伙食工業 (已結業)

朋友平時在火炭返工，佢介紹我們一行四人到這一間伙食工業試一試他的台灣菜！晚上的時候，雖然我們有訂坐，但原來入面的人十分少，不用打電話訂座也都可以。 內裏有live music，有人唱歌，感覺很寫意，環境很舒適，也許因為人少的關係,感到分外舒服！在聖誕節假期的時間， 我們便進行了交換禮物遊戲。 但在這寧靜的氣氛下，我們熾熱 的情緒為這一個寧靜的環境帶來了一點喧譁。我們點算了滷肉飯和牛肉麵，這兩道台灣很有名的菜魯肉飯的份量比較少但味道也是台灣的味道牛肉麵也下台灣的味道 我們一行四人當然要多點一些食物我們再點了一個炒米粉炒米粉很好食每一條米粉都是分開的不是痴在一起的另外還點了一客甜不辣，這個甜不辣是炸的，是甜甜的，脆脆的，很好吃！我們還點了黑松露薯條對這一客十分失望只是普通的薯條上面加了一點黑松露粉黑松露只痴著上層的薯條底層的薯條一點黑松露粉都沒有沾到， 失望！這一個茶十分值得點！內裏的材料十足！還有無限量熱水添加！所以可以沖完又沖！抵飲！至於芭樂紅茶和百香果綠茶就不建議了，很普通沒什麼特別！價錢合理！但是,有live music 聽就感覺很便宜了下次都會再來

2017.12.03 😊【別具特色的文青咖啡店】食在火炭一年四季當中 秋天是我最喜愛的季節天氣不冷也不熱 剛剛好最適合一家大小來個郊遊 踏踏單車🚴跟舒服的陽光大自然玩遊戲小店位於火炭的工廠區 有如沙漠中的清泉店內空間感十足 主打慢活生活👭👬聽說在偽文青界相當迎歡迎坐在窗邊位置 還有絲絲陽光滲入 感覺寫意台式蛋餅 $38蛋餅小妹數年前在台灣的早餐店亦有試過就像港人喜愛的早餐三文治、多士一樣流行只是香港並不常見🌯蛋餅的自由度亦很大 只要想到的都可以加入小店的則加入了芝士及肉鬆 感覺挺新穎拼成哈哈笑的樣子 配上新鮮的沙津菜適合下午茶時放鬆一下台式香酥雞麵 $60台灣的名物不得不提夜市大大塊的炸雞扒小店的雞扒外層炸得金黃香脆🐔肉質不會太厚實惟麵的湯頭也太清淡了🍜最後我們加上他們家的辣椒油 感覺都跑出來百香果綠茶 $28鳳梨梳打 $35伙食工業 💌火炭坳背灣街利達工業中心地下3號舖Mon: 1200-1800Tue-Sun: 1200-2230

Date:3Dec週日的下午接近黃昏時間，客人不是很多，安安靜靜的坐得很舒服。沒有限定用餐時間，可以慢慢的邊說邊吃！↑薑薑好咖啡：薑味很濃但不會太辣，咖啡裡加了一點薑蓉，在開始變冷的天氣喝剛剛好！↑台式鹽酥雞炸得很香脆，溫度微暖，味道不算太咸，雞肉也剛好的不會太「鞋」。↑伙記全日餐真的很豐富！火腿和煙肉煎得很香，稍稍有點油膩。上菜的時候煎蛋是半熟的太陽蛋，才想起落單的時候侍應沒有問過我們想吃怎樣的蛋。不過侍應也很好，馬上替我拿去再煎熟一點。香腸的味道一般，驚喜的是有台式蛋捲，裡面有肉鬆和其他配料，味道稍咸但還可接受。↑朋友點的黑糖奶茶總的來說是工業區裡不錯的選擇！

以前耐不耐就會到這店光顧，因為喜歡環境舒服，有音樂欣賞，食物又不錯，是很好的選擇。但因為近來較忙，於是上星期再光顧，發現食物水準真的大不及從前，餐牌也少了很多選擇。當天點了部隊鍋、藥善鍋及黑松露薯條，首先說說兩個鍋物，部隊鍋不但無辣味，而且最重要o既芝士及午餐肉配料也沒有。而藥善鍋味道還可，但配料很少。而黑松露薯條o既黑松露，只是灑了很少灰黑色的粉狀物，而不是一湯匙的黑松露。而當日入坐的人數也少了許多，沒有從前的熱鬧。其實店內環境很好，盼能可回覆從前的食物水準吧，如果不是真的太浪費了。

