亞金南洋茶室 (黃大仙中心南館)

营业中

休息中

疫情期間，很多時都會外賣自取回家吃，這是其中一間抵食的外賣自取餐廳。黎到黃大仙見到有間新餐廳，外賣自取有77折，於是便叫了以下兩個餐試一試，兩個餐都配一杯飲品。一字骨肉骨茶配白飯：這是馬來西亞風味的肉骨茶，有濃厚的藥材味，做湯飯一流。無骨海南雞配叻沙摻摻：無骨更方便食，這個是重椰漿味有少少辣的叻沙。

最近雖然日日都係食外賣，但係都有辦法食得健康啲，黃大仙中心南館開咗間新嘅南洋茶室，睇落都有一啲健康嘅選擇，所以就去試吓。我嗌左個無骨海南雞配南洋番茄湯米線。海南雞肉質柔嫩，加上係白肉，感覺健康，再加埋蕃茄湯米線，又唔肥膩，蕃茄又有益又美顏。我再嗌咗一個炸蝦餅撈檬，好抵食，話晒大熱天時，食撈檬清涼啲。炸蝦餅真係成大塊，超級足料。當然唔少得甜品啦，嗌咗榴槤波波三件，我係好鍾意榴槤嘅，外面香脆，入面就有流心榴槤，係令我驚喜嘅水準。

受到疫情影響，嚴禁任何時段堂食。好多食店都選擇直接關門唔做生意，而我繼續無得home office唯有收工到附近買外賣回家!呢間亞金南洋茶室係黃大仙南館開業無耐。而家做緊外賣自取77折優惠。店內主打東南亞南洋風味，有比較少見的肉骨茶還有喇沙系列、咖喱系列、海南雞等77折後埋單價錢只係一百左右，幾抵食。檳城炒貴刁 $62 有肉鬆、臘腸、蝦仁、魚片作配料，足料但調味偏淡，附辣油剛好。細滲配白飯 跟油條$78 包了一字骨、豬肚、腩肉、豬腳、雞腳、豆卜飲落湯頭甘甜，濃郁中藥藥材味。一字骨軟稔唔乾柴豬肚算嫩滑。油條吸收晒湯頭精華，很下飯。

Went to boyfriend's for dinner and well ... his kitchen is a mess. As there is no more dining out after 6 PM, we decided to get take away. He mentioned some place new in the mall nearby and we decided to give it a try.Located in the Temple Mall,  亞金南洋茶室 (English name: Akam Laksa) serves Malaysan/Singaporean cuisine. Here is something I had never seen before. A temperature check device that you just press your wrist against it. You don't even need staff to hold the thermometer at your forehead, m

在附近收工買外賣回家，見到這間新開張不久的南洋冰室有外賣77折，折後都幾抵吃，決定買兩個外賣回家吃。【馬來咖喱牛腩】咖喱味道幾香濃，不會太辣，如果多一點椰香味道更佳。豆卜全都索滿咖喱汁，味道濃郁，主角牛腩炆得好淋好好吃，入口咬兩咬就消化到，而且很香牛腩味道。配油酥餅只有一片，很不夠喉。【南洋醬炒牛柳粒馬來椰漿飯】來到馬拉餐廳當然要試一試「辣死你媽」Nasi Lemak，這個醬汁酸酸甜甜，比較像中菜的炒牛柳粒醬汁，牛柳味道都炒得幾香，質地不會很韌，蝦片因為放久了所以淋了。【椰汁紅豆冰】椰漿味道超濃厚，更結成膏狀，紅豆沙是軟林林那一款，很重紅豆味，但有點太甜。

最近疫情嚴重，每日都過百間case,當然要乖乖地唔好周圍走，去咗亞金南洋茶室，買個外賣返屋企慢慢食。餐廳好新淨，應該係啱啱開張，餐牌有好多東南亞美食。我最後決定揀咖哩牛楠飯咖哩汁好香，唔太辣，啱哂我依啲鍾意食咖哩又怕辣嘅人。裏面有豆腐卜，同薯仔。牛楠份量好多，同好入味。仲有細滲，即係肉骨茶，好多料，一字骨，連豬肚都有，仲有油炸鬼俾你加落去。個湯好好飲，餸飯一流。最後仲有肉鬆煉奶油酥餅，甜甜地好好味

