伊勢日本料理 (已結業)

男朋友鐘意食日本野, 之前去openrice睇食評知有此餐廳, 放工後去食晚餐。九點多去到我order左天婦羅定食,天婦羅粉漿很簿薄, 不油, 有2隻蝦,有茄子,蕃薯,南瓜,幾好味。男友order了刺身($350),有6款,每款3片。價錢算貴(之前無預到),不過佢話新鮮。

有一次朋友介紹來這裡食飯，試過都覺得不錯，而且利舞台一向人流較少，因此週末當其他附近的地方都大排長龍時，這裡是值得考慮的選擇。今次輪到我介紹另一個朋友來吃飯，黃金時段都有很多空枱，不禁替這個商場擔心。今次他們的壽司有七折特價，我們叫了廣島蠔和生蝦壽司，兩者都非常出色，其中後者的蝦比一般廻轉壽司的蝦要大，口感更好。另外我們點了豚肉煱和煎鵝肝，味道同樣不俗，後者的份量較少，但幸好前者有粉絲和豆腐打底，最後我們再加一個軟殼蟹卷，那就剛好夠飽。這裡地方寬敞，而且侍應服務熱心，價錢起碼比食通天平上一大截。

由於星期五放假, 所以星期四呢日提早出街Lunch, 今次仲有另外四個同事一齊話要跟我哋去食好食,之前一晚特登走上去openrice 度搵嘢食, 又畀我搵到呢間好多網友讚好食既日本嘢!又係一路都唔知有間咁好食既嘢喎~~ 我同食開飯既同事都唔駛點諗, 一定係認佢個「伊勢風魚生定食」($90) 啦!即係雜錦魚生飯定食! 有兩位同事都跟我哋要咗呢個餐。呢個飯咪睇佢細細碗咁, 其實個份量都唔少架! 絕對夠食!材料有三文魚、油廿魚、海膽、八爪魚、鱆紅魚、三文魚子同玉子,最鍾意佢有海膽架! 仲要樣樣魚生都幾新鮮!! 麵豉湯就不過不失啦~ 但係右上角果碗日式炆牛柳粒又真係好好味喎~~另外套餐仲跟一個日式燉蛋, 呢個真係正到暈! 啲蛋又香又滑呢~~另一位同事個「燒汁雞扒便當」($88) 都唔錯喎~~ 同事都話好食, 啲餸菜好豐富, 同埋材料又平均!另外跟一碗白飯, 不過呢個餐就冇跟個日式燉蛋。仲有一個係「牛扒汁燒定食」($90),同事話一樣好味, 不過對男仕嚟講, 個份量就少咗啲......最後仲有個好好味既甜品「芝麻雪糕」, 好滿足呀!! 而家仲要有coupon 的話(係門口有得攞), 就五送一,我

mar 11, 08,2人來dinner,叫咗 : 1) 枝豆-正常出品,外邊舖咗少少鹽,豆腍,又唔會濕晒 2) 牛肉鍋定食i)黃蘿蔔: 無食到ii)南瓜: 好腍,好甜,有南瓜味,友人講全餐最好味iii)麵豉湯: 正常iv)牛肉鍋: 初食第1舊牛肉好嫩,個湯底亦好夠味(如果無飯夾住食,真頭喺鹹添),裡面有蔬菜。但當食完1 round烏冬後,翻來再繼續,d牛肉浸在熱鍋內令佢哋老咗。所以個攻略喺要食得快/即刻將牛肉先夾出v)白飯: 喺日本米vi)芝麻雪糕: 好重芝麻味,又食到芝麻碎,所以有口感。另外有紅豆同綠茶味嘅選擇 3) 蔬菜稻庭烏冬-熱食-本身menu上喺淨稻庭烏冬,但可以+小小$$$叫餸,我哋揀蔬菜,只喺+$5-原來稻庭烏冬喺扁幼身,我都唔記得以前有無食過稻庭烏冬,我哋叫嘅時候喺抱住食到煙韌嘅口感,1見到佢個樣,我個心都有小小沉-入口如我哋所料喺無煙韌口感,不過的確喺好滑。友人話好似4川擔擔麵嘅麵質咁,仲叫我去超市用$3.x買包試吓......我都費事理佢-所以呢個烏冬適宜冷食好d- 祝友人食過呢餐生日飯之後,會1帆風順,身體健康 - 之後結完賬,店員比咗d mon-fri午市嘅

