元朗新記 (吳松街)

营业中

休息中

新記雞粥總是不會讓人失望的午餐之選， 粥粉麵飯選擇多，但是質素卻非一般 茶餐廳可比。 尤其是那三十年的 貴妃雞滷水膽。生滾貴妃雞粥 配炒米粉 配湯 58元朗新記雞粥的鹵水膽果然不同凡響，雞肉以30年滷水浸製，再用藥材如蝦乾、瑤柱，當歸和黨芯，粥底都散發著滷水的清香， 而且雞肉煮得剛剛好不怕柴， 即使用粥煮過仍然非常嫩滑 。套餐可以再選炒麵/炒米粉/蝦米腸等等, 選了火腿炒米粉， 米粉幼滑不會太鞋，不錯吃。是日例湯霸王花煲豬骨， 煲得入味卻不會太油膩。蜆介鯪魚球 52粒粒炸得金黃又脹卜卜，魚肉質鮮彈爽又有肉汁，鯪魚香氣，蘸上與蜆蚧醬，鹹鮮與酒香並重。揚州炒飯 配熱檸茶 47即叫即炒， 材料豐富且多， 叉燒火腿蛋蝦仁， 雖然簡單但是炒得味美， 粒粒金黃，而且不會炒到太油膩， 40多完午餐連飲品或例湯無得輸。及弟粥 配蝦米腸 配熱檸茶 45除了貴妃雞粥，新記的及第粥也非常不錯。 材料足，肉丸，豬肉片，豬潤等等， 非常豐富豬潤也非常入味，豬肉丸粒粒也彈牙，好吃。蝦米腸即叫即蒸，而且蝦仁和蔥粒的份量也很多。 幼滑好吃。海哲手撕雞 52海蜇調味非常惹味， 有憂鬱的花生醬在加上點點辣度，涼爽非常，讓

元朗新記就無去過啦，佐敦既元朗新記就第一次去。新記雞粥都幾出名，天寒地凍，食返一啖熱粥就正過正斗啦。元朗新記唔止得粥賣，仲有好多麵，各式炒粉麵飯同中式小菜等等。午餐非常抵食，一碗自選生滾粥加一份炒麵或者腸粉再包一杯熱飲或者老火例湯，都係$45或者$58，視乎你揀既餐。凍飲加$3，特飲加$8。我地一行四人，每人叫左粥或粉麵餐，另外再叫左一隻馳名乳鴿分享。生滾黃鱔粥+蝦腸+熱豆漿 $58生滾黃鱔粥係成鍋上，最後先食都仲熱。粥底㷛得夠綿，一d都唔稀，食完好飽肚。黃鱔有好幾舊，超彈牙，有少少骨但係可以吞埋。加d葱花香d。蝦腸晶瑩通透，腸粉滑溜啖啖美味，鮮蝦大大隻又爽脆，齋點豉油已經好好味，如果入面可以加韭黃仲正。生滾魚腩粥+炸倆+熱豆漿 $45魚腩有4舊，有骨但係肉質鮮甜肥美，餐廳仲體貼咁加左d薑蓉僻腥。跟餐既炸倆有兩條，腸粉包住都算脆口既油炸鬼，自己再加甜醬食好味。鮮蝦雲吞麵+油菜+熱豆漿 $44雲吞有5粒，唔算大粒但係真係有鮮蝦同有d肉碎。幼麵質感就真係超水準，粥店都整得超爽口彈牙，點香醋食好正!湯底仲加左d韭黃粒。油菜係8條菜心，都算翠綠爽脆，加少少豉油食好健康。餐飲我地全部都揀左熱豆漿

今晚天氣有啲凍，加上六點開始冇堂食，又要食得暖又要快，一諗就係食粥，陪男友去佐敦裕華國貨睇完d國寶之後來到附近呢間舖食招牌雞粥及其他小吃。貴妃雞粥（另加蠔仔及帶子）話哂係招牌，當然要試吓，雞粥很熱，很適合冷天食，粥底很綿很重雞味，好香，雞肉嫩滑而且入味，按自己喜好，加左蠔仔，都份量多，鮮甜，鮮嫩，很不錯。帶子如果多點便更好。海蜇手撕雞手撕雞跟我過往吃的有點不同，不是麻醬，有少許似泰式鳳爪那種味道，微辣，海蜇爽口，口味新鮮，不錯。蜆介鯪魚球炸得金黃色，每口都是香滑爽口彈牙的鯪魚肉，一點都沒有魚骨碎及魚腥味，配上少許蜆介，鮮味一流。豉油皇炒麵炒麵豉油和色澤均勻，香噴噴，但看上去蔥炒得有點老，不過炒麵不會很油，豉油皇不會死咸，吃起來帶少許甜，麵質彈牙，加上爽口芽菜，口感清爽，份量也很多，價錢也不貴，很抵食。香脆炸兩腸粉油炸鬼很脆，包在薄滑的腸粉內，用來送粥非常不錯。整體來說，係一餐很美味的晚餐，尤其十分喜歡貴妃雞粥。

