包裝,真心麻煩,佢痴晒喺個盒度💛馬豆糕 $9 :另外呢一款馬豆糕都係比較淡😩,味道一般,馬豆都係比較少😒,不過賣相都幾特別🩷話梅薑 $50 :另外買咗一細色既話梅薑，其實真係有啲貴，佢有一款係大包裝，不過食落啲薑超辣，唔知係咪咁

今日經過上環順便買酸齋回公司，回到公司即時食質地偏軟，不似其他地方的有口感，味道較淡而偏酸，以為是買時在雪櫃取出才之前食其他的質地不同，翻熱後再試，質地及味道也是一樣，賣$40元很失望，不會再回購。

🤍💚🤍味道太淡🍭性價比低早已聽聞中環有一間七彩砵仔糕好岀名，岀名在七彩顏色多選擇😆即然行開中環，當然要去睇睇！店舖環境唔大，以賣食品、乾貨為主，行到入去會見到唔同食品擺咗喺盤上😗好可惜七色砵仔糕得返3隻色🥲不過一場嚟到都要買啦！💚斑蘭砵仔糕💚 $9我知斑蘭係咩味 但依個真係食唔岀斑蘭味🍃口感都係普通砵仔糕彈性又帶點軟糯，紅豆數量唔多🫘只係topping 嗰層有豆豆😗🤍茉莉蘋果花砵仔糕🤍 $99蚊一個嘅砵仔糕，如果好食又冇咩所謂嘅！顏色係白色，就好似白糖砵仔糕嘅色，冇咩特別🫡味道方面，茉莉蘋果花味道好淡好淡…比例有啲似1啖有糖茉莉蘋果花茶:10啖水嘅味道😔冇咩特別，9蚊買一個「茉莉蘋果花砵仔糕」真心唔值😫同食白糖砵仔糕分別唔大…當然口味依啲見仁見智，我覺得淡時有人會覺得just right 😬有興趣買其他色打卡都可以try try嘅🥰📍三陽號食品 - 嘉咸街袁太📍中環永吉街11號永享保險大厦A舖

有一定歷史的店，出名係彩色砵仔糕，成日都好想試但又冇去買到，原來大大話話已經講左十年了wwwww，今次假日順便行過去買來試下先。因為太受歡迎之下得返玫瑰味，但我又咁岩就係想試玫瑰味，除左缽仔糕外，仲有不少傳統糕點及雜貨。玫瑰味砵仔糕，$9，粉紅色，搶眼的賣相，食落有淡淡的玫瑰味，但唔算好突出，冇乜米香，口感軟糯，多豆，少甜甜，味道普通。價格上有點貴，但幾有特色當試下。中環永吉街11號永享保險大厦A舖

早前為食貓見到電視介紹呢間標榜純天然既彩色砵仔糕由於為食貓好鍾意食砵仔糕，所以就即刻去買黎試下😂老闆娘自創左幾款有花香味既砵仔糕，而為食貓當日就買咗✅斑蘭、✅玫瑰、✅金盞花、✅碟豆花、✅黑糖原味，呢5️⃣種味道先讚吓先✴️D砵仔糕非常大舊，同埋好多紅豆，一啲都唔吝嗇👍🏾而且個糕都算煙靭但‼️為食貓試過一次都應該唔會再買因為除咗斑蘭同玫瑰之外，其他都食唔出有味道🥹而個斑蘭雖然有味，但好淡亦都唔算好香😞只有玫瑰算叫好出味。佢本身砵仔糕既米味同樣都唔夠香另外，上網睇好似以前賣$7，但宜家加到$9有d唔值呢個價錢而香港其實有其他舖頭整既砵仔糕更好食，同埋價錢更相宜所以上網對佢既評論真係有d名過其實

