亞金南洋茶室 (黃大仙中心南館)

营业中

休息中

放寬限聚令、疫情又見回落，開心可以相約朋友，下午茶在主打大馬美食的「亞金南洋茶室」。先嘗嘗小食：又香又彈牙的炸蝦餅 ，令我們胃口大開！香酥的棒棒蝦，整隻蝦沾上脆醬成棒狀炸香，外脆肉滑！爽脆的玻璃魷魚通菜，有少許辣醬調味十分惹味。我們分享海南雞配油飯，海南雞味鮮肉滑溜，油飯美味可口，配紅、白蘿蔔湯，有飯、有湯、有餸，完美的組合。香甜的肉鬆煉奶油酥餅，有肉鬆饀，甜脆中點兒肉鬆的鹹香，很稱心的甜品！ 我的星加坡摩摩喳喳，有：芋圓、蕃薯圓、紅豆、涼粉，紅豆夠稔，芋圓、蕃薯圓有嚼勁口感，味道微甜。朋友的芒果沙冰，勁大份量，足夠消暑。

Delish South East Asian cuisines@Wong Tai Sin I went to a restaurant called’’Akam Laksa’’ (亞金南洋茶室) located in Shop 132, 1/F, Temple Mall South, 103 Ching Tak Street, Wong Tai Sin(黃大仙正德街103號黃大仙中心南館1樓132號鋪) to order takeaway due to the covid19."Curry beef brisket in Malaysian Style"馬來咖哩牛腩HKD$64large chunck of beef brisket. Soft and tender...The curry is rich and flavourful!!..Highly recommended. Value for money yet tasty！！"Beef cubes red fried rice"牛柳粒炒紅飯HKD$78..The red fried rice is not oily at a

近日連場大雨🌧️，放工後都不想回家🏡買餸煮食🥣，近近地🚇便到黃大仙中心南館「亞金南洋茶室」吃晚餐🍽。店舖環境不錯，地方整潔優雅，以卡位為主坐得舒服😌，而餐廳是主打馬來西亞🇲🇾菜式，所以餐牌上寫有叻沙、咖喱、手抓餅、麵條等。今晚我們就點選了「馬來特色手撕雞蝦湯麵🍜」材料有豆腐卜、少許菜和雞絲，湯底似是淡淡的滷水味道，而麵底分量十足。馬來咖喱牛腩白飯咖喱味香，🐂牛腩夠淋，用來伴飯🍚是不錯的選擇。馬拉盞炒通菜有蝦米的味道，通菜上枱時色澤綠油油😋馬來炸春卷餡料雖然簡單有蘿蔔絲🥕和菜絲🥬，但在調味方面及外脆內軟的口感整體卻不錯👍另外還有香茅雞翼、榴槤波波都很好👍椰子紅豆冰椰子味香濃，紅豆好淋配合得不錯😋

到下午茶時間肚仔餓，喺商場行行吓見到呢間阿金南洋茶室，見到餐牌都好多選擇，所以就二話不說入咗去坐低。云云接近20款下午茶餐裏面有好多款都好想試，但既然第一次嚟到就揀佢嘅招牌茶餐，同埋試埋佢嘅招牌白咖啡。招牌阿甘無骨海南雞配油飯，估唔到以下午茶餐嘅份量來講海南雞都算幾多，冇骨嘅海南雞真係食得好方便，肉質都幾滑，配上三色醬感覺正宗，油飯都好夠味，有香茅嘅香味，附送一碗好濃味嘅冬瓜湯。而朋友就試咗香茅豬扒配迷你地道喇沙，豬扒好入味好香，唔會好乾好柴呢樣抵讚，呢碗喇沙唔算好特別，但係都唔差，有好濃郁嘅椰子湯味，亦都唔係太辣，差唔多飲晒成碗湯，餐廳好細心可以比客人揀要滲滲，又或者係淨米粉或淨米線，自由度大。至於招牌白咖啡係煉奶底，略嫌有點濃，但係仍然十分香，食完主食再飲埋杯咖啡，慢慢享受下午茶嘅時間。

