伊賀日本燒肉料理 (已結業)

中午去The Hart食燒肉放題～平時夜晚經過呢邊好旺,好多餐廳同酒吧,星期日既中午酒吧唔會開自然好靜~~The Hart3樓既日式燒肉放題坐位寬闊,環境開揚,有戶外位不過是炭爐,可能晚餐先可以到外面坐。先叫點刺身飲杯茶再烤肉,松葉蟹棒,帶子,榮螺,鮮甜爽口。加$30任飲無酒精飲品,安格斯牛小排油花好美,肉質淋滑唔柴口~伊賀一口牛很鬆軟不難咀嚼~地獄雞中亦都幾辣架,單骨更方便進食!前:黃金龍蝦卷,吉列炸蝦熱辣辣又脆又爽口,壽司上的醬脆卜卜好特別後:火灸辣味琉璃蝦壽司,辣汁特別調製頗辣~味道有點像辣椒仔醬汁蟹籽沙律細細份每人叫一碟自私食落單份量自由選擇,全部1為1件,刺身,肉類,小食,壽司都可以叫少少試下,好食或者唔夠再落單,咁就唔會浪費喇~多款肉類已經醃製過,所以唔洗蘸醬汁食~牛油粟米十分惹味!!娘惹山藥,味道有點像蕃薯,入面煙煙韌韌,好特別,食埋呢個甜品~完美 。

星期日同老婆遲左起身去尖沙咀睇早場，散場時已經差唔多1點，我地咩都未落個肚超級肚餓，老婆大人話想食燒肉，我接令後立即上OPENRICE搵，睇到呢間赫德道The Hart嘅伊賀日本燒肉料理，lunch燒肉放題只係$198一位，價錢好吸引，我地立刻上去walkin。The Hart非常新，樓上幾層係酒店，伊賀日本燒肉料理位於3樓，地方都好大，而且落地玻璃令餐廳充滿自然光，日式裝修風格加上寬敞嘅座位，整體環境好舒適。😙點餐係用電子餐牌，即點即落單，方便之餘亦可以更有效避免放題最容易發生嘅漏單情況。除左燒肉之外，其他任點食物種類都好多，刺身、壽司、小食、野菜、海鮮同炸物款式都唔少，就算唔燒肉，只食其他食物都足夠回本。😁未落好單店員先送上一碟燒肉頭盤，每款一人一件，呢個安排我覺得幾好，可以試到邊樣啱食先再點多d。燒肉入面我自己最鍾意安格斯牛小排，厚度適中而且牛肉味濃，我加單時點左好多。老婆就大讚伊比利亞橡果一口豬，西班牙豬嘅肉味係特別濃，而且以橡果餵養嘅伊比利亞豬肉質軟腍多汁，老婆食完一轉後再點左三轉，非常滿足。另一款比較特別嘅燒肉係漬壺牛，調味恰到好處，肉質彈牙有咬勁，味道唔錯，其他燒肉質素都

今日同兩個朋友去食，見到好多好評，以為都唔會差，點知.....超大煙，抽風系統吸唔到煙，d 煙係枱下面燻返出嚟...唔知以為燒緊自己，想叫佢轉位，又話個個位都係甘樣，無得轉lo😒D 野食....魚生還可以，甜蝦尚算新鮮，啲肉類就非常一般....份量非常之少；點單來唔足，截單識叫你埋，同佢講有好多野仲未黎，佢話你落左單就有，仲要即刻收走埋你個點餐pad,當然到最後都係冇野來...叫佢加水，埋單先加到😡成餐飯，未覺得低食過...唯一嘅可取之處係有 Movenpick 雪糕食

