元気寿司

营业中

休息中

成日食元氣，午市晚市拎親飛都要等好耐，超多人食既元氣～～質素有保證就當然啦，價錢都算合理先keep到咁多忠實fans~~其實食咁多次，睇餐牌落單都已經叫慣叫熟，元朗呢間係高速線，最方便啦～厚燒玉子係必點，厚厚既蛋包住壽司飯，上枱仲有微暖～花之戀亦係我最愛，三文魚配沙律醬夠晒fresh~軟殼蟹手卷係鐵膽，大大隻軟殼蟹炸得香脆，真係好抵食～仲有，日式燉蛋，真係蒸得好嫩滑，入面既蟹柳同冬菇都好鮮味～～灸燒帆立貝大大粒，算唔錯～今次第一次食帆立貝迷你飯，外形幾靚，食落都ok,份量都夠，好多帆立貝～

攞咗張飛之後，等左差唔多20分鐘就可以入內，要掃QR code先可以落order，冇咗用iPad黎落單，叫咗蟹肉蟹膏壽司，明太子薯條，炸蝦卷，筋子壽司，腐皮沙律壽司，蠔壽司，鰻魚壽司🍣等等，頭一輪等左差唔多5分鐘就有嘢食啦，最好食嘅係薯條🍟，嗰個醬好惹味，refill 再一次，好滿足。不過都有黎錯單，好彩啲職員都反應好快，兩個人食咗差唔多$200，13、14碟左右，埋單之後仲可以去儲積分添，依餐幾好食

位於形點商場，相當方便，星期一至五五點半前是下午茶時段，非常划算！五十幾蚊就有一個set,有烏冬、壽司和蒸蛋，再單點我至愛的甜蝦和軟殼蟹，簡直是非常滿足！另外，價錢挺合理的食材也挺新鮮！

突然心思思想食壽司🍣，而附近又得番元氣，我都好耐冇食元氣嫁啦，今日就入去食下啦😂😂😂可能係因爲係平日下午2點幾啦，喺出面迴轉嘅壽司款式唔多，都係得三文魚，蛋，魷魚等等。不過如果你想食都可以向侍應落order嘅。無論係三文魚刺身定壽司都唔好食，好唔新鮮，啲肉好稔patpat，帶子壽司嘅帶子好細舊，都係唔新鮮嘅，好失望嘅一餐😢

晚上，女朋友要去拜年，所以只能在下午，短聚一番。只有，短短數個小時，當然要歎一餐下午茶，正所謂，香港女仔，十個有八個，都不會抗拒日本菜。剛巧新春期間，餐廳大多數都要加收服務費，一些大型連鎖店，反而較少加價。最終選擇了，元朗形點二期的，元氣壽司店。元氣壽司店，由集團經營的大型連鎖店，但我平時非常少食，趁今天，食餐飽。除了一般款式，還有一些新品，亦是今篇的主角。新品是期間限定，大約有九款，當中有三款暫停。另外六款分別是，脆蒜辣味噌鱔魚壽司、平目壽司、凱撤風乾火腿壽司、帆立貝迷李飯、北海道蜜瓜梳打及豬軟骨拉麵。帆立貝有點鯹，豬軟骨拉麵普通，38元只有一小碗，真的較貴。北海道蜜瓜梳打，配上介乎椰子及云尼拿味的雪球，只需20元，夏天飲，會爽一點。另外三款壽司，14元一件，則比較有趣，脆蒜辣味噌鱔魚惹味，平目魚味較重，風乾火腿的咸香，配壽司，味道不差，非常有趣。另外還有一款新品，值得一提，是玉米天婦羅，價錢已忘，但皮薄，玉米香甜，是目前在元氣吃過，最好食的炸物之一。其他壽司，在這篇就不提了，再見！元気寿司 (元朗) 人均:160元 抵玩指數:2-/3地址:元朗元龍街9號形點二期2樓A222-A22

是日初三赤口，我下午要為兼職開工，所以帶咗阿女一家三口食午餐~~~我們用遙距取票，在家中搞掂好出門口行過去等不用5分鐘就有位~~~不過最灰係冇油甘魚食>.<阿女喜歡食元氣的三文魚，但我成日擔心阿女食生野會腸胃不適，所以會點埋熱烏冬當餸俾阿女食~~~牛油果軟殼蟹卷，食落感覺到青瓜味多過牛油果味，寧可叫軟殼蟹手卷辛辣長鰭吞拿魚，沒想到其中一塊夾起會斷開兩件灸燒黑椒蠔，感覺不及平時，但總算ok~~~豬軟骨沖繩風，個豬軟骨好好食，值得叫由於個人覺得唔夠飽，叫多碟吞拿魚壽司，點知呢碟等得比較耐= ="成個午餐感覺OK，如果唔係有部份喜歡的食物，我怕我未必去食~~~

