亞金南洋茶室 (黃大仙中心南館)

营业中

休息中

上年黃大仙南館開左新既南洋風味餐廳，一直未有機會試菜。呢日相約朋友一齊去試下。午餐時間比較多人，需要排隊，但5-10分鐘左右就有位。我地叫左兩個set lunch, 一個係香茅雞扒摻摻，另一個係海南雞摻摻。南洋野一定要叫個摻摻試下，姐係油麵撈埋米粉兩樣一齊食。當然仲有米線或河粉等任君選擇。一上菜就有驚喜，估唔到個雞扒份量十足，加埋啲香蔥同翠翠做配料，賣相已經相當吸引。雞扒既肉質嫩滑算係唔錯，唯一美中不足係都會食到個雪味，呢方面有待改進。但都有好多其他選擇。咪睇個海南雞好似細細碟，因為影之前己經食左件。如果比較兩款雞既味道，海南雞略勝一籌。嫩滑雞肉加上美味醬汁，一定食指大動。地道叻沙湯底十分之濃郁，微辣但落重椰汁，非常香口，讚！另可以自選餐飲或小食。值得一提個檸檬薏米水，凍熱都一樣咁好飲。除咗檸檬薏米，其實仲加左糖冬瓜，夏天必選！因為份量十足，我地冇額外加小食都非常滿足！下次希望可以試試個牛油咖央多士。

真係好難食🤢laksa唔係laksa味配米線更加9唔搭8肉骨茶好少料湯底都只不過係醬油味cp值好低唔正宗正常既可能係杯南洋白咖啡/美祿其他都唔推薦絕對唔會食下一次😖

眨吓眼又到年尾，唔經唔覺又到左還神嘅時候，遠近馳名嘅黃大仙，保佑我身體健康，上香之後習慣去對面嘅黃大仙中心尋找美食。差不多下午茶時間，周圍都好多人，比一間新開嘅 亞金南洋茶室吸引到，價錢優惠，食物有幾有特色，排隊等位都值得嘅。檳城炒貴刁既然是南洋特色，一於試吓師傅嘅拿手好戲， 檳城炒貴刁鹹香味豐富，小小辣好惹味，配菜有爽口大芽菜、韮菜、蛋、大蝦、貴刁入口彈牙，好好食啊 ！馬來特色蝦撈麵顧名思義充滿馬來特色，蝦撈麵湯另上，材料豐富有蝦、腩肉、魚片頭、豆卜、通菜，湯底鮮甜濃郁。蝦爽口彈牙，腩肉肥瘦適中， 豆卜吸收了湯汁精華很好味。肉鬆煉奶油酥餅第一次食這一款南洋口味的小吃，熱辣辣香噴噴，油酥餅酥脆可口，肉鬆帶點鹹香，加上煉奶的甜，味道很有層次的。下午茶套餐還可以優惠價加配小食，令整體CP值更高！玻璃魷魚通菜想說他的秘製醬汁香辣很惹味，玻璃魷魚超級爽口彈牙，通菜翠綠食得健康。雞肉串燒雞肉串燒肉嫩多汁，很推介這個。芒果沙冰、南洋奶茶見到南洋奶茶用煉奶底，特別香濃幼滑。星加坡摩摩喳喳十分有驚喜，下午茶時間可以吃甜品是一件很幸福的事， 星加坡特色的摩摩喳喳，有我非常喜歡吃的香芋丸、番薯丸、紅豆、涼

朋友帶我黎黃大仙呢間平民茶餐廳試吓，聽講係黃大仙街坊都有一定知名度。店員推介了馬來特色蝦麵，店家非常還原了馬來蝦麵多配料的特色，有蝦，腩肉，魚片頭，豆卜，通菜等。而且湯底有相當濃厚的蝦鮮香，另外麵底彈牙，咬落爽口。然後朋友點的是輕宜印尼炒飯，飯底是以甜醬油炒成，加上蛋，蝦仁等的配料，鹹甜鹹甜的味道十分有趣，又相當開胃，另外亦有加上點點的辣香，三種味道加上是種奇妙的體驗。油酥餅是另外以套餐優惠價加上的小食，雖然有淡淡的油香，餅皮亦酥脆，但一點也不油膩，不錯。下午茶時間人均$50，相當優惠的價格。

