入素

营业中

休息中

噚日(4-3-2022 Fri)返公司做嘢,由於放工會買凍肉,唔想拎太多嘢,所以唔帶飯,睇吓呢頭有咩嘢食?上次幫趁土瓜灣（九鳥）砌時(食評係2022年2月14日刊登嘅呢篇: https://www.openrice.com/zh/hongkong/review/yeah-%E5%B9%BD%E9%BB%98%E6%9C%89%E8%87%AA%E9%81%B8%E6%AC%8A-e4324490),知道石門呢喥都有間,咁幫趁呢間?但我又唔想唔環保,要拎嘢返屋企,都係唔買外賣住,再睇睇京瑞有邊間嘢,我記得有間叫入素,於是睇吓,有素海南雞飯,叉燒....就決定嚟呢間.我早啲出嚟食,未有客人,就坐低睇menu,心大心細𠻹,最後決定要$68.00嘅日式海鮮漢堡,$18.00追加桂花叉燒,店員問我飲咩嘢?有花茶同汽水,我答花茶.等咗一陣,日式海鮮漢堡到嚟,配咗沙律同薯條,睇見件漢堡好似燶咗,唔理喇,食咗先.芝麻漢堡包幾脆,白色呢舊應該係素帶子,之後有素蝦,同再有一件素帶子,都算彈口;件漢堡就冇乜問題.味道:4分沙律同薯條都正常冇問題.味道:4分桂花叉燒呢,外面脆口,味道唔太濃.味道:2.8分重有

對上一次入石門食入素已經係夏天嘅事了,仲諗住下次黎可能可以唔洗戴口罩出街,但情況好似仲差過夏天大家都要保重身體,有健康身體先做到大贏家今日專登又入左石門食入素,食啲上次無食過嘅野主食揀左燒汁海鮮飯蔬菜食得出好新鮮,賣生菜一定要夠新鮮,入素嘅生菜質素相當唔錯餐湯清淡得黎有淡淡香味,我幾鐘意佢至於小食拼盤就唔洗講,一次過滿足曬我嘅願望,即使已經食過好多唔同牌子嘅素肉,但總係鐘意試新素野試完覺得相當滿意,樣樣都岩我口味希望每間我所愛嘅餐廳都能夠撐住呢個艱難嘅時期

之前係石門學瑜珈，成日都黎食，基本上我覺得樣樣都好食🤣。平時最鐘意食素海南雞飯，今次就想試下其他未食過既。叫左個咖喱安格斯牛肉飯，跟餐會送一碗香菇湯同一杯野飲，我就飲開玫瑰蕎麥茶。個咖喱汁甜甜地，走日式風格。安格斯牛肉食落去就唔太似beyond meat或者impossible meat，呢款偏軟身d，同埋食到少少大豆味，無兩隻常見素牛肉既「肉味」。配菜係薯條同番薯條，炸到熱辣辣，好好味。但飯再配上薯條真係太多澱粉質，食唔哂，建議配菜改成蔬菜，會清新啲同營養均衡啲。

石門冇乜素食，我諗呢間可能係唯一間，好彩質素都唔差姐。之前食過一次，今次係特登去試吓個海南雞飯。手功海南雞飯呢個好似係招牌嚟，啲飯係黃姜飯，所以冇雞油飯咁油膩。咁多隻醬汁之中，我覺得配姜蓉最正，佢啲姜蓉磨到好油幼好香。塊海南雞係豆製品，腐皮味道。但係佢塊皮唔係好OK，塊皮似係澱粉製品但冇咩味，所以之後我都冇再食。其他評價：呢個係間小店嚟，坐得有啲迫，不過我覺得佢嘅質素都唔差。當日個飯仲配咗個香菇素湯，都好好飲。

