九井水産 (已結業)

去日本我最喜歡逛的GU終於都開店了，在尖沙咀的美麗華，今天同太太逛了一圈，就帶太太去食個午餐。早兩日客人介紹了我一間餐廳，不用$200食到飽，訂了枱，跟太太去試試。果然，不用$200，我選了$168的吉列沖繩黑豚扒配日式咖哩飯。先來了前菜，沙律，漬物，漬物有點似紅蔥頭，感覺都是酸酸，旁邊的三文魚籽配魚也是上品，每顆三文子籽也是大大粒，晶瑩！每當我咬穿，都會有些魚水漏出，雖然有點腥，但充滿魚油味。前菜後再來了三款刺身，雖然沒有三文魚有點失望，但甜蝦也能締造驚喜，甜蝦雖然沒有赤蝦那麼大隻，但味道也甘蝦，蝦肉還有點彈牙，不是雪藏了十年的蝦肉，吞拿魚和季節魚相比，季節魚比較好味，魚肉爽脆，又不淋，加了濃濃的Wasabi更滋味！本來還以為主菜應該到了吧？原來還有湯和天婦羅，湯是蜆肉味噌湯，味道一般，但蜆肉乾淨沒有沙，小小的一碗湯內竟然有三隻蜆。天婦羅是雜錦天婦羅，有南瓜，青椒，蝦，還有菇。我最欣賞當然是蝦，蝦肉甜，粉也不多，很快便可以食到蝦肉了，炸菇也挺好，不覺得乾身。主菜令我有點驚喜，起初我以為咖喱會跟豬扒一起，但原來是分開上，這個安排不錯。吉烈沖繩黑豚扒炸粉不太多，豚肉都清晰而見，肉質淋，算

雖然每日都有新餐廳開張，但有時都會寧願食番D試過既野，可以避免中伏MA，哈哈。所以我又番番去上次好滿意既九井水產到食LUNCH喇。只係過左2個月黎，MENU就已經唔同左。雖然同樣係SET LUNCH，但比起上一次，而家既SET LUNCH就更豐富，連前菜都有4樣甘多。前菜一，雜錦漬物/前菜/沙律呢個前菜賣相簡直一流，每一樣野都好精緻，真係有少少唔捨得食。最左面既係帶子加松露，帶子好大粒，而且味道鮮甜，加埋淡淡既松露香，兩樣野互相配合，唔錯。中間係豆腐魚子沙律，豆香中和左魚子既咸鮮，好味。最後係大蔥捲牛蒡漬物，真係超細緻，因為漬過既關係，大蔥唔會好辣，加埋牛蒡爽爽甜甜，雖然好似好簡單，但個人覺得佢係3樣野入面最有驚喜既。前菜二，剌身三切(赤身/左口魚/甜蝦)剌身係最呃唔到人既食物，新鮮唔新鮮真係一睇/食就知。你睇張相就知呢到既剌身質素一定唔會差，雖然呢個剌身只係跟餐既前菜，但都無馬馬虎虎，抵讚。左口係白肉魚，味道較淡，但食耐D會有淡淡甜味，而甜蝦肉質結實，鮮甜味濃，兩樣都好好食。至於赤身，我比左男朋友食，所以COMMENT唔到，哈哈。前菜三，活蜆味噌湯雖然碗湯細細，但入面有成3/4隻蜆，