由於上個星期食唔到伙食工業有啲唔甘心，所以今個禮拜再嚟火炭做嘢寧願花少少時間等佢開門都想試下佢。喺云云嘅工業地舖，我諗無乜幾個人會睇漏咗佢，因為佢真係好突出，採用鎛頭木塊營造工業風，唔駛四隻大字「伙食工業」你都一定唔會行過龍。內裡都係一貫嘅工業風，牆身有書櫃製造文青氣息，有個小小Band Corner，有部分卡位係梳化，係工廠區入面少有嘅休閒又寫意嘅餐廳。呢間餐廳嘅主打台灣菜，友人叫咗個台式魯肉飯套餐，我就叫咗個三杯雞套餐。套餐其實只係一個主菜配一個撒上芝麻嘅白飯，再加一碟菜埔。先講主菜，我嘅三杯雞味道唔錯，雞件入味，而且都幾嫩滑，亦做到台灣個種香惹風味，唯獨一樣嘢狠狠地扣咗佢分，就係唔夠熱！個餐嚟得好快，落完order個頭就上菜，無疑係一早煮好晒，我都理解，畢業佢地係做打工仔生意，就緊要夠快，但係唔夠熱真係敗筆，唔可以話係凍咗，但只係微溫，尤其好似三杯雞呢啲咁油嘅食物一旦唔夠熱就好可怕，不過無可否認佢嘅味道係好食的，但如果可以係出菜時加熱一下會更加好。飯對我嚟講都過乾，需要每一淡都加少少菜埔增加口感，但菜埔又只得咸味，欠卻了甜味。對於一個係附近打工嘅朋友，我絕對推介大家前來食lunc

早前去左火炭揾朋友食Lunch，揾揾Openrice先知朋友公司樓下有間好有格調的餐廳。朋友叫左一份炸雞排麵，雞排外脆內軟，仲加左少量七味粉係上面，都幾香口。麵條都幾爽口彈牙。本身想叫蛋包飯，但見到餐廳有好多人都叫左台南魯肉飯，所以我最後忍唔住都改變主意要份魯肉飯。魯肉飯充滿魯肉汁，加上份量都幾多的小豬肉，每一口都有滿足的感覺。魯肉飯套餐都會配一碟魯肉拼盤，入面包括蛋、牛展、豬耳、豆干、海帶、白蘿蔔。全部餸都幾入味。蛋都已有有魯肉汁的顏色。飲品方面，我們都加左$15飲黑糖奶茶。係奶茶入耐有D珠珠，珠珠有咬口，但唔係好似珍珠奶茶d珍珠咁彈牙。成餐飯一共$130兩個人，價錢尚算OK，食物都唔錯。

台灣既純樸、台灣既美食、台灣人既友善，台灣既種種都吸引住香港人。幾年前被食評吸引，所以同閨密們一齊去試試台式晚餐。當時座位全滿，被安排到一間房就座，入面有好多舊傢俬、舊海報等等，檯櫈殘舊唔平衡…環境麻麻…仲好驚有蛇蟲鼠蟻，坐得唔舒服，食物味道一般，基於種種因素，從此…留下好深刻既印象。幾年後再次到訪，全因朋友喺附近返工…唯有硬住頭皮頂硬上…裝修依然，行懷舊路線，影相呃like又一好地方。平日lunch set $30起，有主菜有飲品。如要落order，請自行到收銀處。台式香酥雞扒飯、菜脯、熱檸檬茶雞排: 雞排熱辣辣，脆身，大件之餘入味但唔會過咸，比上次有進步。飯: 微溫，女士夠食 (可加飯)。熱檸檬茶: 茶太濃，好黑，有苦澀味。整體黎講，今餐有驚喜，有比較之下，個人認為午餐比晚餐好味，雖然味道唔係驚為天人，唔會一試難忘，但一試無防呀!!

獨男去開火炭買啲單車零件，朋友介紹呢間裝修可以話特別又可以話殘舊（睇你用咩眼光）嘅台灣店食嘢。其實主打都係台灣野為主，不過又有熱狗又有咖啡乜都有啲啦！我自己覺得下午茶時段過嚟坐都幾舒服嘅，唔使同人迫，但係想像到如果晏晝過嚟食lunch都應該幾辛苦幾迫。我叫咗個雞扒，朋友叫咗個滷肉飯。雞扒煮得幾除幾香口我覺得可以嘅👍🏼個滷肉飯亦都OK不過整體就好似份量少咗啲啲。可能我行得耐比較肚餓😅最後一題係杯咖啡淡左啲！

台南滷水拼盤配魯肉飯-滷水拼盤份量都幾多😬有豬耳,豆腐,蘿蔔同雞全翼特別想讚讚雞翼同蘿蔔煮得好淋好入味 吸哂魯肉汁既精華可惜🙄魯肉同飯既份量大慨1:3....雖然用既係半肥瘦肉食落亦唔會好乾好「鞋」但份量真係可以再多d...😭

週末約了看室內設計，就跑來工業區這邊。平常除了踩單車有可能去那麼遠還真的很少機會來新界這邊。看來不止我，大概全香港真的極少人週末去工業區，整條街任行，真的很爽。受夠了旺角銅鑼灣大汗疊細汗，人迫人的話真的要來看看。fooody一進店就感覺到濃濃的文青氣息！而且場地夠大隨便坐！電頭髮的變成燈好有創意～好多好多的懷舊小物，看來老闆是個收集控。粉紅海鹽mocchiato（～$38）-還好，沒有很突出的海鹽味，也不夠熱，咖啡不熱不完美耶。不是很值這個價，gimmick啊。大堆頭滷肉飯，很小一碗（$35）抵食既，就是怕料會調！這飯也太擠了吧？肉鬆蛋餅上桌的時候已經冷了，沒有熱乎乎的感覺配料也沒有很出彩。不過不失，中等吧。總括：超級好坐，裝修好看，飯菜好像不是下午茶主打所以有點怠慢了吧？感覺如果可以注意飯菜保溫的話，食物品質會好很多。不過週六找到這麼好坐的地方，香港幾乎絕無僅有，就這樣都值得好評了。

⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯叫咗個香酥雞扒飯，只係勉強食咗半塊，只有跟餐個菜脯同白飯最好食，杯咖啡冇咩特別，唔會再黎坐得唔係咁舒服，杯碟仲有D殘舊又有毀損痕跡，賣相好似監倉飯咁，落單張紙係重複又重複用，梅菜咁要有啲鉛筆痕跡好污糟，整個水牌已經可以叫餐啦，又要拎起支鉛筆揀食咩又要排隊，如果係返工lunch hour可以唔使去，坐得好迫，仲有比個心出黎煮好D食物啦！簡直糟蹋啲食物。⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯⋯

剛巧在火炭工作，午餐特意前來這裡試試，因為想試很久但佢不開晚市所以比較難來。其實今餐可以很簡短講完因為普通到我差d唔記得個味道。價錢普遍都係50蚊左右一個set lunch ,唔算貴，不過火炭而個地點唔應該貴。室內環境其實算得上有點特別既裝修。叫了個魯肉飯連滷水併盤餐（其實睇英文先知個併盤係咩黎），加2蚊要凍檸茶。凍檸茶先來，很普通不算有茶味的港式Style。主菜來了，魯肉有點點帶肥但始終偏瘦又唔算林，知味係好普通既少少甜少少咸，個飯不是很好咬口既珍珠米，個汁偏甜，冇台灣地道果種咸同甜之間既完美平衡。個併盤只能說很普通，個味道除了普通也沒有特別既方法去形容。今餐係失望既，唔係難食，但也不會特登再去。

今日同同事去到公司附近的餐廳食飯，呢間的位置係工廠區內，如果要係火車站行黎要10分上斜的路程。入面為文青風，暗暗地，有好多有特色的裝飾，影相一流~睇睇Lunch Menu先，有麵、有菜、有水餃，佢會包一杯基本飲品，大家都可以加錢要特飲。我要個台式香酥雞排麵，麵有咬口，唔會太軟。另外湯底清清地，食完唔會有口渇的感覺！雞排落左七味粉提升味道，雞排食到最後個皮仲係脆身，D雞肉都嫩滑。朋友叫左A菜，大家唔好以為係淨洽菜，係有肥豬肉粒的~ D菜都煮得剛剛好，唔會煮到黃晒。飲品我倆都揀左黑糖奶茶，黑糖味濃。入面仲要有黑糖啫喱粒，令又有得飲又有得食。雖然已經食飽，不過女仔點可以對甜品忍到口呀？餐廳有不同的芝士蛋糕同千層蛋糕。左邊個件係鮮奶芋頭千層蛋糕，鮮奶芋頭夾心配合得唔錯，唔會太濟。右邊個件係紅豆芝士蛋糕，芝士同好豆的配撘剛剛好，紅豆的數量多而軟身，令紅豆跟芝士混和於一起。

作為一個係火炭山頂返工的宅男...除左每日係公司樓下食垃圾之外..真係別無他選!作為一個工業區...火炭真係你有錢想食好小小都有難度的地方...不過呢一間餐廳真係可以話係火炭呢個沙漠中的清泉...佢同平時火炭餐廳最唔同的地方係..佢係賣台式野..仲要有的水準....今次黎食LUNCH就叫左牛肉麵!佢碗麵分量岩岩好，麵有小小彈性，當然唔係最好個隻，但係火炭黎講佢可以話係NO.1!!!!牛根同牛腩比例為2:8, 牛腩的量係多好多...不過本人就鐘意食佢地的牛根多的。因為佢的牛根夠入味，但又唔係太淋...有小小Q度但又唔會過咸!其他同事今日食左台式滷肉飯，都係一樣咁好食,仲有驚喜添~下次食完再返黎REPORT俾大家知!

可能因為食店係喺工廈卦，所以門口冇名牌。之前已光顧過，上次來食lunch，食物都唔錯，只係上菜速度比較慢。 今次係同友人嚟tea一tea，只點左飲品同小吃。 下午茶時段，人唔多，好多位任揀。最呃like應該係d拉花咖啡，我卻係為左杯美祿恐龍而來。尤其炎炎夏日，真係好掛住呢杯恐龍。鹽酥雞炸得香口，表面再灑上少少辣粉，好熱氣！另外仲點左台式甜不辣，我以為有湯的，原來只係炸魚餅咁，有d油膩。記得上次嚟果時，店員都係講國語，但今次的全部變哂local人。雖然轉左人，但面口一樣，同上次一樣都係木無表情。唔知點解可以令人覺得一d都唔被welcome，生意可做可唔做咁，雖然佢地d食物都ok。