佐賀山田 · 涮涮鍋 (已結業)

今日約了朋友吃晚餐，她提議去康怡廣場北座3樓佐賀山田吃火鍋放題。我們選了今期推廣的澳洲黑安格斯牛板腱X日式廣島蠔味噌鍋，晚市90分鐘放題。味噌湯味鮮甜濃郁，內有四隻肥美飽滿的日本廣島蠔，蠔肉很鮮甜。除了任吃澳洲黑安格斯牛板腱，還可任食六種其他精選肉類，包括特選美國CAB牛肩胛肉，特選美國牛肩肉，精選美國牛五花，美國䐁肉，美國䐁五花和美國特選雞腿肉。海鮮類有紐西蘭青口和墨魚仔。牛板腱好味道，肉質柔軟有肉味，其他牛肉都不錯，䐁肉香，雞腿肉結實。青口和墨魚仔都正。小食我推介珍寶炸帶子和日式章魚燒。蔬菜好新鮮，選擇很多，有我喜歡的苦瓜，唐生菜，鮮冬菇，金菇，雞脾菇，西蘭花，蟲草花，木耳等。丸子和豆品有多款，我鐘意食魚豆腐，花枝丸，黃金麻吉燒，豆結和響鈴。飲品種類也多，我愛石榴汁和烏龍茶。最後，嘆埋甜品，食番枝雪條和兩件迷你芝士蛋糕，大滿足!店座位寬敞舒適，店員服務有禮和效率。兩個人吃飽飽，埋單$548，性價比高。

近排返工忙到癲🫠收工後約朋友仔食好西慰勞自己，揀左呢間新開既火鍋店，晚市放題價錢都幾抵，牛肉質素唔錯，野食選擇幾多👍🏻⁂⁂⁂澳洲黑安格斯牛板腱套餐⁂⁂⁂✿廣島蠔味噌鍋湯底✿有5隻廣島蠔，都幾大隻，肥美又新鮮，湯底鮮甜。✿骨膠原美顏玫瑰花膠雞白湯✿中間個玫瑰花冰好靚，隔離仲放左乾玫瑰花，雞白湯味道唔算好濃，係比較清既一款湯底。❀澳洲黑安格斯牛板腱❀牛板腱位於牛肩胛骨外側，肉質較瘦，油花較少，但食落鮮嫩多汁，打邊爐必點。❀特選美國CAB牛肩胛肉❀脂肪分佈均勻，好似雪花咁，肉質柔嫩厚實，好有油脂香味。❀美國豚肉❀豚肉切到好薄好快淥熟，食落更爽更嫩，好有豬味。❀唐揚池魚仔及炸雞❀池魚仔炸到好酥脆，一啖一條好快食完。炸雞炸醬好薄，食落啖啖肉。❀墨魚仔❀墨魚仔口感彈牙，嚼勁十足。自助區仲有蔬菜、菇類、丸類及甜品等等，食左好多菜覺得自己好健康😆

呢日經過太古康怡廣場，見到呢間新開嘅日式火鍋放題店，價錢好吸引，見環境都舒服好坐，入去試咗呢個澳洲黑安格斯 X 日式廣島蠔味噌鍋晚市放題 ( $249一位）。呢個餐主打日式火鍋放題，一人一爐，90分鐘任點任食。餐單入面嘅選擇有不同牛部位選擇，包括: 澳洲黑安格斯牛板腱、特選美國CAB 牛肩胛肉、精選美國牛肩肉、特選美國牛五花。牛質素相當高，牛味濃郁，入口嫩滑。除咗牛之外，仲有美國豚肉，五花肉同雞腿肉，質素都好好。湯底係廣島蠔味噌湯， 味道鮮甜，每個鍋入面仲有五隻蠔，size都大隻。餐廳另有自助區，提供配菜，包括有菜類，餃類、丸類、小食、烏冬等。自助區亦有飲品及甜品提供，包括多種茶飲、果汁及汽水。甜品有雪糕及蛋糕選擇，味道唔錯。餐廳地方寬敞，環境舒適，晚餐放題二百幾蚊，呢個價錢已經有高質牛肉，其他食物質素亦相當不錯，真心抵食。

