上海婆婆 (黃大仙中心北館)

营业中

休息中

👧🏻😋👅🍽✨親民上海菜🥳-🥢上海婆婆話你知: 正宗上海菜都可以好親民, 厚厚既餐牌好多選擇, 質素平均又大份抵食-🍲 砂鍋雲吞雞（小） $102💯小既都咁大煲😳 另外仲有鍋裝應該可以夠4-6人食💯個湯好清但好鮮甜, 飲落完全冇味精可以成煲清晒, 雲吞同雞皮一樣滑捋捋-🍜 排骨擔擔麵 $72✨擔擔湯花生味好香濃, 而肉碎都好多好鮮甜; 麵條軟滑但唔會太腍; 炸排骨少少偏乾但酥脆唔會油, 浸湯食都很可以-🥟 青花椒小雲吞（8隻） $58💯細細個碗迫爆左8隻小雲吞😎 青花椒麻香味重又唔會太辣, 雲吞餡都充滿花椒味-🫘 高力豆沙（4件）$58✨個蛋白皮好蓬鬆有彈性, 豆沙餡好軟滑又唔會太甜-🥖紅糖糍粑（4件） $48💯外脆內軟熱辣辣漲卜卜爆紅糖漿

第一次同朋友黎食上海婆婆，因為同朋友嚟黃大仙行街，行吓行吓就嚟到黃大仙中心北館，四點非常方便喺黃大仙地鐵站B1出口行1分鐘就到，我哋兩個人就叫咗砂鍋花膠雲吞雞，上海擔擔麵，小籠包。首先講吓個花膠雲吞雞舊花膠好厚，湯底非常鮮甜，擔擔面湯底濃郁非常好味，而小籠包裏面好多汁，小籠包皮Q彈、餡料鮮味。好讚。其實喺香港搵間上海嘢食而又好味嘅都係一件幾難嘅事，第一次嚟食感覺好滿意，而且服務態度都好好，店員態度親切和善。

上海婆婆放假去咗黃大仙，Late Lunch 去咗上海婆婆吃。睇吓餐牌有好多款食套餐，午餐套餐、下午茶套餐。午市套餐松子大黃魚配白飯同例湯各一碗。松子魚炸得好酥脆，黃花魚肉嫩滑，酸甜味適中，呢個汁配白飯真係好開胃。午市套餐黃金大蝦球配白飯同例湯各一碗。黃金大蝦球鹹香惹味，蝦球大隻爽口肉彈，食落啖啖肉。下午茶餐四川擔擔麵配綠茶芋泥餅同豆漿。四川擔擔麵，湯底香辣惹味，麵條幼滑。撈埋啲豬肉碎同蔥花一齊食好滋味。綠茶芋泥餅好鬆脆綠茶同芋泥味道好夾。

上海婆婆，黃大仙區的一絲絲上海風情，帶來了遠方的滋味。餐廳環境典雅，古色古香的裝飾，讓人仿佛置身於上海的街頭巷尾，感受著那份獨特的懷舊情懷。上海大云吞，皮薄餡嫩，湯汁濃郁，餡料豐富，搭配上細膩的皮，口感滑嫩，令人回味。婆婆粗炒，炒功到家，粗炒的火候控制得恰到好處，內有冬菇及津白等蔬菜，簡單卻不失層次。上海小籠包，皮薄汁多，輕輕一咬，肉汁便湧出，肉質鮮美，搭配上醬料，更顯美味。京蔥爆羊肉，羊肉嫩滑，京蔥香氣十足，冬菇與冬筍的結合，更添層次。羊肉的鮮美與京蔥的香氣完美融合，讓整道菜的口感更加豐富。甜品，總是一頓餐的完美句號，雪糕黑糖冰粉，冰粉的清爽與黑糖的甜蜜，再加上雪糕的綿密口感，讓人忍不住一嚐再嚐。

