來多碗車仔麵 (康寧道) (已搬遷) 新店位置

是日整天也要在九龍東區工作，晚上在觀塘完成了工作後, 就想吃點東西才回家, 之前已試過這間車仔麵店, 水準不錯，而且價錢不貴，就再來試試。來多碗車仔麵位於觀塘的康寧道，店子地方不算大，但也相當企理, 寬敞而舒服。想落單的話, 就要到店子近門口位置的車仔麵檔, 即時揀選自己想點的配料、麵底, 湯底方面也可選擇辣和不辣, 除主打的車仔麵，還有冷熱飲品供應。是日的車仔麵, 要了油麵做麵底，湯底選了不辣,配料伴以牛丸、魚蛋、豆卜及豬紅舖滿了一大碗。先試了湯底, 味道甜美也有香味，湯頭不太油膩, 而油麵極富嚼勁, 配料方面，牛丸爽口彈牙,魚蛋本身彈牙，也有鮮味，豆卜也豆味香濃, 豬紅軟熟可口，整碗車仔麵就是簡單好吃。飲品方面, 凍奶茶果然是不錯，我喜歡的奶茶首要是茶香，其次才是滑溜的茶身, 這裡的不錯，茶香味濃，喝起來口感夠滑。就這晚所見食客也不少, 大部份應是街坊和在附近工作的上班一族, 其實食物只要做得認真，新鮮好吃，就是車仔麵也可以大受歡迎。

記得細個去經常去觀塘游水，游完水，都會嚟金僑小食食車仔麵（水，愈游愈肥嘅原因）之前上網睇到金僑原來重開左，改左名做來多碗車仔麵！成日都想搵機會去食反，咁岩出開觀塘整手機，一於去嘆返碗來多碗車仔麵！一入到門口先揀麵，後揀餸，再叫野飲，跟住就可以搵位坐底，姐姐已幫我攞住碗麵去到我坐嘅位置，唔洗驚運送過程會淥親手!(我自問係好「論盡」)今晚叫咗個牛腩豬腸辣魷魚蘿蔔油麵加凍檸茶走甜!當然唔小得加辣汁啦!牛腩好靚，炆得好入味，亦好爽口!辣魷魚係來多碗必選吧?!比起魷魚SO, 其實我更喜歡魷魚頭，食落更爽口!!蘿蔔好清甜，入冬後當造必選!!!充滿回憶嘅味道!!後日攞電話個時要再嚟食過先得!!!到時叫咩餸好呢?!

小時候在觀塘讀書，午餐常吃碗麵就解決了，便宜又好味，今日故地重遊，又忍不住去吃碗麵緬懷一下！ 事隔多年，觀塘改變了不少，舊日的相熟食店早已消失，但在康寧道還是找得到不小充滿街坊味道的小店，我被這閃閃亮的店名吸引住了XD 價錢也蠻公道，兩餸三餸四餸任君配搭，豐儉由人。 一般車仔麵店地上總是濕濕滑滑感覺不衛生，來多碗的店面整理得乾乾淨淨，光線又充足，吃得舒適。 四餸麵分量比相像中大，看見堆得滿滿的令人心情也愉快起來！ 粗身的油麵煮得軟軟的，吃起來分外飽肚。 要了腩汁湯底，好香濃，麵條吸收了腩汁更美味！ 四餸選了豬皮、魷魚、魚蛋、雞翼，我最喜歡的港式配搭~ 爽口魷魚微辣惹味，魚蛋超彈牙，雞翼滷得夠入味，豬皮厚身又軟稔，大滿足。 飄著雨的大冷天吃一碗暖暖的車仔麵，連身體都暖和了，值得回味，的確是吃完還想來多一碗呀！ 來多碗車仔麵 觀塘康寧道62號地下

現今樣樣東東都物價高企，一個人想外出吃個飯動不動都五六十元，想好味也不是易事最近經過觀塘附近才發現這家店環境乾淨，燈光光亮，感覺衛生，跟別的不一樣，而且食物定價不高，就選這吧，反正是晚一人怎樣都可以檯上就放了傳統的醬汁及一些筷子牙簽等醬汁有辣椒油，辣椒醬，豉油等......我揀了3個餸加汽水，50元有找賣相都幾好，這羮辣椒醬聽講係其精髓將其跟湯融和，果真令湯有畫龍點睛之效，味道更出色，十分惹味而餸亦煮得不錯蘿蔔口感適中，腍而不爛，而湯完全滲入當中，一口咬下，蘿蔔的汁跟湯融為一體，好好吃魷魚煙韌有嚼勁，味道入味豬腸同樣夠味，而且唔會好韌，加上洗得乾淨，不會有大的味道菜亦夠碧綠新鮮爽脆河粉亦夠彈牙，味道適中，加上湯簡直一流絕配吃完一口，不禁也得再來湯一口呢