同朋友行完K-11兼買野，見好耐都無食過燒烤野就睇下附近有咩餐廳，揾左陣就黎左伊賀呢度食晏醫肚。呢度午市任燒都幾抵，埋單都係二百多啲加多＄３０就可以升級任飲埋氣水，以尖沙咀黎講算係咁。係等個爐燒熱嘅時候梗係食住啲刺身做前菜，開下胃口先啦。刺身類都新鮮，三文魚／甜蝦／帶子都肥美同鮮甜，加上解凍得幾好食落無雪味。除左刺身仲有壽司／軍艦等，但此行目的係燒肉，所以左火灸三文魚同牛拖羅就沒有了，細細粒咁味道都唔錯。黎到燒肉環節，先黎係伊賀燒肉併盤，包括左有一口牛／雞翼／牛小扒／豚肉及牛肋肉，食完可以根據口味再剔想食邊款都幾方便。牛小扒／漬壺牛／一口牛都係ENCORE之選，因為牛肉本身都夠味，但配上旁邊嘅七味同胡椒粉辛辣口感同香味，令到整體味道更好味。除左牛肉，五花叉燒同雞翼都幾好食，雞翼開邊除左易啲入味之外，亦更加快熟啱晒我呢啲鐘意食雞翼但又成日燒燶嘅人。芝麻味香口，而地獄味雖然辣但夠惹味兩款都好食。呢度仲有平時少見嘅豬大腸及墨魚嘴，呢兩樣都好蝦人燒因為真係好易燶，但值得柯打個黎食。燒完嘅墨魚嘴好脆口。而豬大腸一啲都唔羶燒得焦脆再點啲燒汁，味道唔錯。食燒肉記得點個酸子薑，因為燒個幾鐘肉都幾油膩下

你喜歡吃日式燒肉嗎？喜歡，但價錢太貴？也不一定，在尖沙咀的「伊賀」，午市有75折，任吃2.5小時，只要選對時間去，不用200元就可以吃個痛快了！ 餐廳地方頗大，還有窗口位置，中午來吃陽光充沛，好舒服！ 既是為烤肉而來，當然要瘋狂的吃！牛小排、五花叉燒、牛舌、豚肉、豬頸肉、一口牛⋯⋯選擇好多呢！大部分的肉味都不俗，而且都已調味，不用蘸任何醬料，都已經夠美味。 蔬菜方面，特別喜歡日式大蔥，夠鮮甜，不過要耐心地慢慢燒，否則中間很難熟呢。 海鮮之中更喜歡活蜆，用鐵碗子盛載著，裡面有湯、牛油、蔥花等，蜆不是很大隻，不過夠新鮮，我們吃了一次又一次。 除燒烤以外，還有刺身和壽司，頗有點驚喜，尤其是帶子、甜蝦、蠑螺都很喜歡，鮮甜！ 飽餐一頓，但怎能沒甜品？甜品多集中在炸物類：雙皮奶卷、唐揚抹茶雪球、一口甜薯、芝士年糕、榴槤炸彈、娘惹山藥⋯⋯外面都煙煙靭靭的，喜歡榴槤的一定要試「榴槤炸彈」，榴槤味好香，正！

有新同事加入！係一個值得慶賀嘅日子，為咗迎新，我哋幾個同事帶佢出去食餐好，呢間燒肉店地方好大，坐得好舒服。好開心見到個pad pad, 電子點餐系統，實在太偉大，又省時又方便，唔使下下攞一張二張紙，喺度畫到傻，廚房又有電腦record 可以好有系統咁樣睇到客人點左啲乜嘢 ,完全冇漏單的情況，而且上菜都幾快！牛油金菇放係個兜仔度燒，我係第一次，非常之好味！啲牛油好香，我負責嘅動作就係久不久兜下啲金菇，食極都唔夠，我哋叫完一round 又一round ！刺身都唔錯呀：啲甜蝦，屬於係幾肥美嘅size三文魚都OK新鮮辛口海鮮醬豬頸肉肥美的豬頸肉，塗上少少辣的海鮮醬，都幾惹味。安格斯牛小排成為今日最受歡迎的肉類海鮮方面，我地點左虎蝦我嘅最愛就係呢個帶骨牛肋肉肉質幾煙韌，而且好香。燒得剛剛好的牛舌，全靠我哋嘅燒嘢能手同事，於是呢件牛舌食落質感幾爽口。

