俺流塩らーめん (創紀之城五期(apm))

营业中

休息中

清明拜完山，就約左女友去apm。佢話想食拉麵，就黎呢間睇睇，見唔洗排隊，就入去食。我就叫左個辛辣鹽湯拉麵，女友就叫黑蒜拉麵，加個玉子大板燒，連飲品200蚊多啲。其實拉麵既味道我地都覺得唔錯，可係能係鹽味湯掛，不過覺得辛辣唔夠辣（我女友唔多食得辣，佢譚仔最多叫十小辣，我就叫開三小）佢飲啲湯都冇問題，我就直情覺得唔辣黑蒜湯又係冇咁勁蒜味，湯唔深色（可能性我地食得小好野，之前去其他鋪資食，啲黑蒜湯拉麵，啲湯都比較黑色）玉子大板燒係下面啲菜絲，上面加隻炸左層面既雞蛋，再加啲沙律醬。雞蛋其實幾好食，不過唔覺得似大板燒，可能平時食既大板燒都係塊用菜同蛋撈埋整既燒餅，而加係鋪菜絲喺底加燒汁再加隻蛋啦。以前夜晚黎食過dinner，覺得ok，cp值唔錯。可能時間唔同左，而加係lunch/tea time食，食落覺得唔算好抵食。下次都係夜晚先黎食啦

鹽味拉麵真係好鹹， 完全冇老點嘅感覺。淨係食到 鹽嘅味道，拉麵好重鹼水，重口味人士可以試下。另外叫咗個餃子，size同乒乓波咁上下。好唔好食就見仁見智啦，不過我就應該冇下次。

之前見依間俺流鹽拉麵成日大排長龍已經好想試！今日係觀塘做野就黎試試，可惜真係失望而回點咗辛辣熟成濃湯拉麵另外加咗白蔥同埋溫泉蛋（本身另加嘅蔥同蛋係分開上，我影相所以加左入碗）首先呢碗拉麵嘅辣度係比想像中勁！第一啖湯飲落首先係試到超鹹，然後就係好勁嘅辣味。我本身都幾鍾意食辣野，但係個辣味係冇乜層次，呢個熟成湯佢話係用雞骨同埋豬骨熬製，但係飲落其實淨係飲到鹹味同埋辣味拉麵我覺得比較偏硬身，但係食落都幾彈牙口感係唔錯嘅。而叉燒唔會太乾太柴，保留咗少少脂肪同肉汁咬落去幾鬆軟，唔錯其實拉麵同叉燒我覺得係有水準嘅，但係個湯底真係搞唔掂有種食完會腎虧嘅感覺，我本身都唔算係口味淡嘅人但係我都頂唔順後尾仲加咗個手羽餃子，佢上面有少少明太子醬同埋芝士碎，明太子醬識落個味有少少怪怪地，個味係唔識點形容但係炸雞皮同餃子本身好出色，個外皮好脆，內涵勁多肉汁但係$49得兩隻我覺得性價比唔算高一餐食完真係唔明點解咁多人排隊，食物質素真係好一般，服務質素唔係特別好，真係唔明點解會咁多人排隊

肥髀放假，帶佢去逛街加午餐，揀左呢間拉麵店，要等5分鐘才有位（星期日已算快）正常日式淺木傢具，座位略迫，因防疫隔板關係就更迫了，而且餐具被隔開了，而店員上菜後又不為意，要出聲問才拿過嚟比我哋俺流鹽湯拉麵（$59）細細碗，鹽湯清澈夠味，幼麵有咬口，掛湯不錯，配料喜歡菠菜，索湯又清爽，荀絲正常，豚肉叉燒半肥瘦唔嚡口，好味玉子（$12）玉子蛋黃流心漿口，喜歡，蛋白彈牙好味肥髀食：墨汁魷魚豚角拉麵（$89）雪碧（$10）紫菜（$10）無唸到是炸紫菜，我與肥髀想要紫菜片，失望拉麵我最喜歡鹽湯