ᵕ̈ ᑋᵉᑊᑊᵒ ᵕ̈ ᑋᵉᑊᑊᵒ佐賀山田有以燒肉為主又有以涮涮鍋為主既分店，位於太古康怡廣場既分店就以涮涮鍋為主。一人火鍋大家都食唔少，但係好多人都會覺得一人鍋肉類款式都偏少，選擇少，唔夠豐富今次為大家介紹既佐賀山田肉類選擇就多啦🌼 澳洲安格斯牛板腱X日本廣島蠔味噌鍋 90分鐘放題 $249位套餐抵食原因在於其價錢相宜一人鍋多數都分唔同既set，呢個套餐可以同時食到set A同set B之外, 仲可以食到原本相類似既C餐無既澳洲安格斯牛板腱!(本身set C係黑毛豚肉)除左可以同時享用A+B 一共9款既肉食之外，套餐本身已經有9款不同肉類任君選擇加上其他set無得揀, 內有中量廣島蠔同充滿住非常濃郁廣島蠔味既廣島蠔味噌湯底，實在係超值之選除左肉食類仲有豐富既火鍋配料同飲品可以選擇，絕對不比一般港式火鍋或者一人鍋遜色!ᵕ̈ ᑋᵉᑊᑊᵒ ᵕ̈ ᑋᵉᑊᑊᵒ ◇◇◇◇◇◇◇◇◇多謝大家睇到依到👏💌 有咩好野快啲分享比我地知啦 😎 期待你嘅推介 ❤️🔎 #cass_hotpot🔎 #cass_火鍋🔎 #cass_taikoo 🔎 #cass_太古🔎 #eatwccinhk#佐賀山田

🎀佐賀山田 · 涮涮鍋澳洲黑安格斯大解放放題⭐廣島蠔味噌湯⭐澳洲黑安格斯牛板腱⭐特選美國CAB 牛肩胛肉⭐精選美國牛肩肉⭐特選美國牛五花最近有事去太古, 見到有間新開嘅日式火鍋店叫佐賀山田, 望落環境幾乾淨, 就決定食番個火鍋放題。見佢最近好似有個澳洲黑安格斯主題, 咁梗係即刻叫碟黑安格斯牛肉試下啦。澳洲黑安格斯牛板腱肉味好濃又幾有口感, 特選美國CAB 牛肩胛肉就切得厚薄適中, 夠曬大片。精選美國牛肩肉同特選美國牛五花都有一定質素, 配埋佢味道鮮甜嘅廣島蠔味噌湯, 真係邊款肉都咁好食。Address:太古康山道1-2號康怡廣場北座3樓T2號舖

最近留意到太古新開左一間火鍋店-佐賀山田，平時見到好多人排隊，今次一於試吓！我哋叫左個set係澳洲黑安格斯牛肉配廣島蠔味噌湯鍋同壽喜燒湯底。廣島蠔味噌湯鍋入邊有五隻蠔，仲要大大隻😍性價比十分高，推介！同埋覺得餐廳火鍋配料種類好多元化，會有辣味螺肉、八爪魚等日式配菜，而且每樣食物都會有蓋蓋住，衛生方便👍🏻餐廳都有提供埋甜品蛋糕之類，覺得係火鍋店黎講都幾特別😆性價比最高嘅另一方面就係有好多唔同肉類嘅選擇😋😋除左澳洲黑安格斯牛板腱，仲有美國豚肉、特選美國牛肩肉、精選美國牛五花等，一次過滿足晒食唔同部位嘅願望啊😝👍🏻👍🏻最推介緊係安格斯牛板腱，份量都算幾多，肉質十分之嫩口😛食唔停口！而美國牛肩肉同牛五花油脂分布都均勻，食落肉質比較厚實，睇你鍾意邊一種口味～餐廳嘅火鍋套餐肉類同埋小食種類都十分之多，可以根據自己嘅個人喜好揀返你想食嘅肉，一個字：正🥳性價比咁高，難怪咁多人排隊🤣

