亞萊嘜嘜 (已結業)

-午餐：泰式雞肉炒金邊粉，熱咖啡今日去咗荃灣呢間亞萊嘜嘜， 環境都唔錯， 坐得幾舒服，服務亦都係一流。 睇完個menu就叫咗泰式雞肉炒金邊粉， 值得一讚嘅係啲炒金邊粉炒得好入味，唔會一pat pat、好清爽，一條一條咁。不過最美中不足嘅係，啲雞肉我食淨係食咗1嚿，全部都真係食唔到落口。 如果唔係個menu佢話炒雞肉，真係唔知係食緊雞肉，我估可能係因為冰鮮雞，好似好大陣雪味咁。真係估唔到一碟雞肉炒金邊粉，嗰個落差可以咁大！！金邊粉好似天堂咁，炒雞肉就跌咗落地獄咁。

當日喺荃灣，睇openrice見到有泰菜食，評價都算ok, 就膽粗粗上去試下，雖然有條好長既樓梯，但為食既我係可以戰勝到!!😂亞箂嘜嘜，個名幾得意，幾入腦，唔知咩意思呢？餐牌超多，需要多小小時間消化最後發覺2人餐相當吸引，相當抵食，就佢，唔諗。冬陰公湯辣度適中，海鮮豐富，配料落足，都同九龍城既不分高下泰式炸蝦餅食落唔似交黎，應該係home made, 幾好食泰式肉碎生菜包呢個我最鍾意，炒得好香，干身，我覺得可以辣多小小，😊👍正叻喱倉魚呢個好有驚喜，我地初初驚倉魚同咖哩唔多夾，但佢較多椰香，唔太辣，甜甜地，而且條魚好肥好多肉，真係好食馬拉盞炒時菜都ok喎，個醬汁較得好味最後仲有甜品椰汁糕，椰青糕仲飲椰汁紅豆冰豐富到爆炸，兩個人真係好飽都只係$338食到打包咁滯，呢餐九龍城可能700先出到門口。勁抵 !🤗

今次是第二次來吃，上次吃了午飯 有很多人，更要等位才能入內。今次晚飯時間來到，只有數枱客人，但員工非常殷勤，一來到店面已熱情招待，非常impressive。店內環境不錯，有特色的裝修和擺設。首先點了泰式奶茶，一看到色水有點不夠奶，茶味亦有點不夠濃，而且有一傳人工的糖漿(or 椰奶？)味道，個人而言不太喜歡，亦跟我回憶中的有點分別。第二道菜是青咖哩雞農夫包，包的size十分大，足夠兩個人食而捧腹回家。咖哩有點色素feel,但味道個香料都十分足夠，辣得合宜，不錯。最後是馬拉盞炒椰菜苗，味道正常，但可以更濃更惹味。整體尚可。

以前不嬲有幫襯開元朗個間覺得唔錯，見到荃灣開左新店過黎試下，食到一肚火。食食下有種似層相識既感覺，以為自己去左澳牛，d 侍應唔知係咪受過咩專業既培訓，只要我一放底隻匙羹，一放低杯野飲，就即刻衝埋黎睇可唔可以收你d 野。如果你係咁想人快d 食完走，唔該你帶位時講明用餐時間係半小時，我平日中午12:30入座，你12:50已不停行埋黎收我d 野？講番野食自己食個海南雞飯，湯係味精正常，個飯就得薑黃既味，完全無油香。埋單見有個paywave 機仔，想比卡又話唔收卡，夜晚先得。總結永無下次

話說我同老公成日去荃灣！雖然荃灣有好多餐廳，但有時太多又未必諗起去食！但呢間亞萊嘜嘜已經是我第2次幫襯了！而且係專登返去食～點解？ 就係因為佢個香葉肉碎荷包蛋飯呢個香葉肉碎飯的辣度對我來說剛剛好！香葉的味道也剛好！肉碎中有一粒粒豆角，令口感變得爽口！另外老公叫左黑椒海鮮炒飯。我試左一口，老老實實我覺得呢個比起剛剛的肉碎飯失色左一點！不過都唔錯！或者可能我對黑椒的「辣」唔係話好大好感！整體來說，2個午餐都是$48 包一杯熱飲，凍飲 / 特飲另加$$ ，價錢來說真的不算貴了！最緊要又好味道！ 所以這裡已成為我同老公其中一間飯堂！

