二少廚房

营业中

休息中

薑葱手撕雞肉飯 配蓮藕蜜棗湯估唔到觀塘愛琴商場foodcourt有咁多好餐廳二少廚房就有各種手撕雞，仲可以加錢轉撈麵手撕雞醃製夠入味，加埋薑葱就係comfort food嘅港式味道個湯好有驚喜，味道清甜而且好足料秋天飲蓮藕蜜棗湯夠晒滋潤等我下次放lunch又嚟encall先

聽朋友介紹知道觀塘有間小店食手撕雞同埋燉湯好正，叫【二少廚房】，今次專程就走去試下，點咗兩個手撕雞套餐。分別係薑蔥味同埋日式芝麻醬味，燉湯叫咗蟲草花雞湯，同埋鮑魚紅棗杞子雞湯。 😋兩份手撕雞都係啖啖肉，起曬骨同埋最緊要d雞肉好嫩滑好有雞味，而且薑蔥味就係我嘅至愛，另外日式芝麻醬原來同手撕雞都好夾，又係食到停唔到口之選。😋重點推介係兩個燉湯，入邊真係超多料，分別有瘦肉、雞腳、同埋其他材料，而且係原盎攞出嚟，應該都燉咗數小時以上。蟲草花同鮑魚都非常有鮮味，完全令個湯帶出唔同嘅層次。如果鍾意燉湯嘅朋友又在觀塘附近返工，建議一定要去呢度食lunch試下。👍

呢排天氣轉涼，剛好我同朋友都鍾意飲湯滋潤，發現呢間餐廳有主食之餘仲有湯水可點選，於是決定去食個晚餐！我哋叫了鹽焗手撕雞飯，手撕雞已經撕到細細條同份量剛剛好，味道香同嫩滑，配飯不錯。另外搭配了蓮藕排骨湯，味道濃郁，蓮藕同排骨入味而不柴，食完個人都暖左。田川酸菜魚飯嘅魚好嫩滑，微辣不膩，亦是不錯選擇。紅棗杞子鮑魚雞湯入口清甜而不膩，材料豐富，能夠明目、滋陰養腎、平肝清熱。總括而言，呢間嘅湯水足料同味道不錯，可以再黎試下。

喺觀塘附近上堂，見天氣涼涼地，就搵到呢間專飲燉湯既「二少廚房」，要暖一暖身先得🙈🌟花膠燉雞湯 $42🌟花膠湯飲落係完全零味精，湯底係好清甜既雞湯，裡面有瘦肉、補腳骨力既鳳爪、雞翼、精華所在既花膠；好味到連湯渣都清埋😅🌟招牌客家鹽焗手撕雞飯 $28🌟原本係有個蓋蓋住，打開就上層係手撕雞同配菜，下層係絲苗米，呢個設計都幾細心，隔開飯餸既設計，我就將佢全部倒埋一齊咁食，特別係啲雞油撈埋，更惹味可口🤤鹽焗手撕雞肉嫩細膩，油而不膩😋🌟熱豆漿 $12🌟豆味濃郁，甜度剛好，飲埋杯豆漿飽到個肚都撐住了，好味😍

附近見客，又唔熟觀塘區，經過見到一幢叫愛琴坊，入去類似係food court既環境，見呢間「二少廚房」都幾多人排，就試吓🤩紅棗杞子飽魚雞湯 $42好足料既燉湯👍🏻裡面有真材實料既鮑魚，仲要有兩粒架😍，$42真係咩都抵曬啦🙈仲加咗圓肉紅棗杞子，湯底好滋陰補腎咁，個人都感覺健康咗😅薑蔥手撕雞飯 $28開頭未落薑蔥果陣就咁試咗個手撕雞，已經好入味，加埋薑蔥之後，個飯成個味真係不得之了，味道係再濃烈咗，加分不少😍

