二鍋頭 (好運中心)

营业中

休息中

入左沙田搵朋友打邊爐，揀左好運中心嘅二鍋頭，有雞煲、鴨煲食嘅火鍋放題，係沙田區黎講性價比高！沙田店仲有90分鐘或120分鐘午市火鍋放題，抵食呀！我地揀左嚴選安格斯牛，每人$268。首先可以揀雞煲/鴨煲/豬手煲，雞煲d雞都幾嫰，而且好入味！食完雞煲先揀湯底，冬蔭公湯底有驚喜，酸酸辣辣，煮海鮮好夾😜火鍋配料有安格斯牛板腱、安格斯封門柳、鵝腸、花枝片、白鱔食，安格斯牛嘅質素唔錯，脂肪比較適中，牛味香濃，花枝片就好爽脆！蜆雖然細粒，但就好鮮甜🤩自助區仲有唔同丸類、蔬菜、麵、飲品、雪糕任取。佢地呢到嘅丸都幾特別，有款似龍蝦丸mix墨魚丸，出面比較少食，芝心丸都好唔同，一定要試埋😋鮮蝦雲吞都正，餡料好足👍🏻好鮮味！

沙田終於有雞煲食🤭🤭🤭最正嘅係除咗雞煲之外 仲有鴛鴦煲同黑椒豬手煲呢三款煲仲可以仼食之後仲可以揀湯底再打邊爐!!!真心一個價錢 幾個食法二鍋頭終於喺沙田登陸成人由$228-318/位 小童則由$128-188/位分別在放牛肉級別 今次好多心 試唒雞煲鴨煲黑椒豬手煲 驚喜滿分 則骨膠原滿滿的一晚😍豬手皮軟彈煙韌真心係好入味雞煲亦十分香濃入味鴛鴦鴨煲仲會用酒炒一炒去鴨腥味三款煲都各有千秋 絕對值得一試🤭食完三款煲之後其實已經好飽 但仲有可以邊爐仼食多款湯底再配合食材種類多達80種之多而且好多都好新鮮 特別係海鮮類👍🏻洗得乾淨之餘 又大隻 真係食到好飽 以呢個價錢 真心非常抵食👍🏻

「二鍋頭」有數家分店，尖沙咀、旺角，最近開到去沙田好運中心，作為沙田友，在風暴前（十號風球）一晚近近地食返餐好先，為未來兩日罐頭大餐作好準備。先食雞煲、鴨煲、黑椒豬手煲，之後再打邊爐，食曬應該唔洗打邊爐，遂簡單食個雞煲。雞煲醬汁濃郁惹味，微甜小辣，雞件入味，肉質滑嫩唔乾，配料仲有大量芫荽、紅蔥等等，香甜可口。湯底共有九款可選，鴛鴦鍋另加+$40，今次揀一濃一淡，分別係沙嗲及豬骨湯，豬骨湯仲有一大舊豬筒骨，連同骨髓食，巨香！$268元嘅嚴選安格斯牛（B餐）共有四款牛肉可選， 分別係安格斯牛板腱、安格斯封門柳、本地鮮滑牛及美國牛胸腹：安格斯牛板腱（左）及安格斯封門柳（右）較為可取，牛板腱脂肪比例低，肉質較結實，但肉味較濃；封門柳肉質較軟腍滑嫩，油香較豐富。白鱔片都可以任點，其肉質爽滑，味道鮮甜，值得食多幾轉。另外，海鮮有海蝦、活蜆、鮮吊桶、墨魚仔、青口等等。