從一位朋友口中得知 , 在 尖沙咀諾士佛臺 有一間日式餐館 , 其 週末季節限定御膳 既高質又抵食 , 值得一試 ....我和太座就決定前往一嚐究竟 ~餐廳的環境裝修富有日式風情 , 氣氛舒適祥和 ~週末季節限定御膳 Menu ; 一個餐有 6 course 包括 : 前菜、刺身、活蜆味噌湯、雜錦天婦羅、主菜、甜品&餐飲  ~前菜 : 前菜共有三款 , 餐具和擺碟都頗有心思 , 三款前菜分別是 雜錦漬物、沙律、前菜 ~刺身三點 : 刺身每款兩件 , 包括有 赤身、鮎魚、甜蝦 ; 亦身 : 肉質軟身無筋 , 吃起來很鮮美 , 魚味濃郁 ~ 鮎魚 : 肉質緊實中帶柔軟 , 味道甘甜鮮嫩 ~ 甜蝦 : 肉質黏牙有彈性 , 膠質豐厚 , 鮮甜極緻 ~活蜆味噌湯 : 共有兩隻大蜆 , 湯頭味道鮮美鹹香 , 就是好喝 ~雜錦天婦羅 : 天婦羅有 蝦、南瓜、冬菇 , 外皮炸得薄薄的 , 也不會過硬 , 食材夠新鮮 , 沒太過多的油份 , 不會吃得一口油 , 的確夠水準 , 讚 ~銀鱈魚西京燒 ( 配蒸蛋、白飯 ) $ 218 : 西京味噌可中和銀鱈魚獨有的肥腴肉味 , 師傅在處理銀鱈魚的調味得宜

老公話女為悅己者容，佢見我買咗一Set新嘅化妝品，就帶我去食好野！我地星期六都係長週，收工之後，就去左美麗華附近行街，本身諗住去對面食乜乜冰室，但係好多人，於是老公就帶我去諾士佛台度食日本野啦！餐廳係1樓，淨係睇個lift口就已經覺得靚，老公話間餐廳係啲客介紹的，我地一人叫左一個Set Lunch，我見一個set lunch好多野食，等左無耐就先黎前菜，有黑松露帶子沙律同漬物，黑松露帶子沙律最好味，雖然碟細細，沙律菜都唔係好多，但黑松露醬好夠，味道亦好濃，帶子有兩片，帶子表身既鮮味加上黑松露濃味，好得意！之後仲有刺身食tim，刺身共有三款，吞拿，甜蝦，仲有一種季節魚，今日既魚係白色的，味道入口鮮甜，咬多幾口好似仲有d甘味，魚油甘味，甜蝦唔係好大隻，係一段的甜蝦Size，味道甘甜。活蜆味噌湯同天婦羅都好出色，（當時已經飽左3成）我比欣賞味噌湯，蜆肉唔同一般既蜆肉，一般超級市場買到既都比較扁食，呢個蜆肉較飽滿肥大，味噌湯內仲有滑豆腐，味濃！主菜上場啦，我本來想食岩鹽燒魔鬼魚，order既時候waiter哥哥話我知，原來可以轉做汁燒喎，都好，好似無咁熱氣。黎到就知我既選擇正確，因為汁燒好多汁

Weekend lunch 都可以有六個course，直情將 fine dining concept 融入日本菜中🍥加上今日天氣晴朗，半開放式嘅露台座位，接近兩小時的午餐。每一道菜都好精緻估唔到連前菜都有元貝刺身而且鋪滿金箔最搞笑係驚啲金箔俾風吹走囉刺身三樣都好新鮮，甜蝦好大隻又鮮甜就連天婦羅都有炸蝦, 落足本！二人share的份量。真係未到主菜已經飽，主菜我揀咗手握壽司配卷物 $178，一食就知道係新鮮貨仲有茶碗蒸蛋來到最後的甜品是和果子，無論係柚子味定係綠茶味，都一樣好 Kyoto 感覺再嘆埋杯凍咖啡，完美。最重要係埋單一個人都唔使＄200。咁嘅環境咁樣嘅食物質素去邊度搵啊！