自從搬咗出嚟，就開始懷念屋企有靚湯飲嘅日子。知道呢度有間湯底，放工叫男朋友叫外賣返嚟屋企除咗有靚湯之外另外仲叫咗呢度嘅主打手撕雞套餐，兩款靚湯加1分手撕雞套餐都只係$112😱😱😱真係抵食到冇朋友！只要惠顧任何套餐就可以以優惠價$13轉滋補燉湯，蟲草花雞湯 & 花膠燉雞湯，叫咗兩款湯，唔使同男朋友兩個人爭蟲草花雞湯味道比較濃郁，因為係燉湯關係，所以佢哋嘅味道已經好夠，唔使再加任何調味。花膠燉雞湯當然係叫比自己飲啦！比起蟲草花雞湯我更加鍾意飲呢款，花膠燉雞湯味道比較清純，入喉未至於有漿口感覺但飲得出燉湯既清純湯品感覺，而且每款燉湯入邊都有湯渣，感受到每款燉湯都用心製作，好味又養生麻辣手撕雞套餐，呢款麻辣手撕雞真係幾有驚喜！雖然配上嘅只係一個少少醬汁，不過呢個麻辣醬汁真係好有四川風味，調味控制得啱啱好，就算我唔係好食辣嘅都可以接受到呢種辣到度，而且因為佢係另外配上，大家都可以依照自己鍾意食嘅辣度而沾，辣既感覺唔太強烈，但惹味度十足，用黎撈飯食真係唔錯！極力推介呢款麻辣手撕雞🤤本身諗住飲佢哋嘅主打湯，估唔到連手撕雞都咁有驚喜，下次必定會再嚟encore

開始入秋，加上最近天氣較乾燥，早晚亦有點涼意，所以今晚放工，決定去「二少廚房」飲個靚湯滋潤一下餐廳位於鴻圖中心愛琴坊food court，由牛頭角港鐵站行去，大約5-8分鐘白菜餃子+粢飯 $578隻大大隻嘅白餃子，菜肉比例平均，唔會太膩熱辣辣粢飯，糯米口感軟糯，中間榨菜唔多，所以咸味剛好紅棗杞子鮑魚雞湯（點咗一個主餐，只加$16就可加配），有明目、滋陰養腎、平肝清熱功效材料有鮑魚、雞、豬肉、紅棗、杞子、桂圓等，打開蓋就聞到香味，湯底色澤清，入口非常熱辣，雞湯味較重，入口清甜，唔油膩，值得一試

今日收工見秋意涼涼地，即刻想飲反碗令湯補補佢。平時返工已經好忙都冇時間返屋企煲湯飲，見到呢間餐廳有湯飲就二話不說揀咗呢間做今晚Dinner餐廳其實位於一個小型food court入面，環境都好舒適。睇下個餐牌先~價錢合理有套餐價，好似我咁兩個人都係食咗$200蚊有找！😁蟲草花雞湯+麻辣手撕雞轉拌麵鮑魚紅棗杞子湯+韭菜餃子配炒麵先講下個湯！最簡單湯一定要夠熱做得好好👍🏻唔係味精湯，一盅都有滿滿既材料 簡直是物有所值韭菜餃子🥟皮薄但又唔會一夾就穿 好濃郁嘅韭菜味好食！麻辣手撕雞拌麵🐔🍜個麻辣醬好好味😋好開胃而且份量又夠多，雞又滑最後我見個湯咁好飲，特意回購一碗外賣比我細佬潤一潤佢😘總括而言我會回頭再食haha😂

啱啱放工有時一個人去諗食咩都係一件好煩惱嘅事。岩經過觀塘鴻圖中心地下有間有food court就入咗去食，附近都有唔少餐廳，今次就食義消廚房。簡約嘅佈置，舒服嘅感覺，食餐飯就係咁簡單。今次食咗招牌客家鹽焗手撕雞泰國思邈香米咁另外買套餐+13至$16可以加配燉湯，當然要加。今次嗌咗花膠燉雞湯，材料有花膠、冬菇、雞翼、雞腳，煲得好鮮甜。同感覺到好有住家感覺，另外手撕雞肉十分嫩滑，味道亦好好。而且份量亦好足夠，下次有機會要試埋其他燉湯。

是日要加班，加完後又黎左呢度食二少，因為想飲啖湯嘛。上次飲過佢嘅雞湯好好味，呢排少湯水就諗住黎飲啦，點知咁啱賣晒要等下一輪，等左大概半個鐘左右先有呀。等個牌子響等得好心急，幾時先有得食呢。好嘢，齊哂啦，是晚叫左燉湯撈麵。五款手撕雞中揀左日式麻醬口味，拌上西生菜。麻醬真係好好味，配咩都咁正。雞肉有咬口帶鹹香，無筋無骨真係食得好方便，啱哂我呢啲懶人呀。本來手撕雞係配白飯的，今晚就加左八蚊轉做呢個秘製醬拌麵，就是粗麵加上辣醬花生碎等，微微辣帶蒜香好味呀，再倒埋麻醬同雞黎個大雜燴都唔知幾正。上次試過雞湯，今次就試下蓮藕蜜棗排骨湯先。熱辣辣原汁原味，入口一陣魷魚味，攪下啲湯渣又真係有魷魚，哈哈，好濃郁好正，望落有點油，但飲落一啲都唔膩，好好飲。更新左嘅餐牌，麵食同餃子餐都係新㗎。仲有多左儲印仔優惠添，成日食嘅記得儲啦。佢個湯同埋雞真係好好味，慢慢黎試哂咁多款口味先。

