傳麵世家

营业中

休息中

今日下午我們去咗我們每次入元朗都必定會去食嘅「傳麵世家」！我們叫咗牛尾粗麵、牛筋牛腩粗麵、牛坑腩粗麵、炸魚片頭麵、炸香滑鷄翼、炸魚皮同白灼芥蘭！牛尾粗麵嘅牛尾炆得好腍，份量十足，都只係賣$36碗咋，自己去街市買都買唔到咁平，真係超抵食！而粗麵嘅麵質亦非常爽口彈牙！牛尾粗麵係我每次嚟食都必叫嘅，係本人嘅極力推介！牛筋好爽，唔會過腍！因本人鍾意食爽啲嘅！牛坑腩好腍唔會韌！老人家都可以食！炸香滑鷄翼炸得非常香脆，唔會炸過火，肉質好嫩滑！炸魚皮炸好薄好香脆！

運動前，絕不能只吃個麵。路過這店子，平日極多人，趁今天沒甚麼人，便進去一試。咖哩牛脷飯.咖哩得個辣字，沒特別香氣，拌飯也覺又咸又辣。幸好牛脷夠多，十片八片薄薄的，又薄又軟腍，香香牛味，相當不錯。一個大碗飯，數片餸料，加個汁，這樣就$42。如要試這家店子的真功夫，似乎下次試試牛腩，雞球，豬扒才行。

It is a renowned noodle eatery in a scruffy neighbourhood of downtown Yuen Long, you may actually have to walk by a few dingy dirty lanes, inhale a few mouthfuls of foul smell, before reaching this place. The groomy story doesn't end here, inside the shop, besides the overwhelming smell of beef that I think is better kept inside the kitchen, you can see black grime all over the back of each little red round seat you're going to rest your buttocks on. But environment apart, the quality of food is

相信有好多人都唔鍾意行果d濕濕淋淋既街市...但呢個舖位只位於街市外街…並未如想像般惡劣…只是格局有點街坊feel...完全只會以為係一般普通既麵檔...☆．☆…又點會估到原來呢間係好野黎...據聞老闆光師傅16歲入行...累積左30多年經驗...曾經係香格里拉酒店擔任過主廚...貫通中西日飲食文化...⊙～⊙…偏偏光師傅就睇中左係呢度開舖...仲要係主打牛麵...話明主打牛麵…餐牌又點會多選擇...不過價錢相當大眾化...ˇ。ˇ…朋友就好簡單咁點左碗清湯牛雜河…牛肚牛腸牛肺樣樣齊…不過不失咁啦…再加多碟例牌油菜...健康d wor...但原來清湯蘿蔔牛尾同牛根加豬手湯飯先係戲肉…湯同飯係分開上既…其實都好大碗…飯同餸既比例應該有1：2.5…⊙－⊙…雖然係清湯底…但牛尾已經入哂味…仲好好肉地添…實在要多得180斤牛骨，果皮，羅漢果，大地魚，蝦殼熬製出來既成果…>～<…嘩…好豐富既鈣質啊…至於紅粉菲菲既牛根…非常之吸引…唔似得一般麵檔係碎濕濕黏黏地…佢係腍腍地一舊舊...大舊得黎好好咬口...最重要係有女士喜愛既骨膠原呀…^.^...咪睇豬手白雪雪好似貧血咁…原來係用香葉

今天再返來食返牛什飯（因為幾好食），好得意的，呢間舖平時一碗牛什粉麵都係$27-$28蚊，但我叫尋日的牛什飯要成$46蚊，我見天氣凍凍地，再幫襯叫佢加多少少飯俾小妹，因為尋日食個飯好少，仲要貴成廿蚊。我同落單個女人:「加多d飯丫唔該哂！」佢話好，根住黎左個飯仲細個尋日個個。根住我就攞住碗飯出去細細聲問佢，加否加多少少？佢就一句：「係得咁多咋噃！」（語氣勁差，不友善） 平碗咋，叫多左飯？！仲要少過尋日黎食！！大佬，比多成廿蚊比多少少飯唔駛死呀嘛！ (其實要講講間舖個日得兩個員工定老闆,一男一女)但係我見到隔離枱個男人要求多飯，個落單男人願意扚多碗比佢，根住個落單女人見到我見到呢一幕即刻問返個落單男人仲咩加飯俾個客，個落單男人話天氣凍所以比，個落單女人話個落單男人話個客加飯你扚多成碗比人要$12蚊架！都痴線架，一d人情都無。仲要同佢講比隔離個女仔(我)見到！其實個問題係都貴成廿蚊，比多少少飯唔駛態度惡劣到好似破產咁呀！ 一碗粉麵都係廿七蚊但跟個飯就貴多廿蚊？！仲要唔係十分好味的飯！

