傷心酸辣粉 (天瑞路) (已結業)

第一次喺街度食麻辣小龍蝦，平時都係買一包包係屋企食。估唔到同屋企人落樓下食飯都食到。麻辣小龍蝦🦞 $138估唔到一份有咁多隻，仲要依家平咗真係抵食。嚟到除咗比小龍蝦之外佢仲會俾埋手套方便你食。佢應該係即叫即整熱，拎上手嘅時候熱辣辣，我食呢啲有殼嘅嘢食得特別慢，而係底層嗰啲最後食都仲熱辣辣。足足有28隻，蝦頭仲要有好多膏。個底仲有啲芫荽同青瓜。涼拌茄子🍆 $25開頭驚佢有少少辣，點知原來佢唔辣嘅，而且唔會好油，幾好食。辣子粟米🌽 $28好耐冇食粟米想食粟米，佢好香嘅依然粉味，仲要有啲辣粉，半甜半辣嘅感覺幾好味，但愈食愈辣🤣傷心酸辣粉+拍青瓜 $38下午茶先有呢個價，呢個價錢來講真係唔貴。連媽咪都話佢嘅酸辣粉好食過平時食嗰間，又足料咁話。不知不過真係好耐冇喺樓下食過呢間，其實佢選擇真係好多，而且仲要唔貴，絕對係平民食物。

完全冇諗過原來傷心酸辣粉都有烤魚食😍 一直以來都忽略咗佢😱 仲出左兩款小食順便試試佢💓 🥕涼拌茄子 小辣 $25茄子切到幼條狀😋煮得軟淋而且勁入味🍆食落口麻油味比較突出😍 濕下個口～仲有少少辣撈埋～幾開胃🥕辣粟米 小辣 $28想食啲乾身啲前菜～粟米都唔錯🤤 一排排既粟米都幾飽滿🌽 上邊灑滿辣粉🥰 係一大滿足❤️ 口感偏乾爽 同涼拌茄子係相反🤤🥕重慶香辣烤魚 $189烤魚勁大條🥰 見到配料都好充足❤️ 最鐘意佢煎過條魚 令到魚皮勁香脆 魚背較薄肉既部分，魚肉既肉質因為煎過所以較香口😍 但比較厚肉既部分，魚肉比較嫩滑肥美，雙重享受🥰 小辣而麻香味濃 不得不提♡´･ᴗ･`♡ 金針菇煮到變埋色😚 我最鐘意入味既配料架啦😆 仲有連藉、豆卜、芽菜～🥕傷心酸辣粉 $28因為無乜澱粉質 所以叫一碗普通酸辣粉黎食下😄 薯粉煮得好入味🥰 煙煙韌韌咁 酸同辣都做得好突出 仲有豐富既炒花生、榨菜同肉醬做配料～ 性價比超高

原來傷心酸辣粉唔止得酸辣粉？🤩🤩 近幾年川菜同滇菜喺香港愈來愈常見，依家著名川菜：酸菜魚鍋同重慶辣雞煲都可以喺傷心酸辣粉度食到。酸菜魚鍋🐟 特價：$168我最鍾意就係鍋物😁😁因為啲湯同材料嘅味道互相影響，令到食物嘅層次更豐富😍😍呢兩條魚真係好大條好有睇頭。因為煎香過，無浸到湯嘅部分仲帶微脆，浸咗湯就好入味，而且一啲都唔腥、無泥味。湯底咸香而酸度夠開胃😁😁入面仲有唔同配料：金菇、雲耳、蓮藕、豆泡等等，全部都入哂味。如果想加金鍋配料一齊烚，可以加餐$70有個4款package, 飲品仲平啲添。或者逐份菜、粉咁加，每份$25起🥰🥰如果鍾意辣，可以叫水煮嘅款式🌶🌶🌶🌶🌶🌶。柑桔話梅雪碧 $19 & 海鹽柚子雪碧 $21 🍋食鍋物一定要大大杯凍飲先爽。有一罐罐雪碧可以自己倒落冰度，份量多過一杯架😍。調味辣椒油🌶 $29食辣食得過癮嘅話，不妨買翻樽翻去。睇成份係用天然調味料，無加防腐劑同人造添加劑架🤩

傷心酸辣粉除咗招牌酸辣粉佢地嘅烤魚我都好鐘意食🤤烤魚有香辣同酸菜兩款鐘意食辣嘅人就揀前者啦而好似我咁鐘意酸辣醒胃嘅人就可以揀酸菜個款-酸菜烤魚$168烤魚先煎烤至金黃色，再放落酸菜湯到。湯底配料有芫荽、蓮藕、黑木耳、金菇、豆卜同海量酸菜，可以另外再按需要加火鍋配料當邊爐咁煮。 不過條魚其實好大條， 兩個人食都非常滿足☺️☺️-傷心酸辣粉 $28招牌名物！ 辣汁好出色，唔係死辣，係有層次香辣麻個種😍紅薯粉煙韌，索晒成個汁嘅精華-飲品解辣飲品叫咗啤酒清爽吓，再叫咗杯海鹽柚子樂特飲，我覺得幾出色，估唔到柚子味嘅酸同可樂幾夾，而海鹽又帶出成杯嘢飲嘅甜味。-樽裝辣椒油埋單見到前面顧客買，佢話炒餸調味好食，自己都買返樽試吓-埋單250蚊左右，幾抵食