同舊同事聚舊，去到黃大仙搵食，一入商場已經見到新開嘅上海婆婆，店舖寬敞加上暖色裝修，俾人好舒適嘅感覺~雞絲粉皮呢D開胃涼菜一定唔少得，Q彈粉皮夾埋麻醬青瓜絲係絕配~當然仲有必點小籠包，咬開爆汁加點姜絲醋汁，夾雜肉汁肉香~~松子魚，估唔到咁大條，本身𠝹好花好易起肉，大大啖入口，酸酸甜甜夠醒胃~女士們都鐘意有湯水，叫份砂鍋雲吞雞就啱晒~湯汁入口鮮甜仲有啖啖雞肉幾抵食~ 呢度嘅叉子燒餅做得唔錯，口袋位夠濶又無爆，入口薄脆，肉鬆混合大量西芹夠香口！發現呢度有特別版紅豆雪糕高力豆沙，原來係將紅豆雪糕夾O係高力豆沙中間，外面熱辣辣，入面凍冰冰，不過要快口食唔係好易溶。 幾個女仔搵到間新淨又濶落餐廳慢慢飲住茶傾計確實唔錯！

同家中長輩去左黃大仙中心北館既上海婆婆, 餐廳空間好大座位闊落。黎到必點既上海小籠包, 最中意就係啜D熱滕滕既湯汁加肉汁, 再一啖擺入口!! 有人唔食辣唔緊要, 可以叫一位既酸辣湯, 濃稠酸辣十分開胃。麻醬拌粉皮哩D涼拌野真係好岩夏天食, 加埋青瓜絲更加清爽, 麻醬味道好香~乾煸四季豆既肉碎都好香炒埋幾惹味, 送飯一流。夏日炎炎哩個雪糕高力豆沙真係好吸引, 即炸既高力豆沙鬆軟油香, 夾住紅豆砠糕冰火交融, 哩個要快食如果唔係好快融, 食埋就大滿足~

砂鍋雲吞雞 (鍋) $188雞肉黃油肉嫩，雞香濃郁；雲吞皮薄細滑，豬肉餡新鮮富鹹香；鍋中加入大量鮮嫩紹菜，湯品清甜不膩-琥珀合桃芥末蝦球 $148琥珀合桃香脆微甜充滿芝麻香；蝦球加入芥末及芝麻，外層輕脆，蝦肉爽彈鮮甜，出色！-鱔糊炒年糕 $98鱔糊爽彈而油脂豐腴，調味剛好；配搭芽菜、香蔥及煙韌軟糯的年糕，很滿足-腿蓉奶湯津白 $85原顆津白呈上，擺放整齊津白新鮮爽嫩，吸收金華火腿的鹹香及上湯的鮮甜後，非常美味-雞絲伴粉皮 $78粉皮晶瑩剔透，口感輕韌；雞絲肉嫩，青瓜爽甜，加上麻醬調味好滋味-皮蛋豆腐 $58皮蛋質地軟滑，味道濃郁；豆腐軟滑帶豆香-上海小籠包 (4隻) $45皮薄餡鮮而肉汁滿滿，蘸上香醋能提鮮

自從「上海婆婆」插旗黃大仙後我就成為常客，只因其出品正宗美味，環境雅緻舒適；今天晚上跟家人再次到訪-🔹雞絲伴粉皮 $78雞絲軟嫩，粉皮輕韌有彈性，配合清新青瓜絲及香濃麻醬，足夠滋味-🔹皮蛋豆腐 $58皮蛋呈溏心狀，質感細滑帶皮蛋獨特香味；豆腐細滑有入口即溶之感，更加入堅果增加口感-🔹砂鍋雲吞雞 (鍋) $188足半隻雞份量，鍋裡加入大量紹菜雞肉嫩滑帶雞香；雲吞皮薄餡鮮又飽滿；高湯濃郁鮮甜帶金華火腿的鹹香，毫無膩感-🔹上海小籠包 (4隻) $45外皮輕韌，肉餡新鮮彈牙，肉汁豐富-🔹琥珀合桃芥末蝦球 $148蝦球大隻肉厚份量足，外層輕脆，蝦肉爽嫩彈牙又鮮甜，加上芥末及芝麻，滋味過癮；琥珀合桃輕甜香脆，佐酒良品-🔹腿蓉奶湯津白 $85擺盤得體大方，津白上鋪上腿蓉津白鮮嫩，腿蓉鹹鮮豐富，呈奶白色的上湯非常鮮甜-🔹鱔糊炒年糕 $98年糕份量十足且上色均勻，煙韌彈牙；鱔糊爽口富鱔香，配搭爽口芽菜及香蔥，口感及味道俱佳

