伍仔記

营业中

休息中

今日屋企無人煮飯，所以同阿爸去左街市叫餸食飯。人稱大埔墟新街市一直都有熟食中心，我地一家平時都好中意係個度食早餐✨晚市嘅話我哋通常都鍾意食伍仔記，因為佢地既小菜真係好有鑊氣🔥今次叫左四季豆，份量都頗多，而且好岩配飯食，阿爸表示食到停唔到口😂另外，亦都有叫辣子雞丁。不過同我食開既辣子雞有d出入，我仲以為會有好多辣椒一齊炒，所以望到個賣相係有d失望既。。。雞嘅份量有啲小，而且呢碟餸似係用咗好多配料黎充當份量。不過個炸蓮藕片係OK嘅，炸得好香脆好似食緊薯片咁！

星期五收工，相約幾個好朋友去食晚飯，因為種種原因，最後選了在大埔的伍仔記。伍仔記冷盤生腸和鱔片都爽口，本人喜歡點酸汁，而涼瓜多汁唔苦，鮑片是一般商店都可以買到的貨品。炸墨魚丸墨魚丸彈牙，炸得也香口，送啤酒是不錯的選擇。薑蔥魚卜魚卜是用新鮮貨，唔腥，薑蔥也爆得很香，加上適當的調味，最後用鐵鑊仔保溫，送上來是熱辣辣的，很是吸引。沙拉骨最後一道沙拉骨可說是比較失色，應該是用了豬扒肉，但用醃得唔入味之餘，肉走完油變得很實，食落去口感很差。總括來說，食物質素是不錯，人均消費都是一百左右，如果同三五知己來食飯飲啤酒，是值得一試的地方。

有時都想普通食呀叫餸食飯 大埔墟新街市係個唔錯既選擇呢度有好多間 粵菜泰菜東南亞都有 而且平日晚上通常都唔需要點等位朋友情有獨鍾呢味伍仔記冷盤有生腸、涼瓜、鮑片同鱔球生腸爽口 涼瓜甘甜唔苦 鮑片鮮甜 鱔球都已經起哂骨配埋WASABI 個感覺好清新章魚蓮藕煎肉餅呢個配搭食落有啲濃味 但送飯唔錯又唔會太香口魚香茄子煲略嫌唔夠魚香 不過感覺唔係好多油所以都滿意既另外，仲有個蠔仔腐皮卷都好正不過今晚唔記得左叫，唯有下次啦~

夜晚同班朋友在大埔遊玩後搵地方聚在一起吃飯來到大埔熟食中心有大排檔小炒最適合一大班人一齊食見到呢間好多人幫襯諗住應該ok啦職員係咁叫我們隨便坐好熱情咁我們隨便的叫了5個小炒同白飯椒鹽魷魚紅燒豆腐豉蜜汁一字骨金銀蛋豆苗啫啫雞煲五樣餸最好吃就是金銀蛋豆苗其他都一般份量比較少椒鹽魷魚炸到細細粒炸得不夠香脆，唔夠乾脆紅燒豆腐一般般無咩穫氣個一字骨就甜甜地無咩特別，正常啦啫啫雞煲都比較失望好細煲，無咩雞肉有些雞好像有點燶味賣相都不太吸引應該不會有下次了大家都有點失望！

大埔街市熟食中心一向多野食，一如過往會去我鍾意既伍仔記食飯，先會到地面個層街市買新鮮游水海鮮，然後上2樓熟食樓層伍仔記比佢地來料加工，他們會問你想點煮，我地叫咗清蒸燕星班及粉絲蒸龍蝦，及要求逐碟上免得攤涼。他樂意照做，還問我地菜式次序點上，店員親切，服務一流。第一道咸蛋南瓜鮮魷係店內招牌菜，南瓜跟咸蛋相當㚒， 名不虛傳。龍蝦火喉剛好，肉質嫩滑鮮美，粉絲稍乾身欠入味,，贊油不夠。蒸魚時間把握得超好，魚肉鮮滑，而蒸魚豉油配飯極正。魚湯浸絲瓜，絲瓜清甜，魚湯不加味精，夏天最佳既選擇。

