光榮冰室 (厚福街) (已結業)

今次呢一個飯我諗應該冇咩人唔知😏😏佢地既滑蛋飯真係長期多人排隊買㗎 果次放lunch去厚福街買 入面已經坐滿咗好多人( ･᷄ὢ･᷅ ) 所以決定外賣返公司食 個外賣都等咗差唔多半個鐘先有 雖然係耐咗少少, 不過唔緊要💛💛💛- - - - - - - - - - - - - - - - - - - - - - - -三萬元蛋飯 價錢$53包埋一杯凍飲呢個價錢都唔算太貴 都有三舊大鰻魚㗎😍啲滑蛋好正 又夠多😋唔會太乾身濕濕地 加埋一啖鰻魚飯同埋淋喺上面嘅鰻魚汁甜甜地超好味一開頭仲以為咁平可能會好難食😏點知比我想像中有驚喜 唔單止滑蛋好味 鰻魚都唔差㗎(◐‿◑)

黎呢到食嘅時候，還沒有二人限聚令，所以兩個人來吃要搭枱，兩人坐一邊，跟對面兩人之間有一塊膠板分隔，會跟對面對上眼👀哈哈。叫了這個名物蔥油雞扒飯，飯量極多，蔥油香到爆，雞扒炸到熱辣辣，邪惡但可以輕鬆食哂d飯！因為蔥油配豉油本身已經很好送飯！雞扒好滑，一d都唔會鞋口！呢個相比起就普通左d，不過茶記嚟講都算係水準以上，茄汁唔係死甜唔算好假，而且洋蔥都比得多，豬扒略顯實左d，呢碟係你可以想像到的味道，無咩特別。$48一碟飯連嘢飲，仲有呢個質素，只好多多幫襯。

路過光榮冰室，平時見好多人等食飯，難得無人排隊，就一條友直入去食。當然，行入舖都要量體溫同埋消毒，圓枱上都有隔板隔住。唔知要咩好，三蛋飯就好似稍為重口少少，就叫左C餐紅酒牛腩飯跟熱檸水（$45）。叫左之後大概兩分鐘黎野飲，五分鐘內上菜，真係茶記速度。紅酒汁正正常常，送飯幾開胃，而牛腩同蘿蔔都燘得幾腍，無骨無剩，用一個匙羹就可以食晒成碟，非常方便。老實講，味道唔係特別出眾，不過呢個價錢，呢個份量，係尖沙咀我相信都算係糧尾之選。

平日所有的光榮冰室都好多人排隊今日難得入到來食環境同平日茶餐廳差不多，好有傳統香港感覺呢到食物種類繁多， 決定唔到既時候唯有check openrice好多人都推薦開心餐（蔥油雞扒飯加三隻太陽蛋），所以決定試試雞皮邊脆，裡面嫩滑多汁， 重點係勁勁勁大塊！太陽蛋平時都係得一隻，呢個飯竟然有三隻！！加上鼓油蔥油都好夠亦超香，最岩我呢d愛撈飯之人其實食到一半已經係非常飽，另外一半就係因為好好食而食完奶茶好不錯茶味濃，奶香滑係尖沙咀應該搵唔到再抵食既餐廳lu

之前晚市有堂食都有幫襯過煲仔飯，但而家得外賣都有叫煲仔飯，仲要今日咁凍添。味道如一，驚喜在外賣都有飯焦。又唔係等好耐。奶茶好飲！！見到外賣都好多人幫襯，加油！！！繼續支持呀！

呢間店長期多人排隊。🙈之前Lunch time黎過兩三次，都坐滿曬人。今次專登早少少過黎。講下個環境先，地方話大吾大。中間會有幾張枱泊埋一齊咁。然後有膠板隔一隔咁。而坐我隔離個阿叔食完個飯就係咁咳。🙄又吾用紙巾遮一遮，一D 衛生意識都無。嚇到坐佢另一邊隔離果對男女即刻走人。🙈講番野食，叫左個開心餐($55)，即係蔥油雞扒飯加三隻太陽蛋。所有野都係即叫即整。鼓油都幾多，特別係飯底個位。個太陽蛋係熱辣辣既，食果陣要小心燙親個嘴。我自己就鍾意將個蛋黃撈飯咁食。個雞扒有成塊面咁大。🤣某D雞皮邊位炸到ok脆。雞肉全熟吾會見到粉紅色。雞肉嫩滑而且多肉汁。蔥油會響雞扒底下，係比較多，成碗都係，但係就非常香口。不過食到底會見到好多油，會食到有D膩。而且我食完成碟飯係非常極度地飽，飽到吾想郁。建議大家可以叫少飯。奶茶就正常奶茶，叫左多奶，真係有多奶到既。😂店員態度普通，正常茶記既態度。

