俺流塩らーめん (創紀之城五期(apm))

营业中

休息中

價錢比較親民嘅拉麵店，而且分店較多，有時想過下口癮，都不失為一個好選擇🥰呢間小編已經食過好多次，拉麵講求嘅各方面佢都冇乜特別，但又食到日本拉麵個種風味，對得住個價錢😆.🍜黑蒜油熟成濃湯拉麵基本上每一次都係叫呢一款，唔係因為佢特別好食，而係佢有齊小編想要嘅嘢😂有蛋有叉燒同埋唔辣🥳之前食過柚子味嘅拉麵，但甜甜地帶點小清新硬係覺得唔似食緊正宗拉麵，鍾意黑蒜油較濃同重口味但今次食略嫌太咸.🍜鮮味蛤蜊濃湯拉麵呢款係小編朋友最愛😂以蜆肉代替叉燒，味道算係拉麵之中比較清淡，冇咁肥膩，但都仲係咸🥺坑口分店小編都有食過，從來都冇過咸嘅問題，希望apm呢間會改善下啦🤔(睇返OpenRice啲食評，apm分店似乎一向有過咸呢個問題，坑口相對會好啲).🍽味道: 3/5🏙環境: 3/5‍👨🏼‍🍳服務: 4/5💧衛生: 3/5💰價錢: 3.2/5

第一次聽呢間拉麵嘅時候佢只有一兩間分店，依家已經開到有八間😯拉麵最平$59有交易，唔洗動輒都九十幾蚊先食到💸·<俺流熟成濃湯拉麵> ʜᴋᴅ 59湯底由雞骨同豬骨熬成，飲得出有兩者嘅味道，幾濃郁👍🏻拉麵質感一般，無特別掛湯。叉燒得一塊，不過幾薄，比較乾同鞋😞每碗都有少少柚子皮，帶到清新嘅香味，幾特別😉不過呢碗就冇溏心蛋，另外比ʜᴋᴅ 12加咗隻，生熟程度唔錯，可惜係凍嘅，一開始就放落湯浸熱啲😛枱麵有麻油可以另加，加咗真係好香🥰·

八點幾仲見到有好多人排隊，就算好肚餓，我都想排隊試吓。幸運地係截隊前，趕上了。.我同朋友兩個都叫咗俺流鹽湯拉麵：拉麵係我喜歡嘅幼身拉麵，軟硬度適中。鹽湯底亦唔會太鹹，有啲柚子襯托，份外清新。拉麵亦有適量嘅菠菜，豬肉OK..我哋追加咗明太子煎餃子，有驚喜：餃子唔同一般日本拉麵店食嘅，有少少似雲吞，佢嘅明太子醬鹹度恰到好處，一啲都唔覺得油膩。👍👍.雖然臨近收舖，店員仍然親切有禮，態度良好，值得一讚。

🇭🇰 香港觀塘觀塘道418號創紀之城5期apm L1層1號舖🇭🇰Shop L1-1, Level 1, apm Millennium City 5, 418 Kwun Tong Road, Kwun Tong, HK.人均消費: HK125.味道: 👅👅👅👅賣相: 👀👀👀👀價格: 💰💰💰💰💰環境: 🌹🌹🌹🌹服務: 👨🏻👨🏻👨🏻👨🏻性價比: ⭐️⭐️⭐️⭐️回頭率: 🔆🔆🔆🔆.話說係日本時誤打誤撞地食過一次俺流塩らーめん，鍾意到不得了❣️主要原因係佢原味清香！知道香港有開，有拖延症的我，係佢開咗8間分店先的起心肝去食😂😂😂😂😂晚飯時間，都要排10-15分鐘，不過侍應哥哥好好禮貌好客戶👍🏻排隊時點餐，坐一陣就上餐了✨.⭐️俺流鹽湯拉麵🍜HKD59湯底好清只有鹽味，但我覺得同拉麵好夾而且好香😋麵選擇普通，口感唔錯𥚃面有豚肉，菠菜同蔥，豚肉還可以，菠菜沾湯好味，重點係啲蔥好香，連清湯食好好味我喜歡清淡湯底嘅麵，所以我好鍾意，但唔係個個啱，但HKD59好抵食.⭐️玉子🥚HKD12加咗HKD12有隻玉子，味道剛好，蛋漿口感好味蛋是凍的，比熱更好味.🆗俺流熟成濃湯拉麵🍜HKD59濃湯略帶陣奶油香，但相對不是我杯茶