閒來屋企停電冇水，晚飯出街食是常識吧。經常到大埔街市午餐，但主要是食粉麵，晚餐比較少，但差不多都是去伍仔記，今天四個人，叫了：避風塘茄子腰果、鮮腐竹魚肉煲、蒸墨魚丸、香煎蓮藕餅同埋西蘭花鮮尤。香煎蓮藕餅先到，煎得香脆可口，送飯一流！西籣花鮮尤，鑊氣ok,尤魚鮮嫩，但重點係碟蝦醬，點後令菜色更香！鮮！風塘茄子腰果可以說是每次都必叫，茄子薄薄，加少許墨魚滑炸香，加腰果避風塘料炒香，正！送酒一流，可惜我不飲酒。鮮腐竹魚肉煲遲遲未到，應該是漏了單，經三次追問後終於到了，簡單的一道菜，腐竹，豆腐，魚肉，清清的，魚肉削咗啲，都算合格嘅。注，相片有些是起筷後才影，所以細碟左😅

大埔熟食中心出名多美食但我就真系唔知邊間好食唔打唔撞食到間ok嘅!!!!!!!!!!!石九公湯 堅系好好飲好濃 唔腥 好大煲 4-5人無問題入面仲有少少菜食下 幾岩食🤗🤗🤗🤗蠔仔腐皮卷幾特別咁 無食過腐皮炸得幾脆 不過兩個人食就多左少少😂😂😂豉汁聖子中規中矩 我估蒜容聖子王應該會好食😂

原本打算又去食味道海鮮加工，點知逢星期三休息，一下子都不知道往哪間好，剛好有個靚女問我們是否食晚飯試下我們這家，見個靚女誠意滿分，我們在猶豫不決之下最後都決定一試！先黎個伍仔記冷盤$98最欣賞個涼瓜，清爽醒胃充滿麻香！鱔片爽脆可口！再黎個小炒，菠蘿豉椒生炒骨，酸甜但不脆口！第一道海鮮上場，豉椒炒聖子豉椒香濃，聖子爽口，夠鑊氣！第二道，蒜蓉粉絲蒸貴妃蚌烹調時間掌握得剛好故爽甜，醬油更加帶出海鮮鮮味第三道，油泡筍売魚外脆內軟但尚欠點火候。第四道，豉油王大蝦轆這個比較鹹，不過算有鑊氣！第五道，酥炸生蠔就道菜都幾考師父，好多地方做到粉漿太厚食落糊口，這裡恰好皮薄香脆，入口鬆化且不感油膩，做得不錯！第六道，鹽焗奄仔蟹不過不失，失敗在我們提供個隻蟹！下次都會試下椰子雞煲，看看水準如何！

在大埔熟食中心有太多食店，所以去之前已看定open rice做足功課，可能希望越大，失望越大。首先看到食評說豉油王吊桶仔好味，便set定目標吃這個，餸來了外表吸引，可惜食時淡而無味，吊桶完全不入味，只是外表有點色水，虛有其表。之後點了招牌冷盤，全碟也淡而無味，幸好配合日式芥苿及豉油，感覺像吃刺身，生腸爽口及苦瓜有點味，相對較好。諗住叫點穩陣啲嘅餸，金銀蛋莧菜也令我們失望，菜不夠嫩，有點「鞋」口，湯底味道👌🏻我點了一客合桃京都骨給小朋友吃，京都骨用了很多鬆肉粉，所以很淋，味道也可接受。全餐最好味的是合桃，非常鬆脆可口，可惜只有幾粒，實在不夠喉喉😔整體感覺令人失望，以為在熟食中心可食到夠鑊氣夠惹味的食品，但今餐完全兩回事😔

巧手招牌菜之一: 伍仔記冷盤 $98 材料:鱔球/涼瓜/飽片/生腸果然係招牌菜每樣食材都搜羅得幾好而且配合凍食, 爽口彈牙,呢個冷盤係有兩度, 唔怪得之佢排位第一之外, 喺呢頁餐牌內佢都算第二囉, 除咗旦家雞之外,蠔仔腐皮卷呢個麻麻地因為炸得好乾身連內餡都乾埋, 蠔仔係有但已經係無任何蠔仔的氣味, 椒鹽沙稚 $65 新鮮一攞埋嚟即食係感覺到鑊氣, 但如果溫度一下降味道可以差幾遠, 都係唔覺有油咁, 小炒皇 $65 不過不失, 平穩之作菠蘿生炒骨$55 呢個價位的確比外面平易十幾二十蚊但都唔使舊舊都係大大粒骨頭, 只係食層炸衣同蔬果架嘛, 咁又似乎過份咗d整體係ok嘅, 只係某些小菜將貨就價效果未如理想啫