之前都講明，真係食日本定食食到上癮，今日黎到銅鑼灣又係食日本定食，大約中午十二點幾去到無乜客真係想揀坐邊都得果隻，唔好理坐低睇下餐牌，之前食過兩間都係牛肉，所以今次試下第二樣，諗返起睇電視節目睇過日本有隻叫做「親子丼」既定食，即係雞肉蛋飯，咁o岩呢度有所以就試下，一黎首先試下前菜，紅蘿蔔牛柳粒，份量小小仲有d幾好味既汁用黎開胃真係o岩晒，跟住麵豉湯又係屬於高水準，然後到主角雞肉蛋飯，仲有d冬菇絲同埋洋蔥，真係好味，d日本米仲係我呢幾日食過幾間之中最好，食完仲有甜品芝麻雪糕添，埋單都同之前食既兩間差不多，連加一六十六蚊。計質素呢度最好可惜銅鑼灣對我黎講係幾遠的。

12:15pm 人在銅鑼灣搵食, 好random 咁0黎了利舞台, 俾呢度lunch menu 吸引了, 入0黎睇睇. 今日天氣繼續凍凍凍, 叫了個牛肉鍋定食($70) 暖暖身.先0黎蒸蛋, 賣相一般, 聞落香噴噴, 有冬菇, 魚蛋, 蟹柳同一d 唔知乜0野葉, 食落好滑, 雖然整體比較淡口, 不過起碼唔口渴.熱辣辣的牛肉鍋份量唔少, 有得自己撈一隻生蛋落去, 白飯係珍珠米, 米香無乜, 咬落亦腍了少少; 牛肉係肥牛, 唔硬又油香十足, 唔錯; 底部墊了好多菜(洋蔥, 金菇etc), 索滿甜甜的sukiyaki 汁, 要0黎送飯0岩晒, 亦因為d 汁實在好食, 我將成碗白飯就咁倒落個鍋度撈晒食, 十足食泡飯咁. =P定食仲有一個scoop 雪糕(亦可選咖啡), 揀了芝麻味(另一款係紅豆味), 雪糕本身幾滑, 芝麻味濃郁, 仲有粒粒芝麻碎, 好食.環境唔錯, 裝修簡樸, 0個個鐘數靜靜0地, 卡位坐得舒服亦乾淨企理, 唯一唔好係檯上的濕毛巾唔係咁乾淨, 一捲開好多黑色碎濕濕的塵垢(!?); service 非常好, 戴眼鏡女店員好有禮貌,「多謝」前「多謝」後, 主動加茶, 你同佢講「

今天本想到另一間日本料理食, 但抬頭一望, 看見二樓有間好有日本特色的日本餐\廳, 就走入去試下喇!一入去就見到好多日本清酒樽, 好靚好精致! 我跟朋友肯定這是一位日本人開的!我們點了:1. 金菇肥牛卷(3/5)不俗, 但我嫌佢\d汁唔夠香, 令肥牛無咁野味. 不過口感唔錯, 唔會太\'un\'~2. 餃子(4.5/5)超正! 餃子內面料足又多汁, 個汁味夠濃! 必食呀!3. 牛肉鍋(3.5/5)肥牛食落去有牛肉味, 同埋唔會太肥, 個湯幾清甜, 不過份量太少.. $88 只有幾片肥牛...4. xx烏冬(有炸煆/金菇/冬菇) (3.5/5)我想講, 佢\d烏冬超好味!! 真係好正!!! 但因選用了麵豉湯底, 所以湯底個味唔係好濃, 如果濃d, 會更好味!! 但烏冬係必試的!!!服務真係好好~但價錢真係唔平~

前日同一大班同事去食LUNCH，本來唸住去對面間泰國菜館(金不換)，點知有個同事話想食日本嘢，咁咪改去E間囉! 我地一行六人入到去，被安排座左入去D房仔入面，起初唸住都好呀!靜D!點知除左帶我地入去之後，個待應放低左個餐牌同杯茶之後，就無再入過黎，我地想叫嘢食，等左成十分鐘都無人黎，最後我地為有行出去叫人入黎寫嘢，服務一般都算!全個餐牌無咩選擇，只有8~10款套餐(無散叫)而且o個8~10款，有5款係魚生，3款係牛肉，選擇好小!又話說係叫嘢食期間，發生左件羅生門o既事，話說我地叫左個伊勢定食，但係我其中一位同事唔食魚生，所以我同事好清楚問其中一個待應個仁伊勢定食有D咩，個待應話有魚生、天婦羅、湯同鴨胸，個同事二話不說就要左E個餐，唸住將D魚生比其他人食，點知...個餐黎到簡直嚇一驚!!!個餐黎到同個待應講o既好大分別，原本個餐係魚生飯，而且並無天婦羅而鴨胸呢，原來只得五點(係!係點呀!)用黎伴大豆芽做前菜，除左個湯之外，同個待應講o既有好大出入，我地當然有同個待應姐姐理論啦，其中一個我睇係新黎o既話肯幫我地換過，但係當佢走左無幾耐，有個主任級o既呀姐入黎話廚師已經煮左無得換，重叫我地睇

