傳麵世家

营业中

休息中

雖然都係食牛既粉麵舖,但傳麵世家同一般潮州粉麵舖既五香牛腩唔同,呢度賣既係比較少見既清湯腩,雖然叫做清湯,但絕對唔會淡而無味,而且仲可以因應自己既喜好選擇想要既唔同位置,真係好客製化~

尋日下午幾个人去食，叫咗牛腩麵、牛雜麵、手打豬肉丸米同飲品。牛腩硬、冇味，牛雜太林又冇味，手打豬肉丸硬咗少少，整体質素下降。d阿姐服務又差，問佢哋攞杯水都要問幾次……有排都唔會再食！！

清清哋水餃油麵加腩汁，凍奶茶 $36元。麵份量夠成年男人飽，水餃夠爽口，凍奶茶大杯夠味唔錯，純湯底比附近耍家嘢甜及清。自己中意食油麵，唔係間間都有油麵選擇。辣椒油幾惹味及香，混合豉油食一流。收銀四眼姐做咗好多年，好有禮貌值得一讚。兩樣加埋，仲平過勝利牛丸食一碗麵，仲可能一碗唔夠飽添！非繁忙時間好多位，唔使搭枱，間唔中都想起嚟食。😄

啱啱下午茶時間有啲餓，又想食下嘢，我就未餓，但朋友仔已經話肚餓，見到呢度有粉麵又有飯，就啱晒我地心水啦！好，坐低睇下有咩好食先。淨魚蛋魚片，魚蛋魚片好白滑，係落非常彈牙爽口，當下午茶食份量啱啱好。蕃茄汁牛尾飯，香濃嘅蕃茄汁，仲有蕃茄蓉係入面，牛尾大大件，仲要有好多件，加埋白飯食，拌飯一流，真係好抵食。炸雲吞，剛剛炸起攞岀黎，成個外皮香脆，雲吞大大粒，咬落有口感，裡面唔會乾。叫杯凍檸水同凍華田飲下先。

今日入元朗探朋友順便要買啲材料打邊爐，因為我勁鍾意食牛丸以朋友就好鍾意食鳳城水餃🥟知道元朗有間手打牛丸好鬼出色，一於幫襯下先😃手打牛肉丸對比機打牛肉丸，口感相差很大，牛肉丸爽口彈牙的秘訣是沒有添加劑，嚴選肉質好，肉汁鮮味的牛作為材料，即使不需要加任何調味，鮮味足以令覺得滿足😍火鍋必食的午丸，爽口彈牙，鮮嫩多汁，口感豐富，最重要肉味濃郁，每一粒都好似乒乓波咁大粒，朋友果然冇推介錯🤪鳳城水餃🥟，人手包大大粒好足料🥟 真係完全估唔到佢係咁大粒，而佢每一隻水餃入邊都有勁多材料，最重要係全部都新鮮，自家包製果然不同，皮夠薄，內餡夠新鮮，大隻飽滿 ，用作打邊爐材料，味道不錯，不容易散開😙😙

入元朗甚少幫襯高檔食肆，都係鍾意走訪街坊小店，其實喺元朗實在有太多高質素嘅小店，簡直係臥虎藏龍之地😋而呢一間亦係元朗裏面嘅其中一間高質素嘅粉麵店！！！傳麵世家老闆曾經喺香格里拉嘅日本餐廳擔任主廚，離巢自立門戶，開創貼地價錢嘅粉麵店！雖然無光鮮華麗嘅門面同裝潢，小店內賣嘅食物都對得起定價，我相信以三、四十呢個價錢可以品嚐到星級廚師嘅廚藝，簡直難得！ 佢哋嘅招牌菜式都非常多，例如爽豬手同牛腩亦走唔甩！二話不說「靚女！整碗豬手爽腩幼麵、菜心加多杯紅豆冰啊！唔該晒！」豬手爽腩幼麵 HKD44一大碗幼麵裏豬手三大嚿、爽腩五、六粒、一條油菜！豬手同胡椒煮，爽口彈牙，膠質豐富，清香撲鼻！爽腩的確比其他部位嘅腩肉更加爽口，肉質富彈性，肉汁鮮甜，食得到肉嘅本質鮮味！幼麵爽滑，的確不錯👍🏻（甚少食幼麵，好易食到打私益，但呢間唔會✌🏻😍）紅豆冰有別連鎖餐廳嘅紅豆冰，糖煮起紅豆煮得軟腍有口感，與香滑嘅奶奶攪拌，啜一啖，滿口都夾雜紅豆與紅豆蓉，香滑不會太甜，且口感豐富唷！未離開麵店，已經諗好呢幾日要同屋企人嚟多次👍🏻