今次朋友帶我去諾士佛臺食好野！聽佢講呢到新開無耐所以推出好多優惠，今次主要係因為朋友見到食串燒有得送清酒，所以就約我地嚟沖繩苦瓜唔係到到有得食，本身好怕苦瓜，不過朋友話想試唯有一齊試下，沖繩苦瓜同中式苦瓜果然好唔同，其實入口都幾硬，但佢嗰種苦係甘甘地咁，雖然話係甘味但其實我都係麻麻地，所以將溫泉蛋搞匀先再食，容易入口之剩又多咗啲蛋香平時食開嘅他他多數都整到免治咁，個呢到嘅美國安格斯牛柳他他就切成一片片，雖然感覺有啲恐怖但食落去就好有肉香，出面和牛就多，安格斯他他真係未必食得到蟹肉蟹膏甲羅燒夠晒吸引!價錢好夠抵食!蟹蓋入面放咗勁多蟹肉蟹膏，而且會喺我地面前即燒，每隻會有兩件多士，基本上兩件多事係唔會放得晒！口感一流！朋友話叫十種串燒盛會有酒送所以就叫咗一份，入面有安格斯牛柳串燒、黑豚肉荔枝卷、煙肉生蠔串燒、大葱雞肉、牛舌、牛油粟米、日本蕃薯仔、鮮冬菇、溫室車厘茄同豆腐每人試少少，我就食試咗煙肉生蠔串，牛舌同日本蕃薯仔，煙肉生蠔串好惹味，雖然煙肉而且算濃味但竟然仲食得到蠔肉味，而且大大件好正！牛舌食落好香又唔會太un。日本蕃薯仔每次食串燒都一定會叫，燒完又甜又香又好食叫串燒送嘅就係呢枝大關

這裏環境安靜坐得舒適，坐近窗邊可望樓下的街景，有日光滲進頗為舒服。下午食lunch價錢亦唔貴，絕對能成為我新的飯堂。食刺身前, 當然先喝麵鼓湯暖暖胃，麵鼓湯的鹹鮮絕對岩我胃口，加上昆布同蜆等, 令口感豐富。值得一提是蒸蛋，配上香菇及彈牙鳴門卷，蛋味濃, 又滑又香呀。右上厚切三文魚，新鮮美味、帶子甜甜地、肉厚而嫩, 以檸汁帶出鮮味, 甜蝦爽滑、重有入口即溶既吞拿魚、每口都充斥著魚油香氣既油甘魚。樣樣新鮮。右下𩶘魚捲成玫瑰樣，食成又睇得，刺身相當厚身。

今日老婆大人話試吓新嘢，咁一行五人去咗呢間餐廳。一坐低睇到餐牌基本上就知道瀨瀨地野，因為成個餐牌上面啲嘢都食唔飽嘅。因為太肚餓，諗都唔諗就嗌咗個$998扮特價套餐，有生蠔帶子龍蝦長腳蟹，另外再加個苦瓜沙律，串燒拼盤同埋兩條壽司卷。點知一開始就上了串燒拼盤，之後沙律同埋壽司一齊嚟，出菜個次序錯晒。都算啦，點知見到嗰兩條壽司卷，仲幼過我隻手指公，可能我指工比較大啦，或者我見識少未見過咁苗條嘅壽司卷。食完晒啲散叫野之後，我諗都等左起碼有20分鐘都見唔到啲燒海鮮上枱，問問侍應幾時到，點知佢哋啲藉口仲多過Menu上面啲菜，再問經理依依喔喔一輪之後終於見到啲海鮮出現。啲海鮮一律都係喺你面前用炭爐燒1分鐘之後拎入廚房再煮，可能佢驚啲海鮮唔新鮮啦，全部都煮到110％熟。唔可以唔講嘅係個蟹蓋膏鞋過瀬石屎地，過帶子我以為食緊乾瑤柱，其他嘢就中規中矩。食完個海鮮拼盤之後完全好似冇食過野一樣，個份量真係好細，最後叫多個泡菜豬肉鍋，女士們有福了，嗰幾塊豬肉肯定薄過0.02mm，唔好話食完唔怕肥，食完可能仲會輕咗添。好耐冇試過喺香港食飯，中伏中得咁應。好有耐性同鍾意減肥嘅人，可以去試試。