終於有秋涼既感覺，又係時候食粥啦~久仰新記大名，適逢天氣涼涼地，終於有機會去食下貴妃雞粥，食慾大增，2個人一口氣叫左好多碟🤣生滾貴妃雞粥+叉燒腸 ($58)~雞夠鮮嫩，重點係用雞脾肉🍗，粥底盡吸雞肉精華，夠綿夠滑，食完暖笠笠! 再跟叉燒腸，叉燒份量十足!👍加+$8就可能有碟油菜!XO醬豬扒炒公仔麵 （$49）~炒公仔麵最緊要夠獲氣，炒得乾身，XO醬豬扒厚身惹味，再加上芝麻，味道level up~海蜇生腸 （$52）~ order左海蜇生腸做前菜，2款都好爽脆，小小辣!酥炸魷魚鬚 （$55）是日最熱氣小食，魷魚鬚熱辣辣，夠香夠晒脆，佐粥都唔錯架!

今次同爸爸外出撐枱腳，見到新記，一於食粥加小食！我哋柯打咗一個好抵嘅午市粥餐加油菜，3個小菜加青檸冰！生滾貴妃雞粥：粥底綿綿有米香，有好多舊雞，雞件醃過帶咸香，粥有雞嘅黃油，超正！香酥炸大腸：大腸洗得好乾淨，但留有少少肥膏，我最喜歡依度嘅大腸炸得香脆甘香，又有𡁻頭蜆介鯪魚球：粒粒有兵乓球咁大，彈牙可口，但略咸！海蜇篇燻蹄海蜇爽口彈牙，麻油味濃，燻蹄嘅肥瘦比例佷好，入味又有口感，但切得較厚，建議可切薄啲泰式青檸冰酸咪咪不太甜又醒胃，可去油膩感

在佐敦開會前，先到新記雞粥吃口溫粥暖和腸胃。之前已到過元朗店，喜歡新記的粥軟綿卻不是糊狀，能咬到米飯，同時帶香味，只吃粥也不厭。今次點了貴妃雞豬膶粥，粥質感依然合心意，而豬膶比招牌貴妃雞更得我心；紅棗糕賣相一般，但吃下去卻意外不錯。整頓下來，吃得肚子暖暖，便滿足地去工作了。 -#貴妃雞豬膶粥 $58 我喜歡粥軟綿之餘，還有幾顆可咬到的飯顆，可是大多廣東粥都是「綿密」，像極糊狀，口感欠奉。而新記的卻做到我想要的口感，綿、包括顆狀米粥、非糊狀，而且混和貴妃雞時，粥還有淡淡雞肉味，不油不膩! 新記的貴妃雞能吃到微微的酒及藥材味，不單調，但我可能已經常點了，所以今次只被嫩嫩的豬膶吸引住。因為我是吃畢整盤菜心才吃粥，還有點擔心豬膶會被熱粥燙得更熟了，然而是過慮了，豬膶還是軟、彈、嫩，毫無腥味，棒極了! -#薑汁紅棗糕 $16 真貌不如餐牌的雙色分明啊，哈哈! 香味來自薑汁，甜味來自紅棗，稍甜，整體還是以薑味較出眾。煙煙韌韌，卻不黏牙，毫無粉感，價錢實惠，值得一試! -#灼菜心 $31 本身是蠔油菜心，我點全走。約半斤菜心，量比想像多，雖是灼，但表面泛油光，部分有點老，個人還是偏好再灼軟稔一些的菜

