元豐園

营业中

休息中

This is the restaurant with the worst experience I've ever been to. The food is extremely unpalatable, and there is absolutely no service at all. The female waitresses have an atrocious attitude. They clearly discriminate against us just because we speak Mandarin. This is Hong Kong, China. Where on earth do you get your sense of superiority? Do you have the guts to say that you don't want to earn money from Chinese people? If so, then get out of here!

係外面見到呢間韓國野既裝修好有傳統韓屋feel, 所以吸引左入去試下。係由韓國人主理，果然係幾正宗因為見d 鍋都幾大兜，我地得夾個人，所以只叫左馬鈴薯排骨湯，好足料，入面無論係排骨，薯仔同配菜都好多～！ 個湯愈煮愈入味同濃， 如果藥膳味重多少少會更好。另外小菜都有8款，全部都好食同好韓式，係傳統韓式餐廳有既款，推薦總結下次會再來試其他野，佢地menu 仲有好多野都好吸引，而且份量都好大，會建議一大班人來食就可以試到多d 野

呢一間係我其中一間最喜愛嘅韓國菜之一，嘢食好正宗。我最鍾意係佢哋嘅豆渣湯，喺其他韓國餐廳唔係成日都見到有呢個湯，酸酸辣辣好開胃。喺冬天嘅時候特別啱食。佢哋嘅泡菜亦都整得好食！

正宗韓國菜-尖沙咀元豐園今次朋友左介紹呢間韓國餐廳，又有韓國菜又有韓燒㗎😗咁就兩款都試哂啦，泡菜煎餅又幾好味，仲有韓式牛雜比較特別，辣辣地，韓燒點咗牛舌同埋五花肉，夾住配菜食係好match, 唔會太油膩😀不過價錢抵唔抵食就見仁見智😅價錢唔算太優惠可惜服務就麻麻，比店員整跌咗個餐具，又唔會主動拎返隻新俾你😅不過overall嚟講食物都OK，正常lo😂

每次想食韓國菜就第一時間會諗起尖沙咀，因為當區韓國食肆林立，而且好多都係韓國人親自打理，可以搵到好多地道嘅韓國好西。今次約埋朋友一齊去尖沙咀嘅一間韓國餐廳食飯，個到有各式各樣嘅韓國料理以及燒肉。燒肉嘅種類十分之多，例如濟州產黑毛豬同埋韓式烤鰻魚等。餐廳清一色韓國及東南亞員工，打電話book枱時係位韓國人聽電話，但佢會用廣東話溝通，態度友善。如果order左燒肉，店員更會親自幫手燒。整體嘅服務都還可以。唯一失望嘅係最尾拎朋友存放左嘅生日蛋糕出來嘅時候，因為係生日飯嘅源故，所以我地有準備到蛋糕，餐廳幫我地keep起並表示會收返切餅費。但係店員只係將原盒蛋糕就咁放低係枱，無幫我地打開，無幫手插蠟燭等，呢點有啲失望。~~~~~~~~~~食物介紹~~~~~~~~~~🤩小菜(FREE)坐低左之後，店員先先送上7碟小菜（泡菜，涼拌芽菜，涼拌海帶，涼拌菠菜，涼拌薯仔，韓國魚片&水果沙律）。全部都好好食🤤泡菜比出面買到嘅偏辣少少，應該都係餐廳自己醃製。🤩海鮮煎餅(HKD 138)因為同行朋友之前都來過食，佢地極力推薦呢到嘅海鮮煎餅，所以我地都order左一份。食落餡料豐富🦑🦐一啲都唔孤寒，煎餅嘅麵糊調製