好運中心做完大翻身重開後已經有唔少食肆商店進駐，大部分食肆都係商場外面，未諗到食咩嘅可以圍住商場行一圈先🤓我地就一早book 咗「二鍋頭」諗住食雞煲打邊爐😆平日晚市都幾爆場，所以大家想食記得要預早book 定先😉120分鐘火鍋放題有3個價位，價錢由$228起，我地揀咗中價位嚴選安格斯牛套餐，除咗可以任食安格斯封門柳同牛板腱，仲有自助火鍋配料吧同任食雞煲/鴨煲/豬手煲。鴨煲同豬手煲係其他地方都比較少見，但我地因為好耐冇食過雞煲，所以最後都揀咗小辣雞煲，雞煲按人頭份量已經好足料，除咗有雞件之外仲有肥美鳳爪。店員會幫手炒香辣雞煲，一路炒已經留哂口水🤤雞件厚肉都算嫩滑，重點個醬超級惹味👍🏻食完後就可以揀湯底轉煲開始下一輪打邊爐🍲我地揀咗滋補藥膳湯底，藥材味都幾濃，仲可以叫雞件自製藥膳雞湯😆😎安格斯封門柳同安格斯牛板腱都係必點之選，封門柳牛味濃啲，而牛板腱大大片油花平均口感更好😆除咗牛肉之外，仲可以任食海鮮，有鮮蝦🦐、大蜆、白鱔片、脆鯇魚🐟等等自助吧有多款蔬菜🥬連鮮淮山同炸芋頭都有，基本丸類、雞肉腸、豬肉腸、芝士腸都任食😆飲品方面連啤酒都係任飲超級慷慨👍🏻最後梗係要食埋雪糕雪條啦🍦本地品牌雪糕加

🐮安格斯牛放題任食💰$268/person.⚡️嚟沙田試香口惹味嘅港式邊爐放題🍲，呢到除左🐓雞煲之外仲有🦆鴨煲、🐷豬手煲，雖然三款煲都好吸引，但今次只有兩個人食，最後叫左比較特別+少見嘅豬手煲🤣豬手燜到好腍同入味，黑椒味重，適合鍾意食香口嘅朋友仔🤟🏻.⚡️食完之後會換煲打邊爐，有多款湯底可以揀，小女子揀左🍲芫荽皮蛋湯，食牛肉同埋新鮮蔬菜嘅本味🥰.⚡️打邊爐嘅食材種類超多🤩一般有嘅餐廳都有，例如必食既響鈴、炸魚皮，仲有各種肉/丸/菜/菇，比較特別既係有墨魚滑，重點係唔洗加錢，非常抵食🥳.⚡️最鍾意既一點係店鋪整潔✨地下有垃圾店員會即刻執走，豉油瓶都唔會痴立立，呢點非常加分💯最後兩個人食都食到好飽，埋單價錢合理，但人多會更加抵食，因為可以試晒三款煲🤣

沙田好運中心分店有午市有火鍋放題90分鐘，係街坊嘅福音！價錢合宜，仲有過百款火鍋配料、蔬菜、飲品和雪糕，晚市120分鐘仲有埋任食雞煲、鴨煲、黑椒豬手煲，性價比好高呢！駌鴦鍋底加多$40香茜皮蛋同蕃茄薯仔濃湯鍋👍雞煲有成隻雞，正呀！可按顧客需要，要辣唔辣都得，今次少少辣，都惹味！材料新鮮，推介: 安格斯牛板腱鱔片、活海蜆夠鮮味！雞公子大大粒！仲有好脆的魚皮同響鈴，太好味，食哂無影到！牛胸複都幾好吖！推介：三星葱爆醬貢丸地方企理，好乾淨！有貓山王、香芋雪條，仲有香港製造雪糕杯，芒果、朱古力、雲尼拿味等任君選擇！❤️服務親切又細心🙏🏽讚！

嘩，終於等到沙田有火鍋放題喇～重設有午市及晚市俾大家選擇☺️☺️如下圖：首先梗係食個小辣鷄煲先啦🤤🤤🤤見到都流晒口水🤭🤭味道十分惹味❤️❤️辣度對於我自己岩岩好😀飲品款式都齊😉😉菜類及丸類特別有幾款係台灣直送嘅丸類～啲口味係我之前未食過～又真係吾錯喎！特別推介：三星葱爆漿貢丸❤️❤️❤️食物方面：重有好多選擇，可以響QR code 落單，我重食咗卜卜蜆和鳝，好新鮮😬😬😬本身有九款湯底選擇～我就揀咗蕃茄濃湯同皮蛋芫荽（鴛鴦鍋要加$40）🤤🤤🤤🤤特別介紹牛板鍵同封門柳～肉味濃，口感好，滾幾秒就好食喇😍😍😍😍最後緊係有吾少得嘅甜品🥰🥰🥰加上服務態度非常好❤️❤️❤️大家一定要黎試吓啊！