陪朋友去完黃大仙廟，去咗地鐵站附近搵食，見到呢間上海菜環境不錯，我哋就去試吓，我哋點咗： 上海小籠包 $45一客四個小籠包， 吃時先蘸上浙江醋，皮薄多汁， 肉質軟滑好味，小心湯汁熱喔! 西湖太彫醉乳鴿 $102充滿酒香嘅乳鴿，大部份都起晒骨，啖啖肉，而乳鴿皮好爽滑，凍食好適合夏天 鱔糊炒年糕 $98鱔糊唔係度度都有得食! 呢度整得唔錯，唔鯹，年糕煙煙韌韌有咬口，再加埋芽菜嘅點綴增加口感，味道很不錯! 生煎包（3個）$42有驚喜嘅生煎包，在於個包底，煎得非常香脆，未食已經嗅到好香食落面層鬆軟，底部脆口 蔥油餅 $28造型特別嘅蔥油餅，入面有火腿同大量嘅蔥，香脆可口 黑糖冰粉（芋圓，蜜豆）$28帶有幻彩嘅冰粉好夢幻，加上芋圓，蜜豆同黑糖糖漿，夠晒特色整體好高質，味道不錯

2024年7月13日晚上，約7時半左右，我跟家人到黃大仙中心北館的上海婆婆用膳，用app點了兩碗蘭州牛肉麵，一碟蘿蔔絲酥餅，半隻醉雞。由於用app點菜時沒有留意蘭州牛肉麵是辣的口味，當見到牛肉麵上滿佈辣椒時，不吃辣的我們唯有用匙𢳂起紅辣椒及油，放在餐廳提供的小碗內。後來我們禮貌地跟女侍應說希望可以要多一點清湯，因為麵的辣湯大部分已被我們用另一小碗盛起，剩下的麵的湯並不夠。該女侍應聽完我們的要求後，一臉惘然，其後她跟站在我們檯旁的一位男經理（中老年年紀）轉述我們的要求。該男經理隨即走過來，非常不耐煩的問我們要什麼？後來我非常有禮貌地如上述的提出要求，他看到我檯上的一小碗辣湯後，轉身就走了，後來端上一小碗清湯。我隨即將清湯倒進大碗（湯麵）中，跟他說其實我的家人也需要一碗清湯的，其間我及家人也有連聲跟他道謝（唔該晒）。料不到，該男經理的臉竟比剛才更黑，而且還大大聲地埋怨我們：又唔一早講清楚，要我行幾十次！之後他非常‘’悔氣地‘’將我家人的那碗麵直接拿走，原來他到廚房加上湯，將加了湯的麵送回時，他的樣子非常兇惡，我們連聲跟他說‘’唔好意思，唔該晒‘’，但他卻非常沒禮貌，沒有回應，黑著臉兒怒視我

店不大，坐位比較迫，某些位置留給Open rice訂坐的客戶，環境好點會有好評喎，乜唔係以食物質素來評價嗎個人認為食物質素普通，雲吞雞偏咸，雪菜粉皮偏淡，加荳板醬才有味，义子燒餅薰鴨，小籠包冇驚喜，整體略嫌價格偏高，待應服務態度超級差😤，叫取水而已，粗聲回應，這種服務不會有下次

