兩姊妹涼皮有限公司 (黑布街)

营业中

休息中

熱辣辣嘅天氣食涼皮係無得輸嘅好鍾意食完個嘴麻麻地唔食得辣嘅可以choose bb level搬咗新鋪地點方便 最緊要有堂食如果可以出加手撕雞涼皮會更開心一個人食好難咩都order曬🥲

平時有食開兩姊妹涼皮，之前柏樹街質素好好，選擇又多。今日滿心歡喜買外賣返屋企食，少咗好多選擇揀之餘，食物質素也差了。叫咗涼皮，加一份豌豆，好可惜豌豆味道益了🥹影響晒成碗涼皮嘅味道，希望貴公司可以檢視一下食品質素，太失望了。

還記得第一次吃兩姊妹的涼皮, 是在街邊吃, 因為本店沒有堂食的設定, 就是真的有街頭小食的風味. 在逆市中能開到四五間分店, 除了是實力的表現, 以及米芝蓮的加持外, 也是一個很冒險的舉動, 畢竟最近聽到從事飲食業的朋友, 資金鏈斷裂的情況也相當嚴重. 要在這比預期對飲食業更為惡劣的環境堅持下去, 真的不易, 希望繼續努力. 說到食物水準, 依然相當不錯, 特別是涼皮的煙靭以及醬料的麻和辣度平衡, 最重要是不用擔心吃完之後會有什麼腸胃問題, 雖然北上吃麻辣很過癮, 但對於食物特別是麻辣醬料及湯底的處理, 有時真的不敢恭維. 這裏的蒜泥白肉也很吸引, 特別是蒜蓉的手工和自然辛香, 配以肥瘦均勻的腩肉, 絕對不比川菜餐廳失禮.

兩姊妹涼皮有限公司 (旺角)Happy Friday 想跟朋友聚聚就叫朋友推介食店然後朋友推介了得到米芝蓮推介的兩姊妹涼皮有限公司我們去了上年年尾開的旺角店晚上7:30左右去到意外地不用排隊可以直接入食店食店為先點餐後入座形式付款方式只接受現金及八達通建議先選好菜式才進食店菜式可以選擇辣度：走辣/BB辣/微辣/小辣/中辣/香香大辣 +$2我們不太食到辣所以下面三款都選了BB辣但食落BB辣是名符其實的BB級數下次可以選擇微辣/小辣招牌兩姊妹涼皮 $33-裡面有秘製辣椒醋、青瓜絲、芫荽、豌豆、花生粉 非常足料 招牌涼皮厚度適中，又爽又滑 而且涼涼地，非常適合悶熱的天氣時食用 青瓜木耳口水雞 （跟皮/麵 +$30）-口水雞肉質嫩滑 木耳亦都爽脆 撒上芝麻就更香口紅油小雲吞12粒 $40-小雲吞細細粒易於入口 配上BB辣級紅油 仲配上生菜無糖赤小豆薏仁去濕茶 （加購 +$14 單價 $20）-無糖去濕又可以排毒！必飲！兩姊妹涼皮有限公司 (旺角)旺角黑布街99號地舖

兩個Combo：招牌兩姊妹涼皮 + 暖笠笠涼皮，配口水雞同埋椒麻雞，人均都係$6x🤩本身諗住涼皮如果熱上會無咁好食，點知一冷一熱各有滋味，都好鬼好食，好鍾意Q彈嘅口感。本身碗涼皮已經有青瓜絲、芫茜、花生等配菜㗎啦，唔洗加配料都得。而口水雞同椒麻雞兩個小菜我覺得比涼皮更出色，好夾！注意呢間嘅BB辣比譚仔十小辣弱，鍾意食辣嘅朋友可以試下大膽叫得更辣。我覺得會好似譚仔咁不斷encore呢間，good good good

上年暑假番香港已經想去朝聖，一唸起要排隊，仲要身水身汗企響街邊食，難度滿分啦😝 今次番去見佢搬咗去旺角新舖有堂食，終於可以坐低慢慢嘆👍 粉皮QQ嫩滑，秘制辣醋bb級都幾麻辣，配料有青瓜絲、芫荽、豌豆同花生碎，一個人食曬都幾飽架💯  平日一早去等開門就唔洗排隊啦✌️Bib Gourmand Award Twins Liangpi has elevated the Sichuan street food cold-style skin noodles to a whole new level. Authentic ingredients and flavours, the best liangpi you can get in Hong Kong! Go early to avoid standing and waiting in the heat. 

