任你點車仔麵 (已結業)

-餐牌方面都搵到比較特別嘅餸，例如陳皮魚蛋 & 門鱔帶骨炸魚皮，另外估唔到會有牛舌飯食，不過今次試咗車仔麵先下次再食。蕃茄湯底 & 河粉都冇乜特別，辣椒醬有原條辣椒，加咗入去更加有層次。🐽豬頸肉 - 屬於BBQ嗰隻醃製方式，有好多黑椒，都有少少咬口，會encore。🐟魚皮- 都幾厚，建議浸入湯之後再食，單食就太硬，冇骨！✨酸齋- 1入口真係幾酸，之後先有少少甜，隻酸喺我舌頭揮之不去，下次唔會點🐠🥚陳皮魚蛋 - 都夠彈牙，有少少咸。(*´∀`)~份量超級多～女仔應該食唔晒推薦指數：⭐️⭐️⭐️平食一餐，CP值好高，味道就一般般。📍任你點車仔麵 (深水埗)📍深水埗福華街147號地舖

韓國名廚白種元早排嚟到香港周圍覓食，同時拍片放上 YouTube，影片即時掀起唔少話題.其中一集講述佢去深水埗文記食車仔麵，於是我又去吓文記開餐，雖然門口排隊人龍唔太長，但隻豬腳突然間有D痛，於是快快搵間餐廳坐底唔想企係到等，結果行落下一條街，試吓另一間車佢麵，餐廳叫任你點.上網睇睇，佢地最出名係花膠，而車仔麵檔有花膠又真係唔多見，於是會一會哩個花膠，睇吓係咪真材實料.我點咗米粉，蘿白豬大腸金錢肚魷魚豬軟骨，女友小熊點咗貢丸牛栢葉雞中翼肥牛花菇，兩碗都,點咗花膠.優點:1, 有花膠提供夠創意，花膠份量唔算少，入味又夠冧，果然名不虛傳!2, 花菇同樣入味又夠冧.3, 唔係檔檔車仔麵有蔥花，任你點有我大愛蔥花提供，讚!4, 湯底清甜.5, 冷氣夠凍.6, 落單寫係塊過膠板上，夠環保.缺點不少:1, 蘿白超甜，但係甜到好似糖水咁就好似有D奇怪!2, 更奇怪係豬大腸有股酸味! 但又唔似變壞，因為我食完之後第二日都無肚痛，可能我消化力強吧，總之.... 果種酸味好奇怪.3, 日式豬軟骨，軟骨部位只係煮成爽脆口感，唔係軟冧口感，軟冧口感更夾自己口味.4, 金錢肚唔入味又有少少韌.5, 牛栢葉縮哂水

我有個習慣就係如果見到或諗起好想食嘅食材，就唔理佢係咩菜式，有得食就會滿足。今日見到呢個餐牌就懷住興奮嘅心情食門鱔帶骨炸魚皮。。。食物上桌，心一沉，我就知呢篇食評必然係喊喊。炸魚皮：唔夠脆，冇骨嘅，大家可自行判斷。湯頭：接近清水嘅程度，我叫嘅係小麻辣，係清湯加小小麻辣油。河粉：滑，彈牙，合格以上。雲吞：蝦係爽嘅，味道一般。秘製雞扒：皮脆，有肉汁，全餐最好食嘅，如果當日係為雞扒而來，應該會感到滿意。 牛舌細嗰兩舊好乾，又硬，非常失敗。大嘅部位算靚，但局部位置偏韌，好食講唔上，就不過不失。

今日嚟試呢間出名嘅車仔麵，出名大份抵食，麵真係好大碗，配料都比好多，丸一份都比四、五粒。我叫咁油麵，食車仔麵最緊要食落去唔會淋，夠咬口，餸方面我叫咗蘿蔔、咖哩魷魚、餃子。另外叫咗個韮菜。首先湯底方面夠味，食落去唔會好淡。餃子好食，本身餃子都有調味，幾香，又夠大隻。然後成碗都好多蔥，正！對我呢啲蔥迷嚟講，覺得好惹味~咖喱魷魚辣味就唔係好濃，但就夠晒彈牙，份量都唔少。蘿蔔麻麻地，唔係好入味～Overall都幾抵食，啲野都幾大份，但味道上都唔錯