呢晚又去大埔熟食市場開飯，是夜選左呢度。3個人，簡簡單單，叫左3個餸, 白飯，要左枝啤酒。「炸乳鴿」:叫左2隻，上枱時有埋碟「准鹽」，不過無俾「檸檬片」或「o急汁」，如果有會更好，因可去油膩，無甘「濟」。乳鴿炸得乾左d，唔算好多肉，幾香口，岩送酒。「清炒雜菜」:選左菜心。雖然已經切走左d菜莖比較近根的部份，但d菜仍然係比較硬，如果想練下牙力，或者需要多d纖維，甘就最適合不過，但如果兩者都唔需要，甘呢個菜真係硬左少少。「咕嚕生炒骨」：生炒骨炸得太乾，over左，硬，味道係可以接受，只係真係太乾。埋單270，個人認為唔係太岩自己口味。又可能黎呢度比較適合食「雞煲」、「羊腩煲」，「海鮮」......卦。

大埔街市卧虎藏龍，出名的食肆多不勝數，要脫穎而出，一定要有自己的特色講到晚市大排檔式的已經超過兩間，例牌炒菜固然唔少得，而伍仔記就一定要試下佢個特色冷盤喇，特色冷盤配以日本芥末，估唔到起到咁勁的化學反應，當中的鮑魚片、生腸爽口而彈牙，尤其是苦瓜，平時的苦瓜我係唔會食，但佢可以整到甘甜而爽，一食就唔停得口了，其他炒蜆炒聖子等亦係味道濃郁且夠晒鑊氣的，隊返兩杯，人生一樂也！

轉眼幾年，時光飛逝，光陰似箭，日月如梭，有緣再臨伍仔記。因為甚少係大埔墟活動，所以今次全家總動員專程走到新街市係非常罕見及難得，預祝母親節晚飯。早前嘗試打電話訂枱，但接電話位男仕稱四位七點咁早唔洗留檯架，上黎即有。真的嗎？果然黎到即有位，本來興致勃勃想食海鮮，但只有大路普通花蛤、蟶子、東風螺、海蝦、海魚，無蟹無帶子。伍仔記冷盤，保持高質，𣎴過阿媽細妹始終完全食唔到苦瓜呢！我以前都一樣，但幾年前試過伍仔記冰涼甘甜爽脆多汁冰鎮苦瓜後，開始食苦瓜了，還漸漸愛上。生腸頭脆卜卜、鱔片彈牙結實、齋鮑片腍而嚥韌，三者配上青芥辣豉油都非常合襯，清涼清香清爽。蠔仔腐皮卷，有創意及其他食肆都未見過，梗係要試試。賣相排得整齊有序，四四方方，顏色陰沉無什麼配菜作點聚，平實單調乏味，都幾悶下。簡單地伴碟加點青瓜片或蕃茄片，顏色奪目而且味道清爽多汁可去油膩感。斜切腐皮卷企起身放，視覺上已吸引好多啦。炸得乾爽鬆脆，聽得到索一聲咬開，非常動聽悅耳！餡料塞得滿滿唔手軟，但肉多蠔少使到蠔味不太突出。蠔仔太瘦，肥美不足所以蠔汁欠棒，味道十分微弱。肉味及腐皮味成功地喧賓奪主，將鮮蠔味蓋得厚厚。要浸上喼汁提提味，酸酸甜甜香口腐

大埔街市是很多人找東西吃的地方. 這間店也有些名氣. 所以就在這家座下來。我們叫了燒乳鴿，正! 真正是即燒的感覺。熱和脆。另又叫了魚，是日speical, 寫在牆上的，所以便試了，好像是斑？ 也不錯，比較肥。另又叫了菜。原以為在這類大排檔吃不會太貴，但都唔平。三人吃，共四百左右。

係大埔行街,去左伍仔記到食飯,記得上次去已是前年的事了。叫餸食飯。開枝啤。伍仔記冷盤,有涼瓜、生腸、白鱔及飽片,冰涼又爽口,岩晒夏天食呀。椒鹽魷魚,都幾香口呀。沙拉骨,本身鍾意食,好多沙拉醬,肉質鬆化,味道酸酸甜甜好開胃呀。西檸雞,口感好硬.好像不太新鮮。呢次好似水準下降左,唔知係味太多人了。