以前有一排係沙田返工但就未開入素 ，無係沙田返工之後就開左入素成日見到有人share入素嘅食物相已經覺得好吸引，但平時又唔會入石門，今日專程黎試入素餐廳座位唔多，要等一等位職員態度好好，有笑容又有禮貌食物種類多，本身仲想嗌個麵試，但驚食唔曬，最後同朋友一人嗌一個飯咖喱吉列豬扒飯$65（午市）咖喱汁味道似葡汁，豬扒薯條蕃薯條炸得脆卜卜，🍚有咬口手功海南雞飯配油飯 $69 （午市）有三款醬汁任點，素海南雞外表幾可亂真，食落就似素鴨，雞皮彈牙我地share黎試，我就鐘意咖喱吉列豬扒飯多啲，朋友就鐘意手功海南雞飯配油飯多啲估唔到餐廳細細但食物賣相會咁精緻價錢又抵

第一次寫食評, 第一次同心心媽媽食全素。Any肥, 行咗成個石門揾嘢食, 原本無打算食尼間, 因為我同心心媽媽都係食肉獸, 但見到個餐牌上面啲食物真係做到真係肉咁就好有興趣試下。叫咗兩樣嘢, 口水雞, 沙嗲牛肉烏冬,  同安格斯牛肉漢堡同兩串羊肉串 口水雞口水汁味道都幾口水, 啲雞肉真係好雞樣, 但一食就知係腐皮。我叫沙爹牛肉烏冬餐包一碟口水菜, 一杯可口可肥仔水/花茶。 聽C朗建議要飲水, 所以我同心心媽媽一人叫咗一罐肥仔水。講返個烏冬, 湯水顏色非常瑩光, 飲第一啖有好重麻香, 似芝麻香多過花生, 唔好理顏色, 以無落肉嘅前提下做到咁嘅味係利害嘅。 牛肉應該都係豆樣製品, 而行爽口嘅口感。個湯就越飲越淡, 可能因為入面太多椰菜, 出水溝淡咗。烏冬係正常烏冬, 但唔係好掛汁。口水菜我無點食, 我食菜敏感, 食咗會發ti騰。心心媽媽叫嘅安格斯牛肉漢堡, 跟雙色薯條and 少少綠色嘅物體同一罐快樂肥仔水。包都幾實, 唔係空氣包, 但衰在無焗/煎下。塊patty嘅味道完全係靠啲醬, 完全零汁零juicy感。雙色薯條不過不失。沙爹羊基本上同大陸幾蚊包嘅素羊肉差唔多, 分別只係佢賣既基本上有炸

食素菜最好玩嘅地方在於唔知自己食緊乜 今日媽媽放假，難得撞正我得閒，佢就提議黎呢間食，我當然贊成啦，石門真係好地方嚟💛我地叫咗四喜烤麩餐，包埋燕麥飯、一碗魚球湯同蕎麥花茶。仲叫咗個口水雞、口水三鮮。四喜烤麩好入味好好食，好快就俾我同媽媽掃哂魚球湯份量都幾多吓，湯好清無負擔不過個燕麥飯就有少少失望，我仲以為係類似糙米飯嘅煮法，原來只係白飯再加啲燕麥喺上面。口水汁好惹味，不知不覺又掃哂成碟！素雞肉原來係用腐竹整嘅，不過仲係未食得出雞皮係用咩整平日唔食雞皮嘅我今次終於可以食晒佢喇

「入素」舖頭細細，好有家庭feel。set lunch 同set dinner 差大概$15-$20。我哋喺OpenRice 訂咗位，好方便•『台南牛肉薑湯配擔擔醬拌麵』$69牛肉湯好有驚喜！湯有香濃嘅藥材味、好多片嘅素牛片、配以薑絲同木耳。由於藥材味香濃，所以薑味唔明顯；擔擔醬拌麵，麵質比較淋，同有陣陣花生味味道：💛💛💛💛🖤•『四喜烤麩、魚球湯、燕麥飯』$79聽到有3、4枱都有點烤麩。岀面食嘅烤麩比較多汁，哩度嘅比較乾食，配埋原味腰果同少少木耳，個組合有味同口感之餘又唔漏；魚球湯就相對好清淡，有粟米、木耳、豆卜同娃娃菜；一重一輕口味，不錯！味道：💛💛💛🖤🖤•蕎麥花茶（跟餐）有原個茶包放入小杯，味道清香，只沖一次有少少可惜。•📍 入素 (沙田)沙田石門安群街3號京瑞廣場1期2樓237號舖

