元朗新記 (吳松街)

营业中

休息中

元朗新記（鴻運樓）今晚想食雞粥，即刻諗起元朗老字號生滾粥專門店-新記。此分店比起又新街個間環境更光猛乾淨同舒適、仲有好幾枱卡位。貴妃雞豬潤粥黎到梗係必食貴妃雞粥！ 欣賞佢唔用普通碗係用瓦煲上，雞醎嫩、份量足、粥底綿。豬潤爽口。黃鱔豬潤粥估唔到黃饍份量都幾多！ 黃鱔亦爽口彈牙。紅燒元朗脆皮乳鴿乳鴿唔細隻、熱辣辣、乳鴿皮脆口、鮮嫩多汁唔柴口、風味十足。香脆多春魚如其名，又香又脆，有驚喜，真心推介七喜話梅柑桔冰杯中有原粒柑桔，味道清爽、開胃又醒胃。最後叫多碟<椒絲腐乳炒通菜> ，完滿不過值得一提，餐廳食物款式好多元化，唔止粥粉面飯雲吞麵、仲有特色小菜，下次一定會再幫襯！

同老公今日要出佐敦所以順便係附近搵lunch ,下午想食粉麵踢 粥呀咁， 於是走入去食「招牌雞粥」，一向知道最為受歡迎，亦知道有分店，之前係其他分店食過，而佢雞粥咁出名係因為原來係用雞髀，口感較滑啱哂我😙另外仲有西茶、飯類、粉麵等，好多款選擇喎。🖊️貴妃雞粥：啲粥煮到好綿，雞肉好滑，醃鹹左再煲，香味十足，夠哂味，我喜歡配 埋腸粉或炸両一齊食。🖋️炸両，要多豉油，同多醬料，腸粉皮都滑，油炸鬼唔會太乾同好肥膩。🖋️紅燒元朗脆皮乳鴿：炸到剛好唔過火，最怕係炸到乾哂咁，呢度就唔會,肉味醃得夠，點埋重點既華鹽，正😄🖋️鮮蝦雲吞麵：雲吞大小適合，唔太過大，啲餡料包得剛好，蝦都新鮮，而個麵底都不錯。🖋️郊外油菜，我地叫左通菜，同埋青檸冰，好解渴！

🐔貴妃雞粥 ($59)雞肉好嫩 我估成碗都有8-10件雞 超多🤭 雞粥帶有油香 飽肚又好味 可以兩個人share🐦 紅燒元朗脆皮乳鴿 ($76)估唔到呢到有得食乳鴿🙈個人覺得比某D酒樓仲好食！皮係脆脆地咁 乳鴿唔算好乾～試下都幾得意🦑酥炸魷魚鬚 ($61)有驚喜😋 每一條魷魚酥都超肥超長! 打完卡仲係熱辣辣🔥新鮮炸起真係唔同D 炸粉鬆脆 魷魚超超超彈牙～🥬欖菜肉鬆乾扁四季豆 ($61)相信大家都好鍾意食既一味餸菜 賣相吸引 份量好足夠 雖然油分比較多D 不過好惹味🥤泰式青檸冰 / 🍊七喜話梅金桔冰 ($25)兩杯飲品差唔多 清新得黎唔會太甜🤗overall個人都推薦呢間餐廳 望落只係一家茶餐廳 不過真係咩都有得食 好過癮😉價錢親民 可以同frd叫幾個小食一齊share♕ ʀᴀᴛɪɴɢs ♕ 😋味道: 👍🏻👍🏻👍🏻👍🏻 🤩賣相: 👍🏻👍🏻👍🏻 🌝環境: 👍🏻👍🏻👍🏻 💰價錢: 👍🏻👍🏻👍🏻👍🏻 🙈服務: 👍🏻👍🏻👍🏻 🗣回頭率: 👍🏻👍🏻👍🏻👍🏻 ☞︎ ᴜsᴇғᴜʟ ɪɴғᴏʀᴍᴀᴛɪᴏɴ🙋🏻‍♀️service charge🙅🏻‍♀️time limit🙋🏻‍♀️reservations