而家連沙田都有二鍋頭喇，咁就唔使再出咁遠先有得食😎今次我地叫左嚴選安格斯牛套餐($268/每位)，任飲任食120分鐘環境簡約明亮，因為開左唔算太耐，所以睇落都幾新一開始先揀食雞煲/鴨煲/豬手煲，食完之後再慢慢打邊爐，今次我地揀左食二鍋頭惹味雞煲(小辣)，呢個係一個好香辣嘅雞煲，將雞肉、洋蔥、辣椒等配料，搭配自家惹味辣汁煮成，雞肉好嫩滑，而且夠晒入味相當惹味😋除左掃QR CODE落單之外，喺出面自助區可以拎醬料、飲品、火鍋配料、甜品等😉飲品有汽水、涼茶類、仲有啤酒之後火鍋我地揀左胡椒豬肚雞鍋湯底，將豬肚、雞肉、胡椒同埋其他香料放喺一個大鍋入面，再熬煮至濃郁，賣相好清新😋豬肚做得好彈牙，而且唔會有怪味😁雞肉做得好香口，而且唔會太乾😁胡椒幾香氣，而且有啲暖胃嘅效果😎其他香料都幾提味，而且唔會覺得太濃或者太淡😁而安格斯牛板腱、安格斯封門柳、本地鮮滑牛肉、西班牙豬梅肉等等，都係好高質嘅肉類，切得好薄片，而且有啲花紋或者油花😍放喺火鍋裡面滾幾下就可以食，非常之快捷同方便😁本地鮮滑牛肉食落比想像中嫩滑，而安格斯牛板腱、安格斯封門柳肉香氣味濃😎至於海鮮選擇都有好多種，例如花枝片、白鱔片、活海蝦、活海蜆

垃圾服務，六個人安排一個鍋座位投訴接受態度照舊朋友未到時間照計，時間照計就算，叫佢落住一個煲先都話唔得食物無味，永不翻食第一次評論獻給這間垃圾劣質劣質劣質劣質劣質

在沙田好運中心二鍋頭的用餐經驗非常愉快。我和三位朋友選擇了他們嚴選的安格斯牛火鍋，這真是個性價比很高的用餐！我們一開始享用了二鍋頭惹味雞煲，它的風味非常獨特，帶點辣很惹味開胃，絕對值得一試。接下來，我們開始火鍋配芫荽皮蛋湯底。我們點了各種不同的食材。安格斯牛版腱、安格斯封門柳、美國牛胸腹都是絕佳的選擇，肉質鮮嫩多汁。我特別喜歡安格斯封門柳，肉質好滑，滾嘅時間十秒就可以啦。除此之外，鵝腸、花枝片、白鱔片、西班牙豬肉、豬大腸、鯇魚腩、帆立貝、墨魚滑和豬肚片的質量也非常出色。每一口都帶來了豐富的口感和美味。❤️❤️此外，外面有半自助吧，食物選擇豐富，有魚皮、丸、腸仔、菜、響鈴、山根、餃子等。 👍👍雪糕雪條選擇也很多。我選了至愛的榴槤雪條和芒果飲品作為甜點。榴槤雪條帶著濃郁的榴槤香氣，完美地結束了這次火鍋體驗。呢間安格斯牛火鍋絕對值得推薦。食材的品質高，湯底風味獨特，服務態度也很好。如果你鐘意火鍋，這裡絕對是一個不錯的選擇。

好運中心翻身後多咗好多餐廳美食，同屋企人去試吓，搵咗呢間食火鍋。2個鐘任食火鍋放題，可以任食雞煲、豬手煲或鴛鴦鴨煲。還有三個set可以選擇，而我們揀選了B餐，有5款不同的牛肉可以選擇，另外亦有豬，鱔片，脆肉鯇等好幾款。鍾意食雞煲， 就揀咗二鍋頭惹味雞煲要小辣，滑嫰的雞肉，加了微麻辣醬汁，超級惹味，好味又過癮！再加碗白飯，實在超好味！湯底揀了莞茜皮蛋，開胃和清熱下火作用。試咗呢個餐有幾款牛 - 安格斯牛板腱，安格斯封門柳，美國牛胸腹和本地鮮滑牛。還有魚，豬肉等。特別鐘意安格斯牛板腱，好嫩滑，牛肉味好重，返到屋企都仲掛住呢個味道。另外，有好幾款都唔錯。西班牙豬梅片，有豬肉的香甜味。鮮嫩鵝腸，鵝肉香甜冇腥味好爽。脆鯇魚腩，脆鯇鱼的肉是脆的，味道比普通鯇鱼更為鲜美，肉質軟滑、爽脆鮮甜。


