久両菜

营业中

休息中

一段日子沒有食過潮州菜，咁啱喺中環街市發現，店名叫做「九兩菜」，佈置掛滿潮州美食的燈牌，非常之吸引，所以決定入去食。先送上潮州傳統開胃小食，花生及鹹酸菜，花生煮至很淋，鹹酸菜超好味，因為少少甜，感覺很新鮮，估係自家製！蜆蚧鯪魚球外層佈滿炸米，所以非常脆，蜆蚧有少少辣，跟其他餐廳唔同。牛魔王例牌份量超大，4-6分享都適合，有牛腱及牛筋，煮得淋，牛筋勁多膠質。金不換花甲煲很新鮮，花甲大大隻，湯清甜。再來充滿鹹香的欖菜四季豆；最後核突佬炒飯，英文菜名是潮州炒飯，材料有腩肉、魷魚鬚、豆乾、蛋，未食過咁嘅配搭，唔錯呀！服務態度係幾好，上菜節奏適合，一到一到慢慢上，最後仲有潮州茶飲，我覺得價錢好公道，坐得又舒服。

最近食潮州菜，食過返尋味，經常去搵唔同嘅潮州餐廳試下，今次揀咗呢一間復古local 茶餐廳feel 設計，適合遊客打卡，服務尚算可以蔥油腐竹 - 中規中矩，不過不失潮州生醃蝦 - 好好食😋，蝦好鮮甜，醃得好入味黃金魚皮 - 邪惡精選👍🏼招牌牛腩例牌 - 性價比唔高，得幾嚿肉椒鹽九肚魚 - 炸得幾鬆脆，外脆內軟，亦都唔算好多骨馬友魚飯 - 唔算好重魚油，不過尚算蠔仔粥 - 冇乜特別，不過不失總括嚟講，價錢偏高，適合遊客，勝在地理位置，又有特色

牛肉好食但貴，好腍，有辣椒味，但88元又無野飲好貴😚😋😋😛😚😙😙裝修好有老香港風味😚😚😍😇朋友叫飯份量多好多，底d🤪🤪🤪🥸🥸🥸

這間位於中環的【久両菜】，主打潮州菜，店內裝修及器皿充滿懷舊味道，甚有特色。除了有滷味外，還有多款特色小菜，款式甚多，而且價錢合理。沙薑雞腳雞腳煮至入味，而且帶點爽口。鵝片拼墨魚鵝片每片厚薄適中，滷得入味，鵝肉嫩腍，墨魚爽彈，配上自家製辣椒油更添風味。鹹菜胡椒豬肚豬肚湯有濃郁的胡椒香味，豬肚煲至很腍，還有些排骨，整體鮮甜。欖角黑豚腩肉配潮州金橘黑豚腩肉表面香脆帶甜，加上金橘汁令其更香口，十分開胃。嗱渣炒麵麵線炒至爽口，有些芽菜、葱、墨魚等配料，十分豐富，一定要加辣椒油，絕對是靈魂所在。

自從上年年尾去完汕頭，我就對潮州菜念念不忘，好掛住潮州嘅滷水，跟住搵到呢間舖頭幾啱打卡嘅餐廳一於試吓佢有個位置專係切滷味，猶如去咗燒味部一樣，每樣都好吸引我眼球👀一嚟到佢會比花生同埋菜脯，但要20蚊蔥油腐竹好香蔥油味又唔會好油，食落爽口帶滑唐三藏 （鵝肝，鵝腎，鵝腸）鵝腸本身蛋白質好高，而且好爽口，勁鍾意食👍👍鵝肝鵝肝厚切，色澤粉嫩，入口即溶，無法形容既好食，以後想食鵝肝第一時間會諗到佢鵝腎腎軟滑，但個人食完腸同肝睇佢地唔上眼😂煙筍雙腩 新鮮本地崩沙、爽腩黎到一大煲，會喺我哋面前排氣好香濃嘅藥材味，雖然佢話辣，食落唔辣，但係腩好香拍蒜豬油渣炒菠菜用豬油令菜更香，超鍾意食菠菜既我，轉眼間清左一大半潮式反沙芋一份來講佢都算幾多，而且佢嘅容器真係好靚食落唔會太粉，而家糖衣包住食落香甜帶脆，好味😋