成日都係唔同群組見到石門黃店林立，由小食甜品茶飲到中西日台泰既主食都有，絕對可以好好咁照顧附近居民既需要，今日有幸行山終點就係石門，可以大飽口福行咗好幾間餐廳後就選定食素，當作清一清腸胃。門口就幾企理，街坊小店格局，貼有不少文宣打開餐牌都見到選擇多多，而且仲有標明適合蛋奶素或者純素，想食咩國菜都可以滿足到，今晚就揀咗食新加坡菜🤤喇沙海鮮湯配擔擔醬拌麵喇沙海鮮湯色澤已經好靚，同一般喇沙湯相比可能只係少咗d紅油，但飲落都好有海鮮味同小小辛辣，幾過癮🤣入面既料同好充足，素魷魚片非常爽口，素八爪魚腳幾彈口，兩款料既口感都有差異，好用心。唯一美中不足既係豆卜係成舊放落去煮，吸唔到惹味湯汁🙈擔擔醬拌麵既靈魂就係花生碎，雖然睇落唔多，但拌勻時都可以拌得好均勻😋每啖都有濃香擔擔味。 桂花叉燒外表同叉燒好一致，但同平時齋鋪所見到既硬實實齋叉燒唔同，外皮係酥脆可口😍有油炸鬼既感覺，非常好食食完之後同老闆閒談，除咗讚賞出品之外，我仲建議佢試下將豆卜完全出水後切成兩半再放入湯，咁會更好融入材料既長處。老闆聽完都話會同主廚傾下，好虛心求進步。老闆仲特登送多咗粒新研發既梅子車厘茄我試☺️食落好甜好自然，唔覺得酸，佢

好耐都無食素啦， 堂食限聚令亦可以開放至4人，所以一定要約朋友出街食下飯。 今日試下一d 新派素食， 就連一向食素嘅朋友都話想試試， 當中的套餐有包一碗素湯及飲品 最好食- 叉燒小食中的叉燒， 唔會太甜。 一定要試海南雞飯但可能唔慣食素， 咬到雞皮， 感覺有啲怪怪的， 但雞肉就ok 推介- 白汁和咖喱吉列豬扒飯豬扒咬口都ok , 亦都脆口。 白汁亦都唔會太cream.推介喇沙海鮮湯- 喇沙湯底中的海鮮味做非常真實。 亦都味道濃厚。 讚👍🏻可以令一些對海鮮敏感的朋友， 像幻想自己食緊真正海鮮喇沙， 令佢地讚不絕口

入素一直都係我嘅懲罰名單入面, 今日終於有時間嚟試🙃個海南雞飯啲海南雞遠睇好似, 近睇仲似🧐雞皮用類似蝦餃皮做, 雞肉就素雞feel, 口感ok. 佢嗰三隻醬我覺得甜醬同海南雞係最match😌不過個黃薑飯味道偏淡, 可以重口味少少. 安格斯牛肉漢堡都好好味, 重點係塊用新豬肉同紅菜頭汁做嘅漢堡扒, 食落口感唔會好實但又唔會易散開👍🏻 桂花叉燒同羊肉串每樣加多$18就有, 叉燒大大碟, 同羊肉串一樣味道幾真, 無豆味☺️.#手工海南雞飯($69)#安格斯牛肉漢堡(蛋奶素) ($78)

同朋友食個生日飯，因為就佢住得近加自己茹素就試下呢間，順便懲罰少有嘅素食黃店。地方都唔算難搵，石門站隔離就係，舖頭唔大間，好彩book定唔駛等，夠鐘都係啱啱有枱。嗌咗個海南雞飯，串燒拼盤同埋四喜烤麩餐，大概等咗10分鐘左右出齊晒，個人最驚喜始終都係雞飯，當然唔排除係茹素太耐冇食過雞飯有啲掛住。但上菜嗰陣真係好像真，雞皮係蝦餃皮質地，仲特登拮左啲窿仔睇落再似啲，雞肉就係豆製品，不過都有少少似雞胸咁嘅層次。至於佢配埋三個醬好正，好多雞飯都未必配齊，個人覺得最好食係黑醬油，其他都正常，不過中間嘅醬就唔係配泰式辣醬，係自調嘅甜酸醬。配菜有唔少沙律菜，略嫌麻醬味太濃。至於個飯就黃薑飯嚟嘅，食落薑味幾重，上面加左啲燕麥片又幾得意，不過唔太夠熱，飯就唔爛嘅，ok，食雞後飲埋湯消一消滯都幾好，香菇粟米湯幾清新。其餘兩個略略講下，烤麩個顏色都幾深色，但食落冇想像咁鹹，反而個冬菇幾淋，成件事都好索味。跟餐有埋素魚丸湯同白飯，我就覺得個丸太淋，唔係好食得出咩嚟。串燒就有沙嗲素牛串同素雞串，春卷，薯條同好似麥樂雞嘅野，其實炸芋餅嚟。牛串比較好食，雞串就比較明顯似豆製品，蕃薯條同薯條佢就俾甜酸醬，但個人覺得茄汁