這天在荃灣，午飯時候，在千色店附近，就到了近橋口的，亞萊嘜嘜太越小廚吃午飯。我們要了越式香茅豬扒飯46，飯用了上好的米，豬扒煎得非常香口，有淡淡的香茅味，很抵吃。接著，我們還要了泰式乾炒牛河46，牛河也炒得很乾爽可口，當牛肉的質素略顯差了。可能是牛肉貴吧，但下次就不會點這個了。另外，它還配熱飲，店員的態度良好，還有很多其他的湯粉類，泰式炒飯，越式撈檬類，自選咖哩飯類，這家餐廳還有下午茶價錢比午餐便宜6-8元。午飯時間都不會太多人，是吃午飯的好地方 ，下次必會再來。

荃灣都有抵食泰菜，份量夠多，味道OK，而且環境算大，坐得舒服。【泰式炸蝦餅】即炸夠熱辣辣，炸得香口鬆脆，蝦膠肉十分彈牙爽口，份量亦好多，最好食好抵食。沾泰式酸甜醬仲滋味。【青咖哩牛】青咖哩有牛、豬、雞選擇，我地揀左牛，微辣咖哩，有較香的咖哩味，牛肉片好大塊，肉質比較有咬口，帶較多筋位，似茶記的沙嗲牛肉，茄子亦太多，有7-8件，所以唔太多肉。【香蒜包】雖然賣相幾好，但外層唔太脆，不過都軟熟，蒜味不突出，也被咖哩蓋過味道，味道麻麻。【泰式香芒蟹肉炒飯】都幾多蟹肉，但沒有味，幸好份量多，飯也炒得夠寧爽，芒果亦香甜好味，整體也可以的。【珍多椰汁冰】椰奶味超重，綠色jelly好爽滑彈，也有好多，一吸就滿口椰汁同jelly，口感豐富。

是日參加完行山event，係大帽山落黎就係荃灣搵野食。一行人肚子空空，又唔知有乜好去處，見到亞萊o麥o麥，筆者曾經在元朗吃過，味道不錯，於是便提議試食荃灣呢一間了。不用等太耐就有得入座，正合我們意。友人想吃生蝦刺身但沒有了，算是一個缺憾。侍應態度很好，他提議我們吃豬手，問要半隻定一隻，我地完全沒有概念，佢見我地6個人又話一隻都係多十幾蚊定點所以我地就要左一隻了。豬手果然沒令我們失望。肉很冧，冧到一夾就碎咁哈哈。蟹肉香芒炒飯，正正常常。都係個D炒菜，無乜評論。冬蔭公明爐魚，可能係我唔識食既問題，總係覺得冬蔭公同個魚好分開。就咁飲個湯不錯，加左落個魚度，本身有D汁就溝淡左無晒味，可能最好既食法都係夾Ｄ魚落Ｄ湯度會好Ｄ。仲叫左炒金邊粉、生菜包同芒果糯米飯，不過掛住食所以無影，味道都不錯，埋單好似每人around$120到，包友人叫的兩杯野飲，所以其實價錢都OK。筆者呢幾個月猛咁食泰國野，呢間算唔錯，起碼好過上次係大尾督食個間，上次個間又貴又唔好食。不過數到筆者最愛，都係粉嶺聯和墟附近既泰好味，真心超級好食又平，搵日再同大家介紹。

今日路過，第二次幫趁。叫咗個泰式肉碎蛋飯，大失所望。首先係D飯唔軟熟又唔夠熱。第二蛋係荷包蛋，熟蛋凍冰冰乜醬汁都冇，明顯一早做定，喺好多其他泰國餐廳食個同一個飯，係有落甜豉油的，隻蛋會即叫即煎，即成脆邊荷包蛋，其實隻蛋係靈魂，佢就無心做好。第三係D肉碎乾憎憎量又少。算，補叫咗一個香茫蝦球，唉！重難食，D蝦又係一早用麵粉炸好，擺到林哂，有客點先再和芒果青椒加芒果汁打個献炒埋一碟！凍飲一般般，無什驚喜。消費近200，重要加一，唔會再去！

一路都好想試呢間餐廳叫做阿萊嘜嘜！泰國🇹🇭菜，上到去都仲有好多位，環境都OK，坐位都好闊落，我哋揀咗窗口卡位，午餐都有好多選擇，我哋一行三人叫咗三樣嘢share一齊食，叫咗一個無骨豬手飯、青咖喱雞扒翠玉瓜飯、豬頸肉星洲炒米，豬手飯都可以嘅啲豬手都好淋弊在個汁比較結，青咖喱不過不失，豬頸肉星洲炒咪唔會太油膩又大碟，好味😋嗰度啲姐姐服務態度非常好!👏🏻又有禮貌！一定會再去👍🏻！值得推介💪🏻💪🏻