放假啦！我地大家在獅子山下相遇上！餓地去左黃大仙搵餐廳補充能量，見到亞金新分店幾市正，餐牌又多選擇。店員帶我地去卡位坐👍俾左QR Code落單，仲已standby好落單，其實未諗好食咩，所以叫咗兩杯野飲先。香茅豬扒配迷你叻沙滲滲，兩樣都好食。雖然豬扒睇落有啲跌咗塊，但香茅味濃搭救，叻沙滲滲幾好。無骨海南雞油飯，香港人精神，見到人叫我又叫😂性價比高，👍雞好食，皮靚，多肉，冇紅。油飯麻麻，好少油，醬汁都好少，整體有啲乾dry，適合清淡口味或者減肥人士🤭肉鬆煉奶油酥餅，美味小食。同圖片唔同嘅係煉奶好少，放咗喺酥餅上面。奶茶幾香，可惜隻杯崩咗⋯椰香沙冰（左）椰汁珍多冰（右），粉粉地，架架地，不簡單🤭味道特別🤭好似好多焦糖。

新開光有門面，食物質素已劣評如潮！我家人食完早餐，已說唔掂，但我諗早餐唔好，其他好呢！昨晚到黃大仙中心試菜，叫海南鷄飯、炸豆腐、咖哩牛腩飯，價錢舆質量不成比例，送一碗冇料湯，來到即涼，故叫侍應換，都祇是加番滾水，本來涼的，加熱後只有六成，又全冇味道。飯碗份量少，用茶樓開位碗。炸豆腐不脆，外表仍是白色。咖哩腩不辣。此等食材，令人不敢再來。

一開業我就已經來試～整體來講食物質素真係唔錯！其實佢係同下邊金記同一個集團嘅，因為我見到金記啲員工喺度出現。呢度落單好先進，要用QR code自己點餐。食物方面，由於同啲同事試咗好多次，所以好多款食物都試過，有啲係好好食，有啲係中伏嘅～各種叻沙又或者滲滲都好食，尤其推薦無骨海南雞滲滲，滲滲即是油麵溝米粉，個湯底有椰子香味，好少辣做得幾正宗，麵口感都好好，海南雞肉好滑，正！係我嘅首選福建炒麵好難食，中伏的，不要點～飲品方面檸檬薏米水甜到嘔電，唔好點，其他飲品都正正常常啦～整體來講，食物質素係幾好嘅，但係我亦都明白佢啲差評係點樣嚟嘅，因為的確佢有d食物確實係麻麻地。

附近有一間餐廳新開張，最近疫情又如此嚴重，我只好下樓買個外賣回家吃～而且外賣自取還有77折。店舖門有手腕探熱器，十分方便，點了菜後就等了一會就有了，速度都算快～香茅豬扒椰漿飯豬扒很鬆軟，椰漿飯夠香口，有蛋和蝦片～份量很足咖哩牛腩油酥餅牛腩腍滑，咖哩內還有薯仔，夠入味，配酥餅吃最適合不過。芒果沙冰份量大，夏天喝杯真透心涼～難得附近有多個選擇，而且早餐還有咖央多士，很多小食都很吸引，下次要試一試它的小食拼盤了～

香港少有南洋風味道，香港有做肉骨茶的餐廳偏少，首先肉骨茶要預備+熬上，要1-2小時，再加上肉骨茶加入中藥，湯帶甘苦味，不是香港人主流口味！這家黃大仙新店-亞金南洋茶室。 現在外賣有77折，價錢來說是相當優惠肉骨茶餐，有肉骨茶+香飯+少量油條味道偏向香港口味，湯不會太苦不帶太重藥材味，肉排雞腳經熬製，保持肉嫩多，加上香飯是一流搭配綜合來說，味道比較偏合香港人口味，他們還有海南雞，喇沙等美食，值得嘗試！

外賣送餐叫咗一個炒福建麵，一個豬扒椰漿飯，一份串燒雞肉1）福建麵：無味，豬肉全部都係肥膏，一啲都唔入味2）豬扒椰漿飯：飯底真係用椰水煲，豬扒可以，不過最離譜竟然無亞參辣醬，俾包辣油我？！咁叫做椰漿飯？！無咗亞參辣醬我同食豬扒飯有無分別？有銀魚仔同花生加半隻蛋，銀魚仔硬嘅，花生唔脆！實在太過份，完全唔能接受3）串燒雞肉：有4串，但係每串都係得半串，又無沙嗲醬仲有兩杯飲品，凍咖啡係普通港式茶餐廳咖啡質素，另外一杯係奶茶，完全無茶味呢兩杯飲品係要加15蚊，唔係送餐廳完全唔識包外賣，飲品無包好，雖然無倒瀉晒，但係成袋都係咖啡同奶茶，呢個唔關Rider事好嬲，無下次

