光榮冰室 (厚福街) (已結業)

蔥油雞扒飯 $49（跟飲品）一上枱就見到個雞扒非常之厚身，大塊的，肉質都嫩滑，啖啖肉，但一部分煎得燶咗啲，周邊位食落有啲乾身佢配合個蔥油一齊撈飯食都幾香口惹味嘅，送飯一流，雖然熱量爆棚，好邪惡呀，間唔中一次就由佢啦，雞扒底下嘅飯量十足，細食嘅女仔可以兩人Share一碟都夠飽此外佢另外有一款係多3隻蛋，俗稱3眼仔🤣🤣眼見都唔少叫架尖沙咀厚福街分店環境間局比較擠逼，多數都要搭枱先有位坐，四周多少有啲碰撞少不了

午飯前時段和內人到場，睇完餐牌諗住落單，舉手叫年青伙記，對方望到似會前來落單但沒有再行前繼續大聲吹水，可能吹水既職責大於幫客人落單唔緊要，於是叫年紀大一點應懂輕重的人落單，該員工/老闆企離我哋枱6米左右於落單機前”為”我們落單，落一個早餐雪菜肉絲米及午餐，話聽唔到，一個正常做餐飲業樓面員工/老闆，是否應該要行埋去顧客枱面落單而不是要顧客力竭聲嘶地落單？好的，你們成功趕客，基本禮貌欠缺，祝貴餐廳生意興隆

每次去親尖沙咀食快飯都諗起光榮冰室，今次都唔例外。Lunch time門外填完資料一入去就有位，一個人食飯既好處🤣次次食都唔需要諗，三蛋蔥油雞扒飯+熱咖啡👍🏻一上到枱三眼仔嚇親我，每次都好懊惱點先可以食得曬呢？

瓦煲煲仔飯推介指數 ❤️❤️❤️❤️❤️尖沙咀嘅厚福街可以講係口福街！街仔短短，已經幾十間食肆，有茶餐廳、素食、日式丼、韓式、台式等，總有一間岩心水嘅！以前冬天會塊去打邊爐食煲仔飯，而家基本上一年365日都食到啦！已經唔係第一次去光榮食煲仔飯，相比起其他店同自製嘅，哩度嘅煲仔飯有飯焦又脆又唔會太燶！無飯焦點算係煲仔飯？窩蛋牛肉煲仔飯 HKD72即叫即製、新鮮熱辣、生雞蛋另外俾你自己打！總結：-食物 ❤️❤️❤️❤️🤍環境 ❤️❤️❤️❤️🤍服務 ❤️❤️❤️❤️❤️.··餐廳：光榮冰室 (厚福街) (尖沙咀)地址：尖沙咀厚福街5-6號地下6號鋪

厚福街可以話係尖沙咀嘅食街，短短一條街仔擁有各式各樣的餐廳，今日就去快食個 #光榮冰室 。普通茶餐廳格局，全部餐牌可以喺牆上見到，夠直接又好方便。見到外面有煲仔飯餐牌，款式眾多，包括：臘味、油鴨髀、排骨、肉餅等等，總有一款適合口味。窩蛋牛肉煲仔飯 $72需要等一段時間，好肚餓的話唔可以叫。熱騰騰上桌，附上一隻生雞蛋畀你自己打落去，牛肉份量算多，亦都好滑又唔會無哂牛肉味。打完隻蛋撈兩撈就熟哂，仲有好多飯焦，豉油成樽上，鍾意落幾多就幾好，整體嚟講都好食。開心餐 $55即係蔥油雞扒飯加3隻蛋，三隻蛋好壯觀，蔥油都好香，不過雞扒有少少鹹，但喺尖沙咀$55連嘢飲，真係無得輸。凍檸茶堂食以外，仲有優惠外賣飯盒，番茄炒蛋飯、粟米肉粒飯、太陽蛋雞中翼飯都只係$31起，平呀！

上次我光顧「尖沙咀」「厚福街」分店「光榮冰室」，都已經是一年之前。當時我一時大意，忘記享用「尖沙咀」分店「光榮冰室」廚房會製造的「煲仔飯」，時間一過，就已經到了夏天，感覺不是食煲仔飯的理想時機。到了今次光顧「厚福街」分店「光榮冰室」，適逢「香港」農曆新年剛剛已經過去了，但是實際上「香港」天氣卻仍然算是有少許寒冷，我發現我有時出街還有穿着外套，從而防止感冒。天氣仍然有少許寒冷，令我忽然興致勃勃，很想嘗試一下「尖沙咀」分店「光榮冰室」廚房師傅製作的「煲仔飯」食品，於是我先看看「尖沙咀」「光榮冰室」拿提供什麼「煲仔飯」食品。結果我發現「尖沙咀」分店「光榮冰室」現場製作的「豬肉」材料「煲仔飯」食品裡面，包括有「排骨煲仔飯」、「肉餅煲仔飯」還有「臘味煲仔飯」，「肉餅煲仔飯」還有三款口味讓食客選擇。至於「光榮冰室」剩下的「煲仔飯」食品方面，剩下的「煲仔飯」包括有「牛肉煲仔飯」，「牛肉煲仔飯」裡面的「牛肉」包括有「鮮牛肉煲仔飯」跟「窩蛋牛肉煲仔飯」，始終不像「牛腩飯」那麼有吸引我的能力。所以我今次在「厚福街」分店「光榮冰室」裡面，選擇享用由有骨雞件作為主要餸菜食材的「紅棗滑雞煲仔飯」，配港幣十二元的