今日想起跟朋友去旅行的歡樂事，不發奇想便相約他們食個飯。朋友說商場內有間不錯的南洋食店，想跟我們去試試。店舖內外裝潢都有種新南洋風味。再看看餐牌，好多選擇。如點晚餐還可加配小食，相信今晚ㄧ定會試到多款美食。無骨海南雞飯去了骨的海南雞啖啖肉，雞皮肥而不膩，雞肉又嫩滑，點上碟旁的三款醬料(甜豉汁/酸辣醬/薑蓉)多種味覺享受。另外，最不得了的何止是雞肉呢！油飯都不可看低，米粒吸盡雞湯鮮味和沙薑的香味道，真係食多碗都無問題。一字骨肉骨茶跟白飯是馬來西亞藥材口味的肉⻣茶，濃濃湯汁浸煮的ㄧ字骨，很容易便可骨肉分離，煲內還有腍滑雞腳和吸收了湯汁的豆腐卜和油炸鬼，真係勾起當年去旅行回憶。印尼炒飯每次叫印尼炒飯都很開心，因為碟內ㄧ定有脆卜卜蝦片，炒飯面又有隻煎蛋，碟旁又有串燒，只是這幾點都令我這個貪食猫滿足不已！更何況甜甜地帶微辣的炒飯，配上爽口大蝦和雜豆來炒，鑊氣十足，真係多元化。香茅豬扒 用實惠價錢加配了香茅豬扒ㄧ件，肉質不鞋，又富肉汁，香茅味適中，真係抵食。南洋魚丸湯 ㄧ客有八粒，粒粒雪白爽口又彈牙，不錯。炸蝦餅 大大件蝦餅炸得金黃色，外層香脆，內層蝦膠彈牙。玻璃魷魚通菜 玻璃魷魚煮到軟硬適中，通

前排這裡開咗間馬來西亞餐廳，好耐無食過叻沙同肉骨茶，所以今日來試吓先。細滲細滲材料有一字骨、豬肚、豬手、腩肉、雞腳配白飯同油條。湯底很香濃同藥材味，一字骨好入味又唔韌，豬手皮滑滑的，豬肚爽脆而豆卜滲透晒湯汁配上白飯非常滋味。招牌叻沙滲滲招牌叻沙滲滲材料有蝦、魚片頭、蟹棒、魷魚圈、豆卜和半隻蛋，粉絲同油麵很索汁，大蝦很爽口，魷魚鮮甜彈牙，湯汁鮮燈色很香椰奶味微辣，吃完連湯汁都飲晒。炸蝦餅撈檬粉蝦餅很厚身，五件很大塊爽脆彈牙，檬粉幼滑配上酸甜醋汁很惹味。玻璃魷魚通菜南洋凍奶茶茶底很濃，奶幼滑加左練奶口感同味道都不一樣。香茅薄荷特飲很清新嘅感覺，喝下很舒服。凍柚子茶柚子味很清香鮮甜，吃完濃味的可以解解油膩。

好耐好耐都冇去星加坡同埋馬來西亞 ✨招牌喇沙所以真係好想食喇沙 ，呢度嘅喇沙講到自己係招牌咁 ，就梗係要試吓啦 😆食落果然冇令我哋失望 ，喇沙湯底濃厚帶椰味 ，而且材料豐富 ，有蝦、魚片頭、蟹棒、魷魚圈、豆卜等等 ，魚蛋又好彈牙 ，無挑剔啊！✨炸蝦餅撈檬香香脆脆嘅炸蝦餅 ，切好晒件非常之方便食用 ，一家人share好開心 ，撈檬就好清新 ，裏面有啲菜絲 ，加埋佢哋特調嘅自家越南魚露醬汁就更冇得頂👍✨龍眼冰味道比較甜，怕肥嘅媽媽我唔敢飲太多 ，但係小朋友就好鍾意！✨南洋魚丸湯呢碗魚蛋湯 我哋叫咗兩碗 因為啲小朋友真係好鍾意食 好彈牙嘅魚蛋 味道有少少似墨魚丸 又有少少似港式魚蛋 很不錯✨星加坡摩摩喳喳香芋丸番薯丸紅豆涼粉香芋丸、番薯丸 同平時嘅台式芋圓有啲唔同，幾特別同新奇，材料豐富，有妹妹最鍾意嘅紅豆，而且有好多椰汁，作為成餐飯嘅最後好解辣，又好好食！😋

