信興隆食品

营业中

休息中

呢間鋪頭非常出名佢哋嘅砵仔糕，但今次我又咬唔住慾望要黎嘗嘗佢哋嘅茶菓同西米糕啦！手握住啱啱出爐嘅白糖砵仔糕，香滑綿軟嘅口感令人心情大好，椰香撲鼻，真係一啖愛上。再黎嘅黑芝麻茶粿，外皮煙韌得嚟唔黐牙，芝麻味濃郁，咬落去簡直係幸福爆炸，心思思再嚟多個！😋西米糕都係咁吸引我，鬆軟嘅外皮裹住香濃嘅黑芝麻餡，話你知，每一啖都係滿滿嘅滿足！👌🥰 佢嘅美味令我諗起小時候屋企人整嘅甜品，親切得好似寄托住屋企嘅溫暖。食完心情美美，甜品就係有種魔力咁神奇，可以即時提亮人嘅日子。下次又要黎捧場，記住嘆番杯涼茶平衡返，唔好畀呢啲小小嘅熱量煩惱到！🍵✨💖

今天入土瓜灣信興隆買砵仔糕同茶粿。$7.5 一件$14 兩件$17 三件但今次與上次相比，失色了。共買了６件1. 椰汁砵仔糕老闆即從後方工場拿，保證熱辣辣。可惜這次的砵仔糕好像有點兒蒸過火，口感太淋，淋到有點爛。但保持到有米味，不過太淋爛還是吃不下。2. 眉豆蝦米茶果鹹茶果的皮與上次一樣，對比起甜茶果是偏淋，且有陣糯米粉味。 有五味粉香，但味道單一。眉豆夠蓉，入口順滑。只是不見蝦米踪影。菜甫蝦米茶果與眉豆蝦米茶果一樣，對比起甜茶困是偏淋，且有陣糯米粉味。 不太鹹的榨菜，爽脆蝦米。 紅豆茶果甜茶的茶果皮是比較出色，比較軟糯且不太淋，沒有奇怪的糯米粉味。紅豆蓉綿滑，不會太甜，有豆味。黑芝麻茶果芝麻醬的味道，芝麻味也濃只是略甜。 花生茶果似是自製的花生餡，攪成蓉的花生漿，很重花生油香。且有花生果粒，添加咬口。

作為糯米控，雖然今天仍然很大雨，還是照原定計劃特意到訪土瓜灣的砵仔糕名店：信興隆食品黃糖砵仔糕略甜但可接受，黃糖味很突出，不是死甜，漸漸滲出黃糖的香甜。應該是米漿為主的原因，糯米比例較少，所以砵仔糕口感偏淋， 不煙靭而面的那一層， 應該是被倒汗水侷淋，有點淋爛而紅豆煮得夠淋， 但沒有淋爛，保留一點口感，也沒有豆腥臭味。紅豆粒份量也適中，不會太多太少，分佈也平均。 椰汁砵仔糕口感大致和黃糖砵仔糕差不多只是比她實一點。 椰汁味也香濃，不會太甜太搶。 雖然砵仔糕不是我喜歡的煙韌口感，但夠軟糯，不會太彈或太淋爛，而且甜度適中也是出色的砵仔糕。不過其實茶果更令我驚艷花生茶果爆餡花生醬，花生味濃郁。有粗粒花生口感，雖像花生醬，但不會漿口。蝦米菜脯茶果蝦米香，菜脯爽脆，不會太咸。其實還有芝麻茶果，但忘了拍照也是爆餡，像是在吃芝麻醬，芝麻味香濃，有點起沙的口感，一點也不苦，帶甜。至於茶果皮方面，無論是咸的還是甜的都是煙煙韌韌，沒有糯米粉臭味，只是略為有點厚。 唯一是不推介西米糕，因為也試了一件紅豆西米糕，西米糕皮較硬實，沒有甚麼味道，但中間的餡是不錯，豆沙綿密也有紅豆清甜。

之前見到介紹,bookmark左好耐,早幾日竟然無意中經過,梗係試下椰汁砵仔糕,好食,紅豆係少左d,但食左有椰汁味,平時我嫌白色得個甜字,好少食。可惜本身實左太飽,下次會試埋紅豆糕同茶果。

砵仔糕係香港的街頭壞舊小食，不論大人細路都喜歡。用一個碗去做再用竹籤插入撩起已買少見少，但信興隆仍然可以見到，未食已加晒分。買時仲熱辣辣，米味尚可，口感軟硬適中，加上紅豆超多又夠淋，味道亦唔算太甜，質感亦依然彈牙。

今日中午在土瓜灣洪記潮洲滷水食午飯.在附近行吓街.周圍去尋覓美食.今日約咗我個寶貝囡囡到193 黃貓咖啡嘆茶！順度過嚟回憶童年嘅味道.童年嘅砵仔糕.當年砵仔糕由一個年老嘅公公用担挑.兩隻竹羅.面頭鋪著一塊布蓋住啲砵仔糕及茶果.茶果有雞屎藤.眉豆（鹹茶果）.砵仔糕有分白色及黃色兩種.嗰陣好祈望能夠買到啲多紅豆嘅砵仔糕.如果買到多豆的.可以開心全日！今日來到土瓜灣有一間懷舊糕點店.呢度有齊兒時回憶！📌信興隆食品 (土瓜灣)土瓜灣馬頭圍道182-186F號地下