終於食到啦！今次仲要唔洗等位，可能係平日又唔係happy friday嘅關係上次係荃灣想食但被星期六嘅人龍嚇走咗，今次就梗係試吓話題之作，爆茜肥牛煲仔麵，同馳名嘅沙嗲牛肉煲仔麵煲仔麵都係即叫即整，睇住佢逐個瓦煲慢慢滾，真係好有心機，所以上菜速度會慢少少爆茜肥牛煲仔麵滿到瀉嘅莞茜鋪面超有驚喜，不過湯底略淡無咩味，肥牛吸收唔到湯汁，公仔麵煮得太焾，整體略為失色沙嗲牛肉煲仔麵一上枱就見到仲滾緊嘅沙嗲湯汁，加埋隻窩蛋，睇到人流晒口水，湯汁入口濃郁，食落有淡淡花生香，牛肉好多塊幾足料，不過公仔麵都係煮得太焾，口感爭啲啲，但整體都好惹味如果可以將爆茜同沙嗲牛肉合體，咁就無敵！以咁街坊嘅價錢嚟講，性價比高，十分抵食，推薦👍下次一定要試埋叉燒滑蛋飯同埋開心餐❤️

尖沙咀📍抵食茶餐廳之選💛咁岩撞正office hour lunch time🥲派咗一陣隊先有位 睇嚟依間都係唔少上班族之選🤤Menu方面主要都係扒飯為主 大件夾抵食👍🏿幾大食都唔使驚食唔飽🤟🏻XO醬叉燒滑蛋飯 $50 - 包一杯嘢飲本身就知道佢份量係會比較多 所以特登少飯咗 點知個份量依然係好多😂😂想像唔到如果唔叫少飯嘅話會有幾多真係超足料！比左勁多雞蛋 好嫩💛下面收埋晒啲叉燒😚 XO醬辣得來幾過癮仲有啲甜甜地嘅豉油一齊食 送飯一流🤤反而叉燒我覺得麻麻地 有啲硬 不過可以接受 嘢飲係凍熱同價 Very nice!食物：👍🏿👍🏿 👍🏿環境：👍🏿👍🏿👍🏿價錢：💰服務：👍🏿👍🏿👍🏿性價比：👍🏿👍🏿👍🏿👍🏿*滿分=👍🏿👍🏿👍🏿👍🏿👍🏿*

已經食過三四次，次次都係食唔晒同埋超滿足。每次你食都係食飯果一個，開心餐三隻雞蛋同埋嗰個蔥油雞扒真係好好食，超級滿足。三隻雞蛋仲要係流心仲有啲豉油蔥油去撈埋啲飯一齊食，簡直係極品。之前試過外賣叫開心餐拎走食，水準都keep到，而且真係好大份女仔一個應該食唔晒可以兩個人share一份再叫一個小食。仲要有良心又大份好食，真係不枉我次次去尖沙咀都食光榮冰室見到我朋友食叉燒炒蛋飯都好似好正，個滑蛋好似炒得好高質，希望下次去到唔會又比開心餐吸引着。

晚市重開的第一餐，好多嘢都想食，煲仔飯、沙牛麵⋯⋯之前睇「沙嗲牛肉麵關注組」，有幾多人推介過「光榮冰室」，咁啱佢又有煲仔飯，加上呢度唔駛嘟安心碼，填資料就得，所以就敲定目的地。坐低好快就點左餐，不過想要的鹹魚肉餅飯因為賣晒肉餅（只係8點左右），而改食豉汁排骨。先來的係常餐（$45），有牛油多士、火腿煎雙蛋、叉燒湯意粉同飲品，我轉左沙嗲牛肉同要丁麵（免費轉）。沙嗲牛肉分量都唔少，有差不多十塊，好腍，只係一兩塊有啲筋，沙嗲都好濃郁，少少甜，如果辣辣地會好啲，花生味都有少少。丁麵唔駛多講一定好食，不過因為個湯濃味掩蓋左沙嗲香，下次應該叫普通麵試真啲。至於個煎蛋雖然有燶邊，但都係太乾。煲仔飯落單後要差不多等半個鐘先上枱，豉汁排骨煲仔飯（$68）大概有十舊排骨，有豉汁香但唔鹹，排骨亦唔會乾柴，另加臘腸（$15），油潤下飯。甜豉油唔錯，飯焦香脆，燶度剛好。坐低咁耐，不斷聽到好多嘢售罄，除左我個肉餅冇，食客A叫叉燒蛋飯，侍應「叉燒賣晒喎」；B叫蔥油雞扒飯，「雞扒賣晒」；C叫橙茶，「賣晒喇」，好似聽緊麥兜同伙記對話咁。所以有心食的最好都係早點來。