喺電視台睇到介紹砵仔糕咁啱喺正公司附近雖然行過去都有啲遠要三個字仲要三十幾度好耐冇食過砵仔糕啦對上嗰次食應該係小學的時候咁啱介紹話係全香港最好食佢最出名係七彩砵仔糕最後揀咗原味同埋山楂味 原味比較實淨以前食開嘅味道山楂味嗰個口感比較軟身， 彈牙食落去係有陣花香味 我自己食唔慣味道有啲怪不過一次半次過下口癮就冇所謂啦

不同款式的糭放櫃面，沒有説明餡料及價錢，問一位阿叔佢話唔知，要問隔離果位女士，果位女士指向一張掛在架上的小單張，字很細，只有上海糭，隔離有張其他糭的單張，但沒有價錢，我話想要龍兜糉，佢話賣晒，咁我問佢其他一款糭幾錢，剛好有一顧客埋嚟話要四隻糉，果位女士竟然同我講‘唔好嘈’，兜口兜面俾人咁話都係第一次。其實當時店鋪人唔多，唔算忙，使唔使咁巴閉？如果嫌顧客煩，請把糉的款式及價錢好好標明。咁嘅態度，絕對唔會幫襯。事後我有懷疑唔標價錢係咪方便日日改🙄

上網見到呢間有賣唔同顏色嘅砵仔糕，於是就嚟試吓。睇住地圖去搵都有比較難搵，去到先見到得三種顏色，包括普通嘅啡色同白色，比較失望。每個要$8，size唔大，比較貴，紅豆嘅份量都ok多，但會偏咗一邊，唔太平均分佈。味道方面，最好食嘅係啡色，白色會比較無味，藍色就貪佢比較特別同靚，味道就冇乜特別。不過$8一個就性價比比較低，同區會更抵食嘅選擇。試過一次就夠，如果有多啲顏色就好，見到其他人買到綠色同黃色。

到了地址找不到店舖，因為被其他店舖擋著。要到大廈問問才找到店舖。不易找。很多食材和小吃和零食，價錢不算便宜，又沒有食用日期表明，不敢試。主打想試糭，買了一個盧兜糉，原來是計重量，要磅重，幾大隻，但要$173，貴，超貴。既然到了，買來試試吃。回到家，滾水蒸了30分鐘，內部才僅夠熱。不過重點是祇有糯米，豆，少量咸蛋。雖然不多味精，整體味道非常’寡’，而且祇是多豆和米…….. 超貴，超不好味，完全唔值。一定不要買…….盧兜糉⋯⋯不用試。搶錢。酒店價錢，地舖還差的味道。

永吉街袁太的粽早已聞名。不多到港島，就抓緊機會。很想提提，竹葉的清香十分誘人。個頭是夠大男人一頓飽的。這個是綠豆鹹肉粽。照片是我在家吃之前拍的，卻跟店內展示的照片九成以上相似，叫麥記肯記漢堡包快餐店汗顏。煮好後，白胡椒味混著竹葉的清香撲鼻而來，令人垂涎三尺。綠豆清香、鹹蛋黃鬆化、豬肉也醃得入味，雖然略覺瘦了點點。很多中式烹飪材料都可在這裏尋寶，什麼菜乾、新會老陳皮……，一應俱全。棕在店內即包即賣的。誠意推薦大家去尋尋寶。

推介值得一試砵仔糕😋好耐之前見網誌介紹藍色砵仔糕，想試又唔想刻意揾，今日就無意中發現左佢啦^^，店舖需大，但唔搶頭，可能要揾揾我諗都無諗，一氣就買左5個，鐘意食砵仔糕，無諗過會唔會唔好食，實在比頻墅色吸引左，最特別在顏色全屬天然材料新鮮製造，口感軟熟而不硬，好好食😋碟豆花味(藍色) 似菊花植物造成，沖水時會藍色，係最特別既顏色砵仔糕，但無咩味斑蘭味 (綠色) 係值得一試，好好味蘋果茉莉花(白色) 佢係非一般白糖味，加入左好清新既味道，都係好好味玫瑰味(粉紅色) 及黃色唔記得咩味，因為請人食左，無試，唔知咩味最後最後，佢應該加左價，每個$8