微辣兩姊妹涼皮👯‍♀️第一次品嚐涼皮，涼皮的口感非常滑溜溜，但與某些評價所述的Q彈、有彈牙的口感稍有不同，更接近雞絲粉皮的質地，只是外表轉成像粗河粉的東西。外賣到辦公室時並沒有使涼皮變成熱皮。至於醬汁，感覺味道稍微淡一些，儘管底部有很多醬汁，但涼皮本身並不掛汁，因此整體口感稍顯平淡。或許在品嚐涼皮的過程中，會一路都預期著我會一直飲用醬汁🤔？這點我不太確定。但即使單獨飲一點醬汁，我也會略嫌它甜酸鹹味用來拌凉皮是不太足夠的。本人不太能吃辣，這微辣的程度不算太辣。配料中的青瓜絲讓人感覺相當健康，在夏天食用時帶來清新感。個人而言其實這涼皮沒有什麼出色的地方，不知道為什麼有米芝蓮推介，整碗涼皮中我最喜歡只有上面的豌豆。

太子得外賣嗰陣食過，唔太覺兜野食得飽，但只系好中意D脆豆。今次黎試佢堂食，一入門口睇D枱系分左兩邊對牆，所以你幾多人黎都系對牆食，尼個位扣扣地分，覺得可以中間擺D二/四人位。一入去有D迷惘，無人serve，收銀只系講左句堂食要比左錢先。餐牌都系嗌完野食、比完錢先自己發現到系邊。中意寬粉既我，尼碗涼皮好合格，夠爽夠彈牙，就算冇料但都好味、好夠飽。話明椒麻，對我黎講系辣，但又上癮。可能因為辣完又食凍既涼皮可以舒緩度，所以好啱做小食！

之前開係太子嘅時候都一直好想試，不過未有機會。而家開咗去旺角，終於有機會試一試。🥡兩姊妹涼皮 ($33)+ 木耳（$7）+ 豌豆（$7）+ 牛草肚（$13）＋微辣由於嗰日天氣比較凍，後悔冇叫到熱皮。不過朋友就叫咗熱辣辣嘅擔擔面平衡返。如果唔係就真係凍到震。由於涼皮好凍，所以我都唔係覺得特別好食。涼皮我覺得都稍稍淋左d。比較鐘意食冇咁淋咁涼皮。餸黎講，豌豆炸到好脆口，牛肚都幾淋。湯汁調味唔錯，幾開胃。🍜極品擔擔麵($38)+ 多多青瓜絲 （$7)+溫泉蛋（$7)+一份雞肉（$10)+走辣原來本身都有青瓜絲，早知唔使叫青瓜絲。然後口水雞又有好多青瓜。😆比較鐘意食擔擔麵，個醬調得幾平衡。🐔脆瓜口水雞（$28)＋走辣口水雞唔鞋口。值得一提，店員態度親切。有機會都會再試下熱皮。

休息咗一個長時間🤫，係時候繼續也米覓食之旅啦🙈，今日去咗旺角嘅兩姊妹涼皮有限公司，主打食四川風味嘅涼皮，係連續兩年，分別係2023年和2024年，入選米芝連必比登推介名單！而也米😍今次係第一次食，一早已經聽過朋友介紹，特別期待🤩！去到餐廳，要先係接待處購買餐點，然後再係店員安排嘅位置前方掛上號碼牌。-🍴招牌兩姊妹涼皮($33) + 牛柏葉(+$13)既然係招牌，當然要試吓啦！🤭食物係坐低無耐就嚟到，涼皮配有芫荽、蔥、青瓜絲🥒、花生碎🥜、豌豆同芝麻。涼皮晶瑩剔透，仲好滑身，食落清涼，加上各種配料同特製辣椒醋🌶️，酸酸辣辣，好開胃！可以想像到夏天食簡直一流🤤！

涼皮一定要order! 酸辣味非常平衡，涼皮有咬口，再加上青瓜絲同芫荽，絕對增加層次感！加咗個口水雞小食，啲雞又軟又滑，配爽口青瓜，一絕！👍另外叫咗個熱食擔擔麵，原本都幾好食，但係俾啲涼皮比下去！🤣

