九州鯛魚 (已結業)

九州鯛魚 顧名思義當然係食鯛魚湯聞名！可惜我對魚湯一向唔大興趣 所以我改左做豬骨湯估唔到豬骨湯一樣做得唔錯 又唔會太濃 蓋過拉面但唐揚炸雞則有d淡 調味方便有少少不足 如果落多少少鹽就好好多用料食得出算新鮮 係港島東呢個美食沙漠黎講算唔錯

Lunch time同同事去西灣河食lunch，呢間bookmark左好耐架啦所以有d期待。呢間餐廳主打鯛魚湯，黎到無理由唔試下就叫左吉列豚肉鯛魚濃湯烏冬，套餐有沙律、主菜、鯛魚湯烏冬同埋飲品。鯛魚湯烏冬要趁熱食如果唔係會腥，自己食開重口味食之前諗湯底會唔會好清淡，湯底呈奶白色面頭擺咗一陣就已經有層衣浮面，湯底香濃幾重魚味幾唔錯，飲落有少少膠質嘅黏感但唔到漿口，一啖烏冬一啖湯正呀；豚肉即叫即炸大塊厚切，炸漿薄肉質嫩滑有肉汁，配埋沙律醬同日式豬扒醬，個人覺得配沙律醬夾d，烏冬彈牙；飲品都幾多款揀有茶、汽水同梳打，見黑烏龍茶比較特別就叫左， 茶包沖嘅有玫瑰。餐廳整潔光亮，推介鯛魚湯，唔好以為食麵唔夠飽，套餐大大份男仔都夠飽又無加一服務費抵食呀~

平日偷閒，同朋友嚟個日式下午茶，邊食邊傾吓計。炸物配烏冬，有埋沙律同指定飲品，性價比算高嘅～鳥唐揚鯛魚濃湯烏冬 $48炸雞係即炸，咬咗一啖即辣親，見到件雞肉仲出緊煙，肉質唔乾，仲好juicy，真係外脆內嫩，而烏冬質感煙韌，魚湯湯底濃，爭啲飲晒成碗湯，好味黑烏龍茶係茶包沖，見到有幾粒玫瑰花，烏龍茶特別香，推介吉列豚肉鯛魚濃湯烏冬 $56炸豬扒比預期大件，鍾意佢配埋吉列醬汁，係肉質乾咗少少咁抹茶聞到好香，似係抹茶粉開嘅，味道都算濃

真在太多想食既嘢，所以諗咗好耐，終於決定食"吉豚肉烏冬"。"吉豚內烏冬"有一碟日式沙律、好大塊脆卜卜的豬扒、一大碗烏東、一杯飲品。先講豬扒，嘩)))實在好塊! 一口咬落去係脆卜卜，所以等得耐少少係值得。內面仲肉嫩仲好有肉汁，唔係乾柴皮。有兩種醬汁可以比你點，一碟係沙律醬。另一碟係日式豬扒醬，我一向唔喜歡，因為味道太濃蓋過了肉味！烏冬好大碗，烏東不算太腍，較硬度適中，魚湯好濃，好香魚湯味，但又不腥，好好味！以套餐來說，這碟日式沙律份量算大，不單止只碟大, 而份量都好多, 整只碟將沙律放得滿滿!餐廳地方清潔，整個套餐好好味，份量好多，多到食唔晒，所以放棄了幾件豬扒覺得好晒，但真係好飽！！！ 

行過見到這店，之前想入去啦，趁今日11:30見入面人少少，就一定要入去嘆下個early lunch la這店主打鮪魚湯，當然要試吓啦！我冇乜期望，試吓又覺得鮮味之餘，特登飲多啲啦，湯料竟然不會太口喝上面更有少許海帶腐皮，我個人就希望量加多一些會好啲！烏冬扁平滑能掛湯，幾🆗！餸點金菇牛肉卷，個人覺得肉最好不太肥，呢度中間偏瘦，幾滿意喎為了令肉質味道大大提升，所以後加一點點七味粉🉐️🈴️整體來講食物滿意