繼續元朗覓食記。來到元朗，當然不會光顧什麼高檔食肆，而是走訪街坊小店，這區確實太多卧虎藏龍。這次，我的目標，是傳麵世家。又是一個小店大廚的故事，老闆光師傅，曾在香格里拉的日本餐廳擔任總廚，自己開店，卻竟然不做日本料理，反而做一些賣不起價的粉麵店。詳細內容公仔箱已介紹過，不再在此長氣。這裡的環境及價格，街坊得很，廿多元的粉麵，我家樓下的街市都買唔到。能以這個價錢，品嚐到星級大廚的手勢，難怪晚上六時未到，店子已坐滿客人。當然，傳媒的威力也很厲害，阿姐說：「有線出街那幾天，全日做到無停手，未試過呀！」我就要碗傳麵，用得上名家的名字，大概會是招牌吧！材料也必然是「大雜燴」。先呷口湯，一流。牛腩不會很韌，牛肚口感佳，粉腸沒異味，水餃和雲吞均足料好吃，還有我愛的味菜，麵條自然也爽口，真的每款也合格有餘。也偷了一件豬手，皮很爽，但不會硬轟轟，亦沒半點雪味，很有水準，真想多來一客淨豬手慢慢嘆。紅豆奶茶，這裡不是獨有，但呢度既奶茶做得好，夠香濃，紅豆香甜，令兩者根本已夾的東西，更加出色。這裡不乏熟客支持，如我鄰桌的一檯，吃完後也請老闆出來打招呼。聽他們的談話內容，並不是風花雪月，而是談管理，談廚德，這才

聽說這間麵店外表平凡，不過它的粉麵好吃卻眾人皆知，一直想試，今天走到這邊試下店鋪帶點傳統風味，地方算大，店員好像全部都是女性的，並沒有看見男店員，卻一反傳統，重女輕男另外店內張貼了不少與亞視藝人的合照。點了傳麵（$28），內有牛腩、牛肚、粉長、雲呑、水餃、味菜配粗麵，也是什麼都有其他粉麵的價錢也較相宜⋯份量足夠，秘製牛腩夠腍又夠味，牛肚煙靭好吃，粉長應是類似牛腸的東西，很滑，雲呑水餃皮薄餡靚，料很實在，包有蝦肉的啊！味菜即是咸酸菜，令整碗麵更為惹味～～而湯底很清，麵條是普通的粗麵條吧，吃下頗為爽口。

其實去傳麵世家之前已經在開飯看了很多食評對於一直都好中意食水餃魚蛋河粉既我真係一直都十分之期待可以一試嫁 有一日早放學,終於可以試下喇可能好少行入這邊,我同好朋友穩左一段時間一入到去已經見到好多人,有一家大小又有朋友知己,所以我地就搭枱啦我同好朋友樣樣都想試所以就分別叫左 水餃魚蛋河 和雲吞魚片河 凍檸茶少冰少甜 由於以上4送同樣價錢,所以我地就簡左雙拼 再交換送食 甘又可以試多d又抵d 圖入面見到係雲吞魚蛋同水餃上枱既時候蔥會係羹入面 方面一d唔食蔥既人 湯好清 食完唔會口渴 水餃好好食有蝦,木耳絲,豬肉,非常足料 但係朋友就話雲吞d肉太實,我就覺得都幾飽滿 而魚蛋 係白色果d 好好食 非常彈牙!!! 魚片就就數量較少 我比較中意食辣 所以食果時落左好多辣椒油同辣椒渣而朋友就落左辣椒油同醋一齊食~辣椒油應該係自家制,有別於市面上的我覺得好香  而辣度又適中  的確不錯  嗜辣的必定一試 不嗜辣者也可作淺嚐河粉入面仲會配多條菜凍檸茶亦都好好飲~簡直係同香辣既河粉絕配!!!吃罷的確非常滿足 份量十足 吃完不但肚子的滿足 還有心靈的滿足 畢竟我真係期待左好耐

入元朗自從無咗果個牛丸本店之後，睇落好似無乜好食既麵店咁，誰不知捐窿捐罅的嚟到合益對面的傳麵世家，呢度既魚片頭清湯腩已經夠出名，就即管試下佢既普通野好食唔好食，點咗個墨丸雲吞粗，先講湯底，絕對唔係出面十蚊碗果種鹼水湯，麵淥得洽到好處，呢度既辣油睇嚟仲係自家研製，可以一罌罌賣，四十蚊罌，辣油真係辣得頭皮發麻呀！講雲吞，其實間間只要配料調味比例正確都沒有什麼分別，只是這裡的墨丸真的很上乘，貌似全粒都係由墨丸膠打出嚟的！絕對唔似啲下欄鋪頭用啲麵粉墨魚丸嚟濫竽充數，總之呢間真係值得入去一試啦：）

