影片
更多
2011-05-30
115 浏览
住在同一條街多年，由於他的價錢便宜，質素亦不太差，所以間唔中就會去惠顧。可惜多次受氣，令我不吐不快。受氣事件(一)與屋企人晚上去吃飯，因此舖早前係雜誌做過宣傳，所以近數月都有好多人慕名而來，當晚全場滿座，我屋企人當中尚有一人未到，所以先叫小籠包、鍋貼、酸辣湯、再加冷盤食住等，點知個上海老闆娘好惡死話﹕「落單就一次過，我咁多客係度，你分開落單會好亂.....」，我表示尚有人未到，稍後落單咪最多遲啲食囉，堅持要佢先落單，老闆娘仍不憤應一句﹕「下次齊人先好入黎」。受氣事件(二)與老公二人於星期日早上去食早餐，叫豆漿、粢飯，點知出面越企越多人叫外賣，我當時覺得咁都唔係問題，因理應處理堂食再應付外賣，點知等了又等，堂食已有食客不滿走人，我就向伙計小姐追order啦，點知得到的回應：伙計：「你見唔到出面好多人咩? 轉食菜肉包啦！」我﹕「出面多人咁係咪唔做堂食呀? 咁我倒不如出去排外賣啦！」伙計﹕「老細話事做咩先，你一係就等下啦....」最後我與老公決定走人唔食....受氣事件(三)日前收工回家途中，致電order一個酸辣湯粗麵，因只是一個麵，所以說明自取，免得他們在晚飯時段要騰出人手送外賣啦，點知
住在同一條街多年，由於他的價錢便宜，質素亦不太差，所以間唔中就會去惠顧。可惜多次受氣，令我不吐不快。
受氣事件(一)
與屋企人晚上去吃飯，因此舖早前係雜誌做過宣傳，所以近數月都有好多人慕名而來，當晚全場滿座，我屋企人當中尚有一人未到，所以先叫小籠包、鍋貼、酸辣湯、再加冷盤食住等，點知個上海老闆娘好惡死話﹕「落單就一次過，我咁多客係度，你分開落單會好亂.....」，我表示尚有人未到，稍後落單咪最多遲啲食囉，堅持要佢先落單，老闆娘仍不憤應一句﹕「下次齊人先好入黎」。
受氣事件(二)
與老公二人於星期日早上去食早餐，叫豆漿、粢飯，點知出面越企越多人叫外賣，我當時覺得咁都唔係問題，因理應處理堂食再應付外賣，點知等了又等，堂食已有食客不滿走人，我就向伙計小姐追order啦，點知得到的回應：
伙計：「你見唔到出面好多人咩? 轉食菜肉包啦！」
我﹕「出面多人咁係咪唔做堂食呀? 咁我倒不如出去排外賣啦！」
伙計﹕「老細話事做咩先，你一係就等下啦....」
最後我與老公決定走人唔食....
受氣事件(三)
日前收工回家途中，致電order一個酸辣湯粗麵，因只是一個麵，所以說明自取，免得他們在晚飯時段要騰出人手送外賣啦，點知去到店舖，又沒落單(我致電叫自取外賣巳有四至五次，當中巳有兩次冇落單)，今次個惡死老闆娘係度，明明係佢地漏單，個伙計小姐都好客氣對我講即刻做先，但老闆娘竟然同我講﹕
惡死老闆娘：「你下次唔好打嚟啦，我唔做自取外賣呀.....」
我﹕「咁我頭先打電話嚟你唔講」
惡死老闆娘：「唔記得講，總之以後唔做自取外賣.....」
我冇再回應佢，因我覺得佢根本唔係做生意，得罪人多稱呼人少。
點知佢得勢不嬈人，擴大把聲係舖度同啲伙計講：「你地聽住呀，以後唔做自取外賣，有好多人打完電話嚟之後又唔攞，收唔到錢嘅.....」
聽完呢句..... 我真的挖目雙看...... 全場其他食客都望住我......
我冇同佢嘈，剛好等到個酸辣湯粗麵，臨離開之前亦回一句，「我都係熟客，幫襯過咁多次你都認得我啦，我冇試過唔比錢，不過我唔覺得要受你氣囉......」
以上不是我惡意要抵毀或中傷，事實有好多食客、伙計可以見証過程發生......
事件發生係26/5/2011，事發數日仍覺不憤，故要在此吐吐苦水並高呼一聲「我幫襯咁多次冇唔比錢，你唔好抵毁我」
张贴