鴻圖中心一直都係我嘅食堂，有好多野食價錢又唔貴🤩啱哂住附近/附近嘅人👍🏻.泰式酸辣手撕雞原來係手撕雞加泰式辣醬，唔點醬都好好食，雞肉幾有雞味，連少少雞皮，幾嫩滑仲有生菜，好健康☺️.秘製醬拌麵 +$8睇落好濃味但食落幾淡味，唔太辣，秘製醬係有啲豆豉，仲有啲青瓜撈下.花膠燉雞湯 +$13加$13就有燉湯😍好足料，有花膠同雞腳，湯好有鮮味，真材實料👍🏻.凍豆漿送豆漿真係好開心~好有豆味🥛🥛

收工係觀塘周圍逛，又入到泥鴻圖中心搵食，呢個區域既餐廳選擇都非常多，最後就決定幫襯呢間主打手撕雞同燉湯既小店。鮑魚紅棗杞子雞湯用料相當豐富嘅燉湯，食到有兩隻鮑魚，而且有好多紅棗杞子，仲有瘦肉、雞翼，雞腳等配料，非常足料。味道幾濃郁，又有明目清熱既功效。薑蔥手撕雞泰國絲苗香米無論係手撕雞、生菜定絲苗白飯都大大份。手撕雞好嫩滑，配埋薑蔥後好似食緊燒味飯咁😋 白灼生菜清清地，中和左薑蔥既油膩感。絲苗白飯好有米香，唔想吸收太多澱粉質既就記得預先叫定少飯。見隔離枱食餃子同粢飯都幾吸引，下次再試😋

After doing something in Kwun Tong, we decided to grab dinner before heading home. Having had quite a lot of junk food recently, we came back to this healthy and fast Yee Siu Kitchen for an early dinner. It was a small counter near an entrance of 鴻圖中心. There were some seats just outside the counter for you to eat in. As it had been a while, their menu had changed a bit with some new items. Yet the 燉湯 and shredded chicken rice set were still here. There were 5 手撕雞 sets including steamed Jasmine r

“吃飯了！”呢句你會諗起邊個？？我會諗起我媽咪,因為媽咪家庭主婦而開飯嘅時候總會大叫”食飯嚕”!每一份嘅堂食及外賣都會印有呢句嘅說話,忽然令我諗起媽咪日式芝麻醬手撕雞飯-足料嘅手撕雞配上蟲草花雞湯。簡直係出自於我媽咪嘅手筆同廚藝，食到好友屋企嘅感覺添。不得不承認佢哋嘅湯係好好飲，不得不忙推介花膠瘦肉湯。燉得好清澈，飲落完全唔似煲而且係有心機嘅燉湯你知道㗎啦，我哋打工仔最緊要一啖湯水。冇湯水補下爭好遠，尤其是城市忙到連煮飯嘅時間都冇所以極力推介燉湯！！

跟啲嘢跟到過晒食晏時間，諗主去food court求其食餐就算，係鴻圖道附近索性去鴻圖中心， 鴻圖中心對於我嚟講而得來hea得來都有啲層次； 入去兜咗個圈覺得真係太肚餓都係決定食飯， 望望二少廚房個menu 主力淨係幾樣餸~簡簡單單都好唔使煩， 招牌手撕雞飯+ 本來想叫個花膠燉湯，但係原來已經賣曬~好啦要個蟲草花燉雞湯啦，都係唔使食得咁乾姐…food court外賣格局呢個我ok冇問題 ﹐先開手撕雞飯先啦~了下啲雞肉幾唔少喎， 懶人食法先食曬啲菜， 見佢雞汁都幾多就成盆雞肉連雞汁撈飯， 真係啲雞肉太多定佢啲飯太少呢~ 撈起來啖啖肉， 因為有雞汁好易入口又夠香，雞肉本身整得幾夠入味~ 幾正喎， 加上佢係屬於客家鹽焗雞所以比較香口… 食咗幾啖飯就開盅湯嚟飲~真係燉湯來喎， 又攞隻匙羹了下~又係好足料，嗰種燉湯嘅肉香味充滿曬成個口 ﹐呢個燉湯對於我嚟講係驚喜，蓋返我食完個香雞飯再慢慢嘆呢啖湯， 俾自己enjoy the lunch~ 食完返去睇menu如果齋叫燉湯都唔平，但係如果連埋雞飯一齊叫，我呢度先至係70蚊，平時飲埋例湯食個飯都五六十啦，畀多十蚊飲燉湯都物有所值…