光榮冰室 (厚福街) (已結業)

 已經食過幾次~雞扒非常嫩滑，肥瘦適中而且仲好香口添~而且唔會話有油益味~所以食得啖啖安心雞扒SIZE都好大塊~飯既份量都好~絕對係足料!!薑蔥都非常惹味，真係白飯殺手呀!我仲叫左多豉油添~~更加好味呀!!

<三眼仔蔥油雞扒飯 $55>三隻太陽蛋加勁多蔥油，再加埋特製豉油簡直係完美嘅配搭😍🤤一大塊雞扒切開咗三舊，雞皮煎到好脆，雞肉有啲肉汁，食三隻太陽蛋本身口感就好豐富，再用嚟撈痴住蛋汁加蔥油嘅飯，搞到我哋食到「唔唔聲」，仲好快咁KO咗碟飯😂，食完煲仔飯都未到🤪。<豉汁排骨煲仔飯 $68 加臘腸 $15>新鮮熱辣辣嘅煲仔飯嚟到加咗豉油再冚蓋一陣，再打開嗰陣香味真係好邪惡🤤！排骨份量都算多，仲要佢嘅排骨好高質，唔會係比好細粒又多碎骨嘅你，食落係啖啖肉，好易離骨。臘腸就正正常常，一條切開一半，但都係覺得配煲仔飯必備🤪 最正係飯個part，食落粒粒分明好有米香味，最後食埋一大舊脆卜卜嘅飯焦嚟結尾💯🤤。.👫：雖然座位有啲迫，但絕對係平價又好味之選！秋冬想食煲仔飯又多個好選擇😍

尖沙咀好幾間良心小店都要12/12:30先開門，於是11:30左右我第一次幫襯咗光榮冰室。剛好錯過咗早餐，唯有叫午餐，揀咗openrice好多人讚嘅叉燒炒蛋飯&蔥油雞扒飯，一上枱真係嚇一嚇，因為好大碟，細食嘅女仔記得要叫少飯！叉燒炒蛋飯嘅蛋炒得好滑，又有蛋味，叉燒睇落好似麻麻（我平時鍾意食燶邊肥叉），但食落又唔錯喎，比好多茶餐廳/冰室/連鎖快餐店嘅叉燒好食。試食咗幾啖朋友嘅蔥油雞扒飯，個蔥油真係好好撈飯，好好味，不過應該比較適合喜歡重口味嘅朋友。另外跟咗兩杯凍咖啡，凍飲好似唔駛加錢，但稍為多奶咗啲，正常水準。埋單只係$96，以咁嘅質素同份量嚟講，絕對係超值！

又到每日最煩惱嘅時間 ⋯⋯🥱就係食飯時間啦！！救命呀 完全唔知道要食啲咩呀 🤯咁呀⋯打開個OpenRice搵吓靈感⋯有啲肚餓結果見到呢一間 見到個開心餐都好似幾正喎 但係外賣打電話講個名嘅時候 有少少尷尬 🤭哈哈哈啊 +$2要個凍檸茶走甜5分鐘到落去攞鋪頭都好多人嘅店員聽緊電話 好忙咁喎咁我就見到自己嗰個餐就拎起就比個店員＄全程都冇言語嘅交談哈哈哈 🤪返到黎打開 見到三隻蛋好醒目咁喎 👍🏼都好靚嘅 跟住食雞扒嗰陣時呢 就有少少淋淋地 到食啲飯嘅時候有一啲位就變咗啲糊咁 可能因為太熱啊 個人比較喜歡粒粒分明小小嘅 豉油就係甜甜地嘅食完成個飯之後由於個薑蔥實在太搶fo 所以而家個口仲有浸薑蔥味 哈哈好彩而家戴口罩 😷總結來講下次好肚餓都可以去食嘅 不過我會建議堂食好啲 因為見評論話堂食好食過外賣當然如果你唔怕等嘅話 嘻嘻 bye下次食飯時間再見🤠

