元気寿司

营业中

休息中

今日同老婆兩個人去元朗行下，去到新元朗中心，行過元氣壽司，喺出邊見到佢做嗰啲隔離安排都幾好，所以就入去試吓(因為好耐冇食)。咁啱就下午茶時間咁就叫咗兩個下午茶餐，結帳都唔使140元真係好抵食,雖然佢哋啲壽司都係比較偏細，但係比其他連鎖店新鮮乾淨,食物質素真係唔錯,服務態度都幾好，又坐得舒服，佢哋而家唔係做回轉壽司，電動送餐又乾淨又可以減少近距離接觸，啱晒而家嘅環境，　如果再去新元朗中心都會再去食😋

佢哋個下午茶餐大概50蚊至60蚊， 基本嘅食物係有五嚿壽司， 另外可以揀兩種小食， 我揀咗海鮮蒸滑蛋， 同埋炸南瓜燒餅。 仲有烏冬同埋炸蝦丸( 因為我嗌咗兩個下午茶餐) 我因為好耐冇去過元氣壽司， 去到發現原來佢嘅點餐方式已經有好大嘅改變， 如果大家好耐冇去嘅話， 要記住而家點餐係用手機q R code， 另外啲嘢食唔會驚人手過去送畀你， 而係用運輸帶送到去你張枱側邊， 跟住會有個alarm響， 你攞咗碟嘢食落去你張枱面， 然後撳番熄個alarm。個水蛋好新鮮好甜， 入面仲有帶子， 係幾足料。 個南瓜餅都好鬆脆炸得， 有個鐵架架走啲油。 另外都有個烏冬。 整體嚟講啲小食嘅質素好好。至於壽司同刺身方面就更加好， 基本上都係好精緻同埋份量亦都係ok， 啲魚肉亦都係新鮮嘅有回甘。

壽司盛有八五折， 而且食到你飽，另外在叫咗啲炙燒壽司，好食到唔知叫乜，同埋另外再有黃金辣味三文魚皮，炸牛油雞翼。總之價錢好鬼平，同埋我女朋友俾錢。不過環境始終冇糖食咁好而且冇綠茶同酸薑，心裏有啲不爽😫，不過佢都識做送一張隻蓆比我地去野餐威威。

嗰日屋企人諗住同我提早慶祝生日，所以去咗食壽司🍣🍣慶祝🎊。一坐低冇幾耐，我哋就本來想一人叫一碗「三文魚頭湯」飲，點知碗湯叫咗好耐都未到，跟住我哋就叫人吹單，點知吹完之後，我哋碗湯出嚟嘅時候每碗都係得三分一碗，入面又冇乜三文魚，所以我哋就叫咗個職員埋嚟，問佢點解搵湯咁細碗，因為之前去過其他分店都唔係咁樣嘅。 點知佢話因為啲三文魚湯賣曬喎！（咁都得……）啲炸蝦一啲都唔熱，又唔脆，好似整定喺度擺咗好耐。壽司飯一咬就散。三文魚完全唔夠凍。面頭紫菜林嘅，入面吞拿魚完全唔凍。赤貝一啲都唔凍。味道還可以。紫菜唔脆螺肉還可以。

行開元朗見到元氣壽司最入去食件，計下計下原來都好耐冇食sushi，而且元氣經常都有新產品，就諗係入去試下。寶寶通通嘅sushi，好似三文魚、吞拿魚嗰啲就唔講喇，因為大家都知乜嘢味，大型連鎖店，出品都係咁。今次就講兩種生產品。極辛三文魚卷 $22，有名比你叫「極辛」應該就係辛辣味，不過食起上嚟，呢種辣真係好微好微，外面係有三文魚、三文魚子、芝士，飯裏面又係有三文魚同一啲紫菜， 飯唔知點解個師傅搓得好硬，咬落去好實糴糴，三文魚嘅溫度唔係咁好，整體嚟講唔好食。豐洲直送池魚壽司 $14一件，同樣地飯搓得好硬，咬落去好實糴糴，件池魚肉好柔軟但食落口，就發覺魚味真係太重，對我嚟講就係「腥」，可能係我自己問題，我真係接受唔到。味覺係我嘅，我接受唔到，即係唔好食。順帶一提，呢度嘅staff 嘅服務態度真係唔好，叫極都唔應。

屋企樓下嘅商場就有一間元氣所以基本上元氣就好似我屋企飯堂咁樣啦咁大作為飯堂梗係唔可以成日都係食一樣嘅嘢啦元氣最滿足到我嘅地方就係佢基本上每個月都有新出嘅新壽司.今次最令我滿意就係兩款有甜蝦嘅壽司大大訓夠抵食呀而且元氣嘅性價比都相當高雖然唔係去到高級日本嘢嘅水準但係都不過不失如果同小朋友嚟嘅話坐喺新幹線前面啲枱佢哋會好開心添所以可以話元氣係一個大人細路都啱佢嘅餐廳。打完呢篇食評就期待下一次佢會出咗啲咩新嘅壽司啦

