伍仔記

营业中

休息中

因為大家都聽講呢間熟食中心檔仔的食物唔錯，於是我同一班朋友仔0係某個星期五黎試一試。以下係我地叫左的菜同埋評語：冰鎮鱔球唔知點解，鱔只係以常溫的姿態上碟，談不上與冰鎮有任何關連。味道ok，如果真係凍的話應該幾好食既……我地有d失望，因為冰鎮都唔係好難做，實在唔應該hae客……煎蠔餅冇咩蠔，d蛋整得勁老蒸扇貝冇咩粉絲，d粉絲又碎既，扇貝又係整得老左椒鹽鮮魷少鮮魷都算，最離譜係一d椒鹽都搵唔到，d炸漿好厚，炸到好硬，而且係「吉」口果種，男朋友仲食到有dd「益」味炒通菜全晚最好食既一碟，d醬好惹味，而菜亦都好爽旦家雞 (半隻)算係咁，應該係用新鮮雞整既，不過就唔算滑咸旦蒸肉餅不過不失粟米羹好稀，食兩啖已經唔想食熟食中心檔口應該係一個臥虎藏龍的地方，我地唔係要好靚既環境，但我地對食物就有咁上下要求……其實我地叫我野都已經唔係好難整，但真係冇諗過，呢度可以整d咁既食物畀客食﹗失望﹗

星期三 同男朋友差唔多6點就上到去無人...=.=我地2個人叫左1.蒜容蒸元貝 (一碟6隻 有d粉絲係上面 幾夠味 好食)$48;2.白灼東風螺 (可能白灼....一般....)$50;3.沙拉骨 ( 用d有wasabi味既沙律醬整 .... 好難食) 好似$35;4.避風塘茄子腰果 (必食!!好味!! 有d辣 茄子入面有魚肉 , 但係太多蔥=.=")好似$35;5.牛油焗中蝦+伊麵 (d麵好味 ! 但係d蝦係"梅"的=.="食過2次都係咁=.="...極難食...可唔可以要剩麵...) $68你話d野新鮮咩 又唔係好覺....d野好味咩 又一ddso....俾佢 ok

平日晚飯時間行過, 都見間鋪幾多人幫襯早幾日見無乜人就試一試佢呢間鋪既食物只係不過不失咁但係以一間大排檔黎講就真係麻麻地我地一行六人去食, 叫左7碟餸, 有牛仔骨,芥辣墨魚丸,開邊蝦,等等但碟碟餸既份量都真係偏少芥辣墨魚丸-$70,12粒, 唔算好好食,只不過有少少新鮮感蒜蓉開邊蝦-$70,得7隻! 蒜蓉味還蒜蓉味, 蝦味還蝦味最差係唔挑走條腸! 開左邊黎蒸, 一上台就見到條黑色既腸, 仲邊有胃口!呢間野唔可以當佢係大排檔,只可以話係食小菜既而且價錢同份量&味道不成正比無下次!!!

與咀刁的老人家在大埔晚飯，上網做晒功課後，最終選擇這食肆。三個人叫了：冰鎮鱔球$50 - 老人家一食已大讚，好爽！的確魚肉入口爽滑，醮上日式芥辣更吊起魚的鮮味和魚味，應該是新鮮鱔，才能做到如此效果。好味道！西芹蝦乾炒象拔蚌$55 - 蝦乾香口惹味，加上象拔蚌和西芹用XO醬炒，不太油，OK！蕎頭子薑蒸魚雲$45 - 超值之作。整整一個大魚頭，開10份，刀功仔細，蕎頭和子薑的味入晒魚頭中，魚雲的鮮甜加上蕎頭子薑的香味，好味到無得頂！老人家非常滿意是晚的安排，實在多謝各位食評網友的好介紹！加一碗米粉，埋單$155，經濟、抵食、又好食！好野！

伍仔記必定是大埔墟街市之最正食市!!!!!!每個月都必和家光人顧一次...星期日時要六點半前到才有可能找到位...首推招牌雞...雞鮮肉嫩...好有雞味...一流...現在HK 很難吃到有雞味的雞了...另外...冰鎮鱔球也是必order 菜式!!!!!凍吃鱔球一點也不\"星\"...而且好鮮甜...伍仔記其他菜式...如小炒呀...甚至海鮮也十分出色!!!!