位於尖沙咀的元豐園是一家正宗韓國餐廳，這是我們第二次造訪這家餐廳。上一次的用餐體驗讓我們對他們的食物印象深刻，給予了滿分的評價。但這一次的用餐體驗與上次相比稍稍令人失望。海鮮煎餅這次的海鮮煎餅並不夠香脆，底部是濕的，這導致了煎餅失去了本應有的脆口口感。海鮮的份量比上次少了一些，味道同口感都相對差少少。薯仔排骨湯：排骨份量約有8塊，份量算是合理的。配菜方面，有薯仔、娃娃菜、金菇和紫蘇葉，這增添了菜品的豐富度。但薯仔的處理方式有待改進。薯仔應該事先蒸熟，然後再放入湯中，令薯仔未能吸收到排骨湯的味道。除了薯仔的問題外，整體而言，我們對這道排骨湯還是十分滿意。服務相比其他韓國餐廳，元豐園提供的是熱水而不是凍水。不同於其他餐廳會提供整瓶的水，這裡的服務員也不會主動為客人加水，每次都需要呼喚服務員。這點讓我們感到有些不便，希望餐廳能在這方面進行改進。小總結❤️❤️❤️❤️📌服務有待改善📌食物水準不太穩定📌但都算係正宗韓國菜📌會再次光顧

元豐園@寶勒巷今日黎左食呢間地道韓式菜，舖頭裝修本身已經好有老式韓國餐廳嘅感覺。老闆同部分店員都係韓國人，客人亦有唔少韓國人幫襯。上網睇元豐園最出名嘅惡嘅大媽老闆，但我今次就冇遇到。我訂左枱但有少少遲，老闆都親自打嚟提我，仲要識講廣東話，好搞笑。呢一間韓國菜喺前菜方面唔會吝啬，份量同款式都好多，除咗新派韓菜常見嘅泡菜芽菜之外，仲有甜薯仔/醃魚仔/豆腐/魚糕片/鹹魚/菠菜/蘿蔔等等，未食主菜已經食到好開心好開胃，不過前菜就無得添。🍕海鮮煎餅唔少人推介既韓國菜式，粉漿、海鮮同韭菜比例非常好，脆口又唔會太粉太油膩，雖然賣相唔算非常吸引，但味道同其他韓國餐廳唔一樣，有少少特別。而且海鮮煎餅會跟住有碟醬汁，甜甜地又咸咸地增加個味道嘅層次。但海鮮配料例如魷魚鬚仔同埋蜆肉份量就略嫌少咗啲。🍖特大王排骨呢度嘅燒肉都好出名，梗係要試吓，但係由於韓燒要叫兩樣食物以上先開爐，所以我哋呢個特大王排骨會係由廚房炮製。雖然寫係兩個人份量，不過感覺已經好足料，可以食到好飽。牛肉嘅肉質軟嫩，口感同味道都絕佳。而且味道濃厚偏甜，非常惹味！🦀醬油蟹醬油蟹都係我哋今日嘅必食菜式，隻蟹醃得岩岩好，醬油鹹甜適中，肉身鮮甜，蟹膏

韓國菜係尖沙咀遍地開花，不過由韓國人主理既就比較少。今日同朋友仔去左一個由老闆到侍應都以韓國人為主既餐廳食晚飯！餐廳裝潢比較舊式，有啲更係日久失修🙈不過無礙我地品嘗美食之心。小碟有七款，最有印象既係泡菜同薯仔，泡菜辣味強而不嗆，薯仔則甜口同帶有麻油香氣👍🏻🦀醬油蟹四百幾蚊有兩隻多膏醬油蟹，價錢都可以接受！味道同係首爾食既差不多，醃得岩岩好，醬油鹹甜適中，可以提升蟹既鮮味！肉身鮮美軟糯，蟹膏澄黃潤澤，將紫菜飯放入蟹蓋同蟹膏再落小小醬油撈埋一齊食，大滿足🫶🏻 當然都可以就咁食，一啲腥味都無，配埋白飯會仲開胃仲完美！🐄韓牛板腱肉🥩無骨牛肋韓牛好好食🥰雪花分佈平均又有肉味。侍應會幫客人燒，火喉控制得非常好，五分熟即狀態既保持到肉質粉嫩，又唔會有過多血水滲出黎。肉味突出唔需要蘸醬就已經夠回味無窮！牛肋骨肉經醃過十分入味，甜甜地配飯🍚或者包生菜都好適合，可以減膩。肉質都嫩口，唔會有筋咬唔斷。雖然肋肉既厚度稍微遜色少少，入口偏單薄，不過比起韓牛平三分之一，所以都合理。無論你嗌咩價位既肉類，都會有專人幫你燒，值得一讚！🥰🥢水冷麵食左咁多重口味既餸菜之後，緊係要叫返清爽淡味既野食，俾口腔同味蕾休息下🤭每