光榮冰室係黃嘅聽左好耐，今次終於有機會一試啦，不過食飯時間去人比較多，而且店內位置都唔係好多，所以想懲罰佢就最好就預預時間啦。窩蛋免治牛肉飯$45肉醬多過白飯，肉醬咸味為主，帶少少甜味，撈埋飯一齊食味道啱啱好，雞蛋橙黃色好新鮮，撈埋落肉醬令肉醬更加滑。紅酒牛腩飯$45牛腩炆得好腍好入味，紅酒汁酸酸甜甜好開胃，如果牛腩再啲啲會更好光榮冰室食物質素高質，但覺得份量就少左啲，不過晚餐時間$45又唔算貴。

經常經過光榮冰室都未有機會試到今次終於心血來潮去買個外賣12:36落單, 但係等到12:56先取到餐我張單號係074, 唔明白點解081 既客人可以越過我遲來先上岸的感覺不好受, 我覺得餐廳應該要好好安排出餐次序咁樣對食客好唔公平, 講真大部分人食飯時間都係得1個鐘整體食物都OK, 蔥油好夠多, 好惹味, 雞翼有3隻+1隻太陽蛋淋上甜甜地既豉油, $35連冷熱飲 (外賣+$2) 仲想要求D咩只係等候時間不太愉快, 始終係黃店, 點都會支持一下!!

今日經過尖沙咀嘅厚福街去咗呢間茶記🌟，都人來人往，知道佢有兩款飯好出色，最後揀咗滑蛋叉燒飯，的確好食，成碟食晒👍🏻👍🏻👍🏻佢個滑蛋真係蛋香味好夠而且好滑 睇相你已經睇到佢個蛋汁有幾滑🤤不過常餐個叉燒通粉唔知係咪失手，叉燒同飯嗰款完全唔同，似係浸咗好耐，比較嚡身，而且通粉湯係冇味，普通茶記可能都好食啲，需要改進下，如果大家去食都係食返招牌嗰兩款飯啦可能或者沙嗲牛肉，唔好揀通粉會好食啲掛。杯奶茶都唔錯！

成日都見到好多人試依間冰室，今次同朋友出街諗唔到食咩，就一於試下佢😗我地排隊都排左一陣。🐮沙嗲牛肉滑蛋飯🍳+熱/凍飲🥤（$45）⠀本身想食叉燒滑蛋但賣晒，所以轉左做沙嗲牛肉🌝。炒蛋夠哂滑😗🍳，份量又夠多，同面頭嘅甜豉油好夾😛。牛肉幾香沙嗲味但食落唔會好鹹，不過就嫌沙嗲味唔夠濃同牛肉韌左少少🥺。⠀⠀總結：光榮嘅野食份量都好大碟，尖咀黎講40幾蚊包埋野飲算好抵😋😋如果想食嘅朋友仔記得要早啲去排隊😚⠀⠀

同男友十點幾去到尖沙咀搵早餐食，就去拜訪下呢間黃店茶記～我地叫左個秘製醬油叉燒煎蛋飯少飯，金牌早餐既沙嗲牛肉通粉拼牛油方包同煎雙蛋，熱茶走加一杯熱華田～秘製醬油叉燒煎蛋飯賣相普通，醬油唔係特別香，叉燒唔焦香，不過有脆口既雞蛋同蛋汁搭救，所以ok～沙爹牛肉通好大份，但大部分牛都有啲韌，沙爹唔香沙嗲味，好普通😅牛油方包都唔算軟熟～整體黎講都真係幾普通，但尖沙嘴黎講尚算抵食

之前幫襯過幾次光榮冰室， 啲食物都幾唔錯， 例如佢哋好出名嘅叉燒滑蛋飯， 我亦都試過去你嘅紅酒牛肉飯。 今次想食健康啲， 咁就嗌咗呢個蕃茄滑蛋飯。老老實實， 真係幾失望,， 本來諗住食好啲， 真係估唔到個 番茄蛋飯一啲味都冇， 我本身已經唔係食嘢好濃味嘅人， 但係真係完全冇味咁滯， 係清㗎， 我直情食到一半都食唔落， 我身邊嘅朋友叫我試下落啲鹽， 但係我最後加咗鹽都係覺得唔夠。 淡到好似食白飯咁。 唔知係咪一碟失手定係碟碟都係咁不過講賣相嘅話係好靚， 有啲似日本嘅蛋包飯。 大家如果對番茄蛋飯有研究， 不妨過嚟挑戰下！！！😂😂