🔹酸菜烤魚 $168烤魚面頭鋪滿酸菜、蒜頭、大蔥配菜有豆卜、金菇、蓮藕、黑木耳等，好足料！成條烤魚真係好大，而且有先煎香過所以食得到外皮有陣焦香味，令成盤魚大加分！肉質食落就不過不失，唔會太淋又唔會嚡熠熠～個人幾鍾意佢嘅湯底，夠味得嚟又唔會太濃/死鹹！特別鍾意佢嘅酸菜！成日好怕食到過鹹嘅酸菜，但呢個唔會！不果如果再酸多啲啲就更完美了( ´▽` )ﾉ✨口水雞 (下例) $58每次食傷心酸辣粉都一定會叫嘅口水雞🐔雞肉肉質好好，今次揀下例啖啖肉又滑捋捋！佢嘅調味真係好得我歡心，又香又麻辣！加埋花生粒同芝麻，真係好正！✨招牌腸頭 $48鍾意豬大腸嘅一定要試下啊！！！以往好少喺傷心酸辣粉叫小食今次就抱住嘗鮮心態叫啲新嘢點知食到驚喜！大腸整到外脆內軟，加埋孜然粉真係好好味！不過有啲覺得中間偏腍咗少少但都係一樣我好鍾意食嘅小食！！🔹海鹽柚子樂 $21柚子蜜喺底，溝可樂睇個名應該再加咗啲海鹽嚟中和兩者嘅甜味不過飲落都係好甜，會咬到啲柚子皮溝埋嚟飲都夾嘅，但個人就麻麻哋太甜嘅嘢飲～🔸辣椒油 $29食完咁多惹味嘅小菜，真係都有啲意猶未盡～最後仲買咗一樽辣椒油🌶岩晒用嚟煮餸、撈飯麵、調味咁喺屋企都可以食得夠

呢間傷心酸辣粉位於天水圍俊宏軒地舖，店舖位置都好方便鄰近輕鐵站，去嘅店舖坐落感覺都唔錯，坐落感覺都好寬鬆都唔錯!.店舖現在做緊好多款式不同優惠!我就去食咗自選二人套餐只係128元口水雞(下例)香酥軟骨黄金花枝丸土豆絲酸辣粉，米線海鹽柚子樂，海鹽柚子雪碧.口水雞(下例)賣相都好吸引🤔，真係睇得吓，去嘅味道帶有酸酸辣辣嘅感覺，D口水雞食入口味道都幾好😋，咬落好有口感🤔，撈埋去D自製醬料一齊食，真係唔錯👍!.香酥軟骨金黃色嘅外皮，外酥脆內軟，食入口咬落去好有口感🤔，感覺好香口味道又唔錯😋，食到停唔到口!.黃金花枝丸金金黃黃嘅外皮，咬落花枝丸到好有口感🤔，味道十足😙😋，點埋去嘅自製辣醬，令到花枝丸味道唔同哂!.土豆絲食入口土豆絲感覺好爽口，味道都好特別，食入口感覺好清甜，用來做小食相當之正!.酸辣粉分別叫咗兩款同味道，一碗薯粉小辣，一碗米線BB辣，適合唔同人士食用!去嘅薯粉同埋米線食入口感覺都好軟滑，尤其是D薯粉都好彈牙，撈埋去D湯食更加好味😋!.海鹽柚子樂，柚子雪碧味道都好特別🤔😋，飲入口味道都唔錯😙，帶有小小咸小小甜😋，又有柚子嘅香味😙，真係好有創意!.傷心辣椒醬這間店舖同時出咗自家製辣

拍青瓜最好食，爽甜多汁夠趣，涼拌木耳都好食。豬肚雞啲豬肚好味😋不過啲雞就好似冇乜肉，好細件。太多油。麻辣魚火鍋，條魚炸得實在太硬，已經浸落去火鍋湯汁入邊一陣間，都係覺得有啲太硬，太多油啦，感覺好肥膩，啖啖油

店面比較大，我們點了一個招牌酸辣粉和一個飯，酸辣粉對於唔係好食得辣的人食都會流鼻水😂，不過辣得很爽，酸辣粉的配料也比較足料又大份，個飯中規中矩啦，冇話好好食都唔係話差