第四波又嚟料 志氣高嘅我地唔想收$5000💩
梗係叫外賣啦！石門嘅入素有純素有蛋奶🌱
仲要聯合國Option 重要喺懲罰名單上面！
.
🐟喇沙海鮮湯配擔擔醬拌麵（蛋奶）
本身個麵撈埋個醬都好好食😂
再加埋啲湯落去有啲微辣幾吊味
入面都有唔少素蝦/魷魚～足料架🤙🏻
.
🍢小食 蕃薯條＋麻醬秋葵＋咖哩汁手抓餅
外賣大忌係會快凍 所以啲蕃薯條已經淋左🥺～
不過都食到甜薯味道😂但都建議堂食
秋葵就係健康仔必食💚
手抓餅亦係永冇Fail嘅野食～～點乜都好食🤙🏻
.有啲我地介紹過所以輕輕一提啦！
海南雞飯真係必叫😎食落就知甘香～
如果雞飯太多不妨食小食口水雞 小食多滋味🤘🏻🤘🏻🤘🏻
.味: 7.5/10飽: 9/10抵: 8/10
.📍入素
沙田石門安群街3號京瑞廣場1期2樓237號舖Shop 237, 2/F, Kings Wing Plaza 1, 3 On Kwan Street, Shek Mun, Sha Tin.我素食師👩🏻‍🍳將會繼續同大家跑素 搵盡全港甚至世界各地既美味素比大家.

早排入素好受歡迎，奈何因為地點對我黎講唔太方便，所有一直想試但未去過。餐廳內所有食品都不含五辛，餐牌上亦有清楚標明純素或蛋奶素。手工海南雞飯 配油飯，香菇素湯 ($ 69/ 午市；$79/ 晚市)我相信手工海南雞飯應該係每個人黎入素嘅必點菜式。呢到嘅海南雞應該係自家制，同外面買到嘅急凍素油雞唔同，佢像真度超高，表面嘅雞皮類似蒟蒻，而雞肉就用上腐皮去做，咬開一半黎睇，腐皮嘅紋理同真嘅雞肉好似。油飯食落好香薑味，醬汁有薑蓉同甜醬，中間嘅甜醬係甜得黎帶有輕微嘅辣味，好好食。我覺得香菇素湯超好飲，鹹鹹哋，入面有幾片雞髀菇同粟米粒。素蟹粉烏冬 配素魚球湯 ($79/ 午市；$89/ 晚市)素蟹粉應該係用鹹蛋黃黎做，表面再鋪上素蟹柳絲。素魚球湯嘅湯底同香菇素湯一樣。

二零二零年十一月一日晚上六時黎到石門京瑞廣場2期1樓入素屯門線石門站 一出就係 好方便舖仔細細, 由兩位男士任廚師同外場疫情下先探熱後入座手功海南雞飯 油飯 香菇素湯$79 雞件外表好似真雞但食落就唔太似雞 係腐皮油飯可以再咸小小顏色就夠 份量都夠薑蔥油 甜醬油手工制作 好有誠意台灣薑湯牛肉撈麵撈麵好彈牙薑湯好入味牛肉好似真咁有木耳 藥材味 飲極都仲想飲入素小食拼盤$65素牛串燒 雞軟骨串燒 春卷 薯餅 薯條 蕃薯條熱辣辣地上菜新興小店素食 大家要多多支持