I cannot eat crap and prawns on the day we went to ISA and i told the waitress. The waitress suggested a kind of roll (can't remember which type), but it came with crap legs in it!When we asked to take it away, they refused. We started arguing and telling the captain (another lady) what the story was. She insisted that they are not going to take it away (cos it can't be served again - of cos it shouldn't be...). The shop was not big and of course our argument was audible. She then said "shh

我和朋友叫了燒鯖魚定食($7x)和燒三文魚定食($6x).水準不錯, 有魚味, 而且幾足份量. 有蒸蛋和紅豆雪糕送~仲有九折, 幾抵食!雖然款式得十款左右, 但個人認為環境同質素好過附近o既東京和食+魚一丁.午市又多個好選擇~

同朋友到伊勢食晚飯價錢真係好貴，最過份就係份量少得十分可憐叫了最貴的一款魚生佢話係最大份的才夠我地十個朋友分但係一份最大的刺身原以為至少都夠四人份量原來只係兩個人的份量...總共十二塊其他的食物份量（連飯...拉麵....牛肉鍋)都係少得好驚人貴都唔緊要唔好食先最過份最出名的魚生壽司.....真係同百佳十元四件的冇分別勁難食仲差過魚一丁......=.= 但貴好多至少我地成班frd 每人食了兩百多元冇一個飽！！！！！！！！！！！！！

上星期五同同事食LUNCH,我叫了一客牛肉窩定食,我的同事叫了刺身定食.牛肉窩定食- 先吃配菜,係籮白燜牛肉,很好味,牛肉好稔好滑...正!主菜牛肉窩,先喝湯,味濃但偏鹹,仲係幾鹹果種,但配了白飯可OK呢!燉蛋OK,麵豉湯則一般吧!我看見同事叫的刺身定食頗新鮮(他也說新鮮),造型也不錯,下次會試試!

利舞台廣場食肆選擇不少，與兩個朋友去吃飯，任由他們選，最後來了這裡吃日本菜。周六的二午，人客不多，沒訂位也沒有問題。這裡地方不錯，我們三人坐在通道旁的四人卡位，有私人空間，可以舒服的傾計。午市定食選擇不少，價錢由六十幾至百幾。初次來這裡，都是由有信心一點的食物試起，就要了個牛肉窩定食，朋友則分別要了壽司定食及鹽燒三文魚定食。拿起熱毛巾抺抺手，喝口綠茶，很快有東西吃。先來一個蒸蛋，幾夠熱亦滑溜，略欠蛋香，配料有日式魚蛋、冬菇及蟹柳，獨欠銀杏；味噌湯淡淡的，普普通通；小吃是薯仔紅蘿蔔煮牛肉，煮得軟腍亦幾甜美，有可吃之道；牛肉窩盛在小鐵窩內，五片牛肉加上墊底的金菇、洋蔥、高麗菜等等，加一只生雞蛋，份量十足，當然如果連豆腐也在內就更好。Sukiyaki汁甜美，撈上蛋汁，用來下飯也不錯。米是普通的珍珠米，不知是否空調的關係，略嫌凍一點，亦硬了一點。以索價65蚊來說，算是交足功課的了；朋友甲的壽司定食，賣相不錯，不過也是本地料理店的老毛病~刺身太厚了一點。有時刺身厚也未必一定是好，要恰到好處才佳。吃了甜蛋卷，略欠甜味，口感也夠鬆軟的了；朋友乙的鹽燒三文魚一如所料，三文魚肉是較粗鞋的，不過烤過的三文

聽講好出名o下, 老字頭... 就走去試o下啦..點知...質數差, 價錢貴, 茶餐廳feel好激氣>_<

-火煱牛肉竟然冇個火o係下面燒住，仲要唔夠熱，一開個蓋\好冇癮。<br />-鰻魚飯$100有如大家樂質數，而且得一塊。<br />-頭兩樣野黎左4個字之後先黎魚生，都食哂之前d野喇。<br />-得魚生ok，不過都幾貴。<br />-4個人食左$600，好一般。<br />