海南半隻雞加飯$108 嫩口嘅海南雞 滑溜非常 雖然只得半隻但係望落去份量都幾多 大人小朋友都啱食 除咗隻雞之外佢個飯都係佢嘅重點 雞油飯非常香 連怕肥嘅我都忍唔住食多幾啖玻璃魷魚通菜$38玻璃魷魚好通透 好彈牙 通菜好翠綠 而且仲可以走辣 小朋友都好鍾意食 下面有少少甜豉油食落香香甜甜咁非常正馬來咖喱牛腩小辣$64配油酥餅重口味嘅爸爸就最鍾意食呢一款馬來咖喱 咁又的確佢個咖喱味真係好惹味嘅 牛腩又夠嫩夠入味 小小辣咁 令人完全食唔停口 配埋唔油膩但係又好酥嘅油酥餅 正香茅雞翼食落熱辣辣 好脆又好嫩 又係一家大細都啱食之選 👍🏻

💕今日同同事一齊去左黃大仙果邊做野，見有d肚餓，我哋就去咗附近商場揾野食，經過阿金茶室就俾佢門口裝修吸引住😂我哋入左時剛好有下午茶，見到menu上有我最愛海南雞飯，即點，同事亦點左同我一樣😂又係可以自助落單，幾方便👍d食物好快就黎到，速度可以叫極快😝非常適合匆忙的上班族👍兩份一樣的海南雞飯，點解我d油飯上面冇炸蒜🤔？另外海南雞d雞皮實在係太肥，連我平時鐘意食雞皮既人都食唔到，其他正常，以下午茶來說份量好多👍以食物份量來說都叫抵食，味道就不過不失🤨

作為黄大仙街坊，南館新開一間星馬菜是福氣，店內佈置裝修光鮮，色彩配得繽紛，店主讓食客有一份異國旅遊的進餐氣氛，先scan qr code 落單，選擇也滿多，第一次來當然要試一試兩個招牌菜，招牌亞金無骨海南雞配油飯$66無骨海南雞份量不少，油飯香口誘人，雞飯配冬瓜清湯，清潤飽肚。招牌叻沙滲滲$66叻沙材料有蝦、魚片頭、蟹棒、魷魚圈及豆卜，可選擇辣度，濃湯頭有還原新加坡傳統湯底的味道，要有掛湯感一定要選擇滲滲麵底，米粉加油麵的絕配讓口感味覺都一致滿意。越式香茅豬扒配地道叻沙$58星馬菜加上越式的傳統豬扒，crossover 東南亞菜的新款。加多一個甜品豆腐花紅豆涼粉冰，大大碗足料好選擇，甜度剛好平衡豆腐皮與涼粉的味覺享受。飲品跟餐有半價，珍多冰、椰汁涼粉冰 各$14大大杯足料解渴，必叫的特飲選擇。👅美味: ⭐️⭐️⭐️⭐️/5✨環境: ⭐️⭐️⭐️⭐️/5💫回頭: ⭐️⭐️⭐️⭐️/5💡性價: ⭐️⭐️⭐️⭐️/5💆‍♂️服務: ⭐️⭐️⭐️⭐️/5

屋企附近新開左間東南亞餐廳😍經開見茶餐幾抵~試試先!!輕怡招牌喇沙滲滲 ($45)滲滲其實姐係油麵加米粉😇一碗麵有兩款麵，一粗一幼更有口感！配料都算OK，有蝦、蟹棒、蛋、豆卜、芽菜 ， 個喇沙湯底幾正！淡淡的椰香味加少少辣，非常惹味～鮮牛油咖央多士配迷你蕃茄米線（$34）鮮蕃茄湯底， 有幾舊蕃茄 絕對唔係罐頭貨色🤡重點係鮮牛油咖央多士～！少脆、微暖，真係一啖一幸福！咸香既牛油，再加甜甜地既咖央，令人滋味無窮啊！茶餐仲包飲品！熱南洋奶茶～ 茶係用煉奶沖咖，茶味好香濃，又滑！個杯好正😂👍