嗰日喺土瓜灣逛吓，亂打亂撞經過呢間之前有人介紹過嘅舊式懷舊糕點店，買咗兩個黃糖砵仔糕同黑芝麻茶粿返去試一試。可能期待太高，係有少少失望嘅。個黃糖砵仔糕都OK嘅，有好多紅豆，唔係太甜，但係冇咗懷舊砵仔糕嗰隻香味。反而個黑芝麻茶粿就比較遜色。個茶果雖然有好多黑芝麻，但係太硬身，完全冇咗嗰種煙煙韌韌嘅感覺。唔知係咪要整返熱先至會有返煙韌嘅texture。總括嚟講好一般，不過不失啦，經過嘅話都可以試一次嘅。

超多豆砵仔糕🍪我本身好鍾意食砵仔糕係童年回憶但係已經好多年冇食過好食嘅直到我見到呢間舊式舖頭仔佢啲砵仔糕全部都大大件好多好多豆終於食得返細個浸味所以買左好多舊返屋企食😂😂

在網上看到好多人都說這家好好吃，頂著炎炎夏日，買了一堆，有西米黑芝麻，甜的粉粿，奶黃和芝麻，鹹的梅豆，以及砵仔糕，全部都很失望，尤其是黑芝麻一股怪怪的味道！大叔態度也不好👎

尋找過情中發現土瓜灣還有不少的舊式糕點小食，才發現原來土瓜灣是美食集中地。在茫茫人海中發現了一間大眾認同的老鋪 — 信興隆。叫了一個舊式糕點代表 — 砵仔糕，口感QQ，紅豆偏硬。味道略嫌清淡，糖的比例符合現代人少甜要求，跟得上時代改變，走上現代健康甜品之路。芝麻茶果外皮不能說QQ，只可以話係韌韌。芝麻入散發出淡淡茶葉香，有點特別。最後紅豆西米糕，可一不可再。傳統老店買少見少，感受到他們不想被時代淘汰。這種求變精神都值得支持。

佢嘅鋪面睇落係好平平無奇，甚至可能如果你唔細心留意嘅話你會就咁經過咗🥲但佢啲糕點真係好好食，好值得試下㗎！➼ 砵仔糕出面有好多砵仔糕又硬又冇味，紅豆又少，有啲可能誇張到你瞇埋眼都唔會知自己食緊啲咩🤣但呢度嘅絕對係完全相反，砵仔糕嘅本體口感好軟糯，就算你擺喺室溫好耐佢都依然係keep到個口感，唔會變到石頭咁硬👍🏻紅豆嘅份量我覺得係適中嘅，有啲人可能會鍾意有好多紅豆，要多到密密麻麻嘅🤣但我就覺得呢度嘅砵仔糕紅豆份量啱啱好，可以喺每一啖都食到紅豆嘅同時，都仲會食到砵仔糕本身有嘅天然嘅黃糖甜味☺️

✨黃糖砵仔糕攞上手仲䁔，會比較軟身建議等凍啲先食。砵仔糕口感軟糯彈牙，邊位有少少糊口紅豆唔算好多，香甜腍得黎有咬口✨椰汁砵仔糕砵仔糕口感軟糯彈牙，一樣唔算多豆，紅豆香甜 有淡淡椰汁香味，我個人鐘意白色多啲✨紅豆糕紅豆味好香好突出，仲食到少少粒粒紅豆，口感軟彈唔太甜唔錯✨千層糕本身冇買但後來見好多街坊都買，就買多一件黎試試，比我買到最後一件😆千層糕係凍食，黃糖同椰汁相間造成。口感彈牙幾清香，唔太甜都唔錯，但兩款相比下會推介紅豆糕多啲✨紅豆西米糕本身係買芝麻，但發現比錯左😅西米糕外層厚實口感彈牙，內餡唔算多紅豆蓉綿滑✨眉豆蝦米鹹茶果茶果細細一個，皮略厚帶煙韌，餡料偏少，眉豆帶粉，加埋蝦米幾惹味。食物唔錯，環境服務普通，價錢合理。經過可以試下

土瓜灣漸漸被活化，同時亦都有好多唔起眼嘅小店值得大家去發掘，諗住行去搭巴士嘅時候，望到呢一間店舖居然排着四五個人嘅人龍，一望之下原來係中式糕點。買咗一個花生茶果，好足料，花生碎好多，唔係好甜，外皮煙韌！！另外亦都買咗一個黃糖嘅砵仔糕，依舊唔係好甜，但係口感極好，紅豆滿佈整個砵仔糕。$7一件， $12兩個！小店亦都提供奶黃味、芝麻味、椰絲等等嘅款式，當日見到只係一個伯伯一手包辦，而且店舖裏面亦都有好多個鐵籠蒸緊唔同嘅糕點（仲有西米糕、千層糕、紅豆糕㗎）

自己製作，買先從碗仔拿出黎，仲係暖暖的，好多豆，仲唔甜，超好食價錢又平，白色砵仔糕仲有好香椰奶環境就係屋企feel...店舖細細，下次可以試下茶菓，見佢都好多只味。

香港碩果僅存仲係用石磨機去磨米漿做砵仔糕的老店，而家出面好多砵仔糕係用粘米粉溝水做，糕身硬無米香。相反用米漿做的砵仔糕口感煙韌又帶有米香。個人偏愛食庶糖口味多過椰汁味，爆多紅豆加上庶糖香味，係令人懷念的童年口憶。做傳統糕點功夫多，利潤少，已經無咩後生仔肯入行學。細細個住土瓜灣，屋企人幫襯咗好多年，咸甜茶果，砵仔糕都好好味！店主用大膠箱幫砵仔糕保持温度，確保客人一定食到暖暖帶米香又煙韌的新鮮砵仔糕。$15 3個砵仔糕，$12有2個茶果真係良心價錢，希望老店可以挨過疫情。