伍仔記

营业中

休息中

今晚慕名而來, 一行三人由於不太肚餓, 所以只ORDER左4樣野:伍仔記冷盤 : 都算新鮮, 不過冇左海蜇和雞腎, 雖然好食好新鮮, 但有D失望 西檸雞 : 切得太細了, 好似西檸雞絲, 有D咬落只吃到炸粉, 味道一般 O者O者芥蘭煲: 芥蘭比較細條, 夠冶味, 略咸 魚香茄子煲: 冇乜特別白飯X1 : 一般啦白粥X1 : 一般啦埋單$178.00

一行十一個人,叫左差不多14個送...食左2小時伍仔記冷盤 : 都算新鮮..起碼回家沒有肚仔痛日本芥辣墨魚丸 : 幾彈口切雞 : 雞味幾重沙拉骨 : 太肥的感覺..味道好一般炒菜 : 都算有"獲"氣南乳煲 : 南乳味道不多客人不算多,我地一行十多人,佢地不太理我地,仲有味道雖不錯,但可能味精太重,好口乾...總結,好一般,上水街市好食好多

上到熟食市場 見哩檔最多人 咁就坐低啦....事前完全無打聽過哩間嘢得唔得 結果瀨嘢點咗兩個餸生炒骨 $35枝竹火腩燜油追 $68生炒骨，用嘢係最平最CHEAP嘅排骨，即每一嚿都係骨多過肉，炸到乾晒，交貨嚟嗰種貨色。唉...$35表面睇好似唔貴，但將貨就價到離晒譜，上星期去深水埗食嘅好好多....油追，哩個算係佢地餐牌上比較貴嘅，心諗，好少少掛?點知，份量少唔講，只係得尾食，一件腩位都無......哩間嘢真係不可一 不可再

今日外出拍照黎到大埔區,身水身汗好想搵野食,同行影友介紹黎大埔墟街市覓食 = )Order左5個小菜,全都都係三十幾至到五十幾蚊,幾reasonable椒塩肉排: 唔算大舊,所以肉汁都唔係多,好在唔乾身,淋0係面的香蔥,乾蒜同辣椒都幾香所以仲覺得Okay金菇肥牛煲: 不過不失檸汁雞: 同平時0係街食d檸汁雞唔同,佢係用薄薄雞柳條整,但係因為個雞柳條太薄,所以更顥得個粉漿厚,不過overall黎講都幾好大家飲埋汽水埋單都係一人$50~~對衝去醫肚的我黎講,都幾抵食

估唔到我第一次打食評就係劣評，無辦法，電視都播埋10/08/09 晚間新聞"有10幾個人係大埔熟食街市進食後覺得不舒服入院"個日我同媽媽，哥哥去呢間野到食晚飯（本身想去海星，好後悔無去丫）我地嗌左煎蠔餅，冷盤，水佬三寶，西芹抄牛肉同三碗粥，重有一支啤酒，不過整係哥哥同媽媽飲食完過一日，小弟覺得有ｄ唔對路，個肚一時時會有劇痛，重差ｄ嘔，重要唔係一陣，呢個情況持續左成日，下午，媽媽打俾我，問我有冇覺得肚痛，我話"點解你會知架？你又係咩？"　媽話哥哥返工個陣已經痛到頂唔住，返屋企休息，及後好辛苦咁撐到返屋企，全家睇醫生，醫生話全部腸胃炎，宜家媽媽哥哥已經好返，但我食體差，到宜家個肚都重痛下唔痛下，唉，出黎食餐飯都搞成咁希望自己同大家食野小心，唔好好似我咁啦

今晚家姐提議去大埔街市伍仔記,因為怕多人,所以大約6:00p.m.已到,但已經得返兩張大枱,位置仲唔夠冷氣添,越食越熱,我地7個人叫左8個餸,上菜好快手,但食物水準一般,我記得大約7:00p.m.又開始有人等位啦!旦家雞 - $75半隻比較貴,而且味道一般粟米石斑 - 石斑夠脆,味道較咸椒鹽鮮魷 - 夠香脆,好味砵酒牛仔骨 - 雖然夠林,不過食到有一陣梳打粉的味道生炒排骨 - 標準水準蒜蓉白菜仔 - 標準水準薑蔥大鱔煲 - 鱔細件,味道較咸煎蠔餅 - 少蠔仔,有蠔殼