用餐時間：19:40-20:10人數：2人因為是晩飯時段，所有前面都有3 'pair' 人排隊；隊旁又有玻璃望進廚房，見到一碗碗麵的製作過程，肚子立即咕咕直響！我們坐的桌子近門口，不太闊綽，尤其桌上放有筷子盒。餐牌上的選擇不太多，友人點了期間限定拉麵(見圖)($89)，我點了俺流特製撈麵($75)。每款主食都可以選柔、中、硬三種麵質，及各類走青、走荀等，亦可以根據自己喜好落各種醬油，如紅醋、辣椒油、五味紛等。不太能吃辣的本人都「食到幾滴」他們的辣椒油。我倆認為麵質控制得不錯，但味道不似預期，調味亦偏鹹。*設加一服務費期間限定～

喺呢度apm行吓街想食拉麵 見到一間拉麵店出邊有唔少人排隊 當然到跟住排埋一份啦佢嘅拉麵選擇款式都有多達10幾款 所以我叫咗個豚肉盛合拉麵湯底濃厚而且麵質有軟、普通、厚之分，麵質彈牙，兼大大份，相信唔少女仔會覺得份量幾大份！話明豚肉盛合 當然肉肉多多 有幾款肉，不過可惜豬腩肉有d鞋，不過佢份量厚度取勝玉子大阪燒，好特別好吸引，佢好似章魚小丸子咁，但係入邊係一個流心蛋，好驚喜！！環境方面唔錯 坐得都舒服 不過外面長期都有好多人排隊 所以如果傾長計的話依到可能未必適合了整體來說拉麵味道份量都good

早食飯十二點二去到先不用排隊，平時唔使旨意。首先fair d 咁講，拉麵鹹唔鹹見人見智，係日本食更鹹嘅都有，呢間個鹹味其實都可以接受的。見幾特別於是嗌左有芝士嘅，加上我喜歡辣，於是見到辛辣芝士又有蛋我就毫不猶疑去點了。個芝士係粉來，一大堆好吸引，一撩開咗就溶咗沈落碗底，所以唔好諗住好似韓式果d咁一大pat係上面。不過，雖然溶曬，咁就令個湯芝士味濃，有d細粒炸蒜片加埋也不錯。隻蛋流心，剛剛好。d麵也軟硬適中。辛辣就預咗佢完全唔覺，因為我食開辣。問題係湯底，好一般不是特別香，我以為湯底特別香就係果種濃豬骨湯味，但呢個一般。無優惠無叫飲品，埋單97。

柚子拉麵湯底有濃烈的柚子味 好清新好特別✨​人氣⚡️男盛拉麵好足料 湯底夠味又適中 拉麵夠林​仲有 我未食過咁厚咁林嘅日式叉燒❗️咁厚塊肉一啲都唔un❗️​碟餃子都不錯 有明太子味 不過無乜芝士味😂​仲有我的童年回憶波子汽水呀🥰🙊​​

《泡菜牛肉飯》係一碗平凡嘅牛肉飯，但加咗泡菜又幾開胃，唔錯唔錯！😋 如果你鍾意食牛肉飯又鍾意食泡菜，呢個飯會係你嘅選擇《唐揚炸雞🍗》碟炸雞可以話係聖餐最好味嘅食物🤤真係啱啱炸起，外皮香脆，嫩滑雞肉，真係好滿足🥰《吉列豬扒蛋飯》呢個飯就麻麻哋，不過唔算難食嘅，個吉列豬扒好似炸咗完擺喺度一段時間，唔係新鮮炸起，個皮有啲林，建議可以食其他套餐食物質素：8/10 環境質素：7.5/10服務態度：7.5/10

