何時 • 河地 (已結業)

今次介紹呢個地方對我來講其實都幾偏僻，可能住新界嘅你哋會覺得都唔係好難去，不過當你去到嘅時候覺得係值嘅，事關呢個地方都幾靚，上網睇親都喺度諗係咪真係咁靚或者嗰張相都係P過，但原來又真係幾ok既🙊🙊打卡簡直一流，不過都有種通病，就係嘢食唔得，通常呢啲我都唔會為咗打卡而去，但係見到環境真係幾靚，所以就破例一次啦😂點知嘢食真係唔得，啲嘢飲又普通到唔普通基本上第一啖飲落口就已經係果啲藥水味，啲cake就淡而無味，大部份都係cream同cream同cream😰我淨係叫咗個蛋糕同埋一杯嘢飲，因為杯嘢飲一啲美感都冇所以就冇影底，好彩本身食咗嘢先過嚟，若果唔係就真係😑，佢有啲主食我未試過就唔知得唔得啦其實我覺得靚環境同正嘢食係可以並存，希望佢哋真係改善下😩😩講返啲好嘢先，佢呢間餐廳係圍住一個湖而設的，餐廳側邊都有個千秋可以俾你打卡，個湖影落去真係有天空之鏡嘅感覺，坐喺餐廳旁邊食嘢對住個湖感覺上好似度假咁，同埋其實佢附近都有俾人踩單車跑步既地方，成個環境就好似處身於樹林裏面，好休閒relax,想影靚相既你真係要嚟下，個環境好正，但係如果夏天嚟的話一定要帶定蚊怕水😉😉

依間地方好大，環境又大又靚由於帶左🐶嚟，所以揀左坐岀面感受一下大自然🌳🌳但係坐左5-10分鐘左右手手腳腳開始痕，再坐多一陣成隻手腳都係蚊爛😖最後頂唔順都係要坐返室內，而且好彩室內都比狗仔入。我哋揀咗一個雜錦海鮮意粉加多一杯紅豆冰，紅豆冰正常，而個意粉就🤢真係好難食自己煮都好過佢，又要賣得貴！蛋糕本來都想嗌，但見到隔離枱嗌咗個蛋糕食到一半都冇食，所以我哋最後都係放棄冇食！！今次打個卡就算，我諗應該唔會再去。

收藏左好耐，難得天氣開始涼爽，去嘆杯茶慢活一下😌🍃歐陸肉丸燴肉醬意粉 $78🍃咖哩拼盤 $55🍃香滑奶茶 $22講真，我係有d失望既😞因為黎到發現係照騙😂 條河(湖？)好細，唔係話好靚😅周圍d人行黎行去影相，我去到時最靚個位已經有人坐左🥲食物亦好一般，整體係家庭式風味！不過黎得呢d地方，都係為個景😚咖哩拼盤好鬼辣🤣 奶茶走甜都勁甜🥴 意粉反而幾好食😋住附近可以一試，山長水遠來就不必了❗️

因為呢度有得帶狗所以黎試吓環境幾優美要自己搵位叫咗個All day breakfast 比漏左個牛角包味道不過不失紅豆涼粉冰又比漏涼粉最恐怖係個黑松露意粉賣相好差意粉又乾又硬又無汁份量又小

天氣涼兩地最啱就係去戶外Cafe食嘢，上網見到人哋話呢一間Cafe個view幾好，所以就諗住去試吓，12點去到嘅時候冇乜人就可以揀咗戶外嘅靚位影相，雖然天氣有少少涼但係一出太陽嘅時候都會有啲熱，同埋預左戶外都會有啲蚊蟲，叫咗一個all day breakfast，一個咖喱雜錦同埋一個椰汁紅豆冰，全部都係店家推介，全日早餐炒蛋有黑松露，牛角酥，車厘茄，茄汁焗豆，沙律菜算幾多，加埋芝麻醬幾好食，咖喱雜錦有啲辣，建議唔食得辣嘅朋友就唔好叫，椰汁紅豆冰椰汁味好重，幾好飲，現場都有好多人踩單車經過都會停低影相，眼見下午兩點之後人流開始多，想食嘅話記得早啲嚟