一直聽同事講太安樓有間食魚湯烏冬好好味！好足料！但我一直都帶飯所以冇咩機會食到今晚我遲左收工於是就帶男朋友黎試試佢啦！佢有兩道門口一個對大街一個對太安樓～全部都好吸引！有飯有烏冬！但魚湯最出名當然要試佢招牌菜啦！🌟象拔蚌烏冬（$76）飲一口湯～勁濃魚湯！（當晚我地完全5口渴！證明佢冇咩味精）但大家留意一定要趁熱食如果5係會好腥～象拔蚌就好似冇咩味啦下次我應該叫其他～但每一啖都有魚湯送即刻5驚大頸泡🤣🤣🤣🌟吉列豚肉烏冬（$88）啊啊啊lee個勁吸引！！個吉列豬扒炸得5會太乾仲有肉汁！但我都覺得係西灣河食個間鮨好味d！但成set好抵呢❤️🌟餃子手羽（$48）叫麵食可以加錢加小食但我覺得5太抵～所以5好叫🌟子薑章魚丸（$18）又係5太抵冇咩特別其實係肉丸黎5係平時食到嘅章魚燒！❤️❤️❤️❤️❤️❤️❤️❤️❤️❤️❤️❤️❤️❤️❤️❤️食湯烏冬非常推！但小食大家就可以skip啦🤣🤣

買外賣滑蛋炸豬扒飯，見個袋冇沙律醬，問清楚有冇。個店員話呢個餐唔包沙律醬。要落order時叫埋先至有。最後都冇俾沙律醬我。哦，醬都要落order. 我真係見識少。對唔住。

香港嘅鯛魚餐廳真係買少見少但難得呢度嘅鯛魚整得都幾入味佢嘅套餐會有包一個湯朋友覺得個魚味太腥 所以真係好因人而異而佢啲牛肉好多 食落去肥瘦平均成個set加埋都唔使$100都算幾抵食 而且環境都幾乾淨

西灣河太安樓出名多美食，但我就好少去，今日抽起條筋收工去搵野食，地鐵站一出對面就係喇，交通方便不特止，中西日韓意法日真係咩都有得你選擇，但我對日本有情意結，咁緊係搵返間日式料理啦！呢間九州鯛魚門口非常之日系，真係思鄉病發作，入到去感受好大，裝修非常令視覺擴闊左唔少空間。餐牌真係好多選擇，又再令到我選擇困難症發作😂😂見到隔離飯香，我照跟，點左個十和田牛肉飯定食（$98），首先個昆布福袋內既昆左真係爆滿同埋，唔好以為會淡茂茂，錯喇，係好食到想大叫😂😂；中華沙律同沙律菜就無乜特別，唔差；到個湯喇，未打開以為係一碗普通既麵豉湯，原來係一碗鯛魚湯，係100分好味，好重鯛魚味，鯛魚味好濃最緊要係夠熱🔥，大口大口咁飲，令到個人身心好舒暢☺；到主菜喇，十和田牛肉，肉質好淋，唔好同普通牛肉飯比，係無得比既，味道調得唔錯，真係日本野係いちばんですよ👍🏻要讚美一下的是店員，非常之親切友善，會拿膠袋比客人放口罩、又會主動添加茶、又會係適當嘅時候為你送上牙籤。呢份主動係會令到客人好窩心💗💗最後埋單盛為$98，我感到我今日太安樓之覓食真係不枉此行。

最中意去太安樓食呢間鲷魚湯，因為份量多，價錢抵，最重要係幾好食🤤十和田牛肉飯定食$98份量好多，有沙律，前菜中菜沙律，福袋，鯛魚湯，牛肉好重肉味，香甜，沙律新鮮爽口，福袋好得意，吸哂湯汁，白飯係用左日本珍珠米，好軟熟，鯛魚湯超級香濃，湯底呈奶白色，唔會有腥味，感覺超過高營養，滿滿骨膠原。鱈場蟹棒鯛魚濃湯烏冬$72朋友叫左呢個，鱈場蟹棒有5-6條，鮮甜蟹味，烏冬好滑，煮得剛剛好，唔會話煮到好林，烏冬吸哂鯛魚湯，簡直絕配。另外再加多份鯛魚片，肉質嫩滑，鮮甜美味，無咩骨。

今晚一個人食晚餐，揀左九州鲷魚，上次食左龍蝦鯛魚湯烏冬，一直念念不忘這裏的鯛魚湯，所以今晚再來。疫情之下，堂座客人少了很多，外賣卻絡繹不絕，我反而安心在餐廳進食，只是速度比之前快了很多。鯛魚湯的選擇有烏冬或湯飯，亦有不同類型的海鮮如龍蝦，長腳蟹，鮑魚，大蟹，花膠，帆立貝等，今晚我就揀了帆立貝烏冬$86首先當然係飲啖鯛魚湯先，鯛魚湯係由日本直送的鯛魚骨淆成，魚味香濃，鮮甜美味。凡立貝有2隻，大大隻，肉質嫩滑鮮甜。配菜有海帶，木耳絲，豆皮和紹菜，健康又美味。稻庭烏冬麵質爽滑彈牙，索滿鯛魚湯特別滋味。