䌓忙的星期六中午，我同友人相約apm 午飯，可惜想食嘅店已經大排長龍，而女友們都唔係同一時間到達，為免再揾唔倒食，見拉麵店仲未開始有人等位，所以決定快快手食拉麵！店員解釋因為座位太少，唔齊人唔入得，結果在門外等左5分鐘真係齊人先入得。完全明白同理解，因為佢地店真係座位唔多。座位都濶落，疫情期間都有膠板相隔! 🍜 俺流熟成濃湯拉麵 $59 -抵食指數 👍👍👍👍👍湯頭濃郁但唔肥膩，有大量配菜： 蔥，菠菜，柚子皮，筍 ，仲有一大片豚肉。香濃嘅湯夾有小小柚子香味，一啖拉麵一啖湯剛剛好，完全唔駛再加枱面嘅醬料。拉麵份量適中，女仕們一定食得哂唔會覺得浪費！睇埋個價錢，抵食！🍜黑蒜油熟成濃湯拉麵$75 👍👍👍 因為黑蒜油嘅關係，湯頭濃郁但比較油同厚身，有一樣嘅配菜： 蔥，菠菜，柚子皮，筍 ，仲有一大片豚肉同埋玉子 。湯濃郁比較有掛麵嘅感覺， 拉麵有口感唔會太軟身，不過就唔敢飲太多湯驚咸得濟，叉燒薄薄一片，份量都係啱啱好！相比之前果款只係多左隻流心蛋，價錢相對就冇咁抵食！整體都係好味！🍚 唐揚炸雞飯 $42  👍👍 拉麵店真係唔太適合點飯食！賣相其實唔差，一碗飯 有成3-4件炸雞，不過真係太太太多汁！

作為拉麵愛好者嘅我，平時最鍾意四出咁去搵好食嘅拉麵。平時經過APM見到呢間舖頭成日都排長龍，嗰日經過竟然冇人排於是即刻同朋友入去試吓。冇影個Menu，不過佢拉麵主要分為熟成湯底(豬骨雞骨咬湯)、鹽味同埋味憎，當然仲有期間限定。我朋友叫咗一個期間限定，係墨魚汁湯底，一上到黎湯底係黑蚊蚊，飲一啖湯覺得嗰種味道好特別，佢好似係屋企煲嘅嗰種中式湯，但又幾好飲。我朋友覺得佢加埋芫荽陣味又幾夾。我就叫咗個鹽味拉麵，講真真係好普通，係屋企都可以煮到嗰隻，奉勸大家如果去食就唔好叫呢個湯底，拉麵叉燒中中亭亭，計埋+1都要成舊水，我就未必會再幫襯啦。另外再加左溫泉蛋食，流心度OK，但唔入味，好普通。

呢間舖頭嘅門口成日都有人排隊，所以今次就忍唔住入去試一試佢啲拉麵。今次分別嗌咗黑蒜油熟成濃湯拉麵同埋明太子芝士醬餃子。個餃子上面有好多醬，所以餃子味道好濃郁，值得推介。

日本人氣拉麵店到左香港一大段時間😂有時見到龍仔🙈今次唔知簡咩食就試左佢🤪.🍜辛辣熟成濃湯拉麵 $65睇顏色以為好辣😣但食落口就唔辣😇但越食越鹹❗️食到懷疑人生😂如果叫佢熟成既湯底唔叫辣味會好啲😂佢辣似係額外加醬上去🤨成碗野都係得一塊叉燒，但厚身既都😟.🍜俺流男盛拉麵 $89個湯底正常好多😅起碼飲得落口😂果拉麵流心蛋做得幾好😍啲料都多，不過不失😇.⚠️依間拉麵店試一次夠啦🙃

一碗好的拉麵，我認為湯底及其拉麵的質感，而我覺得這碗拉麵是我暫時食過最好味的拉麵，但價錢也是很抵食的拉麵。拉麵的湯很濃郁但沒有厚膩的感覺，骨頭和魚湯作底的鮮味也很夠，加上配有柚子在湯上，食上去更加有清新的感覺，慢慢嘗嘗它的湯也是一個享受；至於拉麵煮到剛剛好，不太軟不太硬，配上的一大片豚肉，一邊喝湯一邊食麵真的很不錯！

接老婆放工，順便食埋晚餐先打道回府。身為麵痴嘅我，一於食拉麵做晚餐。地點選了响APM 嘅 Oreryushio。倆人叫了大阪煎餃子、及黑蒜熟成濃湯拉麵。煎餃子加上大阪醬汁及木魚碎，食落口感一般。餃子size略少，味道偏淡，整體水準一般。拉麵則加了大量蒜片，湯底略濃，麵則一般。蛋有少許流心，食落亦普普通通。為一亮點是加了一點應該是柚子皮，帶出一點清新感覺。另外叉燒算是做得不錯，叉燒size合格，咬落算有點鬆化，不俗。埋單約$200 ，整體水準一般，以此價錢來說，不見得特別突出。