今日星期日，揸左40公里黎呢度，諗住可以放鬆心情打卡一番，點知......出事：1. 想泊車，出面有個爛地停車場，但太多車無位，仲有d 旅遊巴頂住，等左一陣，好彩...2. 去到多人到我以為去咗市集，人狗爭路爭位，等左一陣，好彩...3. 坐低左，去點完嘢食，預左食風景為主，所以食咩都無咩所謂，飲品好快黎左，好彩...4. 因為室內好少位，坐室外睇下風景，今日好大風，d 狗狗好活躍好喜歡叫，有d 凍但好熱鬧。我地叫左all day breakfast 及海鮮意粉，等左差唔多1個鐘，d 食物都未到，點解唔走？比晒錢及同我差唔多時間黎嘅客都未有，繼續食下風先...5. 見勢色唔對，去問下仲要等幾耐，答案：唔知，太多單。再一陣，直接去左廚房問（唔好意思），原來連張單都唔知响邊，惟有希望佢哋盡快整，好彩...6. 差唔多1個半鐘， 終於有得食，好開心地用左15分鐘食完，即走。我應該唔會再黎呢度...河上鄉...

小編繼續進發去到香港最北-上水覓食，呢間何時•河地地點就唔太就腳🚖要先係上水站轉搭小巴到河上鄉再步行一陣先會到。去到嘅時候就會見到一片花花草草嘅翠綠景色🌾望住個河景真係有啲似去咗外國嘅feel🏞打卡一流！話雖如此，強烈建議夏天都係入番室內好啲🥵除咗因為熱之外 另一個問題係有蚊😱好彩果到有得借蚊怕水。🌟香草牛油黑松露意粉($78)意粉煮得有啲過淋不過味道係正常嘅，黑松露嘅味都幾重。如果可以加入更多配料例如菇類或肉類會令成個口感豐富啲，無咁悶。🌟 紫薯牛乳慕絲味道正常 牛乳慕絲幾香滑不過紫薯味唔算好出。🌟 草莓芝士蛋糕 可能因為夏天，個人覺得呢個好過 紐約芝士蛋糕，酸酸甜甜開胃啲。🌟 紅豆冰 ($29)Cafe竟然有紅豆冰嗌，天氣咁熱仲唔點杯凍飲真係會溶。味道正常(其實都好難會難飲)，不過紅豆唔係好夠🤔味道：🌕🌕🌕🌗🌑環境：🌕🌕🌕🌕🌑價錢：🌕🌕🌕🌕🌑

- 食物選擇少，價錢唔算平- 附近多工程，影響優美環境，打卡位沒想像中靚，有點失望- 員工無戴口罩，不衛生- 室內地方太少，只有幾個位，帶小朋友或推BB 車就不宜去很失望