又黎元氣高速線，今次難得下午時間唔駛等位，都幾開心！今期期間限定竟然係四國嘅德島名物入饌，同埋都唔貴，我好鍾意四國，果時去旅行都食咗唔少阿波美雞🤣點左幾款嚟試吓，第一次食鰤魚，都幾肥美，配上酸橘牆油感覺清新。阿波尾雞牛蒡薯餅($17)濃淡得宜；我最鍾意既係照燒風親子軍艦($17)，果個好似桃既野係蛋黃黎！好似食緊親子丼咁🤣。另外當然都有點我最愛既軟殼蟹卷 ，今次試埋味噌左口魚，但我都係鐘意火炙左口魚多d! 順帶一提，今次去到覺得服務好左，好貼心，同埋願意幫忙，讚。

《元気寿司》 #食在元朗📍元朗元龍街9號形點二期2樓A222-A225號舖-又到左元氣壽司新登場嘅期間限定啦 今次主題係德島縣最新鮮嘅產品 即日起至12月19日有得試啦 千祈唔好錯過啦！🔹炸阿波尾雞 $32🔹照燒風親子軍艦 $17阿波尾雞一個用左炸 一個就用黎做壽司 炸嘅比較香口 炸粉亦適中 加小小青檸汁 幾好味軍艦用嘅雞實得黎彈牙 但又幾嫩唔會老 唔錯🔹鰤魚腩配酸橘醬油 $14鰤魚腩肥美甘甜 加埋德島縣嘅酸橘醬油可以提升整體鮮味 🔹鳴門金時甘薯天婦羅🔝 $20即炸甘薯！有兩件 甘薯夠甜好好味👍🏻🔹阿波尾雞牛蒡薯餅 $17薯餅比例做得幾好 味道都適中 好味🔹酸橘梳打 $25食完炸野飲返杯梳打 酸酸地可以中和返 食完嘅炸野完全無罪惡感呀🔹鳴門金時甘薯卷 $25最後食埋個甘薯卷就完滿啦呢餐 薯味好出 愛薯人必試

第一次來呢間嚐試，等了二十個號碼約二十分鐘。原來本店秋季推介的刺身到明天就完結，幸好今天有來，品嚐了豊洲直送的刺身壽司：活赤具，好鮮甜好爽口，新嘢伊佐木壽司，魚的肉質稍為覺得韌咗少少，但覺得油甘魚壽司好食啲，嫩滑得來又好彈牙。海膽軍艦，好甘香清甜，北寄貝又好有光澤，爽口。三文魚湯好夠熱，雖然有些少腥味，但好味，魚肉好滑，湯好鮮甜原味！蟹籽沙律好夠凍！

元氣壽司：期間限定壽司-活赤貝（hk$28)、伊佐木（$14）、秋刀魚（$14）、灸燒黑椒秋刀魚（$14）新登場！終於可以在元氣食到活赤貝喇🤩（貝類控請舉手🙋🏻‍♀️），肉質爽口鮮甜，一件軍艦，一件壽司，大滿足。我未食過伊佐木，貪新鮮又試下，由日本豐洲直送，爽滑清淡。秋刀魚份量慷慨，好長的一條，無論刺身定灸燒，都充滿魚油香👍🏻但講到油之皇者，一定係我最愛既左口魚🤣去親元氣都要會一會佢😍PS 留意番，期間限定到11/11/18咋。-㊙️一個人的晚餐呢晚食自己，選擇了到元氣高速線，可以很自閉的坐bar枱，自己按tab落單，火車就會把壽司送到面前，全程不用跟人溝通，真係好岩一個人食一餐安靜的飯。-Follow my IG : nee.eat.play