位於黃大仙中心北館地下低層，地鐵站隔離真係幾方便，中菜嚟講上海嘢都係top3 ，而性價比都幾高🪄上海小籠包食上海嘢小籠包必叫，今次係招牌小籠包，有啲掛住上海🤣外型已經比較吸引，咬一口仲好多肉汁，小籠包嘅精華喺晒入邊🪄一口小饅頭（炸）新鮮炸所以好食😋配埋煉奶一流，一口size啱啱好🪄松子雞米配叉子原來松子仁有助降低心血管疾病風險🤔再配合高纖維粒粒爽口素菜，用焗嘅方法去製造，竟然完全唔油膩，整體口感都不錯🪄婆婆粒粒炒飯個炒飯醬油味好香，色香味俱全，食落唔會好咸，用了好多臘腸，食落有啲似臘味飯🤣加上少少蛋香個炒飯味道十足，值得推介
🪄松子大黃魚一整條黃魚上桌，黃魚炸得香脆不過火，重點魚肉新鮮嫩滑，魚皮亦炸得酥脆，廚師已將魚骨起出啖啖肉，而糖醋醬汁酸中帶甜，配上雜果、椰果酸甜可口。
🪄蟹粉炒年糕蟹粉系列心勁吸引🤩今次就想試吓呢個蟹粉年糕，一上枱就已經聞到好香嘅蟹粉味，醬汁已經睇到好多嘅蟹膏，每一年糕都會掛上濃厚嘅蟹粉汁感，食起上嚟真係超過癮🪄砂鍋雲吞雞（小）叫咗小窩入邊都幾足料，有好多嘅雞肉而且湯嘅份量都幾多，雞肉同埋雲吞已經煲到好入味，仲有一啲蔬菜喺砂鍋入邊亦都係有湯嘅精華，好清甜超香🚩 上

去黃大仙拜完神，梗係要去附近搵飯食！所以我就去左上海婆婆～平時有湯嘅薯粉就食得多，估唔到依到居然有川辣肉末炒薯粉。薯粉本身彈牙有嚼勁，而且係用特製嘅川辣醬炒製，辣味香辣適中，非常開胃。加上肉末嘅鮮香，令整個菜式更加豐富味美，令人停唔到筷子。而松子大黃魚係我第一次試，原來係炸過嘅魚配上咕嚕醬汁。魚肉鮮嫩多汁，配上咕嚕醬汁，味道非常協調。咕嚕醬嘅香氣同魚肉嘅鮮甜完美結合。上海小籠包係上海婆婆嘅招牌菜之一，絕對值得一試。皮薄餡多。一咬落去，湯汁立即湧出，餡料鮮美可口。我特別推薦大家配上醋一齊食，更加增加口感層次。而鮮豆漿香滑濃郁，帶有淡淡嘅豆香味。

今次是第二次光顧，第一次感覺中規中矩正正常常，但今次卻完全感到中伏👎前菜冷盤點了牛𦟌，醬汁味道怪異，牛𦟌在雪櫃內不知放了多久有硬膠的感覺。熱盤點了清炒河蝦仁和蔥爆牛肉。從未吃過清炒河蝦仁的蝦是這麼大隻的🙄蔥爆牛肉，牛肉又韌又鹹😟而且兩碟食物也是落單5分鐘內送到，不要期望是現炒的了。反而最好味的是蔥油餅，熱辣鬆脆。今次除了食物差勁，服務也是乏善足陳。不用說當然是要你自己用QR code落單，後來舉手要求多取公筷，也要多嘗試吸引職員目光才會成功！何來服務？老爸吃完今餐，和我說以後再也不來這裏了。

上海婆婆嘅婆婆粒粒炒飯真係好出色。飯粒炒得恰到好處，每粒飯都鬆散分明，完全唔黏埋一齊。入口有微微的炒香味，叉燒同蝦都炒得鮮嫩多汁，加入炒飯入面更加增添了風味。整體而言，味道濃郁，令人食到停唔到手。麻辣鮑魚鮮雞煲係我嘅另一個推薦菜式。雞肉鮮嫩，鮑魚彈牙，配上麻辣湯底，味道真係辣味十足。湯底麻辣香辣，入口後帶來一陣辣辣嘅感覺，真係勾起我嘅味蕾。麻辣同鮮香嘅結合，真係令人難以抗拒。一口小饅頭係我最愛嘅點心之一，饅頭外皮炸得金黃酥脆，熱騰騰嘅口感真係令人愉悅。最後飲翻一杯豆漿解渴就完美啦!