光榮冰室📍尖沙咀💛💛💛💛💛黃色經濟圈💛💛💛💛💛新上品光榮煲仔飯🤩🌟- - - - - - - - - - - - - - - - - - - - - - - - - 🌟光榮嘅叉燒炒蛋飯就食得多煲仔飯真係第一次😋等左大半個鐘🤣 即叫即做！飯焦大大片，又香又脆🤤 係一煲好嘅煲仔飯👍🏻肉片份曬勁多！ 夠曬軟熟！岩曬呢個星期咁凍去食☺️滑蛋叉燒飯，份量多，蛋夠滑，蛋汁滿滿的！叉燒夠林，價錢公道👍🏻👍🏻👍🏻

其實光榮冰室我已經食過好多次，不過今次好似係第一次寫報告。當日行到去厚福街嗰頭，見到光榮冰室咁啱冇乜人排隊，諗都冇諗即刻行咗去，平日條人龍都至少有五六個人，坐低咗冇耐之後就見到出邊開始有人排隊。同平時一樣，我都係嗌蔥油雞扒飯，不過今日想食邪惡少少，於是問侍應可唔可以多蔥油，佢話ok。介紹返個餐牌，其實仲有好多好食嘅嘢，例如佢個叉蛋飯都好正，不過我都係鐘意雞扒飯多啲。介紹埋今日個主角，塊雞皮煎到好脆，加埋雞肉啲肉汁同埋蔥油甜豉油，簡直係絕配。光榮真係性價比高，$48就有碟咁正嘅一餐。

尖沙咀厚福街食肆臨立，經過疫情洗禮，好多餐廳結業，亦有部分街鋪重新樹立新招牌。事過境遷，「光榮冰室」仍然屹立，午餐時分餐廳門外仍然人頭湧湧。平日中午時間到達餐廳，等候嘅時間比想像中少，門口嘅人多數等緊外賣，所以好快入座。店舖面積唔大，大概有30個座位，裝修光猛。餐廳供應常餐、三文治多士、飯類意粉等常見品種；全日快餐有6款選擇，定價$48，仲有嘢飲添，凍飲仲唔使加錢，現今香港少見 😮疫情期間，餐廳推出三款外賣優惠飯盒，今日選擇有：蕃茄炒蛋飯、粟米肉粒飯，同埋太陽蛋雞中翼飯，$30-$35不等，性價比高 👍平時食開「開心浩園餐」，個名好特別呢 😏 即係招牌「蔥油雞扒飯」，加三隻脆邊太陽蛋，兩樣有齊最開心 🤤 由於今朝早餐食咗雙蛋，午餐唔食蛋lu~怕膽固醇過高 🙊「蔥油雞扒飯，多蔥油，走色啊，唔該！」=========================◊ 蔥油雞扒飯 $48 雞扒一個字，正！雞扒好似碟咁大塊，雞皮金黃色，煎得啱啱好，肉質嫩滑 juicy，切開時仲有肉汁流出～將蔥油拌入碟中白飯，辛香嘅蔥花、清爽辛辣嘅薑蓉，鹹鹹香香好送飯，對於熱愛薑蓉嘅人嚟講，薑蓉先係主角！😂==========

喺尖東番工，平時會同飯腳行過去厚福街果頭食飯，每日都會見到光榮冰室門外有長長嘅人龍等堂食。我每星期都至少食一次光榮，因為我特別鐘愛光榮嘅叉燒滑蛋/三眼仔叉燒飯。 今日又黎到光榮，先介紹下光榮嘅裝修，牆身喺簡約冰室裝修。從前嘅光榮，所有階磚都會被客人色彩繽紛嘅memo貼上鼓勵香港人嘅語句。現在嘅光榮就再冇辦法容下呢啲語句啦。樓面方面，次次都係老闆娘帶住幾個年青人，幾個年青人次次都唔同，可能因為次次午餐時間都做唔切「冧檔」。餐牌基本上次次一樣 ：1. 蔥油雞扒飯2. 梅菜扣肉飯3. 蕃茄炒蛋飯4. 叉燒滑蛋飯5. 咖哩牛腩飯6. 粟米肉粒飯 長情嘅我梗係次次叫番一樣=========================叉燒滑蛋飯（配熱/凍飲）$48 炒蛋每一次嘅品質都有保證，滑蛋夠嫩絕對唔會過熟。叉燒比較瘦，我就係鐘情「瘦叉」！雖然瘦但唔會硬，而且淋身，好食！最重要係光榮嘅豉油汁，咸甜比例調教得岩岩好，既帶出叉燒嘅甜味，又帶出蛋嘅香味，一絕！ 長期午市「冧檔」，雖然會令等位時間/等食物長左，落錯單，但係我依然會每星期幫襯香港人嘅冰室，光榮！光榮冰室📍尖沙咀厚福街5-6號地下6號舖