今日同男朋友去尖沙咀兌錢，兌完錢，好肚餓，我男朋友突然話好想食燒肉，我地就即刻上網搜尋下，見到一間叫伊賀日本燒肉料理好似幾正，好！我地就即興燒肉！入到餐廳，店內裝修好似去左日本燒肉店咁，氣氛唔錯！仲要有平板電腦點菜，都幾先進，同埋好環保我地先點左刺身，好少燒肉有埋刺身食，仲要都有幾多款架！都好新鮮，三文魚仲要係腩黎，好肥美之後我地仲叫左d壽司，都有好多款選擇，有我最愛嘅芥茉八爪魚軍艦😍我男朋友話火炙牛拖羅壽司好好食，之後仲叫多幾件！員工再奉上燒肉頭盤！好正👍🏻特別推介大家食伊賀一口牛、安格斯牛小排、牛舌、豬頸肉⋯肉質唔錯，好有口感，另外可以再任叫多款肉類燒金菇一定要推薦大家食，好香好入味！燒虎蝦都好大隻，又爽口D小食都好吸引，蟹籽沙律放題必點吧！勁多蟹籽同蟹柳，好豐富！冷烏冬都好好食，烏冬好滑！我第一次炸物見到有咁多炸物！仲有d出面放題未見過！唐揚抹茶雪球，好特別！雞軟骨都好好食，好脆整體來說，餐廳食物種類多，選擇性高，材料都新鮮，下次我都要再encore!

話說好耐無食過lunch放題了.. 更加耐無食過好似今次咁令人滿意既放題!伊賀, 就位於尖沙咀赫德道The Hart入面係尖東站N1出口出黎, 唔使5分鐘就會行到黎 : >一黎到就見到好多非常日系既裝飾料理枱! 我地既美食就係由呢度炮製出黎lunch黎食 客人唔算太多亦令我地更加可以享受到友善既服務同新鮮即製既食物!!: )日式燒肉放題120分鐘星期一至四$258星期五至日$298(小童: $168)價錢唔算平唔算貴, 抵唔抵食 就要食完今餐睇睇個質素至知!!首先每一枱都會先送一碟伊賀燒肉頭盤先*v*包括::: 薄切裡肌肉, 比利時五花肉, 牛舌, 極上牛小排, 伊賀一口牛, 安格斯牛肉, 加拿大醬油豬頸肉, 加拿大醬油豬柳蓋平時唔太鐘意食豬既我 竟然覺得佢個豬頸肉好正薄薄的 燒起黎好香脆... 最重要係無陣豬臊味嘛!!而我朋友就非常欣賞呢度的牛類~ 牛肉的油花分佈幾平均!香草龍脷::: Rosemary調味實在過濃了...蓋過左魚既鮮味呢一個質素一般呢活蜆(一隻隻咁叫架~~) 個香草清酒汁同d蜆一齊蒸左好耐,,, 夠晒入味, 必試的一款! 建議可以一次過叫多幾隻呢!!因為放係

前幾日同朋友傾計傾開話好耐冇食過燒肉...跟著佢地介紹我尖沙咀有間放題質素都唔差，咁我就係放假個時約埋幾個朋友仔去試下....地方環境都算寬敞舒適...同埋呢度有Bar枱...可容納1-2人...仲可以同廚師近距離接觸...首先梗係食返轉冷盤啦，有蟹籽沙律🥗...青瓜口感是爽脆的...蟹柳也是頗多的...之後就係刺身...刺身都係新鮮...鮮甜！當然唔少得燒肉啦...芝麻雞翼味道唔錯、好入味！虎蝦亦好大隻好彈牙...粟米都好甜...肉類有和牛粒..

新年忙完一輪之後，係時候約埋幾個朋友放鬆下啦...朋友話下午先去食個放題之後再去睇戲晚飯直落....佢既安排真係全日食食食😆😆😆😆！朋友今次帶在我地去尖沙咀既燒肉放題！呢度地方裝潢以日式為主...地方都好大，但由於我地係下午去，所以人流唔算太多，我地都坐得好舒服😁😁首先店員先會放低個燒肉頭盤先....咁就可以即刻有得燒黎食！咁當然唔少得刺身呢，甜蝦、帶子都是鮮甜...新鮮...當然唔少得仲有燒海鮮、虎蝦大大隻，肉質彈牙。仲有燒魚干，即燒即食，別有一番風味...我地仲encore 在幾次添...仲有壽司🍣....細細的，食多幾件都冇問題⋯⋯最後仲有movenpick雪糕做甜品...咁就劃上一句完的句號..！好滿足、好飽..！😃