深水埗一向多食港式食物嘅良心小店，又平又正，今次就特登去幫襯任你點食車仔麵 🍜 往日玻璃牆上有著很多創意，雖然現在牆上字畫已不多，但到訪的食客還是可以用枱上的Marker在牆上作畫𓂅 鮑汁炆花膠 / 手打墨魚餅 / 柱候牛腩 / 日式溏心蛋油麵( ᴴᴷᴰ 68 )𓂅 秘製雞排 / 手打墨魚餅 / 柱候牛腩 / 日式溏心蛋 ( ᴴᴷᴰ 68 )講番食物，ᴴᴷᴰ16食到鮑汁炆花膠厚身又大舊，炆得飽汁味出，呢個價錢無得彈👍🏻 手打墨魚餅同樣ᴴᴷᴰ16 但係係驚喜嘅，厚實口味仲食到粒粒墨魚！另外湯底方面都十分多選題，今次就試咗腩汁加麻辣，配上油麵食剛好～

This is my favourite cart noodle spot in Sham Shui Po. The seating is comfortable and the Cantonese pop songs and hand-written messages on the wall and friendly staff make it feel more welcoming.When it comes to ordering cart noodles, be sure to get at least three  toppings with your noodles, or four if you want to replace the noodles with vegetables (which are counted as a topping).The egg white fish tofu is a pleasant surprise when you bite into it, but you may want to try other soup bases for

好耐之前已經係灣仔食開，不過灣仔分店無做之後，就已經少左機會食啦，今日行開深水埗，見到出名既文記多人到⋯突然諗起呢間曾經既最愛🥰🥰我點左4餸，花膠，豬紅，辣魚蛋，豬大腸，麻酸辣汁，中辣💁🏻‍♀️太耐無食已經忘記左薯粉之前有無⋯平日係河粉愛好者既我，見到有薯粉呢個item 都忍唔住叫左試下😂📍辣魚蛋好大粒既，但可能長期浸係汁入面，所以唔夠彈牙，如果再選擇既應該會揀啲返陳皮魚蛋📍豬大腸一如以往既好食，無異味👍🏻清洗乾淨，仲係我喜歡既味道👍🏻📍豬紅豬紅我覺得好似之前灣仔分店處理得好食啲，味道可以既，但略有點不夠入味📍花膠花膠真心抵食！$16咁大塊，應該無乜女士唔喜歡😂一如以往既好食👍🏻夠哂膠質，又夠淋，每次都係花膠令我回頭💁🏻‍♀️會繼續食既，希望更多分店🥹🥹

深水埗好多價錢唔貴嘅餐廳，但有d係將貨就價，有d就份量減少，但係任你點車仔麵做到唔貴之餘，材料亦算可以接受，食落口唔會覺得係d來貨好差，而且重要係份量夠比足料，食完之後都覺得抵！叫左油麵底，煮既時間控制得好，麵唔會好冧，而且麵底唔少一定食飽，之後仲叫有咖哩魚蛋，味道方面做到小食檔一串串嗰啲咖哩魚蛋味道，唔會太削或太重魚腥味，肥牛唔算嫩，亦知道唔係靚牛，食落冇鞋口或咬唔到已經收貨，春卷質素同一間連鎖粉麵店可以一比！

記得好耐之前有睇過youtuber介紹呢間車仔麵，一直記住左但係都未有機會試。今次終於黎左試！雖然加左價，但係配料同麵底既份量都好狗好足料！另外最特別既係呢度既配料同比起傳統車仔麵既都好多選擇，仲有花膠、糖心蛋、日式叉燒呢啲揀😳鍾意食車仔麵但係又怕悶既可以黎試。  1️⃣三餸車仔麵（$47）（沙嗲汁） 👉蕃薯粉（$10） 沙嗲汁好香濃～蕃薯粉滑滑又煙韌😋  👉手打墨魚餅（$16） 有兩件，食到粒粒既墨魚肉。  👉日式溏心蛋（$12） 好入味啊呢個糖心蛋😍而且中間既溏心效果好正！  👉紫菜（$9） 紫菜係可以好索味既配料，索曬啲沙嗲汁🤤