韓國菜而言 其實我比較偏好傳統向今次試左位於韓國菜集中地尖沙咀既元豐園 係由韓國人主理既老字號( •̀֊•́ ) ̖́-早一星期打電話去訂左位 最後餐廳搵唔到記錄…好彩最後都有枱比我地.ᐟ‪‪‬◦ 韓國烤鰻魚一向中意日式鰻魚 韓國既都久仰大名 第一次食(˙𐃷˙)由店員操刀 唔怕燒得唔好會浪費每一個面都細心地烤到焦焦的佢無特別調味比較淡 要自己蘸醬料口感較彈牙 會似鱔多過日本鰻魚既肥美軟嫩◦ 五花肉烤肉類都會由店員代勞 一次過烤好油脂同肉既分佈一層一層相間 食落唔會太油膩◦ 海鮮煎餅我必點既韓國菜式.ᐟ‪‪‪.ᐟ‪‪‪事前見到唔少人推介 都真係唔錯( ͡° ͜ʖ ͡°)佢風格同食開唔太一樣 偏薄身同脆口海鮮同韭菜份量都夠 啖啖都食到～◦ 豬腳嘩左出聲 好大份( Ꙭ)！係傳統正宗既口味 骨膠原滿滿仲有埋啲配料同生菜可以包起黎食食極都食唔完 最後打包走了～好似次次食親韓國野都食唔哂 有冇人都係lol✿#lastbitematters#lastbitematters_tst ✿

三訪嘅韓國餐廳，食完會有記憶點嘅地方。🍴非常用心嘅八小碟前菜, 特別鍾意食佢嘅魚餅, 同oppa 額外追加。🌮海鮮煎餅係每次必點，粉漿，海鮮同韭菜比例非常好，香口又唔會太油膩。🥘薯仔豬骨煲- 香港做得好嘅地方唔多，呢度算唔錯。湯底好味香濃, 忍唔住叫咗兩碗白飯撈汁食;薯仔幾軟身如果更入味就好;豬骨有部分多肉, 部分主要係骨,唔顧及儀容嘅, 落手食更有風味。佢仲有其他食物都好吸引 ,燒肉, 牛肋肉等等,有機會會再黎

今次嚟到寶勒巷尋找好味韓國野~元豐園係一間由韓國人經營的傳統韓國餐廳~ 環境都幾好，不過客人都比較多，所以要大聲啲講野先得剌（因爲有好多韓國人去食，大家都知韓國人比較大聲：P）ⓁⒾⓀⒺ Set 1 特大王排骨+牛舌+五花肉  572HKD 特大王排骨非常惹味，而且真係好巨大！牛舌比一般燒肉餐廳（無論係日式定韓式）都要厚身，口感同味道都絕佳！五花肉稍微遜色一些，感覺就薄咗一啲。雖然寫係兩個人份量，不過感覺已經好足料~ⓁⒾⓀⒺ 馬鈴薯排骨湯 378HKD好特別嘅菜式，出面似乎暫時未有見到~排骨有好多，而且肉質鮮美，讓人停不了口。配菜也很足夠，三個人食覺得好飽，即刻想叫多一個朋友嚟分享添！ⓁⒾⓀⒺ 海鮮煎餅 128HKD menu上的相片雖然寫住人氣同必食，但係果張相坦白講真係唔多吸引，但係朋友堅持想試下，於是就order咗，估唔到係幾有咬口，味道亦同其他韓國餐廳唔一樣。推介！

海鮮煎餅香脆，粉料比例恰到好處。牛肋骨味道濃厚偏甜量多，肉質軟嫩。炸醬麵醬汁香濃有肉味帶微辣，層次豐富，不會像坊間的死咸只得甜豉油味。大醬湯惹味好送飯。環境乾淨企理。值得推薦。

