元朗新記 (吳松街)

营业中

休息中

諗住落雨叫過外賣，求其揀間茶記，點知就中伏…食食下個豬扒炒公仔麵，兜面入邊有隻不知名昆蟲，有圖有片唔似曱甴，唔似烏蠅，仲要唔知乜_嘢嚟，隻野手指公咁大隻，黑色有紋，d腳勁長🤮好想嘔……一定唔會再幫襯，痴線，食物極不乾淨……如果今次係堂食，一定可以call食環署封舖……劣評，垃圾餐廳！真係忍唔住第一次寫食評！想食不明細菌昆蟲可試此 元朗新記冰室，推介美食：昆蟲炒公仔麵

佢入面啲粥全部都冇味嘅，好似就係白粥煮完再加啲料落啲碗到，連咸味都冇，好似食緊白粥咁，落啲鹽都好啊，嗌左四碗粥，全部都冇味，一碗都算啦 四碗都冇味 都幾誇張！！！！

我見到下午茶有套餐所以來試一試， 見到價錢挺吸引的， 我叫了招牌套餐T21 , 味道不過不失。 店面員工好像不太夠。 他下午茶還有麵、飯、 多士選擇， 這間出名粥所以我試試粥。

店員對掃描疫苗通行證知識不足，對客人無禮。否定客人掃描針紙做法，質疑針紙的真偽，態度輕蔑無禮，不建議光顧。根據政府於21/2/2022公布「疫苗通行證」實施安排，食客可以掃描紙本針卡，但該店員工抱懷疑態度，不建議光顧。

位於佐敦吳松街嘅元朗新記之前都聽過，今次真係第一次食！午餐嘅時候嚟到，除咗粥之外仲有好多唔同嘅選擇，不過我自己今次都係叫咗一份生滾粥！呢一個生滾魚腩粥$45 ，仲可以配埋豉油王炒麵！非常超值嘅套餐！呢一個魚腩粥好滑魚肉好鮮甜同埋份量好多！豉油王炒麵都炒得好乾身！

在油麻地行去佐敦時候由於晚飯時間，周圍覩人多，又無訂位喎...行到此街，見到粥店是用煲仔上幾特別的。貴妃雞粥暖笠笠啖啖雞肉粥底好香雞油味最大吸引我是有蟹粥食，我最鍾意食蟹粥，其他粥可以自由配選粥材料，想食邊款就自由配搭，美味心水粥。酥炸魷魚鬚🐙$55好少粥店有炸魷魚鬚供應，先要讚是每條魷魚鬚都好粗身厚肉，炸粉又香酥脆，爽口，每條口感啖啖肉，值得讚嘅，有缺點改善是有少少鹹左啲....蒜汁脆皮豆腐$34炸豆腐好滑，沒有粉漿也炸得好脆口，最夾是個蒜汁，可以辣少少味店家小食有多元化選擇，價錢不會太貴💰希望可以的粥底夠滾熱辣，未夠熱感覺麻麻

今天約了朋友LUNCH!想想哪裏坐得舒服而食物又不差呢，突然醒起好多人都同我推介過元朗新記食雞粥！同埋平時經過又確實係不難找位子。今天終於一試後終於明白點解經常有位，首先評論一下個雞粥，真係雞同粥囉！雞還雞，粥還粥！個粥都尚算綿身，不過好快變水！完全無驚喜嘅一碗雞粥！好在開係佐敦，特登去元朗食就不值了！再來個蝦腸，鼓油方面食得出係蒸魚嘅普通甜鼓油，腸粉很粗諧，粒蝦仁很大粒，仲有雪藏味，好明顯食得出係一粒白烚蝦仁，不過事旦，粥配腸粉係跟餐不用加錢!然後星洲炒米一上枱，我就聞到一陣強烈的燶味，但目測碟炒米顏色上並沒有炒燶，所以就沒有退換的緣由了，自我安慰，可能食落無左陣燶味呢。但其實聞到陣燶味已叫人胃口大減了，唔理咁多，試下先!一入口，陣燶味依然存在，於是我加上辣椒醬，仍然食得出陣燶味，除了燶味，叉燒及配料尚多，算有交待!可惜，米粉硬到好似鐵線一樣!算吧啦！我和朋友都吃不下了，唯獨環境尚可，傾陣計就埋單走人了！食物真心差！

價錢合理，食得落肚。外賣雞粥唔知係咪大家都要預左係咁油。打開個盒，油到嚇親。 拔晒啲油照食，味道尚可，但相信味精多。食完即要飲一大杯冰水。 炒米粉都很油。 炒飯反而冇咩味道。