呢日黎到太古打邊爐，黎到呢間佐賀山田，就友人放工地點，果然冇揀錯呢度同平時好多既火鍋放題店一樣，都係配料出面任夾，比較特別少少既野食同豬、牛、雞就qr code 落單，餐廳份面既坐位都幾闊落，唔會唔夠位放你既野食，我地揀左個黑安格斯牛板腱x日式廣島蠔味噌鍋，不得不讚下個湯底，好鮮味之餘仲有成5粒蠔,啲蠔一啲都唔細粒，就算煲耐左都仲你好大粒又唔腥而牛板腱都肥瘦分明，唔會話唔夠脂肪好鞋口，同埋落單之後既野食都黎得好快，90分鐘都絕對夠食！qr code落單既青口都夠哂新鮮大隻！其實配料都做得好好，呢度冇雪糕機但有雪條同杯裝雪糕！夠哂滿足！

呢間牛涮鍋店嘅服務真係令我好失望。職員嘅態度唔友善，令我地覺得唔受歡迎。除咗服務唔佳，食物亦都唔太好。我哋叫咗啲牛肉同蔬菜，但佢哋都唔新鮮，肉質硬同埋冇新鮮嘅味道，蔬菜都冇好新鮮嘅口感，令我地覺得唔舒服。同區嘅其他牛涮鍋店比起，呢間真係差太多啦。其他店員好熱情友善，提供嘅食材都好新鮮，令我地好滿意。相反，呢間店嘅服務同食物質素都唔夠好，令我地好失望。如果可以揀擇，我哋寧願去其他牛涮鍋店食飯。雖然呢間餐廳嘅裝潢同氣氛都唔錯，但服務同食物嘅質素都令我地感到失望。唔知係我哋唔啱時，定係呢間店嘅質素一直都咁差。總括而言，我哋唔會再去呢間店啦。

康怡新開一人鍋放題，七點前入座$239/位自助配火鍋配料唐生菜丶娃娃菜丶螺肉丶中華沙律丶沙律自助飲品區入座後，會先奉上二人份澳洲黑安格斯，其他肉類丶小食，可自己掃QRcode追加。試咗澳洲黑安格斯牛板腱，牛味濃郁，肉質細嫩、美國CAB牛肩胛肉丶美國牛五花另外任點嘅仲有美國豚肉丶美國雞腿肉丶豚五花丶紐西蘭半殼青口丶墨魚仔日式廣島蠔味噌鍋味噌丶昆布丶紅蘿蔔丶白蘿蔔丶五粒原隻廣島蠔，滾耐咗都唔會點縮日本博多華味鳥雞白湯 +$15味道比較清淡小食有七款，點咗炸帶子丶章魚燒丶仲有估唔到1份份量有咁多嘅唐揚池魚仔明治雪條，藍莓乳酪幾好味！

康怡廣場有新開嘅日本火鍋店鋪🔥今日係平日收工趕過去食既7點前涮涮鍋十勝牛任食放題🤭價錢為＄359 @1個人湯底方面，我哋都唔食辣啦，所以就加咗錢$15試一試日本華味烏雞湯🤭 味道都幾好 無味精，清清地！揀完湯底就可以行出去選擇醬汁，有好多醬汁可以供大家調味，而且有唔同既飲品 蔬菜 同甜品🤭另外，打邊爐當然要食肉，呢度都有好多唔同嘅高質牛，大家都可以教返自己鍾意嘅牛！佐賀山田(康怡店)香港大古康山道1-2號康怡廣場北3樓T2號舖