🐽👧🏻🍴海鮮煎餅 $128以往食開既都會有碟醬汁但呢間無提供所以食落味道有啲單一但餡料都算足 少少脆脆地都算唔錯————————————🍴 牛內臟湯 $128我超中意！個人本身非常愛內臟如果怕既可能會覺得內臟味有啲重我就覺得好香濃🤤飲一半加少少白醋感覺會無咁漏————————————🍴辣牛肋骨 $188比左超多舊牛肋骨仲要每舊都好大份好易脱骨 啲肉燉得軟諗之餘仲有翻啲口感 完全唔會係軟爛個種入面仲有白蘿蔔同紅蘿蔔都係超入味超推！📌📌📌📌📌📌📌📌香港出名既韓國餐廳都勁貴呢間我覺得所有食物都好食絕對對得住個價錢🤤下次要叫多啲朋友去試佢啲鍋先！

今日出咗去尖沙咀行街，我朋友心血來潮話好想食醬油蟹，咁我即刻上網搵吓邊度有得食，最後俾我搵到哩間「元豐園」，原來哩間餐廳開咗好多年。菜式⭐️醬油蟹我哋叫咗兩隻醬油蟹，醬油蟹膏都算多，厚肉，肉質鮮甜，每一啖都係金黃色嘅蟹膏，真係好正呀。蟹蓋啲膏都好多，醬油亦都唔算鹹，仲可以提起蟹本身嘅鮮味，我地另外叫左個紫菜飯，將蟹肉蟹膏撈埋啲紫菜飯一齊食，簡直係美味指數爆燈😋😍 ⭐️部隊鍋至於我地最期待既部隊鍋，就真係比較遜色左啲，鍋入面既配料有午餐肉、腸仔、金菇、蕃茄豆、菜等等，仲有啲芝士喺面添，所以配料和湯底味道都很一般。🙂 唔好睇個鍋好似好大，但其實個煲唔係好深。部隊鍋既靈魂之一，莫過於公仔麵，但哩度既部隊鍋係無包公仔麵，係需要自行另加，不過我地最後無加到。⭐️冷盤小食冷盤小食都係正常發揮同行朋友仲叫左Bibimbap韓式石鍋拌飯，同埋大醬湯飯，由於佢地太肚餓，所以一黎到相都未影就即刻食左了🤣 佢地表示都幾好食。整體而言，除左個部隊鍋相對一般之外，其他菜式都唔錯，環境黎講始終哩間餐廳都開咗咁耐，雖然舊左啲，但尚算坐得舒服，大家不妨可以一試。推介指數：⭐️⭐️⭐️⭐️ (4/5)📍元豐園 (尖沙咀)📍尖沙咀寶勒

🐰年初四- 韓國菜🐇第一次試呢間，朋友講醬油蟹好好食。我地book左8人枱，安排左坐上層，點左以下食物🤑1）醬油蟹x2份+白飯已經接近三年無食既醬油蟹，無試過係香港食呢！呢度既醬油蟹係一碟一隻，是大size ,是有羔既肉蟹，開頭都諗會唔會好腥呢？點知都幾接近韓國水平，幾鮮甜，又唔會比醬油搶味，佢醃得岩岩好，肉質亦都算唔淋，佢唔算係最蟹羔個種，但係撈飯食真係人間美味！值得一點既菜式！2）海鮮韓式煎餅🦑🐙🦐🥬呢個煎餅都係店中signature ，見到每枱都點既程度❤️佢用左大量既韮菜同海鮮去整，豐富既程度係材料比粉量更多，每啖都食到脆卜卜既煎餅同食材，仲有佢地既醬油唔會太咸（有點微甜），呢個係💯💯💯💯值得一食！3） 燒韓國鰻魚🐟我未試過有人代燒鰻魚，因為通常魚類都比較易燒到痴底同易焦黑同爆口，店員好細心咁講鮮佢地點整，先會用大火加熱塊板，然後將大大片既鰻魚先煎成一塊塊，每邊煎2-3 分鐘，改做細心再燒到脆卜卜先加醬料黎食。醬料又同日本式鰻魚唔同。佢整時已流口水🤤煎完既鰻魚有魚既油香同外皮脆身，大家都有3-4 件份量，佢仲分得好平均呢！連長輩都覺好食4）韓燒豬五花/ 腩肉/ 牛舌佢地會幫手燒同