今晚係佐敦整完甲唔知食咩好，想食既又收10點，就近見到有呢間雞粥，就同朋友黎食😌🔸貴妃雞粥 ▪️只能用不過不失黎形容，唔特別鮮美，雞唔特別嫩滑😂🔸蜆介鯪魚球▪️鹹咗少少真心😅😅唔難食都未去到超好食🔸元朗紅燒脆皮乳鴿▪️繼續不過不失，肉比較乾，咬落唔算多汁，但皮係好脆既👏🏻👏🏻🔸椒絲腐乳炒通菜▪️味道唔差但食到一半好多一團團既生粉 （見下圖灰色位）🔸七喜話梅柑桔冰/ 凍齋啡兩杯都ok呀！ 我自己係飲柑桔冰，幾好飲😗😗總結：佢價錢唔算貴，兩個人先食左$300，質素中規中矩，想簡單食一餐都可以😀

貴妃雞粥真係好正，雞又嫩又滑，好有雞味，真係好耐未食過咁有水準既雞。酥炸魷魚，魷魚夠大，有嚼勁，夠酥脆，質地好，可惜有D油，估計係炸既之後油溫唔夠高。好正既一間店，下次絕對再黎過！

來到佐敦，附近一帶實在太多野食，有唸過去澳洲牛奶，但坐得不舒服。來到新記雞粥，發覺店內裝修整潔，坐得好舒服。叫午餐時，當然要叫雞粥，好有印象落單得阿姐好親切，叫我落套餐，抵食一點，於是我聽她話，叫了雞粥+牛肉腸。雞粥，非常鮮甜，店員好細心，俾碟我裝骨頭，粥有雞鮮味，好食，真材實料！牛肉腸，好大份，也好食！食了豐富午餐，晚上都無咩野想食😆😆

好耐無食傳統粥品，特意網上找到這間店試菜。點了鎮店雞粥和及第粥，粥底正常不是糊狀，不知為何及第粥的豬潤太過咸。腸粉質地比較煙un,再試了蜆介鯪魚球和鬚炸魷魚鬚，魷魚鬚脆但過火和比較咸，鯪魚球雖然質地好好，但真的太過超級咸，已經無點蜆介醬，但吃一兩口已經好口渴，好難接受，希望可以改善，否則浪費了食質又趕客。食物價錢比較高

.📍元朗新記 📍香港佐敦吳松街123號地舖點了個豉油皇炒麵(26hkd)、炸魷魚鬚(49hkd)、蒜汁脆皮豆腐(32hkd)跟酸辣鳳爪(46hkd)，炒麵表現中規中矩，是平常好吃的炒麵，而且芽菜不會太多😂👍🏻魷魚的炸粉裹的不會過分的厚，咬下去很酥脆，豆腐反而比較清淡，蒜汁不會辣也不太會咸，需要加點辣醬😂鳳爪是完全無骨的，懶惰的人絕對可以點，是重酸不算太辣的口味❣️#foodiblum港式

很久沒有去過粥品店幫襯，因為大部分都比較地茂或者污糟，高檔的粥品店又未必吃到想吃的香港原味道。適逢今日午餐時段經過佐敦這間「新記」，在門口見到餐牌的款式啱曬口味，見內裏也乾淨企理，值得試下。午市套餐非常抵食，$45~有生滾魚腩粥 + 叉燒腸粉 + 仲有熱飲或例湯選擇，加$8~多一碟油菜，Total $53~又飽又抵食，生滾粥(有味粥)不會太勁味(不覺得有味精)，叉燒腸粉熱辣辣香噴噴，油菜新鮮爽脆，今日推介👍

多時沒有踏入「佐敦」，面貌與數年前好像沒有太大改變，正正是午飯時段完全沒有頭緒之下在（開飯網）掃一掃望一望，就抓着這個眼前的目標。。。門面企理光線，數不盡的文字和漂亮的相片，掛滿整間餐廳的門外，重點就係當日我極度想食（茶餐廳）～少有地在茶餐廳內竟然可以看到「雲吞麵/粥品」這些食物，簡直將集香港食物於一身的所在，更重要的是價錢簡直令我為之一震～（一個雲吞麵加一碟油菜加一杯奶茶）竟然只收HK$44.今時今日還有這個價錢完全包括晒整份餐在內？眼前的雲吞麵姍姍來遲，定一定神望上去少了一些什麼? 就是雲吞麵店必有的「韮王」，但這一點無損他的味道，湯底雖然覺得味精絕對是有，但微微帶有大地魚的感覺在口腔之內，雲吞內蝦和豬肉的比例自己就覺得豬肉略為多了一點，至於麵條鹼水味絕對沒有我想像中大～至於眼前附送一條條又大又砌得美麗的「油菜」更是媲美其他店舖要加錢收費,當日這碟菜心就非常之〈幼嫩〉，沒有要上少油，整碟面也不覺有什麼油令令的感覺～可能自己對於飲港式奶茶沒有了比較，一口呷上感覺上係有些微（嚡），再來一啖感覺又順滑了很多，不過整體我都覺得這杯奶茶做得不錯～★很少在我評分之中每一樣事情都做得很高分，例如