話說 我都習慣每日要諗晚餐食咩喇前一日得閒去超市買定果朝要拎出黎解凍或者諗定去邊度買外賣去Openrice睇定餐牌揀埋之類天秤座看餐牌要看半小時你懂的有一我突然好想食清湯蘿蔔牛腩於是喺元朗放工行咗去街市嗰邊搵到呢間軟老字號本身淨係諗住食清湯腩舖頭個姨姨話炸雲吞好好食又忍唔住要埋 仲要加杯紅豆冰🥤清湯腩真係超推介！牛腩夠淋，肥瘦適中蘿蔔入味！好好食，我食哂成碗湯都飲埋炸雲吞拎到返屋企都冇淋，點埋雞醬勁好食！

星期日係元朗行完街，下午茶時間見到呢間傳麵世家有不少食客，更有人在等外賣。而店外亦貼上報紙宣傳單張，係元朗隱世清湯腩，於是便外賣回家嚐嚐。點了牛腩牛雜雙拼米$43加蘿蔔$12，炸魚皮$15，配熱奶茶$7。外賣有貼心地分開裝清湯同麵，從門外單張得知湯底係每日用百斤牛骨新鮮熬製，飲一啖發現真係好濃郁香甜！蘿蔔呈現半通透潤澤，好淋清甜冇渣，夠火候入味！牛腩肥瘦均勻，筋膜相連，食落爽口軟腍，果然係店家招牌美食。牛什有牛肚、牛粉腸、牛膀，份量不少，清洗乾淨，加少少辣椒，香辣惹味呀！炸魚皮：極為香脆好味熱香滑奶茶：香滑茶味足生，甜度適中，令呢餐下午茶更圓滿。

我朋友住咗喺元朗好多年 佢好熟悉元朗有咩美食 今日佢帶咗我黎呢間麵店 係佢由細食到大嘅 叫我一定要試下 裝修基本上依然保留原有香港老味道 牆上掛滿字畫/食物照片/食物名字及價錢 直接簡單傳遞方式 基本上每枱客人入嚟唔使睇餐牌都已經點到自己想食的心頭好朋友推介必食牛腩/豬手/豬肉丸/炸魚片頭/炸雲吞... 朋友所推介的 我通通都點了 就相信他吧八斤牛骨淆製元朗隱世清湯腩 高峰時期日賣千碗清湯腩 湯底足料味道濃鮮甜品嚐後不覺得口渴 豬肉丸粒粒肥美 外觀參差不整齊 一看便知不是機器打造的 很像非常彈牙呢天津紅豆製成特飲 紅豆飽滿綿密 配上香濃的阿華田 兩者味道相當配合 先是阿華田的香 其後是紅豆的甜豬手用陳年白鹵水浸製 純香厚實又入味 而且 好大舊 好有份量 豬皮爽脆 充滿骨膠原 吃過以後嘴唇是黏黏的 豬肉丸確實很彈牙 質感很紮實 還有豬肉的鮮甜味清湯牛腩配酸菜白飯 雖然是清湯製作的牛腩 但係蘿蔔及牛腩都超級入味 味道絕不清 蘿蔔超甜 超淋 而且冇渣 食完一舊忍不住又一舊 牛腩炆到好淋 肉質很淋滑 而且半肥瘦 入口有即溶效果 湯撈飯 好味炸魚片頭 新鮮熱辣即叫即炸 外皮炸到脆卜卜 中間魚蛋