好幾個月冇去食雞粥，今日天氣涼咗就想食返啲暖胃野。見到隔離枱有人食海鮮粥，材料好豐富咁，貪心嘅我就決定雙並，海鮮雞粥。雞量雖然冇咁多，但都係好香滑，海鮮就真係好多，4份一隻蟹，兩大隻蝦，仲有魚片，帶子等⋯唯一唔好就係雙並後不能跟餐，但其實已經好足夠可以二人分享。另外友人點了午餐的揚州炒飯，看似不大的一碟，其實份量已經足夠，配料也多。午餐可以加$8加油菜，大大碟。三人行再加點了炸豆腐及海浙豬小腸，海浙好會但豬小腸一般，下次會改點其他。在疫情下，餐廳辛苦了，但食客卻能得到比較闊大的用餐環境。

今天回到舊居前執拾東西時經過新記粥店！聽說這裡最馳名就是元朗雞粥便過去試試吧～ 地點就在港鐵佐敦站裕華出口～ 原來有多間分店並遍佈全港九新界🤩 利害了餐牌有中英文對照燈光通明，四周清潔；地下、檯、用具不會泣滋滋豬什炒麵 HKD 56 豬潤、豬肉等等～ 味道OK 香脆炸大腸 HKD 52 炸得乾身，內裡也清潔得很好。 友人笑說中央位置再有脆皮口感就更佳啦 🤣雞粥 HKD 52 馳名熱騰騰雞粥到了！粥綿綿的質感 好好味，友人都讚不絕口 ～ 而貴妃雞色澤光亮皮層金黃無比，底層厚厚肉質白滑嫩口 有口感 脆皮乳鴿 HKD 65 乳鴿外層較為乾身但肉質仍嫩口 炸魚皮 HKD 18 魚皮炸得乾脆，皮也沒有過厚 還有魚湯而外邊一搬都沒有 贊！ 熱豆漿 HKD 9 可選無糖👏🏻👏🏻

新記喺元朗出哂名，以前成日喺元朗食的。見佢佐敦都有分店，黎開忍唔住又黎食下。呢個海鮮粥又係喺元朗店成日會叫的。呢度嘅味同元朗店有啲唔同。但係都係好多海鮮，有蟹有蝦有帶子有魚。d 蝦都大大隻，唔係放左好耐ge 死蝦。粥底好綿。食落有淡淡的海鮮鮮味。生腸海節第一次食。 份量都幾多，海節爽口。生腸都洗得乾淨。好想加埋wasabi 撈落去ar🙈🙈🙈炸魷魚穌條條都大大條。炸得比較乾身，所以食落好脆，但唔會好硬。香口野真係好好吃炸雞翼又係好脆，d肉醃得好夠味，因為炸ge 關係，本身以為會炸到乾晒，但點知原來入邊都係有肉汁。大大隻，必食七喜龍眼冰同青檸冰。青檸味清新, 少少酸味加埋汽水，食完煎炸野飲真係好爽。七喜龍眼冰好特別，估唔到兩樣溝埋一齊會出現一隻新嘅味，唔似七喜又唔似龍眼味，真係要試下，係好飲的

今朝好早起身所以好早就食早餐，未到中午12點已經超肚餓，經過呢度，知道佢有「蜆介鯪魚球」，突然好想食，咁就入咗去坐低😁點咗$48嘅午餐「乾炒牛河」，再加$52嘅「蜆介鯪魚球」，超肚餓所以貪心地加咗個$24嘅「叉燒腸」😆「乾炒牛河」好好鑊氣炒得好香，但係又唔算好油，牛肉幾軟熟，整體來講相當高水準😋，份量仲好大添😁「鯪魚球」外邊炸得脆脆地好香口，裏面嘅鯪魚肉打得結實又好滑，沾蜆介汁食非常惹味😋「叉燒腸」嘅腸粉好滑，裏面仲有好多叉燒粒，美味😋午餐包熱飲，叫咗杯熱奶茶，幾香幾濃幾滑。食完超飽，非常滿足😁

今日同媽咪黎食LUNCH, 因為涼涼地又想食粥,叫左一個粥SET, 一個雲吞麵~😂粥SET仲可以跟一個腸粉, 要左叉燒腸, 仲跟埋野飲, 40幾蚊都幾抵, 因為個粥係一煲咁上, 2個人食都好夠! 同埋係超足料! 而且及弟粥煮得好好, 豬潤好滑粥底好綿!叉燒腸又係好多叉燒, 皮薄餡靚, 食得出新鮮整起!媽咪個雲吞麵都好爽口, 麵質相當唔錯, 雲吞雖然唔係好大粒, 但係好多蝦好爽! 👍🏽我地再加左一隻乳鴿, 好少見到咁大隻乳鴿😂 又係岩岩炸起, 入面D肉仲係好多肉汁, 好正!