原來好運中心新裝修，現在已經沒有棚架圍封，在沙田街市旁的好運中心開咗二鍋頭，之前在其他分店食覺得很不錯，有雞煲做頭盤，就連鴨煲都有，午市120分鐘，絕對夠時間食啊！😚四個人一坐低即刻投票要個雞煲，小辣最多人選擇啱胃口！跟住分頭行事：自選調味醬、自選汽水飲品、其中炸魚皮和炸響鈴非常亮眼，必食之選！其他菜類丸類留待食完雞煲先在挑選。😜雞煲味道好好，香料味濃郁，雞肉帶點辣味特別好食，完全唔覺有雪味，識食一定食雞連皮，雞皮煎香不肥膩啊！😍食完雞煲，原來還可以點選湯底，如果鴛鴦湯底就要加錢！我們簡單點了豬骨湯底，安格斯牛肉嫩光澤，一碟有4大片。除了牛肉之外，其他火鍋配料都很有特色，尤其是豬肉片，配合湯底更加好吃！😋最後記得食雪糕雪條

學期尾，預備唞暑之前一定要同同事食個大餐先！經過好運行人橋離遠見到二鍋頭，餐廳外觀整潔，四人卡位較多，我們四人選了嚴選安格斯牛餐$268有雞煲、鴨煲任君選擇！時限兩小時，食物選擇頗多，先食雞煲後打邊爐，仲有雪糕完美ending，所以都要睇時間食甜品囉！雞煲：可以選擇辣度，識食雞煲一定點選起碼BB辣，店員將雞煲大大盤上枱，開火滾幾滾之後，味道散發非常香氣，令人食指大動！雞件啖啖肉，而且掛上香濃醬汁更加滋味！我們放上任取的炸腐竹、香菇等等素菜吸收醬汁別有一番滋味啊！火鍋：$268貴價安格斯牛不可錯過！牛肉色澤均勻，牛味濃郁！每人吃五六碟已經值回票價，薄薄的豬肉片亦都好吃，吸收豬骨濃湯入口Juicy！我們還點選了沙巴貝殼、白鱔片、午餐肉、餃子等等大吃大喝是必須的！自取區有很多種類的蔬菜、丸類、粉面類、菌類、以及炸魚皮和響鈴等等，後者非常出色，吸收湯汁淋漓盡致，大家不可錯過！

沙田市中心近排開了很多不同的餐廳，今次來到這間位於好運中心的任食雞煲、豬手煲、鴛鴦鴨煲和任食火鍋的餐廳，價錢還要好超值呢！120分鐘火鍋放題有三個set可以選擇，而我們揀選了B餐，有5款不同的牛肉可以選擇，另外亦有花枝片、白鱔片同鵝腸可以食到！一開始先食雞煲，雞煲有辣度可以選擇，而我們揀了小辣，雞煲上枱後店員為我們先炒一炒雞煲就可以食了！雞件的份量都幾多，雞肉的份量多過骨，吃得滋味！雞肉嫩滑而且juicy，醬汁不會太辣！煲內還有雞腳、洋蔥、芫茜，味道惹味！食完雞煲就可以打邊爐，店員會將整煲幫你換過！湯底有9款可以選擇，而我們揀了豬骨鍋！估唔到湯底一啲都唔馬虎，味道都好夠，聞落味道還跟出前一丁豬骨湯味一樣，十分惹味！B餐嚴選安格斯牛，這個餐牛的款式都有幾款可以食到，分別有嚴選安格斯牛、美國牛胸腹、安格斯牛板腱和安格斯封門柳，當中個人比較喜歡牛板腱，肉質較鬆軟，牛肉味亦較濃!除此之外還有海鮮可以點！自助區亦有多款丸類、蔬菜、麵食等可以選擇!飲品櫃亦有多款汽水、涼茶、茶飲，還有啤酒可以選擇呢，最後還有雪糕雪條作為結尾，很滿足呢!

今個星期中午和同事到沙田二鍋頭中午時分人流不多，所以鋪面有兩個服務員其中一個四眼阿姨，服務態度完全係趕客狀態，叫佢收碟個樣好似萬般不服，就好似我地激嬲左佢一樣，至於食物質素，漏單情況十分嚴重總結經驗，係我去過咁多間火鍋最差一間