一向都愛同同事一大班人去食冷盤---必食有個炒海參 --好鮮,最重要唔UN..夠味~係街市ED大排擋先食到~正開邊蝦唔得~個感覺好流~有個茄子超正~不過好熱氣

踩單車踩到黎大埔...過左黎呢度食飯飯....都幾好味呀...除左個避風塘炒蟹超削之外....個冷盤好得...如果無生腸既話就更好....焗魚雲既美道都唔差....食班人有講有笑...食到飽一飽....惟一不足係好難搵位....好難搵人落單同收錢....不過落單個阿姐服務不錯....值得加分....下次再踩單車入去會再食囉......

心情不大好，找了新兄吃飯傾一下。每次出來都是飲啤酒吃大件豬手，是次轉轉口味，到排檔吃吃小炒。間中草根一點也挺不錯呢聽說這兒的掌勺人是蜑家水上人，所以是日叫的菜都是魚鮮味比較偏重的。先來個招牌冰鎮鱔球，肉極度新鮮爽口，最好吃自然是膠質極重的皮那部份，爽身之餘帶點韌勁，下了點蔴油吊味，香味盎然。醮點wasabi豉油來吃，送酒佳品是也魚湯浸通菜理應味較清，但這裡魚湯的味很濃很甜，不過再吃多兩口，便感到有些口乾及口渴，可能是有點師傅吧通菜現在還不是完全的很當造，只是很普通....新兄點名要吃的煎焗魚雲也不是很突出。用的是大魚魚雲，光是一件已有一個小砂煲那麼大了肉很多而且"雲"的那部份也是充滿膠質，女仕們恩物是也外皮炸得很脆，脆得可以整個吞下肚。香口是很香口，但這也是致命傷 ---- 吃進口實在有點似是炸魚雲多過像煎焗的，魚的鮮味因而完全消失了而且味道是鹹得很，不吃得鹹味的想會應該受不了....水佬三寶是這裏的特產。所謂的三寶是瀨尿蝦乾、門鱔乾及泥鯭乾。前兩者就聽得多也吃得多，但泥鯭乾就真的是首次吃到。吃進口覺得不甚了了，質感很硬且沒甚味，比門鱔乾來得更重魚腥味。最好吃的還是瀨尿蝦乾，味極鮮甜而

上年黎呢度食過2次, 花雕醉乳鴿同燒乳鴿都好好味, 一個人可以食一隻都唔夠喉尋晚7點未夠已經黎到, 乳鴿已經賣哂, 好失望我地8個人點左8個菜, 大家唔夠飽, 因為碟頭真的細左好多芝士帶子伊麵底($70): 芝士同伊麵都好濃味, 帶子普通蠔餅($35): 炸得香脆, 味道不錯, 不過少d蠔仔金銀旦豆苗($?): 好味! 豆苗好嫩咸旦南瓜鮮魷($4x): 黎到既時候以為上錯左囉, 成碟得幾粒炸魷魚, 成碟都係炸南瓜片, 好呃錢!! 味道係ok既, 咸旦碎香口~椒鹽瀨尿蝦($68): 有大約10隻, size小了一點, 朋友話唔夠獲氣, 應該可以再好食d椒鹽茄子腰果($?): 今次茄子不算少, 因為平嘛=.= 不過腰果少得可憐煎焗魚雲($4x): 比較油膩, 不過送飯好好味, 香口~蒸蟶子($60): 得4隻!! 少唔少左d!! 味道普通整體味道不錯, 不過份量真係好好好少, 男仔多d都唔夠食記得上年黎食2個人2個菜係可以食得好飽的, 點解今次會咁咖><真係忍唔住要比個喊面佢