每一個月總有一次想食壽司🍣天氣太熱嘅關係想食嘅份量又唔多去元氣想食幾多叫幾多啱啱好啦🍴最鍾意就係食元氣嘅小柱！上面就係小柱下邊有啲沙律醬 真係好開胃好好味㗎而佢啲蟹子同紫菜都好爽脆 吾會淋哂d紫菜🥰

每月總有一次食元氣！1) 胡麻冷麵： 冷麵好煙韌，配料有蛋絲雞絲蟹柳絲，撈埋芝麻醬非常好食。2) 芒果卷蛋伴雲尼嗱雪米糍： 原來雪凍咗嘅芒果味蛋卷都幾好食，配埋 雲呢拿味雪米糍都幾夾。3) 極辛三文魚卷： 呢個一定要推介， 已經調好咗未有少少辣， 刺激味蕾4) 特大帆立貝： 刺身非常新鮮而且厚身，所以好鮮甜！

20190621老婆成日都話要食壽司，但因為放工時間次次都好多人排隊，今日咁啱冇乜人，一於同老婆食元氣壽司例牌都係叫咗嗰啲基本野，其實元氣壽司都真係幾抵食，種類多，尤其是個燒三文魚壽司同埋茶碗蒸都幾有質素

元氣壽司算係一眾連鎖壽司🍣店入面性價比比較高既一間，價錢唔算好貴之餘，品質都有一定既保證。而且外賣方面都算方便，到店鋪落單後，通常20至30分鐘都有得拎。有時人太多，外賣自取都不失為好選擇。今次一眾親朋好友一齊聚餐，唔想煮飯搞到一頭煙，叫外賣就係個唔錯既選擇🤣今次叫左都幾多款壽司🍣，有三文魚、甜蝦、帶子、蟹子等等。一貫元氣既品質保證，剌身鮮甜又唔會有雪味👍🏻👍🏻價錢唔算太貴，抵食👍🏻👍🏻🍣🍣

好耐好耐好耐冇去過元朗今日同男朋友去元朗睇戲睇完戲去食飯本身想食其他嘢但係見其他餐廳都好多人排隊所以去咗食元氣咁當然元氣都好多人排隊啦大約都等咗半個鐘先有位叫咗蟹肉甜蝦壽司蟹肉唔腥 份量都幾足 $19 2舊粒粒帶子壽司 超好味！！帶子好新鮮 做緊promotion $10炸 勁抵食永遠冇得輸嘅花之戀都好好味好大嚿同埋見佢依家係做緊一個關於花之戀既善事活動 幾抵讚幾善心

父親節果日帶左爸爸同媽媽一家人第一次食元氣！呢度要等拎飛等位等左半個鐘就帶得食全晚我地都用部電話落單真係好方便甘樣每個人都會睇到menu大家都好隨心見到想食既就自己叫我地d野食好快就到好正囉呢間有快速線好似細個玩模型車甘用車送上一件件壽司爸爸好鐘意哈哈而且野食都比起迴圈壽司衛生最少係即叫即做唔係你見碟壽司半個鐘一個鐘都未有人食甘放係室溫度我地5個人最後食左$850父親節黎講真係好抵食大家又食得開心正！

genki suishi 原朗店新裝修後環境變cheap左，D野食好乾，冇之前甘好味，叫了兩個湯但是吾熱的。以前貪佢環境好，又有服務，而家全自動化咩服務都冇，重收我加一!suishi 比較乾身，紫菜濕淋，像是放了好久，三文魚頭湯上枱時已凍了，魚味不太鮮，應该不会再幫襯了….

<五月新登場極上優惠🍣>元氣成日都出新嘢，最近又有新menu了～.四款新登場之中，我最鐘意特大沙甸魚🍣沙甸魚柳肉質爽滑，幾肥厚，食落有口感。珍寶赤海蝦迷你飯入面隻赤海蝦好大隻，肉質唔會梅。辛辣芝味海鮮卷就啱食得辣嘅人，上面嘅辣醬三文魚刺身粒對我嚟講都真係幾辣🙈重點係今次lunchtime去食都唔洗排隊😆.汁燒特大沙甸魚 $17炙燒龍蝦芝士醬白蝦 $17珍寶赤海蝦迷你飯 $22辛辣芝味海鮮卷 $22

有時唔想食太飽但又要食d 野， 我好多時都會選擇食 🍣Sushi, 而次次都會諗起Genki, 因為我印象中每區都會有間Genki, 同埋而家有得用Apps 先拎飛排隊， 好方便。今次就黎左元朗店， 好在Apps 拎飛先， 因為黎到門口見好多人等位中。。。黎 到Genki, 我有幾樣必食：1) 蠔花卷2) 炸蝦卷🍤3) 赤海蝦 ~~~encore 幾次🍤4) 三文魚腩壽司 ~~~encore 幾次🍣5) 皇帝蟹柳壽司 🍣6) 軟殼蟹手卷另外， 佢仲有季節限定🍣， 咁唔駛食黎食去都係個d 款式嘛！！！但有樣我唔會叫， 試過幾次都唔太啱我口味， 就係海膽。。。