今個月 8 號 6:30p.m 左右，我同屋企人去咗元朗形點間元氣壽司食晚飯，順便提早慶祝我嘅生日 帶子食落夠新鮮，上面塊三文魚夠凍，夠新鮮啲蛋食落去好滑，大人細路都啱食。嗰日本來想食「蒜味蜆湯烏冬」，可惜嗰日暫停供應。所以就嗌咗呢碗烏冬食…… 食落去都ok 可以，而且烏冬嘅煙韌度都適中。三文魚頭夠新鮮，個湯濃度適中，保持到水準。壽司外面嘅紫菜夠脆，咬落去口感好好。炸蝦食落去夠脆，絕對唔係「炸定」嘅，只係覺得出面嘅蟹子可以再多少少。食落去口感非常好 同芝士夾埋好好味。食落去係即整嘅，材料新鮮，但係都係嗰句…… 壽司表面嘅蟹子太小，如果可以多少少就更好喇！味道同壽司好夾 😘三文魚嘅厚度適中，份量足夠，外面紫菜夠脆飛魚籽咬落去卜卜聲，夠新鮮，外面紫菜夠脆。

今晚又懶煮晚餐，帶咗阿女去佢至愛的元氣晚餐，在家用電話遙距取票，等了約1.5小時才有位（家中做了家務後出門，還有時間在附近超市購物）高速車最吸引小朋友，沒想到第一轉的食物不用5分鐘就即刻上~~~呢個愛吃三文魚的小朋友仲好乖咁清晒碗烏冬加兩件壽司，真係唔可以睇小佢的食量🤣🤣而我就吃火灸蠔、蝦天婦羅、油甘魚和吞拿魚壽司~~~吞拿魚壽司食落口覺得係在雪櫃剛拿出來的，幾凍吓~~~整體感覺不錯，但等位真的很花時間( ￣▽￣)σ

早排知道元氣會員每個月第一個星期有八折優惠，而且早排媽咪做咗會員，所以決定去試下。誰不知喺出面等位等咗好耐，而且入面根本好多「吉位」，職員都執唔切，好似完全冧曬檔咁。點知等咗個幾鐘， 終於有位喇！入到去，就知原來平嘢冇好……三文魚壽司：輕輕力一夾落去，舊飯就散曬， 平時去食都唔係咁嘅。軟殼蟹卷：表面啲蟹子比平時食少咗好多，入面啲軟殼蟹仲要唔熱嘅。加州小卷：算比較正常。豬軟骨拉麵：味道算幾好，起碼係熱嘅，不過份量太少。軟殼蟹手卷：入面軟殼蟹夠熱，紫菜夠脆。另外……我仲食咗個「蒜香牛油蜆肉湯烏冬」，點知一拎埋黎，完全唔熱而且係凍嘅，後來叫員工幫我換，只係幫我拎入去，去微波爐叮，叮完拎返出嚟。

今個月 11 號，6:30p.m 左右…… 一家人去咗形點間元氣壽司食晚飯，順便同媽咪預祝母親節。味道麻麻地…… 芝士味唔夠，味道還可以，不過唔算太特別，下次唔會再叫佢味道幾好 飛魚籽咬落去「卜卜聲」，好新鮮三文魚咬落去口感幾好，新鮮好味。鰻魚夠厚， 口感非常好帶子燒得好，夾埋壽司飯一齊食，呢個係咁多款壽司黎講我最欣賞嘅，極力推薦，軟殼蟹同紫菜都夠脆，非常新鮮。味道幾好，上菜出嚟嘅時候夠曬凍，材料新鮮，入面材料配搭令到味道好好，下次去值得再叫。同上面個三文魚壽司一樣三文魚都很新鮮， 我每次去元氣都會叫呢個。

嗰日心血來潮…… 見之前未去過食元氣壽司嘅高速線， 所以一家人諗住去試下。去到門口唔使等位，即刻入得去。炙椒黑椒蠔: 味道都可以，價錢算👌三文魚卷: 三文魚新鮮，紫菜食落去夠脆炸蝦卷: 炸蝦非常脆口，夠熱芝士鰻魚卷: 芝士味濃，同壽司夾埋味道非常好。加州小卷: 味道好蒜味牛油蜆湯烏冬: 蒜味濃郁，啲蜆冇沙，非常新鮮，份量足夠。蒲燒鰻魚壽司: 芝士煙肉烏冬: 味道一般，不過試一次之後唔會再食。三文魚刺身: 三文魚夠新鮮，旁邊有啲白蘿蔔絲伴碟。p.s. 整體上嘅食物都非常好，而且高速線列車 設計新穎，適合一家大細去食。