🥐All day breakfast 💵88🍀🍀🍀🍀🍀🍀🍀🍀🍀 有司華力腸、茄汁豆、牛角包🥐（可選蒜蓉多士🥖）、田園沙律菜🥗同埋煙肉🥓，我覺得最正係炒蛋個part ，勁厚身既蛋加面上有黑松露醬👍🏻🍝香草牛油黑松露意粉💵78🍀🍀🍀🍀🍀🍀🍀🍀🍀 意粉上有勁多黑松露醬，意粉炒得又唔會好油，但就好似煮好既意粉上面放左啲黑松露醬就算咁～🍝香草白汁燴海鮮意粉💵78🍀🍀🍀🍀🍀🍀🍀🍀🍀 有章魚🐙粒，蝦仔，有啲汁令成碟意粉食落唔會好乾，感覺好過黑松露意粉，但偏鹹左啲～🥘咖喱拼盤💵55🍀🍀🍀🍀🍀🍀🍀🍀🍀🍀入面有魚蛋、牛柏葉同埋魷魚🦑，味道唔算好辣，小朋友都食到，但就普通左啲～🐔秘製香草雞中翼💵48🍀🍀🍀🍀🍀🍀🍀🍀🍀🍀依碟雞翼全部都係單骨，都幾有心，可以食到好乾淨，唔會似雙骨咁，痴埋啲肉係啲骨到🤣外皮都幾脆～🍰精選蛋糕💵38🍀🍀🍀🍀🍀🍀🍀🍀🍀我同屋企人叫左2件蛋糕，分別係藍妹芝士同埋紐約芝士，加埋就$76，蛋糕味道就一般，而餅底好散，本人對餅底好執着😂唔鍾意太散既口感～個人喜好🪖🍹椰汁紅豆冰 💵29🍀🍀🍀🍀🍀🍀🍀🍀🍀🍀依個價錢黎講都有啲貴😂飲落有椰汁味，但其實無咩特別～☀️整體而言，如果唔係自己有車😂我絕對唔

一直都很想到訪何時河地，在網絡很火紅，但是知道星期六星期日應該很爆滿，趁着平日放假，就自駕遊。打電話給店主，很詳細的講解店舖位置，及泊車位置。泊車人士非常方便。停車在豆腐花店對面，在旁邊的一條小路步行30秒的距離就到餐廳了。來一個經典全日早餐$88 ，黑松露炒蛋香話，非常多的沙律菜，還有又暖有脆的牛角包。朋友吃香草牛油黑松露意粉$78，吃了一口，非常香濃的黑松露味，朋友把一整碟連汁都清光了。秘製香草雞中翼六件$48 ，很細心地把雞翼設成單骨，更容易進食，很入味。必定要點特色飲品包括椰汁紅豆冰，及水果梳打， 很解渴。食物用心製作，再加上這個幽靜的湖邊景色，是放假的好去處。

香港雖然係石屎森林，但肯行遠少少，仍然有啲較郊區嘅地方可以感受一下大自然🌳🦋，星期五嘅下晝，請咗半日假入上水試下呢間小店。位置喺上水嘅一條村，喺A出囗嘅小巴站坐51k總站沿士多，公厠再轉左就到，都唔算太隔涉。一入去除咗中間個塘外好明顯其他位置都悉心佈置，好打咭feel ,有兩個in door 小區，其中一個近門囗已經full 坐，經過廚房再過一個outdoor 用餐區就有一個小小嘅室內用餐地方，我地就決定咗坐呢度，事關今日33度🌞。自己填上menu 再去返近門囗位置點餐，payment 只接受現金同pay me , 凍櫃有是日甜品，其實貴，不過賣相幾吸引，就要咗件伯爵千層80蚊，俾完錢有職員送餐，職員都好有禮貌。我地雖然坐indoor ,但佈置同樣一絲不苟，窗簾都好靚，星星可以透光，地下嘅陳設都好明顯可以俾大家打下咭。先嚟飲品，凍奶茶好奶，唔好飲，☕咖啡個杯好靚，不過都係普通。78蚊嘅意粉，上面嘅車厘茄好甜，黑松露就唔太香。好貴嘅千層蛋糕上碟好靚，加咗士多啤梨同藍莓，千層真係好有層次，不過皮整得唔好，太硬，奶應該都唔係用日本奶所以唔香。食完野就趁平日無乜人可以盡情打下咭📸📷