久両菜 (中環)去中環街市行街無意中見到一間裝潢充滿香港懷舊氛圍既餐廳，終是入去試下～～原來係食潮州菜，叫左呢幾款，原來份量好多2個人眼闊肚窄食唔晒🤣🤣🥢蜆蚧鯪魚球 $118一碟有8大粒鯪魚球，外面脆卜卜，魚肉好彈口無骨無腥味😋🥢牛魔王 （牛𦟌、牛筋） $218食潮州菜緊係要試下滷水拼盤，揀左牛魔王，牛𦟌好入味，底層仲有豆腐，吸收晒滷水汁👍🏻🥢金不換花甲煲 $228呢個係原煲熱辣辣呈上🥰 花甲大大隻全部開晒口好新鮮😚 🥢欖菜四季豆 $138食左咁多肉叫番d蔬菜～四季豆熟度岩岩好，唔會太淋又唔會太硬身👍🏻🥢核突佬炒飯 $148好好奇呢個究竟有啲咩材料😝 原來係炒飯入面加左魷魚🦑粒、豬🐽肉粒等，食材豐富，已經食唔落甜品🙈*需加一服務費地址：中環皇后大道中93號中環街市1樓124-125號舖

中環街市呢間人氣潮式大排檔由名廚邵德龍師傅與Lubuds集團合作開設，主打手工潮州菜久兩菜裝潢係六、七十年代潮式排檔氣氛，霓虹燈加埋各種復古小擺設同懷舊電影海報 餐具都用上公雞碗、筷子筒是麻雀發財，讓人有種回到過去的感覺。餐廳的菜式則是由邵師傅靈活創新的烹調哲學及潮州師傅的傳統功架共冶一爐，利用新舊交融的手法演活潮州菜的精髓，打造出一系列慢煮滷水菜式、潮式打冷、多元化特色小食與傳統小炒等等。黃金魚皮（$88）：魚皮油炸至金黃酥脆，再淋上咸蛋黃秘製醬汁，魚皮口感既香又脆，醬汁超濃每一口都有咸蛋黃口感同咸香滷水鵝片拼鵝肝：滷水鵝肉同鵝肝經過慢煮滷水，鵝肉肉質鮮嫩多汁，鵝肝口感滑溜細緻，滷水的味道也滲透到每一塊肉，非常入味煎蠔烙（$168）：每次去食潮州菜必點，用上大量的新鮮蠔仔，加上麵粉、雞蛋蔥花等材料，煎至兩面金黃，外層酥脆，內裡鬆軟沙茶牛肉芥蘭（$138）：用上本地牛小排，配上自製沙茶醬，沙茶醬味道濃郁牛肉肉質則嫩滑多汁，用來炒清爽的芥蘭就最啱。黑糖糕（$48）以黑糖、糯米粉同椰漿等材料所蒸成，入口口感糯而不膩，甜而不膩～