那天大澳行完大運回到大埔, 老爺原本想到「北京人家」吃片皮鴨, 可是星期日晚上六點已經full booking, walk-in是沒有枱的~ 於是一行人改到新街市的「伍仔記」, 我們快人一步, 剛好有枱~ 只得5個大人, 因為樣樣都想吃, 最後叫了8個菜呢!冰鎮鱔球: 鱔球很爽口, 點汁味道不差, 不過家人還是喜歡蒸白鱔多點日本芥辣墨魚丸: 粉綠色的Wasabi醬一點也不攻鼻, 墨魚丸也混了Wasabi在內, 很彈牙炸蠔卷: 這是看見鄰桌而叫的, 但炸了的皮不脆, un-un的 招牌四川口水旦家雞半隻: 這是每次必叫的, 如果有人不吃辣, 記得要汁另上~ 雞肉很滑, 口水汁的麻與辣很惹味招牌魚湯浸菜心: 菜心很淋, 尾部還削尖了(?)南乳粗齋煲: 雖然色水麻麻, 但味道與材料都OK清炒豆苗: 不過不失椒鹽豆腐: 保持水準幸好有幾樣是小吃, 最後只吃剩小許!

三個人...食左:1. 蒜蓉炒芥蘭 - OK...夠鑊氣2. 砵酒牛仔骨 - 正!!!牛仔骨入味...伴碟的洋蔥都好味3. 椒鹽瀨尿蝦 - $80 一碟...但係居然有8大1小隻....亞爸怕煩唔食....結果我一個人食左4大1小隻.....新鮮又好味.....4. 西芹腰果炒肉丁 - 亞爸最愛菜式....但係我真係好唔鐘意食....加4碗白飯...埋單只要 $215....

滿心期待咁去食大牌檔小菜, 結果食到成枱人媽媽聲....黃瓜豬骨湯---淡而無味, 寧願飲水小炒皇---味道普通, 駭人o既係竟然當腰果係葱花咁晒o係碟菜上面! 乜唔係應該攞黎炒架咩!?豉汁蒸帶子---應該係叫"帶子乾蒸豆豉", 故名思意, 蒸得勁老, 豆豉超多, 帶子超咸, 難食! 薑葱油追煲---成餐最正常, 但要$68大元加一個白飯, 結果三個人食左190蚊, 真係又貴又難食!!!真係好多年冇食過咁難食o既野...

一行6人吃晚飯, 好多人, 都等了一會兒. 每上一道菜都要等好耐!雜菜煲: 好有驚喜呀, 個煲超細, 份量超少, 通貨膨脹, 菜貴呀! 但那個上湯OK, 所以令雜菜很鮮甜蕎頭子薑蒸魚節雲: 真的不太好吃, 個人應為用蕎頭子薑來蒸魚味道不太配合, 好怪.蒜蓉粉絲蒸墨魚丸: 好味, 墨魚丸是魚滑, 應該是新鮮手打的, 配蒜蓉粉絲蒸, 正!合桃京都骨: 不過不失啦魚香茄子煲: 咸魚份量很少, 差不多感覺不到有咸魚咪, 所以不夠野咪, 失望.

20-JUL-08 7:00PM踩完單車既目標, 就係黎呢度食晚飯. 未到 7點, 估唔到伍仔記已爆棚, 其他檔口仲大把位. 可見佢既魅力. 兩口子總容易找到位置. 我們已算幸運, 人多就一定要先訂位. 餐牌選擇多, 但最大興趣都係招牌餸: 旦家雞, 冰鎮鱔, 介辣墨魚丸....出面都未吃過的, 全都想試. 可惜, quota有限, 唯有先試幾樣: 招牌冰鎮鱔球 ($50): 好多枱都叫, 收成 $50一碟, 質數果然不錯,肉質爽甜, 淋上蔥花豉油, 蘸上日本 wasabi, 是否算是 fushion 菜? 一向食開豉汁蒸, 換上冰鎮又幾清新. 一試無妨. 順德煎焗魚雲 ($42):habibi 至愛. 上枱吱吱聲, 先泡油再用蒜子加薑返兜, 不香才怪. 魚頭一個開二, 幾新鮮. 不怕熱氣的話, 送酒一流~ 魚湯浸菜心 ($32):清清地, 又幾細心的將菜莖削了一點, 吃下不易有渣. 讚.~ 菜心吸收了魚湯鮮味, 甜上加甜.有機會多人d人黎試就good~