近排無得堂食，只好買外賣回家，很多餐廳都有抗疫優惠，這間新開的亞金更有77折，即管一試。亞金是一間南洋冰室，所以主打南洋菜式，如肉骨茶，叻沙，海南雞，咖哩，椰漿飯等，選擇都頗多，價錢都算經濟。天氣熱，最愛食撈檬，選了香茅豬扒撈檬，份量都幾大碗，賣相不錯，一大塊的豬扒不會煎得太乾，如果香茅味可以重一點會更好。大量生菜絲及青瓜絲撈上魚露汁，十分開胃。另外點了海鮮炒飯，賣相一定沒有堂食般精美，但材料一樣有硯肉，蟹柳，八爪魚，蝦仁，菠蘿粒及提子乾，炒得不油膩。點一個主菜，飲品便可有半價優惠，點了健康的檸檬薏米水，十分清甜。下次疫情好轉要再來食肉骨茶。

同屋企人一齊試下呢間新開嘅餐廳諗住食下馬來西亞菜叫左個海南雞飯，咖啡雞同亞參叻沙黎到嘅賣相非常吸引點知食落去嘅時候叻沙入面嘅配菜有啲仲係涼涼地，唔係熱嘅😨仲要一啲都唔香唔辣（叫嘅係中辣）屋企人食嘅個2款都好普通所以結論係食一次就算😅

今日想試試新野，個餐廳望落幾靚，但d野食就。。首先講下個海鮮炒飯先，d蛋炒到焦左。。個味道中規中矩啦，自己係屋企都煮得出個種。海鮮又少，得五六舊蝦仁（應該係平既急凍蝦仁）同埋少少章魚，個價格$68，個人就覺得相當唔抵啦。第二樣野食就買左香茅豬扒叻沙，嗯嗯完全唔符合口味，裏面又有粉又有面，個人感覺奇奇怪怪，豬扒唔算好味，價格$58。可以講個性價比唔高，食完一次以後唔會去食。第三買左個度d野飲，奶茶幾好飲，$13一杯，性價比低個杯細裝得又唔滿，仲不如去飲sharetea。雖然有外賣優惠，但都比左$120左右，平均每人$60，但真心唔符合個人口味。除非大家真系好鐘意馬來西亞野食啦，否則唔推薦大家去試。（不喜勿噴）

2020.7月8號.晚上20時同老婆去晚飯！去到黃大仙南館見到一間新開亞金南洋茶室！就同老婆入去試下！叫咗一碗亞參叻沙米線，同一碟海南雞油飯，同倆杯凍飲，香茅薄荷特飲，龍眼冰！海南雞食落實是雪藏雞！碗米線罐頭沙甸魚☹️無味雞難以入囗垃圾！無下次！

黃大仙一帶食肆集中在黃大仙中心和龍翔中心，大多數店鋪都比大型連鎖店壟斷，偶爾都會有比較小規模的餐廳經營，以為作為以老人師奶集中的黃大仙地區提供不同用餐體驗。呢間南洋茶室系黃大仙中心只係開左一個禮拜左右，已經吸引到唔少街坊泥試下新野食。我早一日路過見到餐廳開業，已經比個多選擇的Menu吸引，所以第二日就去幫襯試下南洋菜式。香港近年都開左唔少以南洋菜招睞的餐廳，以深水埗的蘇媽蘇媽同連鎖店 toastbox 有較大知名度，販賣比較接近星馬當地口味的飯面菜式。呢間野我系星期六下午茶時間幫襯，等位的人數唔少，等左十分鐘先能夠入座。裝修有加上星馬特色，例如魚尾獅頭像同獨特的瓷磚。下午茶Menu有成十幾樣選擇，有laksa 海南雞飯 福建蝦面 肉骨茶 咖央多士之類。 我叫左個檳城炒粿條配南洋凍奶茶，分量以下午茶泥講其實好足夠。粿條系用黑醬油去炒所以味道上系偏甜，唔似乾炒牛河感用老抽同油去爆香河粉。粿條配上肉松魚餅豆干芽菜蝦仁臘腸同蛋花，上蝶個賣相唔差，食落去麵條同送菜混為一體，唔會太油膩，比較適合香港人唔食太過重口味。我只系覺得如果鍋氣再大D熱D感蝶粿條就炒得更加好啦。 星馬當地的粿條做法其實同呢個