今日行過黃大仙中心。見到新開左間南洋餐廳。入去買咗個下午茶海南雞套餐試試。有野飲有湯送 外賣八八折！四十零蚊價錢ok 個雞同油飯份量和味道都幾ok 好味。以為果湯應該都吾錯會清清地好味。但很不幸地個果個湯吾知點解double咁咸！！！飲一啖已經咸到飲吾到😶😶😶。要立刻飲啖水漱漱口！！！重手到去呢。好一個伴飯既冬瓜清湯攪成咁。成件事變得吾完美。請有關方面正視這問題🙏🏻🙏🏻🙏🏻🙏🏻🙏🏻

疫情嚴重，所有食店不能堂食，放工唯有去買外賣，同事介紹黃大仙中心的亞金南洋茶室，是一間主打馬來西亞菜的餐廳，食物好有南洋風味。外賣雖然人多，但都好快包裝好拎走。招牌阿甘無骨海南雞配油飯：外賣盒分兩格，一邊放海南雞，雞已去骨，啖啖肉好鮮嫩，連雞皮爽口，另一邊放油飯，飯粒粒分明，軟硬適中，每一顆都吸飽了雞湯，又香又夠味，是充滿南洋風味的「海南雞飯」。還有蘿蔔湯好清甜，三種醬料是配海南雞的，薑蓉、甜醬油、酸辣醬各有特色，能令海南雞味道提升不少。滑蛋海鮮炒可：有著南洋風味的美食，蛋炒得非常滑溜，海鮮有蝦、蟹柳、魷魚，河粉滑嫩。紅豆冰，配主食有半價優惠，紅豆份量夠多又夠林甜，奶味香濃！

每到晚飯時候， 冇機會煮飯又要搜羅吓附近外賣美食。 突然想吃海南雞飯， 知道《亞金南洋茶室》 出名南洋菜式， 而且疫症期間晚市外賣有77折， 甚為吸引。茶室就在黃大仙南館UG 層， 方便區內街坊。 餐牌好多南洋特色美食， 喇沙，肉骨茶， 馬來咖哩椰漿飯 ，蝦麵😋招牌無骨亞金海南雞配油飯分量都唔算好的骰， 例牌嘅甜豉油，海南雞醬汁和薑蓉都齊備， 還有招牌蘿蔔例汤。👍海南雞件又嫩又滑， 雞皮仲好爽， 油飯軟熟， 洽到好處唔会好油。滑蛋海鮮炒河好有蛋香的炒河粉， 材料爆炒得惹味！蝦仁，魷魚，蟹柳 大兜亂還有菜心， 芡汁啱啱好唔會太稠， 整體感覺唔油膩 味道唔錯。香茅豬扒撈檬份量也是很足， 豬扒厚切，炸得香口又入味。凍嘅檬粉返到屋企都唔會漿到一嚿。 因為檬粉本身係冇咩味道 ，撈勻配料有蔥蓉，青瓜絲，炸蒜再加上 酸酸地嘅醬汁， 香口美味，凍食滋味，夏天好適合！

疫情期間，很多時都會外賣自取回家吃，這是其中一間抵食的外賣自取餐廳。黎到黃大仙見到有間新餐廳，外賣自取有77折，於是便叫了以下兩個餐試一試，兩個餐都配一杯飲品。一字骨肉骨茶配白飯：這是馬來西亞風味的肉骨茶，有濃厚的藥材味，做湯飯一流。無骨海南雞配叻沙摻摻：無骨更方便食，這個是重椰漿味有少少辣的叻沙。

最近雖然日日都係食外賣，但係都有辦法食得健康啲，黃大仙中心南館開咗間新嘅南洋茶室，睇落都有一啲健康嘅選擇，所以就去試吓。我嗌左個無骨海南雞配南洋番茄湯米線。海南雞肉質柔嫩，加上係白肉，感覺健康，再加埋蕃茄湯米線，又唔肥膩，蕃茄又有益又美顏。我再嗌咗一個炸蝦餅撈檬，好抵食，話晒大熱天時，食撈檬清涼啲。炸蝦餅真係成大塊，超級足料。當然唔少得甜品啦，嗌咗榴槤波波三件，我係好鍾意榴槤嘅，外面香脆，入面就有流心榴槤，係令我驚喜嘅水準。