食野對人地黎講，量力而為，對我黎講，掃得幾多得幾多，尤其食放題，不必開口，聽到暗示，看到食物，用力掃！Everybody jump！肥牛和豚肉盡力掃！魚皮和內臟大力掃！掃到那欲望欲絕尚在掃！Let’s go！繼續掃！博命掃！要食到！夠自豪！👇📌北海道未來牛涮涮鍋放題 - $379/位 ▪️ 日本博多華味鳥雞白湯 -▫️ 打邊爐一定係先揀湯底先咖啦，呢個雞白湯鮮甜入味，湯色好似牛奶般咁白滑，裡面仲有幾粒雞肉，肉質嫩滑無比，好食。▪️ 任食11款精選肉品 - ▫️ 呢個放題最大特色係可以任食11款唔同牛、豬、雞肉既部位，分別係五樣招牌牛肉「北海道未來牛」、「極品牛小排」、「美國CAB牛坑爪」、「美國SRF和牛」、「特選美國CAB牛肩胛肉」、「特選美國CHOICE牛肩肉」、「精選美國牛五花」；而豬肉就有「美國豚肉」、「美國豚五花肉」、「美國極品黑毛豚肉」；同埋「特選美國雞脾肉」、「美國極品黑毛豚肉」、「日本阿波美雞爽肉」。我自己就試左幾款牛肉，每款都係新鮮切上，色澤鮮明，雪花脂肪部位平均，份量亦十足，非常抵食。▪️ 丸 類 -▫️ 打邊爐又係必食一系列丸類，我揀左D「龍蝦風味丸」、「黃金芝士球」、「香菇

平時好少食火鍋放題, 因為通常都麻麻地, 今日去太古Aeon 行街, 見到佐賀山田 · 涮涮鍋Promotion – 未來牛涮涮鍋, 食之放題. 什麼是未來牛? 未來的牛? 見佢裝修光猛, 坐得舒服, 重要係一人一爐, 咁樣就可以選自己鍾意嘅湯底啦. 湯底: 麻辣鴨血湯 - 麻辣味道適中， 好香， 鴨血有質感， 唔會一夾就散.極品美國牛小排, 美國SRF和牛, 牛坑爪, 未來牛極品美國牛小排 - 油花分佈均勻,質地柔軟. 美國SRF和牛 - 顏色比較深沉, 有柔嫩的肉質，同豐富的肉汁.牛坑爪 - 有脂肪，肉質軟腍，肉味濃. 未來牛 - 油花分佈均勻, 油脂甘香, 肉味濃厚呢4款牛肉份量十足, 真係飽到癲. 講明係放題, 無理由唔食埋其他野架. 於是追加左廣島蠔, 海虎蝦, 帆立貝, 同蟹籽墨魚滑. 廣島蠔 – 大大隻, 蠔味濃.最最最緊要飲品, 甜品, 種類多, 任君選擇. 雪糕重要係日本野, 飛唔到日本, 都留喺香港食日本貨啦.

同舊公司同事食飯，事隔幾年又去返太古，見凍返啲就打邊爐，揀左要門口大大個牌嘅北海道未來牛。7點幾左右餐廳唔算多人，坐得幾舒服，出面拎野食嘅位都乾淨企理。同平時食開嘅日式火鍋差唔多，肉類係QR CODE落單,，飲品、菜、丸類、meji雪條等都係出面自取。湯底方面揀左個雞白湯，但可惜唔似預期嘅日本雞白湯味，整體偏淡，下次會試其他湯。肉類方面，我地揀嘅呢個餐有超多款肉可以揀，肉類選擇絕對多過平時食嘅日式任食打邊爐。落單前一定要提大家，佢地每碟肉嘅份量都好足料，建議逐碟落單。我地一次過叫幾款牛想試下有咩分別，點知碟碟都好多，食到勁飽。🐮北海道未來牛：油花最靚，打卡一流！入口好重油脂感，似平時食嘅日本和牛。🐮美國SRF和牛：油花拍唔上未來牛，但牛味較出🐮CAB牛肩：油花同瘦肉比例平均，岩啲唔鐘意太油嘅人🐮牛小排：呢個部位本身都多油花，肉質柔軟，但個人鐘意牛小排切厚少少，而家略嫌唔夠口感。🐮CAB牛坑爪：肉味比較濃，相對無咁入口即融，屬於耐食款。🐮牛舌:正常，但我都係鐘意厚多少少🦪廣島蠔：必食，夠曬大隻，煮完都唔會縮太多變蠔豉🦐蝦：新鮮，肉質爽嘅，但唔算太甜墨魚滑：有粒粒墨魚肉，值得一試