今晚去了元朗外賣了粉麵返屋企開餐，這間餐廳主要以牛腩及手打丸為主，價錢煮是由幾十元起。清湯蘿蔔牛腩飯分量十足，蘿蔔清甜無渣，坑腩部份半肥瘦，入口牛腩鬆化帶牛油脂香，湯底充滿肉香且有蘿蔔清甜，當上湯拌飯一流。淨雲吞裏面蝦肉爽彈，半肥瘦豬肉，雲吞包得結實。淨潮州四寶有手打豬肉丸、墨丸、魚餃、魚旦，手打肉丸肉香味濃，因為無溝太多粉，所以比較諗且有肉汁，墨丸彈牙爽口。有名你叫傳麵，理所當然要試下招牌的傳麵，有牛腩、牛肚、粉腸、雲吞、水餃、味菜，非常豐富，牛腩有坑腩亦有爽腩部位，雲吞水餃餡料豐富，粗麵爽口。

小弟嚟依間食牛腩河已經唔止一次，原因只係因為依家牛腩河價錢非常平民，只係3 8蚊，啲牛腩好腍，河粉好爽，湯底唔鹹，不過之前食坑腩片頭河，第一次食坑腩幾腍，片頭皮就有d硬，第二次坑腩比較靱，對比之下片頭就比較好食。。。所以最近果次就淨係吖咗牛腩河，質素就比較好D，不過呢如果要堂既話要記得揀個位對上唔好有部冷氣機，因為之前有次堂食冷氣機滴水直接滴落我碗野度，其實其他食客都曾經講過冷氣機滴水問題比較嚴重，不過你要你坐個位唔喺對正上面有部冷氣機，咁就冇問題啦。

今日細佬難得得閒，就帶左我地去元朗食野。佢話呢間傳麵世家好出名，之後食過幾正就同我地試下。佢叫左個炸魚片頭雞球河，賣相的確唔錯，不過雞球略嫌炸得燶左少少，不過份量都唔少就真。我就叫左牛雜米線，但講真呢個牛雜米線有d失望。首先，牛雜總類偏少，牛肺都無塊，更重要既係牛粉腸好苦，媽咪碗牛雜河就無咩湯，上黎個仲要涼既，所以講真有d失望。因為呢間餐廳係元朗好出名，本身有期待，但食落真係唔太出色。我仲額外叫左枝黑豆漿，黑豆漿就中規中矩啦，唔會太甜但豆味都唔算好香，所以下次唔會再特登黎食啦。

元朗其中一間比較出名嘅港式粉面店舖，就係元朗人都會識嘅傳麵世家。呢度嘅招牌係豬手同埋牛尾，而且佢嘅炸魚片頭真係只此一家，喺出面真係食唔到呢個水準。今日嚟到我就叫咗一碗牛尾炸魚片頭河粉。牛尾非常之嫩滑，質感黐口，肉香濃郁，好似啖啖都食緊骨膠原。份量都比得非常慷慨，有成六七舊。炸魚片頭都係每次嚟到必食，每塊都炸得金黃，出面脆脆地，入面魚肉好爽口彈牙，要黎配河粉真係一流！

好少有一碗吞雲米係令到我經常去食，自從去左傳麵世家食，就變左飯堂，唔知食咩，就直接去食傳麵。佢地啲雲吞大小適中，豬肉同蝦比例適中，唔會好似坊間某啲吞雲咁，一係太多肉，一係太多蝦，搞到大大粒咁，雲吞唔係大粒就代表好。另外，嗌左杯凍奶茶，味道中規中矩喇，不用特別介紹。

傳麵世家係一間係元朗幾出名嘅食店，但除咗食麵出名之外，佢地啲碟頭飯都唔差嘅我自己就好鍾意佢地嘅咖喱雞球飯，因為佢地啲雞球熱辣辣，食落似即叫即煎，加埋嗰咖喱汁撈飯，真係無得頂。但係嗰咖喱汁有啲咸，唔食得咸嘅朋友要注意下。