當晚，我們三個好姊妹一個墟，走到尖沙咀諾士佛臺1號食飯！由美麗華商場行過去十分方便又夠近！這一帶很旺場！各式其色的食肆雲集！ 這間位於商業大廈的樓上日式餐廳 <九井水産> 佔地一層！日本居酒屋格局，地方寬敞，空間感很充裕！ 以木色調，柔和的燈光下，一室暖色系！店方的海鮮絕大部份來自日本北海道，見到鮮魚的眼睛很 Bling Bling，可見貨源新鮮！蕎麥麵 $48  我恐怕不夠飽，於是點了一碗湯麵打底！湯底味清帶鮮而清香不膩，蕎麥麵份量豐足又飽肚！ 麵質軟硬適中，簡單配上日式魚蛋及小棠菜，超值之選！雜錦串燒併 $238共有十款串燒：安格斯牛柳、鮮冬菇、牛油粟米、日本蕃薯仔、大蔥雞肉、牛舌、煙肉生蠔、黑豚肉荔枝卷、溫室車厘茄及豆腐！蔬果肉類，包羅萬有！一次過滿足味蕾！每串由師傅精心燒製！ 令我們大飽口福！安格斯牛柳鮮嫩多汁！ 日本蕃薯仔清甜粉腍！大蔥雞肉的大蔥清甜 & 雞肉香口惹味卻不嚡口！牛舌食落爽口，最緊要沒有腥臭味，店方處理得不錯！煙肉生蠔卷是鮮美與鹹鮮的配搭，兩者一濃一淡配合得天衣無縫！還有暖身鮮甜多汁的溫室車厘茄！浜燒二人餐 $468晚上六時後光顧浜燒二人餐 $4

在Facebook不時看到大大盤浜燒的相片，看過幾次餐廳所推出的優惠後，終於忍不住，約好朋友一同前往，試試這裡的浜燒套餐！場內用了木板作為牆身，部分位置掛上了小量相架及擺有大支小支的清酒。配上淡黃的柔光，充滿了日本居酒屋的感覺赤富士 $38除了大量的清酒外，還有少量汽水供選擇，當中最特別的就有日本櫻花可樂、日本綠茶可樂、赤富士及綠茶波子汽水，而我就選了赤富士。赤富士其實是提子味汽水，入口不會太甜，口感清爽。不過最吸引的地方，其實是用作盛載的玻璃樽，配上懷舊風的貼紙，外表跟藥油有點相似呢！日本和牛A4刺身 $320和牛大多以烤肉/火鍋/鐵板燒作為烹煮方法，而這裡就有和牛刺身！刺身一客有10片，跟其他地方不同之處是，和牛的賣相較一般的紅潤，入口質感綿軟，需多加咀嚼才能咬開，細嚼下則帶陣陣脂香，不過要是你吃牛扒時喜歡選吃8成熟或以上的朋友，就建議選吃其他菜式比較適合了白子天婦羅 $90白子⋯大家知道是什麼嗎？其實是鱈魚的精巢！常見的食法大多是當成刺身般食用。不過這裡就創成了白子天婦羅，外層有著帶微脆的脆皮，內裏則是綿綿嫩嫩的。不用怕，白子本身不帶腥味，經炸過後更添幾分香炸物香，既新奇又好吃，

尖沙咀是香港人和遊客常去的地方，這裡除了各式各樣的消費店鋪之外，食肆亦有很多選擇。店外的環境（美麗華商場）餐廳內的環境，坐位與座位之間寬敞舒適，不會讓人有種侷促的感覺！二人「浜燒」，日文浜燒即是指在海邊燒烤。因此所燒的食物全部以海鮮為主。這個「浜燒」食物包括（鮑魚，北海道扇貝，日本蠔，松葉蟹腳和大虎蝦）。贈送的（6點後入座就有㗎喇！）1. 蟹肉蟹膏甲羅燒2. 凍Sake 1枝以上這些海鮮燒物，基本上不添加調味料，只是吃時灑點鹽引味，能讓人嘗到原汁原味。（由左邊起的海鹽名稱：綠茶，黑鹽和岩鹽）有職員負責幫忙燒和分，所以不用自己動手，但今次隻蟹腳略為過咗火，食落有點乾身。建議加點牛油落去燒，香味好多同埋會juicy d.甲羅燒-燒好之後塗在麵包上，蟹膏的香味滲入麵包內，認真好味！食完燒物，食返個沙律降吓溫先九井雜錦剌身沙律，我食到有三文魚，赤貝，帶子，油甘魚。食既時候記得加沙拉醋，酸酸地十分清新和開胃。一碟6件既「彩虹卷」，每件的卷物都不同的。卷物上面蓋著有的是三文魚，有的是吞拿魚拼三文魚，有的是油甘魚。