得閒搵個地方去行吓😆**********雲石芝士蛋糕（$38）味道唔太甜，幾好👍🏻可惜唔係幾夠凍，蛋糕變得淋身，好似溶溶地咁消化餅餅底，但係厚底咗小小**********香草黑松露意粉（$78）份量正常，黑松露醬都幾多，夠你撈哂成碟意粉🍝旁邊有幾粒車厘茄🍅，出奇地鮮甜😋唔知係咪佢地自己種但係意粉唔夠熱，而且意粉比較黏口**********椰汁紅豆冰（$29）自己偏愛椰汁底比較滿意😅因為夠凍先**********總括嚟講，食物係可接受嘅...其實都係食個環境，係幾有feel地點較為偏僻，大熱天時踩單車途中有個歇腳點，當日都見有唔少單車友坐底食個tea再出發店舖大多數係戶外座位，少量室內位置，當日好彩有室內座位，對住整個河景，不過冷氣都唔係幾夠，有多把風扇提供

老老豆豆真係好少特登去到上水咁遠食嘢，仲要係再入啲嘅河上鄉🤣 不過為咗呢間餐廳都係值得嘅！因為佢喺正個河隔離，可以一邊睇住靚河景一邊食嘢，餐廳附近仲有好多打卡位😍食物方面，嚟之前已經見好多人話水準一般，所以都有心理準備唔會要求咁高🤣不過試完又覺得唔係去到好伏好差，可以接受～

Tips：
💛記得早啲去request坐室內！！！ 我哋坐咗5分鐘室外已經爆汗，好難好好enjoy～💛窗前呢個位一流！對正個河景食嘢特別開心💛💛盡量唔好喺落雨日子去，當日我哋食食下落大雨，坐室外嘅客人就算有太陽遮都濕晒身😥▪️All day breakfast $88▪️有黑松露炒蛋、腸仔、茄汁焗豆、沙律、煙肉、牛角包等。全部嘢都正正常常咁啦～只係炒蛋略嫌炒得老咗少少，牛角包淋咗唔係脆的😳
▪️歐陸肉丸燴肉醬意粉 $78▪️呢個意粉本身諗住係好頹，點知比我哋想像中好食🤣 個肉醬茄汁好fresh，同埋意粉加咗香草，呢樣真係好加分！▪️咖喱拼盤 $55▪️見啲人講話咩秘製咖喱汁，所以我哋先叫嚟試～不過食落覺得冇咩特別，同埋咖喱汁係比較好稀😛

▪️ 椰汁紅豆冰 $29▪️
勁多大大粒嘅紅豆🤤夏天飲一流！！

▪️ Cheese cak

🌞夏日炎炎，🌡3X度接近40度高溫嘅 #香港 有咩做？緊係挑戰下自己嘅耐熱程度，兼補充一下密籠office 吸收唔到嘅維他命D～⛰行山？哩樣運動會over 咗喎，不如去哩間位於上水河上鄉 嘅cafe — 何時·何地 打下卡食下嘢～唔好以為得我哩位勇者過去癲，落小巴同坐係餐廳嘅，都有一家大細、龍友同黎自各區嘅女英雄。行得快，會有室內冷氣位🌬❄️作獎勵，落後嘅顧客都唔會失望，可以坐室外，飽覽綠色自然美景！😂🌿🍃🌼除咗圖一見到隻肥豬乸影嘅 #韆鞦 打卡位，碌到最尾仲有河畔位同無影到嘅大榕樹下打卡位，📸影到你夠彼～野食方面，唔好當佢出面市區cafe多款(我認為食景為主), 叫左個🥗all day同黑松露意粉🍝，味道正正常常，意粉質地偏林，但個味唔味精，黑松露比到好多你；個all day 唔係我食，影咗相就算；因為天氣真係好L熱，杯野飲好快就飲埋，唔係佢細杯，係天口太熱頂唔順～🥵

呢間餐廳嘅位置非常偏僻，要喺上水火車站再轉乘51K小巴，坐到總站河上鄉落車，在要行多5分鐘。雖然今日落雨🌧，仍然有唔少人帶埋毛孩坐喺室外，我當然梗係室內坐啦。無論係有心思嘅，室內裝修，定係室外嘅座位同擺設，都十分適合女士們打卡。不過我覺得天氣好☀️，影相會更加靚。餐廳環境一流，但係食物質素一般，可以再有進步嘅空間。☺️