⚠️💛🧡⛑🚃香港美食➡️尖沙咀雖然很怕排隊，但原來午市等位也不算慢，本來想來試試沙鍋沙嗲牛麵，可惜晚市才有，只好先吃別的🐔🐣 開心浩園餐 $55超大塊葱油雞扒配上3隻太陽蛋，少飯也吃不完呀，除了份量大，味道也絕不欺場，蛋黃有蛋香，蛋白邊邊十分香脆，雞扒肉嫩多汁，外皮被煎脆，另外我很喜歡吃軟飯，再拌上蛋黃、葱油，送飯真是一流呀🐮🍞 常餐 $45沙嗲牛肉麵正常發揮，麵質完全熟透，牛肉入味軟腍，不會過度醃製，炒蛋達到我老豆的水平 (即是很高🤣)，多士外脆，裡面鬆軟，如果可以加上肥仔牛油更佳

街坊系列 – 光榮冰室💛由運動到抗疫🥺不論係支持手足定係抗疫物資😷光榮都係盡心盡力💯值得懲罰💸------------------------------環境: 可以用簡單黎形容🛠️充滿70年代茶記既風格💈卡位,圓枱,圓椅,白光墱🪑無華而不實既裝潢👑但有濃濃復古風味------------------------------食物: 蔥油鴛鴦扒飯連凍檸茶 ($43)不得不提😱光榮既格價絕對係破天荒今時今日租金無上限既年代😓不出50蚊可以食到一個有肉既飯😭再加凍飲🥤可以話係夫復可求😍而且味道亦升合格🍗雞扒保持肉汁豬扒稍乾🐷蔥油非常出色🍚白飯稍濕依家呢個環境下🤔相信呢個價錢真係為唔少香港人減輕不小負擔🤗------------------------------服務: 相信過於忙碌既關係😫即使堂食人數有限🥡但眼見外賣停不了店員真係要幾忙有幾忙😵相對服務係差小小🤝互相體諒吧------------------------------環境: 5.5 /10食物: 6 /10服務: 5 /10地址: 尖沙咀厚福街5-6號地下6號鋪人均消費: $ 40 - $ 60

🇭🇰💛光榮冰室之前都出過好多次post 講佢地既滑蛋叉燒飯🍛🤤🤤成日回頭再食今次👩🏻👧🏻去TST店堂食依舊冇失準終於影到張似樣D既相再出一次🤣過一排冇黎店入邊都換左唔少新血已經好少見有年青人做茶記part time見到佢地傻下傻下咁幾可愛👶🏻👶🏻😂🍛滑蛋叉燒飯 (💰$48)‼️必食想講佢係👩🏻👧🏻食過最正既滑蛋叉燒飯‼️沒有之一其實食左咁多次都唔明點解可以咁大份堂食份量更是誇張😰😰好似食極都仲有飯 仲有蛋 仲有叉燒...蛋係超滑🍳叉燒唔肥唔瘦🥓唔會好韌 而且係冇渣👍🏻👍🏻另外仲勁鐘意佢地個豉油😍😍 多數都會叫多豉油 甜甜地🤤🤤咁就一定可以食得哂D飯

出尖沙咀有兩場活動，中間有段空檔決定近近地係厚福街搵野食。呢條街真係尖沙咀最集中最多好野食既地方，短短一條街仔已經有十幾樣又睇得又食得既良心舖。正值下午茶時段，光榮冰室條隊終於冇咁長喇，等左兩張枱就有位嘻嘻。下午茶餐由廿幾蚊到四十幾蚊都有，叫左生炸雞髀配沙律，一份配薯角，另外一份常餐。生炸雞髀係冇落粉，就咁成隻髀落油鑊炸架，所以保留到雞入面既水份，食落啲肉好嫰仲好Juicy，而且勁大隻，我食唔晒最後都係比埋人清左佢哈哈。奶茶都唔錯，茶記水準。最鍾意呢度既裝潢，應該話係冇咩裝修，好Raw既Feel，所有餐牌都近乎係用一種男仔字手寫，好有canteen feel好得意。

早起的鳥兒有早餐吃🍴💛之前介紹過光榮冰室嘅下午茶同正餐今日就同大家介紹下早餐啦，比起連鎖真係平好多！麵食嘅話有雙併麵餐或者單餸加炒蛋多士（多士宜家要加$1先有烘底）麵條都有好多選擇，烏冬、辛辣麵同出前一丁都唔洗加錢🤩👧🏻小編最鍾意食沙嗲牛肉，大大份又惹味光榮早餐就可以揀豬扒/ 雞扒/ 吉列豬扒/ 魚柳個餐仲有茄汁焗豆、炒滑蛋、腸仔、薯餅同牛油方包間唔中食翻個港式嘅all day breakfast都唔錯㗎☀️光榮冰室嘅早餐由朝早7點提供到11點半！想食嘅就記得早啲起身啦⋯⋯·雙併麵餐 $29金牌早餐 $33光榮早餐 $37蕃茄薯仔排骨粒通粉 $22