由以前佢未有堂食店 仲係太子做外賣 我已經會企喺佢舖頭出面食 到而家終於有得坐 梗係要多多支持 ≖‿≖ 可能食嗰時已經開咗幾個月 同埋7點前去到 等咗一張枱 已經可以入坐 ✎ 招牌兩姊妹涼皮 微辣加配牛柏葉hk$33 + hk$13佢同出面食開嘅好唔同 唔係有口感煙韌個種 反而係q滑q滑 type 可以一淡sir入口 又夠冰凍 調味酸辣兼備墊底又有好多青瓜絲 有清新既感覺 會越食越上癮 但又唔會太有負擔 再加埋花生碎同芫荽 令粉皮更有層次牛柏葉就size正好 唔需要驚咬太耐都咬唔爛 而且薄切仲易入味 每次都必點✎極品檐檐撈麵 微辣加配櫻花蝦 hk$38 + hk$10相比粉皮 撈麵就比較普通 軟硬適中 唔係一夾就斷既至於櫻花蝦就唔推薦 因為太細粒 唔係好食到 亦都冇令到撈麵更加有味 反正比撈麵本身既酸辣味遮蓋左☞ FatFat之分: 8/10♥ 價錢唔算特別平 但如果一個人喺旺角 想食辣味嘅嘢 佢一定係不二之選 聽聞遲啲會開到入中環 港島區既朋友都有機會可以試~Ps 唔算好食得辣 我覺得微辣已經足夠 一路食已經好想飲水(´∀`)📍 兩姊妹涼皮有限公司 (旺角)旺角黑布街99號地舖

下午𝟙點左右去食 𝓵𝓾𝓷𝓬𝓱時間 唔洗排隊就食得 可能多數人都係外賣掛要點左食物先可以入坐 ⤩ ⤪ ⤭ ⤮ 𝒪𝓇𝒹𝑒𝓇 ⤱ ⤲ ⤯ ⤰ 赤小豆薏仁去濕茶 加購$𝟙𝟛雖然已經點左𝖇𝖇辣 但係怕辣都係叫定飲品好啲 除左去濕之外 仲可以去水腫 (✪ω✪)適合我呢個每日都話要減肥既人 赤小豆薏仁去濕茶係樽裝 飲唔曬都可以攞返屋企 ୧(﹒︠ᴗ﹒︡)୨再浸泡過 可以飲到佢盡招牌兩姊妹涼皮 bb辣$𝟛𝟛加肥腸$𝟙𝟛個湯汁有酸有辣 有些少甜 凍凍地好開胃 ど⁰̷̴͈꒨⁰̷̴͈う最後我飲曬啲湯 如果個湯多啲最更加滿足啦$𝟙𝟛黎講 個肥腸算多 個涼皮好大條 食既時候好爽好𝓺彈 ヾ(*´∀ ˋ*)ﾉ配料都算多 不過如果男仔食一定唔夠飽( ˘•ω•˘ )啲位有啲迫 無位擺袋 店員好好比多張櫈我擺野 但要擺係後面(¯―¯٥)

一向都鍾意食兩姊妹嘅擔擔麵，反而涼皮我就麻麻，一向都唔太鍾意爽滑嘅口感，涼粉啫喱通通怕怕。佢個擔擔麵味道係我食過數一數二，但始終喺太子果時得外賣，買到返屋企啲麵會變成一pat，企喺舖旁食又多車要食塵。搬咗嚟旺角舖之後，都起碼食咗六七次，每次都係食佢個擔擔麵，味道次次都一樣好味。有堂食之後，我覺得佢哋嘅擔擔麵再升咗lv，每次隻碗出到嚟都係辣手，食到尾果撮麵都仲係熱嘅，佢哋應該有慶過隻碗？🤯🤯平時食成百蚊碗拉麵，師傅烚過隻碗我覺得係理所當然，但哩度碗麵先賣梗三十幾蚊，店主都肯注重哩個些微細節，可見佢對出品都頗執著。個個都踩香港飲食業，話要北上消費，我偏偏鍾意留港繼續發掘小店，有心做嘅小店當然要多多支持。哩間嘢除咗食物好之後，店員都好熱心同有禮貌，見我有個背囊會主動俾張櫈我擺袋。今時今日，去邊度搵？

一向都好中意食重慶涼皮。而主打道地的重慶涼皮既兩姊妹涼皮對我黎講係唔夠正宗既。首先，涼皮不是米皮><，而係好滑好滑既東北涼皮極其滑嫩，我諗仲要係改良版，木薯粉/綠豆粉比例同出面都有D唔同。我就麻麻地E個口感，本身以為佢係正宗。我地叫左一碗辣、一碗唔辣。反而唔辣個碗好食少少。鹹魚青菜各有所愛，或許我們只需嘗試一次，就能對這種涼皮有所了解。無論是喜歡還是不喜歡，至少我們敢於嘗試新的食物。但我諗試一次就好了。