昨晚一行6人去了這間好多人嗌好的伍仔記食晚飯，點了6樣，如下：-1/ 煎蠔餅- 香脆度OK，但無蠔味的。2/ 粟米魚肚羹- 魚肚好碎，但OK多, 但個羹好清好稀好透明，唔惦。3/ 豉椒炒聖子- 聖子有沙，豉椒汁OK, 但聖子本身又係無乜味。4/ 紅燒班腩煲- 唔好食。5/ 芝士帶子伊麵底- (原叫芝士生蝦，但沽清) 極度差! 汁勁多，但得奶味，全無芝士味，賣相極差，全碟"白晒晒"，伊麵碎濕濕，從未食過咁差! 6/ 蒜蓉粉絲蒸墨魚丸- 粉絲又唔係貴，得果幾注，碎飲飲，墨魚丸本身無乜味，只得爽彈。加上三支藍冰BEER, 兩飯一粥，埋單$333.......完全係唔掂，應該唔會再去了。

$58 4件蚌-真係好鮮，好好味！$48 炒豆妙-好大碟好好味。$58 白汁依麵蝦-蝦好大隻，但個汁就麻麻！$38 合桃京都骨-肉好淋，好入味，但太少合桃，得個幾粒。一人一罐氣水。兩個人食左$208，有海鮮食算平啦！

拼盤/牛仔骨唔錯呀!價錢又抵!

去過好多次, 最鍾意係冷盤(有爽脆涼瓜,海哲,冰鎮鱔球,好爽既生腸,雞腎), 咸蛋黃南瓜鲜魷, 魚腸煎蛋,煎得好香入面有少少涼瓜, 哩三個真係好好食~! 同埋墨魚丸好彈牙都係佢地既招牌菜, 其他小炒都炒得幾好~! 不過上次食過蒸泥猛就細條左d,屋企整果d仲好食.

朋友介紹來這裡吃晚飯，叫了炒聖子、介辣墨魚丸，招鹽鮮魷，雜菜煲，樣樣都好好味，雜菜煲湯底正，good！有酒樓水準。

食左3個招牌菜冰鎮鱔球最好食！推薦旦家雞就不過不失，唔算特別好OR特別差墨魚丸都唔錯，送酒一流

今晚第一次跟亞金去大埔伍仔記食飯,最深刻係招牌冷盤....,涼瓜翠綠爽口,我一向唔多食涼瓜,但都比佢吸引到,最衰無得叫一碟淨涼瓜!!另外嗌左佢地介紹嘅蒜蓉粉絲蒸墨丸~清清地,白雪雪,都幾好味!BB鴿肉嫩多汁,但我落單時只賣淨兩隻,6個人分,有d唔夠喉!!!避風塘茄子腰果夠特色!仲有海味什菜煲,個湯底好好飲!!最後仲叫左生炒骨同皮蛋元西魚雲湯,一湯6餸,又飯又汽水,都係330蚊到,亞金果然無介紹錯!!

今日行完山又同班朋友去咗大埔墟市政大樓揾嘢食。話說上次有人响"伍仔記"買咗半隻雞返屋企，好評如潮，今次班朋友話要試試。五點三到，老板話檔野未ready，不過都可以叫住d泠盤和雞食住先。我哋叫咗老板嘅推介:1) 伍記仔泠盤($45) - 六種款式包括冰震涼瓜、涼拌海哲、生腸、螺片和雞腎。因為我唔食內臟，只吃了涼瓜、海哲和螺片，但真係好好味。2) 上湯雞($70/半隻) - 雞肉嫩，唔肥，真係唔錯。3) 椒鹽沙槌魚($66) - 一碟有七大條沙槌，非常脆和香口，沙槌非常新鮮。連我平日唔多食魚都食了兩整條，好味。4) 啤酒兩支($10/支)埋單$201，非常經濟。真係諗唔到响熟食檔都食到咁有水準嘅食物，真係臥虎藏龍。

必食芥辣墨魚丸,冰鎮鱔!!但好多人,要等位,又唔夠人手...早d去好d.

呢檔野平時夜晚坐滿人, 睇黎幾受歡迎. 今晚中秋節就去試試啦. 點左三道菜:1) 芝士帶子(伊面底): 帶子幾新鮮, 好有鮮味, 但芝士味不太濃. 細細碟, 70蚊, 有點貴.2) 雲南家鄉炸魚雲: 最初以為成碟都係魚雲, 點知原來係一個大魚頭切開黎炸. 幾入味, 連骨都炸到好脆.3) 炸乳鴿: 本來menu 話有bb 鴿, 但臨時話冇貨, 改為較大隻既鴿. 可能因為係老鴿, 肉質有點"un", 不太入味.整體來說, 伍仔記都應該係全層熟食中心, 最好食既一間.