來多碗車仔麵 (康寧道) (已搬遷) 新店位置

車仔麵是香港傳統美食，但想食到衛生又好味嘅，就要撞下彩喇！剛巧經過觀塘，見到間來多碗車仔麵鋪，門口光猛，望到啲餸企企理理，就入去試下啦！叫左個五餸麵：豬腸洗得好乾淨，冇豬臭味，又少肥膏！蘿蔔好林，好入味，既甜又吾會咸，正!冬菇好大隻，又爽口，仲索晒啲汁，超正！魷魚好爽，再加上秘製辣醬，簡直回味無窮！豬皮好爽口，無毛，亦是索汁的好餸！這裏最值得推介是秘製辣醬，還有他們的湯，夠味，但食完吾會好口渴！終於食到一間滿意的車仔麵！

見佢好評好多，就特別過去試下，因回家路程要15～20分鐘，所以就試個油面，可以放耐d嘛叫魷魚，雞亦，雞尖，魚蛋和豬皮油面回家後剛剛好而且有咬口只係個魚蛋咬落有d粉過頭呢間好過唐龍記好多42蚊有5個送1個面

好耐之前已食過，之後間野無左，一直都好掛住距呢間野，最近知道開返立即飛奔過去，水準同以前一模一樣甘好味，距既雞翼，滷水蛋，鳯爪，豬腸，羅白都好好味，唯獨魷魚一般般。呢間野好得意，自已行去叫送，叫完俾錢，如果員工好忙就自已拿碗車仔麵返自已位，哈哈，每次去親都無乜位剩，希望今次呢間野可以長做長有啦！

住係官塘見心血來潮想食車仔麵,又見到咁多好評諗住試下。叫左個三餸麵, 有蘿蔔、牛丸同魷魚。牛丸同魷魚正常無特別, 蘿蔔就件件都有好多渣囉,食到成台都係渣。而家大熱天時間鋪頭冷氣細到咩咁,食完成日濕晒。仲之不試也罷。

好耐冇食過車仔麵，剛巧經過，又有點肚餓就入去試下！款式不算太多，先叫餸然後付款，自己攞搵枱食！啲阿姐可能做得好辛苦，無乜笑容叫左個五餸麵，加左小辣，啲醬好好味，豬皮同冬菇都好爽但呢粒魚蛋就吾得喇，林之之，一啲都吾爽我要左油麵，啲麵太硬，吾好食，加埋汽水要五十蚊，下次咪攪

車仔麵真的可滿足香港人心多的現象!睇到乜野餸就叫乜真係好正......哩度是先在門口排隊, 再叫食物, 之後比埋錢, 最後才入座慢慢食的....今天雖有人龍, 但不是等太耐 !而店內雖然人多, 大家也自動自覺坐一邊, 不會佔太多位,當然座位有點迫, 大家亦食完就走!我叫了冬菇/蘿蔔/雞翼/豬腸配米粉冬菇 : 不是太香, 但哩個價錢, 炆得夠身已收貨蘿蔔 : 夠甜雞翼 : 肥嘟嘟已吸引, 仲幾滑豬腸 : 必食.....見到那些肥脂已不用說話了, 食不停友人叫了魷魚/雞翼/豬紅/鳳爪配公仔麵我試了魷魚, 也夠彈牙......我倆食完之後, 也沒有口喝現象.......真的是開人大發現 !!!!!!!

今日同女友去食朋友介紹既呢間車仔麵，果然無白費身水身汗來到，暫時食到係算好食既車仔麵麵底可以揀粗麵/幼麵/米粉/河粉/烏東/公仔麵，配料推介雞亦/豬腸/羅白/鳳爪/冬菇，全部都好好味

Discovered this place after eating at the restaurant next door.The reviews on OR showed this strong dark broth so I had to try it.When you get there, you are greeted with a counter and you can see what toppings there are to choose.The spicy sauce that was recommended on the reviews.My noodles:I tried the broth which was really strong and tasty that you can't stop drinking it.The noodles I chose were thin and delicious because it hung the broth well..For toppings I had shitaake mushrooms, blood c

話說那天咁岩約左朋友係觀塘交收，正好吃個飯，就記起了某網站形容為Top One既車仔麵，車仔麵呢樣野印象中係中學時期十五/六蚊就有交易，而且係三餸一麵，依家講緊30蚊居然都會覺得平…………不過呢間既餸的確唔錯，雖然Top One可能Over左，但係豬紅無腥味，魷魚帶少少辣爽得黎唔會無味，豬大腸軟得黎又乾淨(真係好乾淨架!!)，蘿蔔係最好味架，超級入味!!!Juicy!!!如果照好味度排序就係蘿蔔>豬大腸>魷魚>豬紅，不過到7點半時已經有好多麵都無……eg 粗麵同油麵如果唔想食咁貴又唔在意環境，去開果頭可以一試

之前朋友食過一次話好好味, 所以今日放工特別跑去試一下!嚟到.... 好多人, 要等位, 不過姐姐叫我先叫麵, 話好快會有位。之前睇過食評, 大部份人都對這裡的豬腸, 牛腩同魷魚讚不絶口, 我就足左四餸, 豬腸、豬紅、牛腩同魷魚河粉, 加辣。第一口當然試左個湯先。個湯好清, 平時出邊車仔麵個湯多數都係好重味精, 好濃, 但呢到嗰個好清, 唔會搶左D餸的味道。 再嚟, 到食餸。豬腸, 有點肥, 但很有咬口, 亦夠入味。牛腩很淋, 很香牛肉味。豬紅同魷魚反而無咩特別, 有點失望, 而且魷魚有少少天拿水的味道, 食了一條就無再食。  反而河粉比左D驚喜我, 好滑, 又唔會太淋, 加埋D湯, 好正! 本來想加支可樂, 但個個姐姐都忙到無人睇到我舉手.... 其實整體嚟講都算唔錯, 美中不足是坐位得迫, 而且冷氣不夠, 現時這種天氣在這吃麵要吃得快, 一食完最後一口個碗已經即時比人收左, 雖然我知有人等位, 但有點兒急... 