喺apm同屋企人行完街發現咗呢間日本拉麵店，見到價錢都幾抵一於試下佢。我就揀咗熟成濃湯拉麵59蚊。嚟都都幾大碗，麵我就揀偏硬，食落好有咬口，湯底好濃沃好重豚骨味，但係飲太多就會有少少覺得鹹，用來配拉麵食啱啱好。上面有兩大件厚厚嘅叉燒，仲有好多筍絲，價錢咁平但唔媽虎，好適合我想食拉麵嘅時候平平哋嚟食。

Apm都好多拉麵店，最後確定同朋友試呢間見到最愛既炸雞同日式叉燒，就點左 麻辣俺流男盛拉麵，但太高估自己既食量，真係超飽🤣🤣每塊炸雞都超大塊，啖啖肉超滿足！吸埋d麻辣湯同本身既肉汁又辣又過癮❤️❤️好正！朋友叫左柚子拉麵，比較清新，好開胃！小食試左 明太子餃子同大板燒風味（好似）個人覺得明太子味唔錯，同煎香既日式餃子好夾。大板燒風味比較普通，配左大板燒既醬汁，蛋黃醬同木魚片。呢個組合都係章魚燒更正😆😆

俺流塩らーめん地址: 觀塘觀塘道418號創紀之城5期apm L1層1號舖俺流塩湯拉麵 🍜 $59湯底帶有小小柚子香味，幾有清新感，不過叉燒份量真係好少，少到得一薄片，而且拉麵質感一般，無特別掛湯，大為失望。黑蒜熟成濃湯拉麵 🍜🧄 $75拉麵加了大量蒜片，湯底略濃。拉麵質感一般，無特別掛湯。溏心蛋生熟程度唔錯，有少許流心，不過叉燒比較乾同鞋口，大為失望。

旅行引發作真係好想去日本呀每一次去日本一定要食拉麵今次食依個係東京好出名🙈🙈🙈我覺得自己勁好彩去到嘅時候唔使等位入咗去我哋未點餐就已經需要等位喇原來都幾多人過嚟食叫咗碗柚子拉麵感覺都幾得意冇諗過會配柚子 微微柚子味感覺幾Fresh 而且其實面質幾煙靭同埋京都嘅拉麵完全唔同如果比我再試我想試黑蒜油熟成濃湯拉麵另外仲有叫咗一個大阪燒餃子諗住佢有啲乜嘢特別啊點知原來就係餃子配大阪燒嘅醬汁不過幾好食嘅 真係可以一食只係我哋先入為主覺得佢有啲得意嘅點知原來只不過係配上第二啲醬汁

🍽食物俺流男盛拉麵 (外賣自取$72) 5/10拉麵分左上下格裝，費事喺拎返公司期間浸到爛曬。打開睇見到樣都靚仔，有2塊叉燒、炸雞同溏心蛋，啲麵就咁睇以為好少，但係食落都好滯😂將啲麵倒落去豚骨湯，湯底仲keep到熱辣辣，唔係好濃厚好油膩嘅湯底，頭幾啖仲幾好味，因為d麵唔係煮得好淋，仲有啲咬口，但係個湯底愈食愈鹹，食到好口渴😰炸雞嘅size唔細，塊皮酥脆，可惜啲肉太乾冇肉汁，反而叉燒就幾好味，入口會化開同埋都幾大塊。溏心蛋好似時間爭左啲，一夾開d蛋黃流晒出嚟，蛋白仲有啲係好生咁😓📝總評 5/10其實一開始係幾好味，但係愈食愈鹹，最後我都食唔晒😖我覺得試叉燒就足夠，炸雞可以唔嗌，見佢個辛辣拉麵幾出名，可能會堂食試下

呢間店成日都有唔少人排隊 俾人流吸引左就入去試試😋 見佢門口個牌寫係涉谷no.1 拉麵柚子拉麵🍜 $78見有唔少人叫ge拉麵拉麵一到 已經有陣陣柚子香飄過黎 估唔到柚子同拉麵都幾夾 幾清新開胃點餐時可以揀 要唔要蔥/荀 同揀麵ge軟硬度如果溏心蛋切開埋一半 見到蛋黃 會更貼心而且叉燒只有一塊🤣

