上海姥姥

营业中

休息中

同事生日指明要食呢間，所以大伙兒一起去試菜～d碗碟衞生麻麻。我個碗有積，同事個湯匙痴住舊辣椒，另一位同事要換筷子壽星話要食擔擔麵，佢張相有好多肉碎喺上面好吸引，但係嚟到⋯⋯一粒肉碎都冇，d湯好稀，冇乜花生醬味，我唔鍾意我叫咗個黑醋骨，炸得恰到好處，甜甜酸酸幾開胃年糕冇乜味，好麻麻小籠包皮唔叫薄，汁也不多個素鵝，裡面只吃到一舊菇，唔知同鵝有何關係？蔥油餅酥皮好香，熱熱地好好味。

今日有朋友經開呢頭揾我食晏，醒起公司樓下地庫裝修後開左間 上海姥姥，一於去試菜先~~食上海野小籠包、生煎鍋貼系唔少得，雖然小籠塊皮系厚左少少，勝在内裡都有肉汁。而鍋貼煎得好脆口，肉嫩多汁。相比後者好食咸肉菜炒飯 令令地油份多左d，不過咸度適中，可以接受(要跑返幾個圈平衡下)。上海粗炒 配菜少左d，如果可以改善下多返少少綠色素就好勒！女人鍾愛甜，食得幾飽都好，仲有空間放置甜食擂沙湯圓($34) 、豆沙鍋餅($40) 擂沙湯圓外層煙煙韌韌，內裡有半流沙的黑芝麻餡料配埋黃豆粉一齊食勁正！豆沙鍋餅豆沙餡ok 唔甜，餅皮厚度適中。

由於下午吃了一個較膩的下午茶，晚上與女友打算吃得清淡點。這家連鎖上海餐廳我家附近也有一家，可是總是要排隊，一直未有機會嘗試。這家分店位於星光行地庫，位置相對較差，因此今晚幸運地不用輪侯就能吃得到。進入店子後，由於我和女友隨身物品較多，故要求店員安排到卡位位置，店員亦樂意安排，值得一讚。醉雞酒味香濃，我忍不住喝了兩口花雕雞汁，酒味很重，絕對沒有「偷工減料」。女友亦覺得這道菜味道不錯，惟雞肉略不夠嫩，有改善空間。奶油津白有別於其他店的做法，以鹹瘦肉代替金華火腿，口感更好。奶油味道更像西方的卡邦尼汁，喜歡與否則見仁見智。(我個人是喜歡的)店員送上小籠包時特意提醒我倆小籠包很熱，吃時要小心，十分貼心。小籠包外皮較厚，口感不佳，但湯汁水準不錯，調味剛剛好，不會太濃。最後一道菜是嫩雞煨麪，麪身幼滑，青菜與雞肉份量頗多。湯底處理得很好，湯底十分濃稠，但是味道清淡，喝起來十分舒服。湯底表面亦沒有一絲雞油，十分健康，多喝幾口也不怕呢！總括而言，餐廳味道不錯，店員服務態度很好，於店員態度友善的環境下用餐，感覺較舒服，食物吃起來也比較味美呢！

係附近翻工去食lunch，因為食開所以一坐低就落單要姥姥粗炒。過左30分鐘都未到，而隔離遲過我入座嘅旅客已經食緊，當我想催下個炒粗嘅時候個位細心嘅疑似經理男生已搶先幫我問嗰位幫我落單嘅女士我點左咩⋯⋯嗰位大意嘅女侍應走黎問我嗌左嘢食未🙄我反問佢頭先係你幫我落單架喎⋯⋯個位細心嘅經理一分鐘後就通知我好快上嘢食，為表歉意亦表示可送上免費飲品。但由於時間短促我無要。對於呢位女侍應嘅表現我本身真係有啲嬲，其實主動講聲吾好意思我已經完全接受，但佢無咁做🤦🏻‍♀️反而因爲呢位疑似男經理嘅表現我消曬火👍🏻好想表揚一下呢位男經理，好細心而且危機處理能力好高👍🏻不停同我講吾好意思但其實佢無做錯仼何嘢🤷🏻‍♀️

今日行開尖沙咀但又唔想食得太貴，於是就走左入星光行入面咁啱見依個舖位轉左手又咁啱我咁耐都未食過上海姥姥於是就走左入黎了今次我同我男朋友叫左…一個燻蹄拌粉皮一籠小籠包，四粒一個擔擔麵加排骨先講個燻蹄可能因為的地倒晒所有汁嘅關係，鹹左少少同埋有小小辣，又有少少花椒味，唔錯的不過如果啲粉皮唔好一條條，大塊啲就好小籠包係少有嘅好味粒粒都有湯，但又唔會多湯到爆出黎令你食到le咁hea粒肉都幾大粒，唔錯最後就係個擔擔麵加排骨本身擔擔麵無餸的，要加錢先有排骨的個湯好重花生醬味濃得黎又唔會漿住你個口係辣左少少，所以好難齋飲個湯啲麵係好細心地幫你剪過一半，所以你唔會夾極條麵都未斷，方便share好多最後係塊排骨腍的兼且啖啖肉值得讚嘅係個炸漿，係有味的唔似有啲炸排骨咁齋用蛋漿算數總括黎講食上海嘢…依個價錢有依個質素，幾好扣分嘅係個餐單有啲污糟啲水直情痴住左兩頁第一印象唔多好同埋食完時又俾人催埋單可能因為晚飯時間掛

當天17:20已到，雖場內有食客，但仍未算人多，故不用等位。白菜仔很爽口，且確實係白菜仔，唔係大白菜味道亦適中，唔會過醎或過淡。麵  -- 無驚喜，同一般食肆差不多，但麵條並無切斷的，如要一碗share食夾起嚟都幾麻煩，但份量十足。酸辣湯 -- 完全食唔到辣味，材料亦與一般的差不多。雲吞皮不算薄，菜少肉多，啲肉仲要食到有筋！

本人在星光行上班，月前星光行G層大肆裝修了一番，本來是意粉屋的角落，被這間「上海姥姥」取代了。目前處於試業期間的上海姥姥，上次我兩點十五分放Lunch想試下的時候已經停止接客，這次放早了，終於有機會和同事來嚐下鮮。翻開Menu，除了上海菜常見的小籠包、生煎包外，還有很多精緻的小菜，如砂鍋醃篤鮮、醉雞等等，價錢不算貴，而且不加一。若果食Dinner，幾個親朋好友叫幾碟餸share，算是一個幾經濟的選擇。但以Lunch來說，上海姥姥提供很多麵點、炒飯、年糕等選擇，約50-60元左右，可惜不包飲品，算起來就會比尖沙咀其他提供Set lunch的食肆貴了。這是我點的雪菜肉絲炒年糕，比起麵條和飯，我更喜歡年糕，貪它煙煙韌韌軟軟糯糯的口感。上海姥姥的年糕味道調得剛剛好，雖落有雪菜，但又不會死鹹。肉絲幼嫩，另外淡黃小絲我也吃不出是筍絲還是大頭菜絲，但清爽可口。年糕白白滑滑，看著就有食慾。兩位同事同樣地點了酸辣湯拉麵，湯頭非常濃稠傑身，配料頗為豐富，有木耳絲、金菇、肉絲、蛋花等等，可惜調味不算太足，不是特別酸辣，要從桌上挖了兩勺辣椒醬才夠味。拉麵看得出是手拉而非機器拉，皆因粗幼不太一樣。但吃落口爽口彈