-元朗新記🍽-貴妃雞粥新記最出名雞粥👍佢個粥底用雞煲過既濃味😋雞件雖然唔係好嫩滑但用黎煲雞粥黎講都唔算好鞋😉-鮮蟹粥呢個粥底同雞粥就有對比呢個粥可能淨係用左蟹去煲所以味道偏淡🤔不過蟹係足一隻雖然唔係肉蟹啖啖肉但都有蟹膏😉-蜆介鯪魚球乒乓波咁大粒既鯪魚球好扎實🤣識食一定要加埋個蜆介一齊食但千其唔好就咁食會咸死😆-香脆炸大腸枱枱都有叫炸大腸望落勁大碟而且入面白雪雪都幾乾淨忍唔住都叫左😉個外皮的確炸到勁香脆卜卜聲😋大腸洗得乾淨唔會好大陣壓味👍-海蜇燻蹄唔係度度有海蜇食竟然呢度有小食！不過海蜇偏硬要用d力咬🤣但個調味好夠酸酸辣辣😋-葱花蝦米腸腸粉好滑dodo而且葱花蝦米量都好足料😌-🌟評分:🏅🏅🏅🏅📍地址: 佐敦吳松街123號地舖-#foodieluveat#foodisluveat_hk#foodieluveat_佐敦#foodieluveat_港式#hkfoodie #foodiehk #foodiehkig #hkfoodblogger #hkfoods #hkfoodlover #foodiegraphy #hkfoodblog #hkfoodbloggers #香港美食 #食在香港

🔹環境冇諗過我地早去到都已經好多人😳, 等左一陣先有位, 但環境夠大, 坐得舒服既🔸貴妃雞粥雞粥係瓦煲上, 粥夠綿, 好香同有雞味, 聽聞呢到既雞粥一直係下元朗好出名, 果然冇失望🤤🔸酥炸魷魚鬚炸到剛剛好的金黃色, 口惑好香脆❤️🔸菠蘿咕嚕肉汁酸甜適中唔會太杰, 而咕嚕肉炸到外脆內嫩, 唔會好乾身👍🏻🔸椒絲腐乳炒通菜炒得夠香, 味道不過不失👍🏻 🔸豉油皇炒烏冬份量都唔細😳，炒得鑊氣, 豉油皇炒麵食得多, 原來炒烏冬都幾好食, 口感唔錯🥰

細細個話食粥個個都會話食沙田雞粥， 今時今日食粥唔一定要去沙田嘅，其實四圍都有，名頭就係元朗好出名嘅新記雞粥， 除咗雞粥仲有佢嘅紅燒乳鴿都係一絕。除咗佢嘅馳名雞粥 ，其實佢嘅雞都好出名，所以我哋三個人叫咗個雞粥，燒味拼盤 ，再叫咗條魚， 仲有佢嘅乳鴿，三個食到飽到上心口。馳名雞粥又真係好綿好滑，又唔會感覺好多味精，雞嘅份量都足，令到個粥都有雞味， 只不過過足嘅份量細咗少少。佢嘅燒乳鴿都炸得好好食，肉質唔會太乾， 仲係好滑身，又唔會炸燶咗 ，皮啱啱好有啲脆身，我哋三個人食其實應該要叫兩隻。叫咗條蒸倉魚，充足分量嘅豆豉同蔥， 火後就當然唔同屋企自己蒸，比較有鑊氣啦，唔會太細條，餸飯一流。燒味拼盤有叉燒，雞，燻蹄同埋海蜇。 佢嘅雞做得招牌，佢嘅雞梗係好味啦，又滑又香。叉燒雖然睇落比較乾身，但食落又唔會太乾幾好入口。燻蹄做得唔錯，唔會好似喺街度食嗰啲乾支支。海蜇個汁都得好好。呢個拼盤配啤酒簡直一流。

今天中午來到店家看到店內人多所以點了一份外賣準備拎回家吃，但等候時間足足超過30分鐘。又因為我今早吃的東西比較少身體不適差點低血糖，而且這樣的等候非常耽擱我的時間。雖然當時店家確實屬於繁忙時段但工作人員也沒有提醒外賣需要的等候時間。堂食的顧客已經陸續吃完了我的外賣才做好而且我點的只是一小份常餐而已。實在想不通為什麼外賣顧客就和堂食顧客的待遇差那麼多，顧客信任你們家味道選擇這家餐廳，服務質量是否能提高一些？