今日終於可以到我地一齊睇賀歲片，睇戲前食午餐是常識吧友人曾經食過尖沙咀燒肉，話今次帶我品嚐一下電子平板電腦點菜，嘅環保，又可以慳人手刺身點了帶子、甜蝦、松葉蟹棒、榮螺，幾新鮮，尤其帶子鮮甜虎蝦、腿菇、牛舌、牛油粟米，有海鮮，又有蔬菜，食得幾平衡當然唔少得帆立貝、燒雞泡魚干、黑椒腸及燒肉冬瓜茶配吉列炸蝦、日本甜薯、番薯天婦蘿火炙牛拖羅壽司入口還有少許微温，很有牛香味樫魚熱烏冬，烏冬質地彈牙還有MOVENPICK 雪糕甜品，朱古力、士多啤梨、雲呢拿味任均選擇店內還有高枱的燒肉爐，更方便二人談心細嚼+$50 還可以任飲罐裝藍妹啤酒🍻

伊賀一間多樣化的任食日本餐廳，裏面有網式燒烤，刺身，炸物，享用時間120分鐘。午市同晚市價錢一樣，每位$298，不過午市特價75折，即係$225，都算幾扺食。另外加一及飲品另計，餐廳會提供一壺熱茶，客人可自行享用，都算貼心啦，又或者任飲就要加多$30。燒烤：安格斯牛小排，油份平均，質感軟嫩，入口即溶，牛味香濃。帶骨牛肋肉，油香豐厚，帶小量骨位，肉位有少許嚼勁，愈嚼愈香，味越濃。日式五花叉燒，油花較多，食落肉感較重，燒烤時非常野火，肉鬆軟不韌。牛舌，肉紋平均，牛味也濃郁，咀嚼時需使小勁力。虎蝦，size算大隻，蝦肉爽實，質地不霉。一囗甜薯，味甜，薯味重，好味。半殼生蠔，冰鮮蠔，似廣島貨，蠔味重。京蔥，燒香外皮，内芯非常翠綠，蔥味重。茄子，薄片，易燒成脆香。蒜香腸，蒜香味濃，油份含量多，似台灣腸質感。黑椒腸，跟蒜香腸差不多，只是多了少許黑椒，令到更野味。芝麻雞翼，燒後芝麻勁香，雞中翼切成一字骨，易入囗。地獄雞中翼，辣中帶小許酸味，味特別，可以一試。刺身：三文魚，厚切，肥美，油脂分佈平均，魚肉新鮮。甜蝦，蝦味濃，味鮮甜，蝦頭可放於爐燒熟，蝦頭糕味重。仿鮑片，薄薄一片，似螺片味，幾好。燒玉子，

2月除咗係我自己生日月,也有其他朋友仔生日，他生日選了在尖東食任食烤肉，雖然對肉類冇乜大興趣,但是不會拒絕壽星女的選擇。因為晚上用膳的時間尚早,所以還有吉枱啊。這間的抽風系統做得不錯,起碼不會煙霧瀰漫,對面的人打了soft一般。這間也是用pad來點菜,簡單聽了侍應的講解,我們就開始慢慢點餐了。突然侍應捧來一碟肉,我跟他說我們還未點餐,這不是我們的。他回答說這是頭盤的,每位客人都有一件,這樣真的不錯。因為反正我們也是要點,可以試試這個頭盤肉類,如果喜歡的可以再加單,而且也可以立刻有東西可以吃。朋友是煮飯高手，所以我只負責食。 她說烤肉一定不可能心急，要用慢火才可以燒得靚，不然很快就會燒焦了但肉還未熟透。加拿大醬油豬柳蓋,肉質鞋啲,沒有太多醬油味。加拿大醬油豬頸肉辣辣的,熱得比較入味,所以烤出來比較好味。比利時五花腩,油脂分泌平均, 恰當好處,可以沾上醬汁,味道十分好。芝麻單支雞翼, 要用細火慢慢烤熟,芝麻香味佈滿全支雞翼,香脆可口。薄切裡肌肉, 沒有豬頸肉的嫩滑,但是如果不想吃肥肉的話,他也是不錯。伊賀一口牛,極上牛小排全交由我的朋友,因為我不吃牛的。第一輪集中點了一餐沙律,枝豆,刺生,