有時候不需要食最靚最貴的食物才是食好西, 一碗用心煮的車仔麵, 除了令人令到溫暖外, 當然也可以令荷包豐滿一點..(哈哈, 我是慳家娘子是也) 因為今晚要去一去附近上堂, 所以放學後就行落來, 食碗車仔麵先再搭車回家. 雖然是9點多的時間, 但仍然有不少人來醫肚. 我就叫個四餸車仔粗麵 (HKD36) 加包檸檬茶 (HKD5) 當然叫了個這裏必食的玻璃魷魚啦~ 魷魚非常之爽身之餘都還帶有鮮魷味道, 而且非常入味, 正~ 咖喱魚蛋, 雖然不是大粒版, 但細細粒彈牙之餘咖喱香味四溢. 雞翼, 有三隻滷水雞翼, 雖然不是最出眾的味道, 但勝在都頗大隻 而粗麵也有煙韌的感覺 當然來這裹一定一定要加的就是這個秘製辣醬, 辣度夠高之餘也令車仔麵及餸菜的味道都提升了幾個Level~ 而這個車仔麵湯底是用豬骨餚的, 加上其他豬腸精華, 真是是鮮甜濃郁, 忍不住連湯都飲埋~ 食完暖了個肚快快回家啦~

早前行過觀塘拎野，肚餓就自己搵食～入左去呢間碗車仔麵～這裡是先點餐付款後才坐低慢慢享用，可以按自己的喜好點叫唔同款的餸～價錢相宜～餸菜種類算多，都是平時港式車仔麵見到的大路款式～也可以選擇單點～兩點幾前來人流不斷，所以也需要搭枱坐，反正也是一人前來，沒所謂吧！我就點了一碗四餸麵（HK$36），加了一杯熱檸水（HK$8）而飲品有港式的冷熱飲品，點叫一碗麵就可以加HK$7-8加配，或可選擇罐裝的汽水或紙包飲品～麵底有唔同種類可選，包括米粉、河粉、粗麵、幼麵等等，選擇多～而我就選了有口感的米線，即點即煮，唔會煮得太淋～咖哩魚蛋辣度適中，好惹味彈牙～白蘿蔔煮得好入味淋身，咬開好Juicy，味道唔會太咸～雞中翼醃得好入味，肉質易咬開～平時食麵一定會食的廚師腸，放上碗時比較涼，所以建議先用熱湯浸一浸熱少少會比較好！整體不錯，好有地道港式風味，下次行過會再來！

很久沒到這店食嘢了, 今日特別走過嚟食, 點知中伏了... 比之前食時差左好多好多, 河粉又硬又碎, 個湯好油好重味精, 餸亦比之前少左好多, 今次叫牛腩, 豬腸, 豬紅, 每樣只有4-5片, 牛腩又硬又唔入味, 豬腸肥到食唔到, 只有豬血只做好少少.... 真心覺得好失望, 今次去只得2枱有人食緊, 比起之前人山人海少左好多客了, 可能真係因為質素問題... 希望下次如果有機會再食的話會改善下

有幾樣餸都幾好味，但份量真喺不知所謂。豬皮得4塊，魷魚得4條，豬腸得4塊，連個粗麵收我$36蚊喺唔喺離哂譜呀？初時開返舖D餸份量都好D，而家多返人幫趁啦，即刻少返哂

車仔麵的誕生可謂在七十年代之冒起,小同學大男人上班放學時企在街邊木頭車旁、碌一碌滾水筷子,一啖又一啖將麵條往嘴邊送，時至今日當然已看不見木頭車影踪,取代已是一間又一間入舖「車仔麵」。。。灰姑娘要變成白雪公主,除了食材要夠「入味」,「師傅」味底也是我覺得要好好把關一道試問吃湯麵誰不呷湯? 這碗麵湯就比妨間「白雪雪」來得吸力多＊蘿白．係我覺得最為精彩,不止質感夠稔,而且比起其它店将「白雪雪」蘿白再加以炆醃,所以非常入味、yummy~~＊魷魚鬚．也能入色入味,妨間水魷魚通常只作「白水滾」這兒便多了一層功夫＊冬菇．亦可算炆得入味雖則肉地不甚厚但也感交足功課＊豬紅．口感也爽爽的,不似雞紅狀＊米線．由於煮滾一段時候再翻滾質感上入口偏稔,可謂是最要「彈」一項要吸引人先要吸引自己,這碗「車仔麵」看來真的很吸引我,停止長大後好味車仔麵我以為而離我而去,這天可又給我遇上了。