呢間拉麵店開左咁耐我一直都冇機會試，但今次入嚟食絕對有驚喜，我亦都會帶朋友同屋企人過嚟試吓！同其他過江龍拉麵店一樣，睇佢餐牌嘅名係唔知咩拉麵嚟，不過佢都好貼心咁有大餐牌Key左拉麵圖同簡而精嘅說明。我揀左因為我想食重口味少少，有蛋，又唔想要咁多肉，就揀左黑蒜熟成濃湯拉麵。首先佢個湯底飲落去層次感真係好豐富。碗麵有蒜片、蒜蓉、香蔥、菜(應該係菠菜?)、雞蛋、$1叉燒、柚子皮。睇返佢餐廳嘅介紹先知原來佢係由東京渋谷傳過嚟㗎，融會咗全日本名拉麵派系嘅特色，研製出佢哋有多餘沙地到口味嘅新派。湯底味道非常之有層次感好特別，相對地冇咁似平時食嘅單純豬骨湯底拉麵、鹽湯、醬油、味增，而係一個fushion版。我睇其他留言話食落去有浸鹼水味，不過我醒起喺日本九州由布院一間小店食個拉麵都係有呢隻味，相信係因為咁啲麵質特別爽口彈牙又吸晒啲湯汁！可能因為香港人平時食開嘅味道唔係咁，所以有啲接受唔到。我覺得佢嘅味道比較似東京，所以可能會有令人諗起出前一丁嘅味精味，但係其實係出前一丁仿製東京拉麵嘅湯底喎！另外佢枱上面嘅味增醬好正。不過我更加鍾意佢嘅柚子胡椒，真係exactly同九州食嘅模一樣。因為我個人係唔食梅子

去APM行街街，行到餓餓地，要搵嘢食，呢度太多食店太難選擇，之前見這間店舖日日都超多人排隊，已好想試下，但實在太多人，唔想等咁耐所以無食，而家見無人排，所以去呢間試下。感想 : 希望越大失望越大，試一次就夠了。點選食物 :牛肉照燒雞丼+塘揚炸雞+玉子黑蒜熟成濃湯拉麵食物評價 : 賣相相當不錯，由盛載食物的器具及食物擺設的視覺較果都好好，但可能因為賣相太好，加上之前見太多人排隊，所以心裏面對這店舖的期望都會設置太高，但進食時覺得食物都與其他拉面店差不多，同埋湯底實太咸了，麵質一般，沒有驚喜。炸雞都OK，可以一試，環境 :坐位舒適，設施清潔。

今晚一個人的晚餐 搵到一間拉麵店評價都幾好,一於試下辛辣熟成濃湯拉麵  特盛追加玉子 大阪煎餃子 濃湯拉麵 濃郁既豚骨湯底上加上特製既辣油 豚濃湯加上濃辣香辣油後湯底入口先有香辣鮮味,接住就係濃郁豚骨湯既鮮甜甘味 味道豐富有層次配料有蔥,叉燒 呢度必食仲有佢既招牌玉子 流心半熟口感特濃既醬油蛋非常美味筍條切得幼身不用咬,沒有渣,好味 麵條掛湯之餘口感彈牙餃子即點即煎,加上沙律汁同燒汁仲有木魚絲花,口感脆香,咬開肉餡鮮甜清爽平均消費$150評分8/10Oreryu Shio Ramen Shop L1-1, Level 1, apm Millennium City 5, 418 Kwun Tong Road, Kwun Tong

Apm 里面有好多間餐廳，呢間係我最愛之一，事關佢性價比高。今次叫左俺流男盛拉麵 （加玉子）拉麵有口感，絕對唔淋，湯底都唔太咸，至於雞同叉燒就正常發揮，絕對對得住佢價錢

係apm呢間拉麵店，之前成日經過，今次終於有機會試下叫左個最多料最啱我呢隻食肉獸既拉麵，拉麵份量好多，食曬會好飽。湯頭好濃郁好好飲，帶柚除清香，我個人黎講都幾中意，但略嫌食食下會感到有啲太鹹，要飲多啲水先ok，有兩件大炸雞同叉燒，分量好足夠用黎送曬成碗麵食，流心蛋既流心效果好好，幾高質，建議下次兩個人黎食既話，可以叫一個熟成拉麵，一個男盛拉麵黎share,甘樣價錢平啲但配料都會足夠。總括而言，呢度既拉麵性價比好高，下次一定會再去試下其他湯底。