📍久両菜 (中環)🔎中環皇后大道中93號中環街市1樓124-125號舖-----見到中環街市新開咗呢間潮州菜，人流旺盛，搞到我都躍躍想試，剛好遇著媽咪約咗朋友打麻雀，就決定黎試一試。.餐廳裝修港味十足，好多霓虹燈打卡位，幾有特色感，兩個人一共order咗5樣野，比想象中飽肚。1.沙薑雞腳2.滷水鵝片拼墨魚3.鹹菜胡椒豬肚4.欖角黑豚腩肉配潮州柑桔5.嗱渣炒麵.沙薑雞腳暖暖地唔係凍食，一兜近乎10隻雞腳，兩個人share食得幾雙，雞腳質感恰到好處，唔會過於軟爛，且保留彈性，唔錯，沙薑味好柔和清新，同酒樓食開個種比較油潤濃郁嘅沙薑味唔同。.滷水鵝片拼墨魚好有驚喜，鵝片鵝油豐腴，墨魚鮮味爽口，豆腐軟嫩得黎唔容易夾散，最重要係鹵水汁唔會太鹹，驚喜地比好多老店出息。.鹹菜胡椒豬肚同樣係驚喜之作，白胡椒味濃而不嗆，豬肚軟嫩中不失彈牙，鹹菜亦唔會過鹹，下飯一流，整體暖身開胃。.欖角黑豚腩肉配潮州柑桔則是香香甜甜，豚腩肉半肥半瘦，有點邪惡，卻是令人欲罷不能。.嗱渣炒麵味道類似無咖喱版嘅星洲炒麵，乾身唔油膩，不錯。

並非為了市集小攤檔，而是要一赴潮州打冷約才久違地來到中環街市平日夜晚仍不乏座上客，久両菜可謂是場內靜中帶旺的角落由中菜廳紅棉的行政總廚邵師傅，以及料理潮州菜三十多年，經驗豐富的蘇師傅聯手藉著公雞碗碟、電影海報及霓虹燈等營造港式懷舊氣氛，還有耳熟能詳的金曲作背景音樂事不宜遲，以名堂奇趣的鵝喔鵝喔鵝喔　Goose Platter　$398打響頭炮集鵝頭、鵝頸、鵝肝、鵝腎、鵝腸及掌翼，滷得色澤均勻，略帶油亮由爽脆鵝腸開始，連少許肥脂但不感油膩；鵝腎腍身不韌硬鵝肝綿滑且帶甜意，油潤感不會過重，多吃一兩件亦無疑，而掌翼皮層則是軟腍微彈滷水底說是以八角及桂皮等香料先焗後炒，再變換不同火候製成，香味溫和，不會太鹹濃其後的潮州生醃蝦　Chiu Chow Raw Marinated Prawn　$168晶瑩厚肉，甚是彈牙醬汁鹹辣重蒜香，並疊滿芫茜及羅勒碎，配上鮮蝦肉卻又不影響其清爽食感限量供應的邵師傅辣滷水煙筍豬雜　Marinated Mixed Pork and Offal　$288辣香撲鼻而來辣滷水底標榜為邵師傅選用潮州南薑、花椒、辣椒等特別調製，後用壓力煲快速炆煮單看成色已覺入味，果不其然，入口辣

本人曾於本月中旬光顧此店，那兒看著挺寬敞明亮，誰知道食物卻是何等的劣質，尤其是蠔烙，出乎意料的油膩難吃！這還不算，當我向那個黝黑瘦削，戴著眼鏡的男員工詢問有什麼青菜，他表現的妖裡妖氣，說什麼不知道師傅會煮哪個青菜，是師傅決定的，他不便多問，這是什麼廢話！語無倫次的！總的來說食物和服務都屬於低品，希望那裡的負責人多多注意！