✨✨北海道未來牛涮涮鍋放題湯底我同朋友都揀咗日本博多華味鳥🐥雞白湯😆湯底帶微微清甜，更加帶出肉香👍🏼本身已經有數件雞件係湯底入面，雞肉嫩滑😋👉🏻✨1️⃣🐮極品美國牛小排呢隻牛味濃郁😋油脂分布平均✨👉🏻✨2️⃣🐮未來牛油脂係咁多隻黎講最豐富✨做到入口即溶嘅效果🌟✨3️⃣🐮牛坑爪呢個最特別，坊間較少見，口感較爽👍🏼牛味濃🌟👉🏻🐮4️⃣美國SRF和牛肉味最濃✨又保持到嫩滑👍🏼👉🏻🐮5️⃣牛舌雖然係薄身牛舌，但都保持到彈牙嘅口感😳👉🏻🦐海洋類蝦肉質爽彈；花膠建議一開始就放，咁就做到入口即溶效果😳；墨魚滑加入蟹子，幾有咬口👉🏻其他配料，係出面自己拎。包括丸類、餃類、炸魚皮、麻吉燒、蔬菜類等，但我地只係拎咗啲蔬菜類Balance 一下食咁多牛，金菇、冬菇、車厘茄、粟米、生菜等蔬菜全部都好refresh👉🏻飲品類品種眾多，有無糖茶、檸檬茶、各種可樂、有汽水，最特別仲有燒仙草🤣👉🏻甜品類有各式雪條、雪糕和蛋糕推介指數：⚡️⚡️⚡️⚡️⚡️餐廳環境：⚡️⚡️⚡️⚡️服務態度：⚡️⚡️⚡️⚡️⚡️再訪：yes

約咗朋友嚟 AEON STYLE 購物，上網 Search 下附近有乜好嘢食。原來康怡廣場新開咗間「佐賀山田」Shabu Shabu。餐廳主打一人一爐火鍋，而我哋今次揀咗個「北海道未來牛涮涮鍋」，客人可於 90 分鐘內任食未來牛及 11 款精選肉品，另外仲有海鮮、大量火鍋配料，全部都可以任食。湯底點咗日本博多華味鳥雞白湯 (+$15@)，湯身呈乳白色，質感順滑，入口濃稠鮮美，甜而不膩，充滿骨膠原。肉類方面，首推當然係北海道未來牛，食落肉質細滑，油脂甘香，而且脂肪分佈好均勻，肉味比起和牛更加濃厚，有入口即溶嘅感覺。牛小排紋理好靚，呈粉嫩色澤，質感滑溜，入口肉香四溢。牛肩胛肉質結實具彈性、而 SRF 和牛亦非常高質，同時具日本和牛油花和美國安格斯牛濃郁肉味，入口啖啖甘香。海鮮有海虎蝦、北海道帆立貝肉、青口同墨魚仔等，全部食材都好新鮮。虎蝦鮮味爽彈、帆立貝肥大肉厚，而墨魚仔亦煙韌有咬口，最啱就係用嚟打邊爐。另外餐廳設有自助放題區，有冷盤小食、沙律、多款唔同種類嘅蔬菜、肉丸、甜品、雪糕及日本明治雪條等供應。前菜小食有味付螺肉、中華沙律、日式八爪魚、胡麻豆腐等，另外仲有紫菜絲、飯素同雞蛋，客人可