完全要醒定行入去…..好耐以前食過 記憶中幾好食上個月 帶同事嚟第一次lunch 叫咗兩個粥set🍲🥤☕️🍽️🥡🥢喺櫃桶拎咗兩個匙羹出嚟 🥄🥄傾傾吓計 有個男員工(定唔知係老細)快速講咗一句說話我地以為佢同隔離枱講嘢過多陣 佢唔耐煩同我哋講，一陣間會有匙羹當日就以為係我哋嘅錯覺…………………………..2nd time 今晚放工經過買外賣行入去收銀落單 係倔擂槌啲 諗住係說話比較直接 冇特別理會外賣要等好耐就打算坐近門口嘅外賣枱坐低等佢叫我行街再返嚟 咁就問佢一句 可以坐住等？佢直指外賣枱另一張凳：淨係可以坐呢度應該都係上次同一位男員工/老闆呢幾十分鐘入面 佢對每一個客都係咁Ok…應該唔係落單途中得罪佢枱面用嚟放外賣 等外賣客/外送員拎咁我就放張單喺枱邊 撳電話過多陣….出咗幾袋外賣佢拎走咗我張單咁我就以為我張單阻佢放外賣Anyway…. 過多2秒 佢排好幾袋外賣咁就冇理啦🤷🏻‍♀️再過2秒 佢話：你嘅外賣我：哦 好 （咁就準備走）佢補多句：聽唔聽得明我抬頭望住佢：明呀 唔該☺️🤔🤔🤔係..少我一個客唔少…但都需要反映一下(其他員工都好正常 姨姨都好好👍🏻)留言前睇到之前已經有類似嘅食評👎🏻幸好

係呢個千變萬化既年代要經得起風浪,最重要識得變通尤其係疫情期間好多餐廳晚市都搖身一變成為兩餸飯既外賣專區元朗新記雞粥係有30年歷史既老字號,  近年不斷開分店新店裝修環境寬敞舒適, 係新式茶餐廳感覺除咗粥品選擇豐富之外仲有好多燃手小菜，例如椒鹽魷魚鬚份量好多, 椒鹽既調味唔會太重.最重要食完都唔口渴魷魚鬚質感係爽脆既脆皮炸乳鴿 乳鴿既尺寸適中, 過足口癮招牌貴妃雞粥即叫即滾, 用雞髀熬煮,肉質較滑椒絲腐乳通菜有鑊氣, 每條菜都沾到醬汁又唔會過鹹豬什炒麵炒得麵條條分明, 夠乾身豬什有豬耳, 豬肚絲, 豬潤同豬肉

餐牌選擇十分多啊！粥粉麵飯樣樣齊，單單是生滾粥自選配料已經有二十多款，就連甜品這裏都有，特色食物很多。所以我們都花了點時間看餐牌，心大心小，很多都想嚐嚐呢～即使只是分店，食物味道質素依然出色，不用特意到元朗都可以吃到好吃的雞粥等食物啊！ 職員除了主動提醒我們餐具在抽屜裏，送上乳鴿時亦細心附上紙巾。服務感覺比起一般茶餐廳好呢～ ♡生滾貴妃雞粥$58 🥢必點🥢馳名的雞粥怎可以不試呢！下午茶餐非常划算啊！$60不用就有一個生滾煲仔粥和小食，我們點了配蘿蔔糕，除了蘿蔔糕外，還有其他配搭的～以往吃的雞粥雞肉都是肉質比較硬，雞味都流失了，但這裏的雞粥連粥底都有雞的香味😋，而且雞件份量不少，肉質軟腍，雞味濃郁，沒想到雞粥裏面的雞味道都可以這樣出色呢～完全打倒了我對雞粥一貫的形象。 ♡酥炸魷魚酥$58 🥢必點🥢炸得金黃酥脆，是我喜歡的炸法，炸粉不會太厚，份量很多啊！堆成一座小山丘呢～♡海哲手撕雞$55爽脆口感的海哲，條狀的手撕雞，配上酸瓜條、芝麻等配料，味道開胃。 ♡XO醬叉燒炒蛋飯$58 🥢必點🥢叉燒配上滑溜的炒蛋簡直是絕配啊！再加上惹味的XO醬，而且XO醬份量十分多，配飯吃一流呢～這個價錢同樣非常