身為地地道道既元朗人,一定聽過傳麵世家啦!今日DAYOFF訓到晏就先起身,一起身肚餓,就拿拿聲踢拖沖左去附近既傳麵世家食野啦叫左個紫菜底米粉雙拼牛腩雞球,正! 牛腩爽口彈牙,雞球又炸得岩岩好,吾會話食落口得個"油"字雖獨是紫菜湯冇咩紫菜味 另外叫左杯凍豆漿,夏熱天時飲番杯,真心爽到腳底

某日同男友仔路過, 見到呢間麵店坐無虛席, 所以好好奇想一試~可惜果日已經食飽左, 所以唯有等下次......呢日終於記起"佢", 一於黎試下!!哇!! 真係好誇張, 枱仔開到出路中心~!!!好唔容易, 比我地等到張細枱仔搭一搭....店入面....感覺好迫, 不過為左一試, 無辦法啦~左揀揀, 右揀揀, 我揀左豬手河 (豆漿)男友仔就要左牛腩麵+雞翼 (凍檸茶)因為人多既關係, 大約都等左 15 分鐘先有得食!!賣相其實都好普通, 湯底唔太咸, 清清地夠味~豬手軟淋但唔會爛溶溶, 有咬口~河粉一般, 不過唔碎, 都叫新鮮~牛腩相對比較少, 好在仲有 2 隻雞中翼~幼麵亦無皂水味~其實大志上都唔錯, 不過......又應該不至於咁多人爆晒店咁既, 哈哈~

各位街方😔不知道是不是老牌子，所以越做越差，以前老闆日日自己落手落腳，現在全部請伙記，啲食物雖然都算可以，但是一定要堂食，如果外買你們一定後悔，我雖然已食了20多年，但越來越氣憤，外買牛腩用細外買碗，加起來都不夠十舊，重要細，收$51元，另外炸魚片頭$35元，只得魚片一條，加上都是8舊，重要外買炸片頭是像魚片一樣，完全無炸，完來他們是炸魚片條，炸完就幫你切開😞真是其怪，做街方生意老實D，魚條在旁街巿買十幾元一條，做好名好難，做壞很容易，唔好以為家人認識娛樂圈就當一世召牌，❌❌🈲😡😡👿👿👧👶👎👎

今天和女朋友一起去嘗試這間她常常提起的麵店.我們分別點了- 傳麵- 丸腩河傳麵 ($25)- 不得不讚味菜和清湯的味道配合得出常好- 有雲吞, 水餃, 牛腩, 粉腸, 牛拍叶?- 幼麵 爽, 彈 無 梘水味丸腩河 ($25)- 相比之下, 元朗另一間的勝x牛丸比較出色.另外再叫了一枝枝裝可樂($6)總括來說, 值得再吃.

OT完返到元朗已經9點幾, 好多都收左鋪, 見佢仲有開就入去試下坐低叫左個牛肚墨丸河加通菜味道：牛肚墨丸河 - 牛肚夠林, 墨丸唔夠爽口, 口感一般, 河粉唔夠滑通菜 – 腐乳勁鹹份量：都幾大份 環境：位與位之間比較迫 服務：一般 衛生：OK, 乾淨唔濕滑 抵食：一試無妨下次會試下其他食品

今晚我哋一家三口又入元朗開餐. 今次就試下呢間麵店. 嚟之前當然要上openrice睇下有咩推介啦, 好多人都話牛腩, 魚片頭同炸魚皮正喎, 我哋又點會錯過呢!叫咗: 牛腩米 $20.00--味道唔錯, 有牛味, 但五件牛腩中有兩件唔夠林比較韌同"痴牙". 牛根麵 $20.00--牛根夠入味, 又林又滑, 百厭仔都好捧場. 魚片頭麵 $19.00--麵夠爽口, 無鹼水味. 魚片頭好爽, 入口熱辣辣, 食得出係即炸, 可能係即炸關係, 所以比較油膩. 炸魚皮 $8.00--超脆, 百厭仔勁like, 攪到唔夠食要叫多一碟.另加 $6.00可配凍熱飲品--一杯熱華田, 一杯凍檸茶. 凍檸茶出奇地好味, 真係可以媲美茶餐廳. 正!埋單$87.00