又到下午時候緊係搵間就腳嘅好野食下野喇，係openrice搵左一陣，最終決定去呢間離公司最近嘅餐廳，地方雖然唔算太大，但員工就夠晒親切，個人真係好耐無食過車仔麵，真係有啲番左中學時期嘅感覺一入到舖頭，右手面就係啲食物真係超級香噴噴架，而且食物嘅種類都算多。之後我地逐個到櫃面自行配搭自己嘅車仔麵，我就簡左油麵、豬紅、牛腩、魷魚，羅白呢啲都係我以前食車仔麵最鐘意嘅配搭。豬紅，唔會太鬆散，可以一下夾得起，而且味道都算入味，唔會太淡。魷魚，大大條夠晒口感，又唔會有果種令人不舒服嘅味道，而且餐廳都俾唔小客人架。。。牛腩，入口好香濃，口感唔會軟淋淋，而且仲唔算太肥羅白，呢個係精華所在，因為佢吸收左湯汁嘅精華，羅白夾起身果下，非常輕鬆絕對唔會一夾即散，而且味道因為湯汁所以都幾惹味架而且呢度對我黎都算就腳，有機會再下其他先。

觀塘車仔面一向食開康和，早排見報紙介紹這間來多碗，說是老字號重開，一直心思思想試，趁今天得閒就試一試餐廳環境整潔，冷氣很夠，這方面是比其他車仔面店優勝，坐低後發覺沒有一般車仔面的紙仔給客人填寫，原來是離開座位到煮面位置落單是日牛腩售罄，我們選了三餸面加飲品，每位$37；朋友點了幼面加豬紅，蘿白，翼尖，我就油面配鳳爪，魷魚，辣魚旦，豬紅共四粒，沒甚麼配料烹煮，就只是豬紅味吧蘿白呈啡色，有點像日式煮法，可惜又只是有普通蘿白味翼尖，鳳爪味道勉強可以辣魚旦腍得完全無質感，一團粉魷魚整盤預先煮好，有濃濃汁料浸住，但又是失望，沒惹味感覺面湯很深色，但很奇怪又不是腩汁，而且只有少少咸辣味，真不知說是甚麼湯底整體黎講不算是難食，但餸料份量偏少，選擇亦太少，這個價錢，試一次就夠

今日諗住隨便揾個地方食lunch 突然諗起人地推介嘅來多碗 到門口個陣 已經有排到出門口 我排到5min都冇 就可以揀料坐低 我揀咗魷魚 豆卜 同魚皮餃 分量都5少 當中魷魚最為馳名 我食咗一啖 好彈 又好煙韌 。佢有加辣醬俾我 隻辣5係好辣 但又好爽 d牛腩汁都好夠味 令人唇齒留香。但美中不足嘅係米線 好彈 感覺可以再煮耐d 如果對食5係太高要求 可以試下呢呢間 學生有優惠。

雖然一向對中式的粥粉麵食興趣不大，但唯獨是車仔麵，卻是百吃不厭的，記得上次行經這裡，發現了一間舊式車仔麵店，除了配料多多外，價格還相當抵吃。一麵兩餸只售$24，三$餸30，如此類推，每多加一款配料就多加$6。學生就更抵吃了！一麵三餸只需$25，還有檸檬茶送呢！配料約有18款選擇之多，有鳳爪、牛丸、魚蛋、腸仔、芝士腸、餐肉、豬皮、豬紅、蘿蔔、豆卜、冬菇、雞翼尖、豬腸、牛腩、魷魚、魚皮餃、漢堡扒及鹵水蛋等⋯這裡的落單方式跟現時的車仔麵店有些少不同，顧客需沿著門前的人龍排隊，一個接一個的直接在廚房位置前揀選麵類及配料，直接結賬，然後自己把麵取回座位，感覺蠻舊式的，有點似中學時代所吃的麵店雖說是舊式老麵店，但令人意外的是，場內環境光鮮，裝修及各樣設置同樣新淨，牆邊位置更設有梳化卡座四餸麵 $36在花多眼亂的配料當中，我就選了以下四款，有招牌辣魷魚,牛腩,雞翼及豬腸。麵類亦有油麵,米粉,粗麵,幼麵及河粉供選擇，而我就選了粗麵～配料份量出手闊綽，四款配料完全覆蓋了麵底，再加上少許腩汁，整個湯底的味道變得香濃非常，由於腩汁帶有油份，所以令爽身的粗麵變得更加滑膩招牌辣魷魚看到前方的食客大多有點這裡的招

今日1個人經開觀塘做野, 想醫肚就搵快靚正的地方. 見到呢間車仔面門口有人排隊, 心諗應該唔差, 於是就試下。首先原來先要在門口排隊比錢買車仔面, 之後再入去搵位, 如果有人同我1齊食, 就可以有人同我搵位先啦!排左幾分鐘先到我, 程序係先揀餸, 後付款!我揀左3個配料- 蘿白,冬菇及雞翼 配油面, 再加凍奶茶!試左第一啖湯底之後, 味道非常濃郁, 絕不馬虎。蘿白同冬菇醃得非常入味, 尤其個蘿白, 好深色, 味道鮮甜, 湯底已直接浸入左成件蘿白, 超級入味, 相信已經炆左好耐!!必試!!!!!雞翼都係好入味又好淋!雞翼都係好入味又好淋!唔怪之咁多人排隊, 我今日好好彩食到好野! 人都開心D~