今晚同兩個啱傾嘅人，都唔理人家「剪肥」，係都要去久両菜，乜久両菜呀？！原來係食潮州嘢，打開張點菜紙，第一味點咗蜆芥鯪魚球，因同事上次來時個哥仔就介紹定阿同事下次一定要嚟試，好！就試吓啦⋯⋯嘩，一上枱，個樣咁唔鯪魚球嘅😳⋯⋯er?!嗯😌原來好好味呀，個外皮啲米粉脆脆，令鯪魚球變成非一般的炸鯪魚球，乾身脆口唔油膩，但最誇啦啦係佢個自家製蜆芥，佢簡直可以係獨立一碟餸，啲蜆大隻到喱，放上去，粒鯪魚球會立時顯細😆哈當然唔少得要試滷水啦，問個好好傾嘅侍應哥哥「鵝腎可以嘛？」，佢流露出一絲嘅霸氣(唔係吋，只係充滿信心嘅得戚樣)，佢話「放心試啦⋯⋯我夠膽話係無其他店會咁處理個鵝腎，鵝片就更加唔使懷疑😌」我哋一絲縣懸念都無就叫咗個雙拼，一上枱，好靚仔，師傅刀功好好，片得好薄，排得好齊，鵝片雖然好瘦，但望落都覺得佢滑，乜都唔俾自己放入口，立馬食片鵝腎先🤤⋯⋯好好味，佢嘅柔軟度啱啱好，連最頭一件有筋蒂嗰部分都唔硬㗎，但個腎整體口感又唔會焾pat pat，真心無誇張😙👍🏼另外要讚嘅係碟花生雞腳，預佢係小食嚟，估佢唔到竟然係最後先上🤔，但係值得等㗎⋯⋯，個好傾哥仔特登過嚟問味道如何⋯⋯咁普通嘢都過嚟問，一定有啲

中環街市活化之後，首次來到它的食肆吃東西。小人見到這家「久両菜」有很多食客，遂與友人入內食個下午茶。前菜先來一碟「唐三藏」：鵝肝、鵝腎、鵝腸，底下墊有豆腐。鵝什涵得入味，涵水汁調味甚佳，不會過鹹，兼且份量多，夠大碟。很久沒有食川椒雞了，所以看見時旋即點了一客。雞肉老實講肉質不鬆，竟有點油益味，而且味道偏鹹。川椒葉炸得脆卜卜，但勁油。魚片魚湯米線的魚湯相當鮮甜，足証是真材實料煲出來的。魚片也不少，魚肉不腥。至於米線亦很順滑，食完已很飽足。飽餐了一頓過得去的下午茶。

中環街市入面竟然有間懷舊得黎又好搞野既潮州大排檔裝修好靚 有霓虹燈 舊電影海報 同復古既碟呀餐具呀🤪我地叫左滷水鵝片鵝肉肥瘦岩岩好 唔會好肥滷水汁好入味 唔會過咸蜆蚧鯪魚球炸得好靚 嫩滑彈牙潮州生醃蝦望落個樣好似好辣 但其實辣度岩岩好生醃蝦食落鮮滑彈牙椒鹽九肚魚炸粉唔算好厚 但分量唔算好大呢個無乜驚喜普寧炸豆腐外脆內軟 豆腐好滑 糖醋麵 煎得夠哂乾身 點香醋同砂糖食別有一番風味潮式反沙芋芋頭出面有一陣起左沙既砂糖包住旁邊仲有啲香蔥 味道好特別但略嫌有啲削

最好食係鵝肝和鵝腸，值得一吃。整體黎講係鹵水嘢都算出色煎蠔烙：有蠔殼碎，油益味好重白灼牛肉：牛肉原全無牛肉味，食落好似茶餐廳d滑蛋牛肉咁 。牛肉質素完全唔得，完全唔明白點解佢哋可以有信心出到這一味菜。胡椒豬肚：d豬肚苦膽味好重。胡椒湯唔算好夠胡椒味，怕辣的可以飲下都ok。整體黎講，本人唔會想再食一次。雖然係位於中環街市，租金可能唔平，價錢相應比較高可以理解，但唔代表質素可以去到咁。。。真係好失望。。。

知道有新店即來試吓這間久両菜😃首先燈牌非常搶眼👍各個招牌菜都非常清晰👍這晚未到七點到達，在無訂位下大約等半小時就有位，服務員態度非常好👍食物味道👍份量都👌我哋兩個人叫了煎蠔烙，糖醋麵，䓤油腐竹，鮑汁花生雞腳，樣樣都好味😌會再嚟😉