紅燒元朗脆皮乳鴿大大隻皮又脆重點好多肉，真心正必食的👍🏻會再叫。蜆介鯪魚球打到好彈牙，好有口感啖啖都係真材實料，重點一d都唔油，點埋個蜆介醬就完美喇🤩香脆炸大腸本身我食大腸鐘意有小小肥膏，佢地炸到又脆又好味。蝦米炸兩腸粉油炸鬼本身好脆，蝦米又惹味，佢地嘅炸兩唔錯呀…..配埋粥一流。鮮蟹粥一隻蟹已經令到成碗粥好鮮甜，蟹仲要有膏，好好好味😋蛋白杏仁茶估佢唔到咁好飲，唔太甜杏仁味又香，蛋白又多。

今日天氣凍凍地，男朋友仔又想食粥就帶佢食雞粥。見OpenRice 咁多好評就入左呢間元朗新記，點知惡夢發生，生命受到威脅。好地地落單叫左一碗雞粥，一碗雲吞麵，係餐枱下拎左2對筷子，2支匙羹放係杯水洗下。全場唯一男侍應無啦啦走黎拎走左係水杯入面果2支匙羹，就話「陣間上雞粥同雲吞麵會有湯羹一齊上」Ok 嘅，佢話到時有咁完全無問題啦❗️點知上雞粥無湯羹，連一支普通匙羹都無‼️咁我地就問番果位男侍應，無匙羹wo😅個果男侍應好無禮貌大聲呼喝「你講咩呀？」果一刻真心覺得有生命上嘅威脅，我地係佢嘅舖頭入面唔知會發生d咩事。男侍應係櫃桶拎另一枝匙羹我地。心諗咁你一開頭收嚟做咩？無論點都唔洗咁惡對個客掛，明明當初冷醒拎走人地枝匙羹係佢，成個過程佢一句sorry都無👎🏻 感覺好差，食乜都無味啦。其實對於一班新客人/隔左好耐再黎食真係唔會知/記得雞粥/雲吞麵有匙羹一齊上。餐廳為左咁小嘅事成件事（佢無端端收起客人嘅匙羹）將自己做錯嘅事拎客人出氣👎🏻👎🏻👎🏻👎🏻，嚴重破壞客人到餐廳用膳嘅心情，令人反感☹️今次完全俾錢買難受‼️如果一間有6間分店嘅餐廳，連2枝匙羹都咁緊張唔俾人用，驚洗多隻，建議番 貴餐廳唔好放d餐具出黎

諗住老字號啲小炒就冇死啦 點知中哂伏等左九個字先有第一樣野食 仲要唔係滿座都要等咁耐先利既炸大腸 林既 真係唔講唔知原來炸左既再等多陣就利左個蒜蓉炒通菜 油得黎又唔香 啲通菜仲要好老 完全唔新鮮豉汁蒸䱽魚 蒸到過哂龍

今晚同老公去佐敦買啲嘢，行經吳松街，見到有個好光嘅大招牌係元朗新記，餐廳主打粥品、乳鴿、小炒等，老字號品牌嚟市區開分店，當然唔好錯過啦！紅燒元朗脆皮乳鴿，乳鴿浸滷水後噴冰水，令肉質更爽嫩，風乾後即叫即炸，皮脆肉嫩又多汁。貴妃雞粥：雞粥即叫即滾，用雞髀熬煮，口感較滑，粥底也講究，用上3款不同的米調配而成，煲得稠身又不乏米香。雲吞麵：麵條彈牙、湯底鮮甜；雲吞皮薄，餡料飽滿新鮮，蝦肉和豬肉比例良好，爽口味鮮。南乳豬手河：豬手燜得極其入味且夠腍身，豬手大大件份量十足，河粉口感滑溜。香脆炸兩腸粉：炸兩即腸粉包油條，外滑內脆，蘸豉油甜醬辣醬吃，十分滋味！干炒肉片河：夠鑊氣又夠香，肉片有口感，芽菜爽口，而河粉層次分明，不帶多餘的油份 ，美味可口。凍豆漿甜度啱啱好，有豆香。

原本諗住清淡啲食粥, 點知得一肚火🔥叫緊餐講錯粥想改返, 中年男侍應居然唔耐煩話"你諗清楚先落餐", 然後轉身走人, 唔知以為佢係我老細! 艇仔粥毫無特別, 腸粉都只有微暖, 炸兩太冧, 衛生環境都正常茶記, 一坐低見到有隻細烏蠅飛過50蚊午餐係正常價錢嘅, 但係咁嘅服務質素就...