之前見到朋友係九井打咭, 食左個豐富晚餐, 佢話個晚餐質素都唔錯, 咁我今日就食下食佢嗰個午市定食先, 之前留意到佢個餐牌就係由68蚊起, 個價錢都唔錯, 入去見到個環境都非常之靚, 日式裝橫, 零舍不同, 餐牌見到鯖魚定食就由68蚊我就叫左蟹肉溫泉蛋大蝦天婦羅烏冬再配壽司, 都係98蚊啫大概等多十至十五分鐘個餐就嚟到喇喎, 好大呀份量, 真係驚一陣食唔曬㖭!先食個大蝦天婦羅先, 因為怕凍咗就唔好食嘅, 咬落去非常之脆口, 金黃色嘅天婦羅炸得非常之靚, 蝦肉嘅結實同再加埋炸漿混合, 一個微妙既化學作用, 口感唔錯然後就食兩件壽司, 壽司個賣相都唔錯, 魚生都幾新鮮壽司, 飯量唔算太大, 唔啱啱好重頭戲就係蟹肉溫泉蛋配烏冬, 個溫泉蛋非常之大, 我唔捨得將個蛋漿打開, 我首先食咗蟹肉先, 清甜無比, 再飲啲湯, 夠熱得黎又清甜之後再食啲烏冬, 非常之煙靭 ,口感不錯, 最後我就唔捨得人心將個溫泉蛋打開, 蛋漿非常之濃, 浸落啲湯度漫慢變成蛋白, 蛋白滑嫩嫩, 口感幾好, 蛋黃味好濃

今晚又同咀刁v覓食了！ 我地好專一架 十次有十一次都實係揀日本菜今次尼到係諾士彿臺新開張嘅「九井水產」浜燒水產尼排真係hit到爆 亦越尼越多見 不過對於一間居酒屋尼講 刺身嘅新鮮及串燒嘅火喉都是靈魂吧尼度環境重「木」味道 地方夠哂空間感 牆身日式字樣及仿窗戶 頗有日本居酒屋感覺因為燈光昏暗 豬小姐手機象素不高 感光度較差 所以相片可能顯得較暗淡 希望大家見諒🙇🙇🙇今晚主要係叫刺身 壽司及串燒 決定嚐鮮一番鮮帶子晶瑩剔透 鮮及甜味都到位 帶出嫩滑口感 壽司飯醋味夠 粒粒分明 已是合格有餘嘅壽司飯魚類係豬小姐最愛 今晚叫左兩款魚類壽司試下劍魚腩入口軟腍柔軟 咬後魚油味溢出 肥美感爆發 掂！油甘魚相對不太突出 腍中帶爽嘅口感配合微微魚香 都算不俗的牛油果軟殼蟹卷一共六件 賣相吸引薄片牛油果 蟹籽及開胃沙律醬鋪滿哂係飯粒上 熟透牛油果軟滑質感加分不少可惜軟殼蟹未夠脆及乾身 有油膩感 尼度要減下分了九井雜錦魚生飯十分足粒及吸睛！ 材料多多 主要有吞拿魚 三文魚 甜蝦 三文魚籽及海膽五種 另外還有玉子 青瓜及酸薑做配菜魚類刺身大都肥美厚切 容易令人滿足 甜蝦爽口帶彈性 大部分食材水準都算平均但海膽