前排食完大閘蟹，今日心思思想去食蟹粥🦀就黎左佐敦既新記雞粥食好出名既海鮮粥la🥰仲有其他好野食添🤩小明為食餐單：馳名海鮮粥🦀 $73好大鍋既粥上枱已經見到有几隻蟹腳突出黎😆有蝦有蟹有帶子既馳名海鮮粥煲得好綿好鮮味，因為吸收左好多新鮮海鮮既味道，全部精華都係粥入面🤩食蟹都仲有好香蟹肉😋兩個人食都ok😍紅燒元朗脆皮乳鴿🍗 $65燒得好香脆唔會過火，斬開4件大大舊，皮好脆薄，肉質鮮嫩😛乾炒牛河🥘 $48好有鑊氣，牛肉好大塊，河粉好香口🤤煎蝦米腸🦐 $34有香蔥蝦米煎到香口既腸粉，好香口惹味😋鮮蝦腸粉🦐 $27好滑好滑既手拉腸，入面有大大隻蝦🥰

帶着元祖師奶到佐敦行街，就想搵間粥店，搵到呢間元朗新記，見到佢有好多種類嘅粥同埋腸粉，就決定一試。岩岩就到佢既下午茶時段，一個粥再配一個腸粉，$34 - $55 ，都真係幾抵，相比佢正常價錢，即係送個腸粉同嘢飲。 我哋兩個人就叫咗兩個餐，打算試多啲嘢食，一個魚片粥，一個蠔仔肉碎粥配叉燒腸同埋炸兩。炸兩一上到嚟，食落去脆卜卜，食得出真係新鮮整嘅，但係油炸鬼啲油就真係”必”出嚟，食咗兩舊就已經覺得好油膩；叉燒腸啲叉燒一般。 魚片粥啲魚片尚算新鮮，粥底比較淡，食得出冇乜味精，但係粥底比較稀，港女師奶最鍾意食都係元祖師奶煮個嘅啲又綿又竭嘅粥；而蠔仔肉碎粥啲肉碎好奇怪，肉係冇乜肉味，係稔身既一舊嘢，因為覺得太奇怪所以最後都冇食，只係食左啲蠔仔就算。食完到前台買單，找錢嘅時候仲要將啲錢一嘢掉過嚟…. 作為呢個餐廳既ending。＝＝＝＝＝＝＝＝＝＝＝＝＝＝＝ (滿分為5分) 抵食指數：🌟🌟🌟🌟Encore 指數：－

Lunch行經呢間，到底係咪元朗開鋪開到出市區呢？唔知。我知嘅係，佢嘅下午茶餐只係$3x，而質素係唔錯，對得住價錢，呢次就試試午餐XO醬叉燒滑蛋飯 淨係睇餸面就知佢係超足料，唔會為賺錢而呃你果少少XO醬碟頭亦都唔係細，食完起碼八成飽，飲埋餐茶就。。。哈哈叉燒唔係hea，淋得黎又有肥位，真係正。滑蛋炒功睇得出師傅真係好功夫，真係有少少蛋漿流返落飯度，係好滑，值得一試再試乾炒牛河我平時堅唔鍾意食呢樣野，不過唔知點解突然想食。乾炒牛河要鑊氣兼炒得均勻上色，呢碟就係標準。佢用左幼河，我超鍾意呢隻河粉，因為夠爽彈而且滑身鑊氣有，牛亦唔係滑牛咁嘅feel，係有啲嚼勁，非常好食呢間餐廳絕對百吃不厭，因為質素真係好，員工服務都好，姐姐落單快手，友善，見到我拎出特別外形嘅零食會搭下傘，吹兩句水，我唔討厭呢類，可以話咁樣仲留到更多熟客

晚上九点多才从柯士甸站跑到佐敦吃饭，新记的招牌菜是鸡粥餐桌上的宣传都是以鸡粥为主，但最后没有考虑。餐单上有不少东西，大部分都是港式口味的餸菜，就是没有套餐，最后只能单点。豉油皇炒面不怎么样好吃，没放多少银芽，面炒得太干，呑下去有点哽颈。而且用的豉油也不是常吃那种，味道有点怪怪的。XO酱叉烧炒蛋饭是可以的，叉烧和蛋放满在饭面，再加上XO酱，拌匀后很好吃。七喜龙眼冰只是一般，只吃到3颗龙眼，根本吃不到龙眼的味道。人均消费是65元，佐敦来说不算贵。