🟠腩汁豬紅豬腸墨魚餅河粉（$44）碗車仔麵黎到驚喜左我，好大碗，餸既份量仲要都算幾多🫢墨魚餅非常厚身彈牙有口感，豬紅本身應該已經調左味，而且唔會太淋，有口感。豬腸處理得都好好，無其怪味道👍🏻河粉正常發揮。

Intro: 深水埗黎講算多車仔麵選擇，先前食左文記車仔麵覺得名大於實，要今次就去試左附近都好出名嘅任你點車仔麵，咁岩一個人食嘅時候係6點前，就見到33蚊嘅車仔麵有三餸仲送凍飲，但份量會相對縮少架～ ___________________🍽 蕃薯粉+菜芯+糖心蛋+日式叉燒+沙嗲汁 ⭐️ 7.75/10💰 33（下午茶餐，送凍飲）✍🏻 糖心蛋有流心嘅效果，唔係間間車仔麵都做到，味道甜之餘唔會冇左蛋味✍🏻 日式叉燒只得一舊，但好厚同大舊，不過肥肉比例多左少少✍🏻 沙嗲汁唔夠濃，但湯底總算有香味✍🏻 菜芯大條但偏硬✍🏻 蕃薯粉太冧，好易咬碎，冇左應有嘅口感___________________🏠 任你點車仔麵📍 深水埗福華街147號地下⭐️ 7.75/10 （車仔麵）___________________

#紀念一下難得外出堂食的日子久違了的 #車仔麵，大圍人介紹必吃的車仔麵😋 配料選擇豐富，甚至變得有點選擇困難症，尤其是規定一定要選四個配料😆 車仔麵上場，配料足，#牛肚 滷得十分入味，反而豬紅和豬皮有點失色，墨魚丸大粒，味道可以。可選配汽水、熱飲和凍飲，下次要試 #炸墨魚條 😎 | 服務正常| 入座沒有時限

車仔麵食得多？車仔湯飯又食過未呢？唔好睇佢咁平，店員哥哥服務態度5粒星🌟幫襯嗰日得佢一個人睇樓面，不時仲需要出入廚房，但佢依然勁好禮貌同熱情👍🏻唔知係咪因為叫咗多湯所以幫我分咗碟，平時應該係一碗過🤣不過咁樣可以睇清楚曬超多花膠😚真係可以花膠食到飽！唔大食嘅話大家可以叫少飯🍚汁方面建議大家可以揀牛腩汁🦬🐂🐃🐄🐮又黃又平又好食又好服務態度，絕對推薦大家去食❤️‍🔥

返緊工叫外賣食，平時食開個冬菇好好味，但我到攞之後，佢竟然聽錯咗俾咗金菇我，真係有啲嬲，不過都冇辦法啦，唯有自己下次都要睇清楚張單，但服務態度質素都好好👍所以絕對有下次😝

我可以總括以上話好食/比正評嘅留言嘅內容（哇！佢係黃店黃店黃店，話知佢難食，點都要讚到佢好食到飛起。）但係即使係黃店都要有質素，唔係掛住黃店呢個名銜係口作一個賺錢嘅工具，之前試過好多黃店真心有質素，比錢都唔會心痛，但係呢間唔係。我自己個人食過一次呢間，唔會再去食，真心寧願去隔離街出名啲嗰間，呢間啲湯淡到好似滾水咁冇味，懶係多嘢揀咁有幾款湯底，我地叫左兩款（沙嗲+腩汁）試過兩款，唔知道係咪中左肺炎定係點，兩款乜味都冇。本人係隔離街嗰間食開鍾意每淡麵都要連湯一齊食，呢間係麵連水一齊食。啲餸嘅味全部都係源自於本身嘅醃料，本身係深水埗翻工，有開自己心目中嘅食堂，但係呢間係blacklist。即使嘢食唔好食，但係入面啲員工大部分都算有禮貌。