唔知大家睇蘋果動嗰果籽，有冇見過呢個藍色嘅砵仔糕呢？小編睇完之後就真係超級有興趣，所以一放sem break就即刻飛咗去試。由於端午節就尼到，所以同場加影試埋隻糭。呢度嘅砵仔糕有分兩種，一種係迷你砵仔糕，而另一種就係正常size既砵仔糕。但係如果係想試晒咁多種味嘅話小編建議可以比多少少錢買正常size既砵仔糕，因為迷你砵仔糕定價偏貴，相比之下買一個大嘅砵仔糕會比較抵。🍴四色迷你砵仔糕迷你砵仔糕細細舊可以一啖一個，不過砵仔糕既紅豆就比較少。1️⃣蝶豆花砵仔糕尼到最出名既一定係尼個藍色既蝶豆花砵仔糕。雖然係人都知蝶豆花係冇味，純粹係得隻色，但唔知點解砵仔糕入口又真係好似覺得味道比較清甜。口感方面砵仔糕就屬於係比較爽口同帶有少許煙韌。個人就覺得非常一般，真係純粹講gimmick。2️⃣金盞花砵仔糕金盞花口味嘅砵仔糕小編都係第一次聽，砵仔糕隻黃色都幾黃下，都好適合打卡。不過小編今次買嘅呢個金盞花砵仔糕就唔夠新鮮，成件砵仔糕都嚴重出水。而且唔多食得到有金盞花既味道，只係食得出有好重既粘米。至於砵仔糕個口感方面就比較黏口，個人就覺得好一般。3️⃣斑蘭葉砵仔糕斑蘭葉砵仔糕雖然都有少少出水，但口感就比金盞花砵仔糕

最近都好鐘意食番懷舊小食即係糯米糍、砵仔糕、雞仔餅果類新發現灣仔尼間新潮有藍色砵仔糕好新穎，又吸引好多人買來打卡，當然我都吾例外店鋪不大，主打賣懷舊小食，合晒我心意今次主打來買靚靚吸晴砵仔糕打卡$7一件買左3件不同色💛💚💙黃色砵仔糕-原來係銀菊花，好健康不過又係食吾出個味藍色砵仔糕-其實係今年大熱既碟豆花製成，天然既花色不過得個樣靚，其實同平日食既一樣味道，紅豆每款分佈都吾平均，有d偏少不過最欣賞佢吾會整得太甜同埋吾易爛夠彈口綠色砵仔糕-初初以為係抹茶🍵，其實又係花製係斑蘭花又係食落同原味無分別，只係顏色夠靚試過一次就夠啦

每次落場都係三點幾來到～ 通常都買唔到 呢個傳聞中嘅藍色砵仔糕 😆 嚟咗三次，終於忍唔住問袁太 幾時先買得到？ 😂 佢話有時五六點都有～ 不過其實可以打電話去訂 😁今日 打風～ 沒有預訂～ 決定去碰碰運氣 ～ 第四次終於買到啦 😚😚蝶豆花缽仔糕 $7 ＆ 金盞花缽仔糕 $7～ 同一般砵仔糕沒有分別， 有點清甜， 同事話食到金盞花好似有啲茶味～ 飢詩食唔到什麼花的清香 😆 當正常砵仔糕也不錯班蘭砵仔糕 $7～ 呢個比較有驚喜，一開出嚟已經 聞到好香嘅 班蘭味～ 味道有啲似泰國三角形嘅椰汁糖 😉 一試無妨店內有很多不同的粽～ 又有露兜葉粽～ 下次試下先 😋飢point : 6 /10

斑蘭砵仔糕就比較香，藍色嘅個樣就靚啲，但係呢度嘅砵仔糕口感超級好咬，有少少煙韌，唔似出邊嗰啲入口即溶或者硬過舊磚👍🏻個口感係我食過咁多個砵仔糕之中叫做質素幾高而且甜度適中🧐最重要係食到真正斑蘭同蝶豆花嘅香味