🔹九州鯛魚🔹今日約咗個朋友食飯，佢推介呢間喺佢屋企附近嘅九州鯛魚食鯛魚湯烏冬。門面係日本風格嘅，以木同燈籠設計。店內嘅環境都幾乾淨，枱與枱之間嘅距離算大，而且店員都幾有禮貌。花膠鯛魚湯烏冬 （$88）✨個碗好靚呀，有兩隻鯛魚喺上面咖🤩上枱後未影完相，個湯已經起咗塊衣，證明個湯好濃厚😋湯入面有三大舊花膠，花腸偏淋身，容易咬，唔會太煙韌同硬。個湯果然係好濃郁，好好味，我幾乎飲曬🤪烏冬份量都好多。食完覺得口喝，就再叫多咗個白桃梳打飲，佢係樽裝嘅～最後係朋友食嘅饅魚飯拼叉燒鯛魚湯烏冬（$88）✨

對龍蝦嘅craving已經持續左幾個月😂所以見到有龍蝦烏冬就叫埋朋友一齊黎試🤤餐廳非常貼心，一去到就俾袋我地裝口罩😛里度其實最大嘅賣點係鯛魚嘅湯底，大量鯛魚魚骨以燒、壓、炒、熬，製成湯底😛見到湯底呈奶白色，就知道正，飲左啖，魚味濃，合乎我嘅喜好，因為冇左豬骨湯嗰種油膩感👍🏻龍蝦帶膏，香濃非常，雖然都應該係急凍龍蝦，但仍保有龍蝦肉嘅彈性🦞同行朋友唔食魚，餐廳亦有豬骨湯嘅選擇，非常貼心😀另外，烏冬亦有象拔蚌作為配菜，爽滑😋除左烏冬，我同朋友另外叫左辛明太子雞翼，雞翼拆骨釀入惹味嘅辛明太子，係重口味之選，建議同烏冬一齊食😛

今日特登帶朋友到西灣河太安樓嘅九州鯛魚食野，自從上次食過佢呢度既魚湯，真係令人念念不忘，好想再來食。今次照舊下午茶餐點了滑蛋鰻魚丼，隨餐附送柚子茶，而另一個點了至愛嘅鮑魚花膠烏冬，再點了些小吃有廣島蠔，鯛魚片及明太子手羽。這個最愛嘅鮑魚花膠烏冬咁得我心既原因係除左有兩顆大大粒鮑魚，同埋有大大塊花膠之外，仲要係新鮮鯛魚熬製的湯底，成碗麵真係湯底是精華啊，食到lamlam俐，朋友都讚不絕口。而廣島蠔也是大大粒，熟食來講充滿蠔的鮮味，鯛魚片也是熟食，呢兩款泡在魚湯里一起食份外鮮甜。仲有個明太子手羽，就是明太子釀在雞翅裡，外脆內軟超級香口，食完超級滿足。

《鯛魚片鯛魚濃湯泡飯》 $85選用日本黑鯛魚骨熬成嘅特濃湯底食得出同平時食嘅魚湯不同之處 就係日式處理加左類似柴魚嘅配料去熬 提昇左個香味飯粒吸收晒鯛魚湯嘅鮮味🍲成碗湯飲晒都冇覺得口乾..《九州叉燒鯛魚湯烏冬 拼 鰻魚飯 定食》$88鯛魚湯除左配飯 都要試下配主打烏冬🍲個湯好掛麵 同樣索晒魚湯嘅鮮味💙鰻魚飯有兩大舊鰻魚 但略嫌乾身左少少 多啲汁會更好啦😌.《象拔貝》$18《廣島蠔》$18象拔貝好爽口 廣島蠔又大隻 抵食🦪雖然呢兩樣係追加另上 但都係用魚湯浸住務求每樣配料都可一致番客人個魚湯體驗😂 .魚湯呢啲野真係好蝦人食嘅有啲人聞到個魚味會怕怕 有啲人反而又好鍾意我就屬貓既 所以都幾中意飲魚湯咖哈哈