今日出嚟尖沙咀整眼睫毛特登早少少出嚟想去光榮冰室食個下午茶先因為上次喺荃灣食實在覺得又平又好食🥰仲要大大碟今次係第一次嚟尖沙咀分店幫襯原來餐牌係唔同荃灣嗰間㗎😆不過都係大件夾抵食叫咗個D餐下午茶原來辛辣麵同出前一丁都唔使加錢😲真係世間罕見😂於是我就叫咗好耐好耐都冇食過嘅辛辣麵先講吓啲叉燒都幾香叉燒味 肉質亦都新鮮茶餐廳來講屬於中上水平至於個辛辣麵好遺憾地當中有三至四條係未煮熟嘅成個麵都係僅僅熟我本身對於硬身嘅麵條都可以接受到但係如果呢個麵可以淥多30秒將嗰幾條麵都煮熟埋就真係完美啦隻炸雞翼非常香脆亦都唔會太油杯凍咖啡亦都好香10分佢哋值9.5分！嗰0.5分就係嗰啲黑色太燶嘅部份🤣 31蚊食到咁多嘢仲要咁高質就算有三條唔熟嘅麵我都係會比99分佢兼且會再嚟幫襯

港式茶餐廳土魷肉餅煲仔飯+臘腸 $83肉餅足料，多土魷有鮮味，成個底都係飯焦，但有少少太燶，臘腸偏瘦，如果肥d更香。整體夠熱夠香。咖喱豬頸肉飯 $45咖喱味香濃，落左好多咖喱粉，撈飯一流，但咖喱份量可以再多d。豬頸肉香口，邊位有d乾，可以再多肉汁d。📍牛腩好搶手，要8點前食先有。📍蛋非常黃色，應該係用左日本蛋。

平日嘅下午去光榮冰室都唔算多人排隊 等一陣就有位 😬我叫左三鰻完蛋飯 鰻魚個份量岩岩好 而且個蛋配左蔥花 幾香幾好食😬而朋友就叫左開心餐 呢個餐係蔥油雞扒飯再加三隻太陽蛋 而甜豉油，蔥油同三個流心蛋黃撈飯真係好正好滿足🤤

我同我女朋友食晚飯， 買咗兩盒外賣返屋企。 佢嗌咗個全日常餐， 所以幅相入面嗰隻炒蛋唔係我個餐， 只係佢食唔晒隻蛋所以擺咗響我盒飯上面。佢嗰個常餐嘅炒蛋份量超大， 而且入口好滑好嫩。 不過佢話個通粉就普普通通。我嗌咗個紅酒牛腩飯， 啲牛肉粒非常入味， 紅蘿蔔同埋蕃茄嘅比例啱啱好， 新鮮熱辣， 個汁用嚟送飯真係一流， 啲牛肉嘅份量都唔少， 我畀咗一粒我女朋友試， 佢平時唔鍾意食牛肉佢都話好食。佢個價錢都公道， 四十幾蚊一個飯， 亦都有包嘢飲。 整體嚟講都係好唔錯嘅間選擇。 大家可以試下幫襯。

今日係尖沙咀工作完同樣去咗指定飯堂開餐！今日第一次叫個三萬完蛋飯！不過見隔離枱遲過我嚟都已經有飯開，但我坐咗十幾分鐘都未有，追問下原來漏咗單，店內有位資深店員Isabel 問我邊個同我落單的，我話係嗰個妹妹，跟住佢同廚房講先做我嗰個飯！而係食飯途中我都有聽到其他食客講落錯咗單同漏單等等嘅問題！而且同樣係嗰個妹妹跟手的，我見嗰位資深店員不但冇責怪嗰個妹妹，仲好有耐性咁教導佢，我覺得自己食緊不只係一個鰻魚蛋飯，仲食到一份人情味！不過個飯的確幾好食的！如果可以多啲汁同個蛋冇咁熟就更加完美啦！香港人加油！❤️💪🏻