是夜要獨個兒攪掂今天的晚飯。一個人不受任何拘束不需要顧及別人的喜好，能隨意選擇自己喜歡吃的，總是令人愜意的....來到這所在觀塘區薄有名聲的車仔麵店。要一碗四餸麵，下了單馬上"科水"然後自己拿著麵找個吉位坐下開餐，一切都是來得十分自然，十分的"街坊"....這裡的名物是魷魚，自不然是必定要叫的；跟著見到有大大粒的牛丸好像蠻吸人，也決定叫了；牛腩是每趟小弟食嗱喳麵時必點的，今次自然亦不例外；最後埋尾來多幾隻蠔油冬菇，四樣餸便齊備了....一睇所有配料以及湯色就可預計這是走味濃風格的車仔麵。細嗒之下果然沒估錯 ---- 冬菇厚身炆得夠淰異常夠味；魷魚是爽脆的；牛腩味濃烈滿有柱候醬香氣但缺點是十分嚡口黏牙；看似大粒的牛丸咬起來卻偏軟身未算彈牙....麵當然選了我的至愛，黃澄澄的油麵。它，於我而言永遠是嗱喳麵的最佳拍檔....這裡就連自家製的辣椒醬都是色水黑掹掹的，睇起來好像辣度頗厲害，但食起來又只覺不過爾爾....只花三十多大洋又攪掂了一餐，而且還要是晚飯....如此經濟實惠，實在只有在觀塘這一裡的舊區才做得到....

以前我係觀塘番工，成日都會係金僑小食道食車仔麵^_^但係個個都知重建執左，大家都學得好可惜-_-近來知道金僑小食班底係觀塘開番間叫來多碗車仔麵緊係專登番黎試下啦^_^今次叫左豬皮豬腸蘿白同招牌辣魷魚我個人就一定要加辣汁，味道真係食番以前既味道，滿足^_^

特登去觀塘試呢間出名既車仔麵，同朋友各自叫左3樣唔同既餸再share，然後再叫左兩杯凍檸茶我地既餸係雞翼、大腸、蘿蔔、魷魚、魚蛋、魚皮餃我唔食魚皮餃所以無comment雞翼水準一般，而且可能keep住煲佢有d太老大腸好好食！煮得好入味，無乜腥味蘿蔔都好入味，而且一d渣都無，好甜！魷魚我就覺得好普通，無乜味魚蛋係有少少辣，個質感唔係彈牙個隻，係實在d既感覺，我幾鐘意但朋友就麻麻個麵底我要左油麵 幾好食 唔會煮到冧 煮得啱啱好個湯都好濃好味，佢會問要唔要辣，我要左少辣，但個人已經覺得好辣...不過我就唔係好食得辣既凍檸茶都好飲不過食完成日都好口渴，唔知係味精問題定天氣實在太炎熱！

之前金橋小食執咗一直掛念佢嘅辣汁，今日無意中俾我發現佢經已被白武士一家人打救，喺番舊鋪嘅斜對面開返，亦都跟咗白武士嘅內地風格，改名為來多碗，我覺得呢個名既有型程度簡直直逼大家食個平頭裝老細啊。嗌左豬皮蘿蔔魷魚河，呢度最出名嘅就係魷魚，個魷魚黎講確實係比起出面嗰啲爽口好多既，同埋個色水又夠深，唔會好似出面啲水魷咁呈現化學的粉紅色，蘿蔔都炆得夠淋夠入味。黎番個重點，嗰隻辣醬同舊舖嘅一模模一樣樣，我掛住左你好耐喇，特別鍾意呢度嘅辣醬甜甜地得黎又有少少麵豉味，仲搵到原粒既麵豉喺入面添。

想快速解決晚飯，但又食得好味一定首選香港地道的車仔麵位於觀塘的「來多碗車仔麵」就是很好的選擇可以選淨要配料也有套餐選擇車仔麵來說選擇算挺多的了最後要了一碗一麵四餸的車仔麵滿滿的一大碗看著就感覺十分滿足滷水雞翼尖很入味雖然是小小的雞翼尖但仍可食到小量嫰滑的雞肉魷魚鬚很爽口彈牙冬菇絕對是十級推薦完全地吸收了滷水汁的味道是味道很鮮甜一點也不會有過咸的感覺滷水蘿蔔也是極度推薦鮮甜多汁，完全沒有渣最愛吃油麵了泡久了也還是很Q彈愛辣一族當然要配上她家的招牌辣醬了辣得來有少少甜甜地為湯底更添層次凍奶茶口感順滑茶味十足

今日自己一個晚餐就一於來個女生的浪漫去咗觀塘食車仔麵裝修好光鮮既車仔麵檔今晚叫咗五個餸實行系餸多過麵冬菇超大隻！有一隻掌心咁大冬菇炆得好冧，入味！咁大隻冬菇好抵食！另外今日趁住一個人就叫豬紅（平時同朋友食野嘅時候唔係好敢叫豬紅，你懂的 haha）豬紅好入味，咬落去好滑！而且份量都唔少！雞翼尖亦有5隻！隻隻都好飽滿好肥美雞翼尖經過佢哋自己秘製醬料醃過再放落面倒煮，特別好味！另外老闆娘推介我食蘿蔔因為佢話蘿蔔可以索晒啲湯，零舍好味果然冇介紹錯！蘿蔔除咗有自己本身嘅甜味之外，仲有一陣滷水味，而蘿蔔亦唔會有絲，好味～最後就係豬腸啦豬腸入邊啲肥膏同埋dirty嘢清得好乾淨！！！食落唔會有臭味！要真心推介呢間比身邊人～因為實在好難搵到一間好味嘅車仔麵啊！