早排有人send左個傷心打邊爐既餐牌俾我睇之後諗起傷心酸辣粉 以前係中學既時候好中意食 覺得辣得好過癮於是走去試試過打邊爐其實128都好平 不過係平日既時候星期六日紅日148咯 感覺唔係好值其實我係想食佢既牛肋骨煲 可惜都係個句 唔好意思今日無....心諗可能一直都無我揀既係胡椒豬肚雞其實一黎到既時候佢個湯都幾胡椒既個湯係唔錯但d豬肚覺得有d肥肥地 之後個雞又皮厚個肉啦之後自己拎配料 一講到配料係勁小既選擇既 小都算 至小都要refill一下吧 牛地既肥牛都係肥都過肉只係d丸係最正常既 牛丸係最好食想食下菜 但d菜都有d被夾爛 就唔係得翻兩三條最後都係算總括嚟講我自己真係覺得唔值得食 可能就係配料比較少選擇，都係食翻佢地既酸辣粉比較適合

突然好想食惹味川菜，但又唔想去咁遠，食附近既傷心酸辣粉都可以滿足到。最意想不到既係炸花枝丸，炸到金黃色既外皮，彈牙厚肉既花枝丸，配埋泰式辣醬真係估唔到可以咁好味。涼拌海帶絲夠酸夠辣，海帶仲好厚肉好爽口，係好開胃既小菜。酸辣粉既配料豐富，有花生、麻辣榨菜、咸香肉碎、新鮮芫荽蔥，令原本鮮味既湯底更加多層次，加埋煙韌薯粉一齊食好過癮。另一樣推介既小食係招牌腸頭，炸至香脆既豬大腸沾落香料同椒鹽，配搭滿分，令味道變得更香，幾特別，最重要既係價錢十分合理。環境同服務方面就中規中矩，坐都算舒服，座位之間唔會太擠逼。

本身就好中意食川味既野，亦都係無辣不歡既人，所以我一嚟就食中辣，我唔係好好食得辣，我只係中意辣既刺激，佢個酸辣粉 辣得嚟可以令碗味提升滋味 令人好難捨！土豆粉唔會俾辣蓋過左原本嘅味道 好爽 每口都有滿足感

話說我間唔中都會去呢間食下酸辣粉，佢個湯底堅正，不過今次唔係食酸辣粉，遲啲翻兜先再講～本身係想食酸辣粉既，但今次係比呢個set吸引左。一個前菜加兩個小菜再加煲仔飯，仲有燉湯同飲品先係168...仲唔需要加一，呢個價錢真係好便宜。酸辣土豆絲，我第一次叫。估唔到佢個汁竟然同酸辣粉一模一樣鹽焗手撕雞，雖然有啲鞋，但調味ok，比想像中好食。食左前面兩樣之後，等左勁耐先有煲仔飯食。。。我地叫牛蛙滑雞煲仔飯，其實我都係第一次食牛蛙我覺得佢應該落翻啲薑蔥好啲，因為而家有啲腥，另外雞件ok既。但係你唔可以當佢係煲仔飯咁食，因為佢都唔係用砂煲，其實做唔到飯焦同埋啲飯夠香口乾身既感覺。當普通飯黎食既話都ok既。又係等左勁耐既金菇木耳肥牛煲，好多金菇不過肥牛有啲硬，但係湯底唔會太咸，清清地。點解湯放最後呢？因為店員唔記得左同埋佢地唔係好搞得清楚個set係咪又包湯又包飲品，但你餐牌寫燉湯及飲品架嘛！不過燉湯竟然有驚喜，我都係第一次食羊肚菌雖然有啲咸，但係好多料。雖然cp值算好高，但我覺得佢可以比幾個多啲菜既選擇比人揀，咁就唔洗話全部都要叫肉食，會比較滯。

呢個出哂名嘅傷心酸辣粉， 食完唔會好傷心流眼淚，但流哂汗。第一次食四川酸辣粉，辣度果真唔係小野~雖然叫咗小辣, 但係辣程度都高，一路食一路出汗。配料有花生、榨菜、肉碎~ 味道真係唔錯。

食過幾間傷心酸辣粉，旺角、元朗、銅鑼灣分店，其實大家分別唔大，但叫小辣都超級辣，辣過哂平時出街食普通米線/酸辣粉既小辣，我真係試過食左1/3已經食唔到，太誇張，我覺得應該有中辣，但天水圍呢間反而冇咁辣，小辣都食到，水準都差唔多，不過間唔中啲薯粉會煮得太淋，一夾就斷😣最中意食夫妻肺片，麻辣肚絲，同紅油脆耳。傷心酸辣粉既小食真係好好食，好食過普通出面食川菜個啲😋😋😋反而個粉就一時時啦，同當埋佢地轉左個炸菜，幾好食。不過愈來愈貴😣😣😣

想食口水雞好耐，就同朋友去左係天水圍既傷心酸辣粉。可能去到既時候係下午五時左右，人流不算多，所以侍應都好快地為我們下單，送餐。叫左一個加大口水雞套餐，香酥軟骨套餐，同酸辣土豆絲。加大口水雞比起平時是多了一半左右，雞滑，醬汁香濃，用黎配薯粉一流香酥軟骨一如既往咁脆，香。配上泰式雞醬令我一口接一口咁食而酸辣土豆絲就好爽脆因為係涼拌既關係，辣度適中，但有少少不夠酸。而主食薯粉份量適中。而餐飲都算大大杯，可以用黎解辣美中不足是卡位過份擠迫。