昨日食過下午茶，尚算滿意，今早（5/7/2020）又有街坊約到此茶室食早餐，故又來。十點多，等了十分鐘至有位，早餐款式較茶餐廳有特色些。落單可以QR CODE，自己落點了鮮牛肉叻沙滲滲，叻沙味道較淡口，牛肉只有五塊薄片，再加兩個豆泡。香茅豬扒蕃茄米粉，豬扒好滑及入味，份量亦大份。鮮油咖央多士配半熟蛋，等了二十分鐘仍未有得食，故找來服務員，一會後才有餐，但半熟蛋變了全熟蛋，都算，多士唔熱及唔脆口，好似已制作了一段時間，後又來多一份鮮油咖央多士配半熟蛋，同服務員換回半熟蛋。餐茶點了南洋奶茶，點餐時無得選擇甜度，奶茶實在太甜，跟服務員要了多些茶來沖淡些，服務員亦送來半杯茶，沖淡後仍覺甜。服務員有禮貌解釋，奶茶是用練奶，故會甜些。

黃大仙南館開了間南洋茶室，當然要來試吓，間茶室開了個多星期，附近亦無東南亞食店，所以幾次行過都要等位，所以無食，今日（4/7/2020）朋友一早來等位，話一定要食下午茶。點了輕怡一字骨肉骨茶，肉骨茶味濃，有二件一字骨，一隻雞腳及二個豆泡，下午茶來說，十分足夠盛飯的碗用雞碗，都有心思，輕怡亞參叻沙，餐牌列出有蟹捧及魚片頭，但找不到，可能新開張，伙計都未熟透掛，先會遺忘，沙甸魚味蓋過叻沙味，如果分開上會較好凍檸檬意米水及凍奶茶檸檬意米水有多件糖冬瓜在內，多了咬口

新開張食店，單睇餐牌好似好吸引，而且見到好多人等位，所以決定攞飛一試。等了大約15分鐘就有位，於是一試肉骨茶餐加配油酥餅，但一味簡單的肉骨茶餐要等半個鐘，油酥餅等了大半個鐘催了幾次都冇影，唯有取消。諗住叫得南洋茶室，肉骨茶一定最穩陣，點知完全不正宗，冇藥材味，湯裡有2條一字骨、有隻九唔搭八既雞腳、2件豆卜加埋3件油炸鬼和一碗白飯，只可算是茶餐廳的普通貨色。總括來說只可説是中規中矩，再幫襯機會應該不大。

外賣自取88折👍🏼香茅豬扒叻沙｜$58餐牌有一隻辣椒仔，食落完全唔辣，唔食辣既人應該都接受到。湯底好濃好惹味，唔會太鹹或者好重味精味，喇沙控表示收貨。香茅豬扒好味，夠腍，亦煎得夠香。細滲｜$78（一字骨/豬肚/豬潤/腩肉/腸粉，配白飯/油條）相反，肉骨茶個湯就相對淡，要點佢提供既甜醬，一字骨比較好味，唔知d餸係咪random俾，我地呢碗就無豬膶同腸粉，味道算中規中矩。本身想試埋椰汁紅豆冰同椰青菠蘿特飲，可惜兩款都無。叻沙湯值得一試。呢個價錢有咁既質素，絕對會再幫襯。