我呢就喺荃灣返工，好多人都話荃灣好多好嘢食！咁我自己都覺嘅， 所以每日都會同D同事去食唔同嘅餐廳！今日呢就嚟咗呢個越南泰國餐廳！食咗呢個青咖喱雞翠玉瓜飯！佢個午市套餐係包埋熱飲㗎！所以都好抵食！環境幾好，唔嘈！同埋都幾乾淨，服務都好！服務員好快就會到您張台！加上呢個青咖喱雞翠玉瓜飯真係幾好！佢有好多瓜係入面！唔會只係得肉！同埋個咖喱都好入味，個飯好大個！一定夠飽！👍🏻👍🏻👍🏻👍🏻青咖喱雞翠玉瓜飯$52

呢間泰國菜有不少朋友都講過好食，今次就等我試試，結果的確不錯！我地一行五人，叫左好多菜式，每樣食物價錢十分公道，同其他泰國菜館差不多，基本上食物質素同價錢成正比，而且員工服務態度很好，有位友人對野飲有意見， 員工馬上就幫手換左，呢個位都好加分有好多朋友都推薦呢個蒜蓉包，話一定要食下。今次一食又真係好好食，外面又熱又脆，香脆可口，的確值得一試串燒水準也不差，去食串燒最怕就係d肉凍曬，好彩呢間的串燒可以保持熱度！呢條冬陰功烏頭魚都幾不錯，冬陰功湯好好味！至於其他菜式都同一般泰國菜水準差不多

放工後難得和好友吃晚飯敘下舊，有見這裏開張了一段日子，心思思想來這裏品嚐一下泰國美食。入到去，隨帶位員走過九曲十三彎，行到最後最入的二人枱，店外一直下着雨，幸好可在貼牆位置放雨傘。四周都是食客，座無虚座，但很安靜。由於坐的位置有點入，侍應很少機會走入來，所以點菜有點難，因為無人睇到我地舉手……講返食物…… 一人點一碟，然後交換食。無骨豬手飯 - 一個字…… 正！味道剛剛好，不鹹不淡，合晒我胃口，豬手嫩滑，口感佳。半隻雞蛋加上伴菜加上酸汁…… 真係正！濕炒海鮮河粉 - 又係一個字…… 正！非常足料，好大碟，除了海鮮外還有西蘭花和芥蘭，清清地又不淡口，一邊食一邊讚！一邊食一邊傾，傾到差不多店子關門前結帳…… 又一個愉快的晚上。

行過荃灣千色店條天橋見到亞萊嘜嘜的招牌，好像發現新大陸似的非常興奮，因為上次去元朗已經好想食，但太多人等位所以無試，不過今次呢間雖然都要等但都好快有位泰式香芒蟹肉炒飯蟹肉是真蟹肉雖然喺雪藏，但都鮮甜，芒果夠熟夠香甜，將蟹肉撈勻一齊食味道好有層次泰式鮮蝦粉金邊粉賣相好有心思，用蛋絲做成網狀包住金邊粉非常考功夫泰式無骨豬手豬手做得非常入味又夠淋，而且豬毛做得很乾淨香芒黑白糯米飯上枱時糯米飯仍保持熱度夠軟糯，配以椰汁芒果美味無窮

在荃灣區內比較有名氣的泰國菜都食過，所以新店又成為目標之一。一入餐廳已經感受到好強嘅氣 --- 係冷氣！所以食物好快就涼，亦都唔敢ORDER凍飲。原個菠蘿海鮮炒飯菠蘿肉不夠，海鮮用甜酸醬味道配搭炒飯，有點格格不入感覺。魷魚和蝦夠爽口，但青口新鮮程度一般。不過要讚的是很貼心的將腰果和肉鬆另上，方便食客自由配搭～蒜蓉包呢個同其他泰式店食到嘅完全不一樣，整條麵包每一面都焗到非常金黃，口感香脆鬆化，而且蒜香味突出之餘又不會油膩～暫時係我食過既最好食既。咖哩軟殼蟹咖哩不太辣非常容易入口，上碟時軟殼蟹非常香脆。其實呢道菜唔錯，可惜冷氣太強, 餸菜好快變涼就開始冇咁好食。