原本諗住食煲仔飯，點知見到咁多人叫三眼仔，我都唔執輸😂，即刻轉軚叫左個三眼仔豬扒飯。黎到比佢嚇一嚇😨⋯⋯咁巨大嘅😨，好彩叫左佢少飯！抬左好耐先抬到塊豬扒出黎比相機食😂另外仲有窮人恩物：外賣飯盒$30仲送凍飲😱。月尾一定要黎食返幾餐🤣🤣至於堂食全日餐都係$48包嘢飲🤩餐廳都好乾淨，位置又方便，食完飯仲可以shopping😝👏🏻，實在不錯下次真係要試佢個煲仔飯😂，應該唔會又比隔離轉移我視線掛😂😂

終於試到呢間高質嘅良心食肆，每次見到都大排長龍，好彩係七點到達，過多10幾分鐘都已經排緊隊。餐廳環境衛生、光線充足，有做好限聚令嘅要求，令食客食得放心。由於款款都好吸引，所以嗌左佢哋其中一樣熱門菜式—滑蛋叉燒飯😋滑蛋叉燒飯（$48）+熱檸水（$free） 等餐時間5-10分鐘，上枱估唔到係咁大碟😂眼前嘅份量震懾到眼球，叉燒都5塊以上，滑蛋鋪滿整個飯面，係睇唔到啲飯😂😍食晒啲飯，蛋同叉燒都仲未食晒。第一次有呢個情況出現😂，呢個價錢簡直抵到爛。 味道方面亦唔錯，叉燒唔會太瘦，雖然食到係雪藏豬但係入得口嗰種。滑蛋炒得好靚，用全蛋去炒而唔係溝咗麵粉/水之類，用真材實料，食到雞蛋嘅香味😋😚。豉油提昇咗成個飯嘅層次，佢用咗甜豉油，淋上飯同雞蛋🥚，甜豉油唔會搶走本身食材嘅味道，反而令人想繼續食因為冇咁單調同乾身。份量太多我就食唔晒，對男士來講係足夠有餘。 仲附送免費熱飲，$50都唔洗嘅餐你仲想點？🤤🤤當我離開嘅時候，外面等侯的人已經排到隔離鋪，有機會會再食！

四五點行過厚福街，見到平時門口排滿晒人嘅光榮竟然有位，於是就入去試吓。入到去，班侍應企曬喺最入面，就咁睇佢哋應該唔係做緊嘢。但我哋企左門口差唔多3分鐘先有人發現我哋。揀好咗嘢食之後我哋想落單，舉手舉咗好耐都冇人理我哋，到有人發現我哋想嗌嘢食嘅時候佢又唔係走過來我哋張枱度幫我哋落單喎，而係隔住兩張枱嘅距離問我哋要食乜😂講返啲食物，好快有得食，個蛋好滑，叉燒嘅份量都唔少，但實在太多豉油喇，食食下覺得好鹹，食咗一半就放棄。跟餐杯凍檸茶我明明冇嗌少甜，但冇茶味亦都冇甜味。😅

《 唔 伏 氣 》對滑蛋叉燒情有獨鍾，鐘意到可以日日都食滑蛋叉燒飯添呀！見有人話光榮嘅滑蛋叉燒飯好正喎，我心諗：「唔係掛⋯光榮嘅嘢大部份都係伏黎，話OK 啲人平時食開咩架⋯」抱住試伏嘅心態去到光榮到試滑蛋叉燒飯。咦，點知又真係幾得喎。蛋無過熟之餘仲要係滑蛋，用黎撈飯一流👏叉燒雖然瘦肉偏多但口感唔會嚡，配上滑蛋帶出叉燒蜜汁甜味。而豉油汁相信係最吸引人嘅地方，一個好嘅豉油汁其實唔易，鹹同甜嘅比例要拿捏得好好。而今次食到嘅豉油汁就合格啦，甜味可以帶出叉燒嘅蜜味，鹹味可以為滑蛋調味，為滑蛋叉燒飯加分不少！總括黎講，雖然飯量偏少，但光榮嘅滑蛋叉燒飯都值得一試。但其他野試唔試好就⋯⋯你諗你啦～😥

在附近工作完！過咗五點半，有點餓，門口見仲有茶餐便嗱嗱臨入去食但可能我哋叫嘅唔係熱門嘢所以味道唔係想像中好下午茶餐～乾炒牛肉意（$43）～炒得夠鑊氣！份量都算OK!但太咸下午茶餐～炸雞🍗+薯角（$31）～即炸