亞金南洋餐室位於黃大仙南館 ， 晚上用餐時間人流絡繹不絕， 而且外賣的人也多， 證明餐廳質素好。餐飲選擇其實都頗多種類， 又海南雞喇沙蝦湯麵到各式南洋炒粉麵飯 都應有盡有， 而且有一些小菜有大細之分，多人或小人份量都顧及得到。細滲（肉骨茶）跟白飯\是屬於馬來西亞派系的肉骨茶，湯汁濃厚，味重色深，吃起來有質感和中藥味，湯頭入口甘甜，以慢火細燉，鎖住肉排的原汁原味; 而且材料豐富，有雞腳，豬肚，腩肉，一字骨，變化出不同口味與層次感，溫和不燥熱。馬來特色蝦湯麵65一上臺的時候覺得勁澎湃 ，油麵、鮮蝦、豬肉、水煮蛋及通菜，湯頭有濃郁鮮蝦味， 可以自選辣度及麵底，油麵挺身，是我喜歡的硬度。 鮮蝦彈牙，各種材料也配搭得宜，好食。南洋奶茶11食得馬來西亞菜，當然要配一杯南洋奶茶。煉奶甜甜，茶底滑順醇厚，滋味在口裡徘徊，超正的。

今日去黃大仙廟還神, 係附近商場搵嘢食, 見到呢間東南亞餐廳, 裝修幾有特色, 光鮮整潔, 仲有好多卡位, 就去試下！餐廳用q r code落單, 快捷方便！無骨海南雞飯招牌菜式, 用上湯浸熟嫩雞, 肉質幼細嫩滑, 皮肉分離, 中間帶有薄薄一層骨膠原, 晶瑩剔透, 無骨啖啖肉。 配上雞油飯和清湯、堪稱一個完美的海南雞飯！招牌喇沙滲滲滲滲係混合米粉和油麵, 米粉幼細煙韌, 油麵爽滑軟熟, 一啖有兩種口感！有蝦、蟹柳、魚片頭、魷魚圈、豆卜。材料算幾豐富！喇沙湯底微辣帶椰香味, 甜甜地易入口幾開胃！凍美綠、凍檸茶估唔到呢度有 凍美綠, 即刻點番杯飲, 童年回憶即刻返曬嚟！凍檸茶 茶底夠味有茶餐廳水準！

咁岩想食越南野就搵下黃大仙邊到有，結果搵到呢間就入去試下。基本上唔洗等位，直接就入得。Lunch黎講，價錢唔算平，平均6x蚊左右啦。叫左4樣野 豬扒叻沙、雞扒撈檬、鮮油咖央多士同加配小食 春卷。個人認為小食可以唔洗試，冇乜特別。個咖央多士就真係好大舊牛油🧈 但係唔覺有咖央味但係佢d正餐係ok，正常既，可以一試。 個叻沙湯都ok，我就試左滲滲 麵質還好。 個撈檬都好正常 可以試下。 主要係想講下佢個雞扒 好juicy 仲有汁流緊出黎 肉質好嫩 但係就有少小衰左係個塊皮到 因為淋左😭簡單d黎講 就係試正餐就可以了😂😂

前排放工吾想煮野食就行去黃大仙－亞金南洋茶室買外賣，第一次幫襯吾知味道如何？招牌亞金無骨海南雞飯配油飯：初初會以為外賣份量既海南雞一定少，但可見亞金海南雞既雞件份量幾多，皮帶鮮黃色而口感好滑口；至於雞肉方面口感極嫩滑而味道又帶雞香味，口感吾乾啊！油飯味道香口，飯粒軟熟。另外，套餐更配有是日餐湯，當晚是冬瓜湯，味道清清甜甜。輕怡檳城炒貴刁：依度既炒貴刁食得出好有穫氣，但個人覺得口感較油。當中既河粉好滑口，咸度適中，份量好夠飽肚啊！而當中更有吾少既肉絲作伴，令整體味道會過於單調啊！另有，還有飲品。